上去坐低見到個menu真係得啖笑，說好的$48係個米紙卷😒最平嗰個小食$38，不如索性寫$38添啦... 完全有被騙嘅感覺。anyway一場嚟到都照嗌架啦
呢個老撾牛肉100%全米湯粉，賣相又幾吸引，牛肉都仲見係半生熟，牛丸有兩粒，仲有個豆卜、各樣配菜。
米粉質地幼滑，但個湯係完全冇味，水咁樣，唔夾埋啲芫萎熟蒜一齊食係完全入唔到口，牛肉都滑架，但又係完全冇味，牛肉連少少肉味都冇到底係點做到？？求其打邊爐一塊白恰嘅肥牛都濃味過佢😩
新張期內送熱飲，不過熱飲又值幾多錢丫，$78加埋一要$86，$86食碗咁嘅粉我可以話係幾離譜。再貴啲嘅牛肉河我都食過，人地貴得嚟俾返相對質素嘅食品，再比較埋裝修環境，睇埋個餐牌設計，點睇都係小本經營，但價錢同人地裝修得勁靚勁dum本嗰啲睇齊，個人認為完全唔值🤧
