2
價錢只係百幾蚊，平時一個意粉百幾蚊唔係特別平，但呢度係IFC，俾個四四正正嘅環境你食西餐，呢個價係超值。
個包硬到食左1/4件就叫人收左佢
凱薩沙律，有雞肉同冇雞肉爭十蚊，梗係要有肉。份量都幾多，雞肉唔算柴皮，咬落至少係軟嘅。菜就都係咁上下，好就好在dressing唔多，唔會好膩。
茄香燒虎蝦手製紐紋粉，又真係幾濃蕃茄味，手製紐紋粉質感會較厚身煙靭，都幾唔錯，蝦都有好幾隻，一隻虎蝦特別大啲啲，用料還可以。
蛋糕好似係加$35，朱古力香蕉撻，唔算特別出色。
食物質素中規中矩，但埋單唔到$400咁仲有咩好挑剔？喺IFC食個漢堡包快餐都百幾，呢度環境唔差，選擇都幾多，性價比非常高，即使味道3星都俾個好評😋
