十款果撻&批可選擇，花多撩亂，樣樣都想食！$208+10%可揀三件撻同埋兩款飲品，價錢合理。
先來一件雜果撻，水果唔算特別甜，用料一般，厚厚吉士就幾香滑好味嘅，批底都好正路，收貨。
Tiramisu撻，唔係好甜好濃味，質地挺身，雖然偏離傳統tiramisu嘅質感，但我個人嚟講係覺得咁樣仲好食😆
Banoffee pie，呢個最豐富，係香蕉+拖肥，生果嚟講其實香蕉嘅品質比較穩定，好少食到香蕉會覺得難食，批底同撻底有少少唔同，呢個似消化餅碎加牛油，咸咸地嘅，個人會最鍾意呢一款，如果佢係香蕉咖啡可能仲好食😛
友人點左個latte，拉花都幾好
和紅茶，可能係泡耐左，有啲苦澀味，另外茶具都好唔吸引，飲茶用隻咁厚嘅杯好似茶餐廳飲熱檸茶咁...
Overall嚟講我覺得唔貴，味道都比一般餅店好，下午悠悠閒閒傾下計食少少野係ok。
