MrBig's Profile

餐廳轉造型，由之前嘅西班牙x四川fusion菜，轉咗做而家一間餐廳，兩個廚房，一家大細都可以食到心頭好，完全解決「阿爸想飲湯，細路想鋸扒」嘅煩惱！ 西餐保留原名Siete Ocho，中餐命名啟福樓，由前文苑飯莊(米芝蓮推介)班底主理中菜廚房！ 中餐亮點：文苑飯莊班底👨🍳 師傅來頭**：中菜部由 **前文苑飯莊團隊主理，保留傳統粵菜功架之餘，加入新派元素，絕對唔係普通酒店中菜！ 🍽️ 商務午餐（2位用）實試頭盤驚喜 - 七味金磚炸豆腐：外脆內嫩，豆香濃郁，灑上七味粉微微辛香，好過癮！ - 九層塔青檸車厘茄：車厘茄爆汁清甜，泰式青檸+九層塔提鮮，醒胃！ - 是日老火靚湯 - 姬松茸燉雞湯，湯色清澈但味道濃郁，飲得出冇落味精- 主菜重點評 - 油雞縱菌法邊豆爆蝦球（+$50） ➤ 蝦球爽彈到「嗒嗒聲」，雞縱菌香氣霸道，法邊豆脆嫩，鑊氣十足！ - 金銀蒜茄子蒸蟲草花星斑球（+$88) ➤ 斑球蒸得剛好嫩滑，蒜香滲透魚肉，蟲草花增加口感，老饕必點！ - 上湯杞子蒜子白菜仔 菜心嫩無渣，上湯清甜，簡單見功夫。 ✅ 中餐總結： 「文苑飯莊」粉絲一定會認得嗰種傳統粵菜風味，尤其蒸魚同老火湯功力深厚，加錢升級海鮮主菜絕對值得！ ---西餐體驗：酒店級扒房水準**👦👧 小朋友至愛** - 🥩 烤封門柳（8oz）配薯條（$308） ➤ 叫咗Medium，肉質軟嫩帶嚼勁，牛味濃郁，薯條即炸脆卜卜！ ✅ 西餐總結： 雖然中菜更搶鏡，但西餐絕非陪跑，封門柳質素拍得住專門扒房！ 最尾仲試咗佢哋新出嘅特飲：Tiramisu Delight - 濃濃咖啡香MilkshakeChurros Paradise - 冇咖啡因，適合小朋友，一定鍾意…Read More

位於黃竹坑酒店The Arca 3樓，呢間餐廳環境簡約舒適，坐低即有種relax嘅感覺！特別推介佢嘅巨型室外座位區，寵物友善，帶毛孩一齊嚟玩都ok；如果怕熱，室內位一樣歡迎寵物入座！💕性價比超高！Brunch menu $108-$168 已包咖啡/茶，+$30 仲有湯或頭盤，+$18 又有甜品，實在抵食！🍴 我哋點咗：• Chef’s Pick: 柑橘醃製三文魚，配上柑橘汁提味同dill ranch醬，鮮嫩juicy，開胃一流！• Tuna Tataki Salad: 吞拿魚tataki配鵪鶉蛋、醃蘿蔔、French beans，yuzu vinaigrette同蔥油提鮮，清新又開胃！• Truffle Wild Mushroom Soup: 黑松露野菌湯，濃郁香濃，溫暖到心！🍽️ Main Course 推介:• Abalone Isoyaki Handmade Pasta: 鮑魚同魚子醬多到爆，仲有海膽汁Creamy到不得了，絕對要試！• Kabayaki Halibut Fillet: 日式甜醬汁配煎得香脆嘅魚皮，伴碟蓮藕蝦三文治更是驚喜，超級美味！• Grilled US Angus Prime Striploin: 我哋upgrade咗ribeye (+$100)，肉質嫩滑，燒得完美，食肉之選！🍰 甜品:• NY Cheesecake: 濃郁又唔膩，細細嚿正正好！• Brownie: 朱古力香濃，份量適中，食完唔會太滯，完美ending！食完好飽好滿足，環境同食物都值得一試！…Read More

以前做第一份工時成日飛大陸，喺外地工作之餘最多嘅收穫，除咗識到朋友外，就係食到好多唔同地方嘅地道美食。雲南菜最深刻嘅印象，就係用料非常新鮮，多姿多彩又有層次，今日喺香港都可以搵返嗰份味道，感覺好窩心。本地也能品味雲南地道風情今次北京樓嘅京淮菜系列，特別選用咗30種雲南珍稀食材，將雲南特色與傳統京味融合，每一道菜都充滿心思，令人好似重遊大陸咁，回味無窮。必試特色菜式推介1. 鮮天麻皺皮椒醬炒蝦球最吸引我嘅係「鮮天麻皺皮椒醬炒蝦球」。雲南嘅鮮天麻一向有益健康，昔日是獻給乾隆皇帝的貢品。具有止頭痛，健腦、明目，降血糖作用，加上獨特的皺皮椒，微辣同時帶點清香，配搭鮮蝦球，食落去真係有層次，一啖辣一啖鮮，非常醒胃。師傅用左自家京式醬汁，更加突出咗兩地精髓。2. 玫瑰蜜汁宣威火方呢道菜用咗被譽為中國三大名火腿之一嘅宣威火腿，香而不膩。火腿配合玫瑰蜜汁煮成，鹹中帶甜，咬落去油香四溢，食完仲有陣陣玫瑰花香，非常特別。3. 油雞樅菌拌鮮鮑魚冷盤方面，鮮天麻從雲南引入，加鮑魚同雞樅菌一齊食，味道層次豐富，菌香突出，口感爽脆兼柔嫩，幾有驚喜。4. 雲南酸湯湖濱珍珠靈感來自雲南酸辣湯，除咗豆腐同鮮蝦，仲加入咗啲雞頭米(又名芡實，常用藥材之一，有補中益氣的功效), 軟糯帶嚼勁，食落酸辣開胃，好適合夏天。5. 酥皮鮮花餅最後必試甜品「酥皮鮮花餅」，雲南最具特色的甜品, 選用雲南高原玫瑰花醬，再加少少檸檬汁提升層次，入口酸酸甜甜，仲有微鹹香。花醬濃郁，每一啖都散發幸福滋味。整體用餐感受成個用餐體驗都好似帶我返到雲南一樣，無論係食材選用，定還原地道味道，都感受到主廚團隊嘅用心。環境、擺盤都突出咗雲南風情，無論同家人定朋友嚟都好開心。令我諗返起以前喺大陸周圍食地道小菜、大家圍埋分享故事嘅感覺。宜家喺香港都可以食到咁正宗嘅雲南菜，真係幸福。#高原珍饈宴彩雲南 #美心中菜 #雲南直送 #珍稀食材 #CraftsmanSpirit #YunnanCuisine #DirectFromYunnan #Maxims…Read More

去咗Lobby Lounge試呢個魚子醬下午茶，成個體驗幾舒服。開場已經有杯Jasmine Chocolate welcome drink，香滑得嚟飲落有層次，超香，感覺好warm up。食物部分，最期待都係魚子醬拼盤，同埋啲鹹點，好似crab meat croustade、tuna tartare都唔錯，調味唔會太搶魚子醬味，配埋麵包、小配料食得幾開心。甜品有啲幾特別，好似栗子蘋果蛋糕同黑森林杯(勁正)感覺清新唔膩。Scone都夠鬆化，配返clotted cream搽果醬，聊聊天好快就清晒。最實用係兩個鐘可以任refill茶同咖啡，好啱慢慢坐。整體唔係花巧型，但食材有心思，環境夠靜，啱朋友傾計hea住慢慢嘆下午茶。…Read More

中環 SoHo 有正野。米芝蓮主廚 Franckelie Laloum 開設既餐廳 ，環境法式Bistro，服務周到有溫度，仲有兩張戶外座位，下午茶時間嚟飲杯咖啡，食個pastry都有feel間餐廳唔算大，但設計得好講究。法式既優雅風格融合咗香港既簡約，光係靠擺設同燈光已經可以。服務生既英文同廣東話都好掂，對菜式既介紹詳盡又唔會有壓迫感，好返來同朋友傾計、慶祝既好去處。前菜 Tartare de boeuf (+HK$88)呢個係我食過最靚既他他！新鮮牛柳手工切製，加埋味噌芥末、香蔥、酸豆、乾蔥同坎波特胡椒。味噌芥末既創新手法將呢道法式經典重新演繹，咸、鮮、香、辣層次分明，一啖入口各種風味層層爆發。肉質新鮮到震撼，絕對係肉食客既終極夢想。建議一定要加！Grenouilles本地市場採購既新鮮田雞腿，經香草、蒜頭同黑胡椒醃整晚，再用橄欖油香煎至香脆。最絕既係淋上香芹蒜蓉牛油（beurre d'escargot），再用檸檬汁點綴。咬落去肉質細嫩到會溶，香氣誘人，法式既精緻風味完全表現出黎，一試難忘。**主菜 Joue de boeuf和牛面頰係呢間餐廳既另一個驚喜！選用上乘和牛面頰肉，用紅酒慢火燉煮足三小時，燉到入口即化，肉質軟到掉渣，風味濃郁到會滑出嚟。配埋自家製 Fettuccini 意粉，意粉吸收咗紅酒醬既精華，又滑又香，完全係法式溫暖既代表作。呢道菜似乎簡單，但廚房既功夫一百蚊百試：火候、醬汁、配菜都要完美配合先得。Poisson選用質地細緻既是日魚柳，煎至金黃香脆，配搭由橄欖油、醃檸檬、塔加斯卡橄欖、松子、蕃茄、羅勒同青蔥調製既 vierge 醬。呢個醬汁清新中見深度，提升咗魚既鮮美風味而唔會蓋過魚本身既香氣。配菜係香料茄子蓉同火箭菜沙律，整體口感明亮又富層次。魚肉火候掌握得剛剛好，係想食得清淡啲既朋友既好選擇。特別推介Poulet Jaune（招牌菜） 呢道菜講究得標鬼級數。選用元朗本地黃油雞，整個製作過程由即日起計足足要四日時間。第一日醃製整晚入味，第二日用鹽水同香草煲足 24 個鐘，第三日風乾超過 24 個鐘去除多餘水份，直到第四日先至在客人下單後焗 50 分鐘。咁樣既工序，用廣東菜既講法就係「一啖即化」——外皮金黃脆到掉渣，內裡肉質鮮嫩多汁，配埋用大量雞骨熬足一整日既雞汁，鮮香到不得了。呢個菜式係呢間餐廳既靈魂，必點中既必點！甜點Saint Honore法式甜點既代表作無誤！脆到會掉渣既塔皮，淋上滑到不得了既卡士達醬，再砌上一粒粒閃閃發亮既焦糖泡芙。每一層都有驚喜，咬落去香、脆、滑、甜各種質感層層疊疊，完美詮釋咩叫「法式優雅」。呢個甜點絕對係呢間餐廳既招牌，必點！Chocolate Tarte朱古力控既天堂。濃郁既朱古力慕絲配上香脆既塔皮，中間夾著滑順既朱古力甘納許（ganache）。一啖入口，朱古力既香氣完全爆發，濃郁到會融化，但又唔會膩，因為有適量既酸度去平衡。咬落去層層有驚喜，質感豐富到令人印象深刻。朱古力愛好者必點！LALA 既特色係每日都有新菜式上檯(Entrees du Joir / Plats du jour)晚餐套餐 HK$888/位起，午餐套餐 HK$358/位起。以份量、用料同出品質量黎講，價錢係合理既。特別係午餐套餐，可以食到主廚既招牌菜式，質素完全唔縮水。…Read More

JW Cafe 有落地大玻璃，坐得舒舒服服～空間感滿分，唔會逼到肩碰肩。冷盤一開始已經超有驚喜，麵包蟹、波士頓龍蝦、大蝦、蟹鉗、加拿大蟹腳**齊晒陣，全部新鮮到閃光✨。魚生部分仲勁正，甜蝦同油甘魚必食，今日仲有特別供應嘅日本牛鰍魚刺身同鯖花魚，入口即化～ 熱盤就更加誇張： - 燴花膠扒厚切到誇張，每啖都啖啖膠質 - 燴南非鮑魚海參用料超實在，海參大得嚇人 - 柚皮炆鵝掌、佛跳牆、乳鴿、片皮鴨、厚切肉眼扒都唔可以miss 平時自助餐少見嘅乳鴿都有，成個水準等於單點餐廳級😋 其他熱盤仲有：蒸龍躉、西安油潑扇貝、蝦天婦羅、避風塘炒蝦、燒羊架、牛油扒大蝦，全部都啱我口味～ 甜品zone真係女仔天堂💗 強烈推薦Chocolate Lava Cake同Apple Crumble，加埋Haagen-Dazs 雲呢拿雪糕簡直神仙combo！ 整體嚟講JW Cafe嘅菜色真係應有盡有，由海鮮到熱盤再到甜品，每一樣都見到誠意，用料講究、質素穩定，CP值極高～ 官網預訂，平日有八折，週末有八五折節後平日$655 ，週末$730…Read More

呢間餐廳四人餐好抵食，同枱人全部滿意而回。頭盤幾款都有水準，最驚喜係beef tartare，做法夠傳統、味道乾淨利落，喺香港唔係間間有得食；白酒青口亦好開胃，汁香兼鮮味爆發，會不自覺一隻接一隻。法式田螺同南瓜湯就屬正常發揮，穩陣之選。主菜我哋揀咗油封鴨腿、烤鯛魚、烤牛柳。當晚MVP一定係烤牛柳，火候啱啱好，入口超tender，肉汁同香氣都到位。鯛魚外脆內嫩，皮香而且冇overcook，食落有驚喜；油封鴨腿就係小朋友心水，皮脆肉香，幾啱一家大細share。甜品方面配合粉紅十月，有款粉紅草莓主題，賣相靚、味道清爽，為整餐畫上甜甜句號。總結：價錢合理、份量足、菜式選擇夠齊，全程體驗舒服，適合朋友聚會或者家庭飯局。…Read More

約到朋友試咗裝修後嘅Food Studio，今次重點試海鮮同矜貴嘢，果然無令人失望！必食推介： 🌟 海膽魚子醬紫菜Taco - 真心誇張好食！紫菜脆口，海膽鮮甜creamy，加上魚子醬嘅鹹香爆珠感，成個組合完美。我同朋友encore咗起碼五六件，完全停唔唔到口！ 🐟 魚生區 - 三文魚、吞拿魚都好新鮮，厚度切得剛好，油潤甘香，絕對係高質素。 🦞 清蒸龍蝦 - 肉質爽彈鮮甜，補充得好快，唔使點等就有得拎。 🍚 海膽意大利飯 - 濃郁creamy，海膽份量足，每啖都係滿足感。 🦀 冰鎮海鮮 - 麵包蟹膏多肉厚，蟹腳易拆又鮮甜，翡翠螺同帶子都乾淨無沙。 🔥 鐵板燒虎蝦 - 即叫即燒，香口惹味，蝦肉爽彈。環境裝修後更加有品味，坐得舒服。服務都幾好，換碟收碟好勤快，態度友善。而家做緊開幕75折，晚市折完$720左右，以呢個食物質素以及又海膽，又魚子醬，又龍蝦，又麵包蟹來講，都幾抵食！海鮮同矜貴食材選擇多，鍾意食海膽同龍蝦嘅朋友絕對要試吓…Read More

朋友生日特意預訂了這間坐擁無敵維港景色的意大利餐廳，Restaurant Week Menu $498好抵食！每張枱都可以飽覽夜景，海面倒映著霓虹燈光，8點仲有幻彩詠香江，食物水準更是驚喜連連 —— 【Cicchetti】▪️ **帶子刺身配海藻鹽** 帶子鮮甜得像剛撈上岸，Salmoriglio檸檬蒜香醬汁畫龍點睛，搭配脆嫩小蘿蔔片，開胃度No.1！ 【Pasta】▪️ **龍蝦濃汁八爪魚麵** Calamarata環形麵吸滿濃郁龍蝦bisque，八爪魚彈牙不韌，櫻桃番茄的微酸平衡了海鮮的濃厚，必試！ ▪️ **辣燉牛尾寬管麵** 超級好味，同埋一啲都唔辣！牛尾燉到絲絲分明，Paccheri麵管掛滿肉醬【Main 】▪️ **慢煮和牛面頰配松露薯蓉** 刀一碰就散開的柔嫩度，松露薯蓉都好香▪️ **烤海鱸魚配普塔妮斯卡醬** 魚皮脆肉嫩，酸豆橄欖製成的經典意式醬汁非常解膩，旁邊的茄子caponata更是神來之筆。 【Dessert 】▪️ Table side tiramisu水準一般Restaurant Week menu $498，真係冇嘢好彈，食物景色都非常好。餐廳服務其實好好，只係唔夠人，全晚full House，但係得三個侍應，見佢哋全晚走來走去好忙…Read More

餐廳坐擁Grand Hyatt無敵維港景！一邊係全落地玻璃睇幻彩詠香江，另一邊係歐陸古堡風裝潢MORTADELLA DEI NEBRODI意大利黑毛豬火腿，油脂分布均勻CARPACCIO DI TONNO黃鰭吞拿魚薄切夠鮮，檸檬油同白蘆筍清新提鮮，開胃之選 TRENETTE AL NERO, GAMBERI, ASPARAGIHomemade pasta al dente口感無得彈！西西里紅蝦鮮甜到震RICCIOLA AI FERRI火喉完美，橙醬有驚喜SIGARETTE SICILIANERicotta芝士+黑朱古力平衡得剛好，肉桂香畫龍點睛人均$1000（未計酒），酒店西餐廳嚟講唔算天價，但食材同環境對得住個價 。待應招乎熱情，有求必應，完全係酒店嘅水準…Read More

尖沙咀文化中心呢個地址大家都唔陌生呢度可以望到百看不厭嘅維港景色🫶🏻附近仲有好多精彩節目可以安排！一家人睇完香港藝術館嘅展覽就行去隔離映月樓食晚飯 💕性價比最高嘅維港景中菜之一，有一整排落地玻璃可以睇到維港景色叫咗一家人都鍾意嘅菜式脆皮豉油雞半隻 - 肉質嫩滑，脆皮係一絕，個皮超好食脆烤妙齡鴿 - 同出邊食嘅味道唔太一樣，幾特別 又美味嘅甜味，一家人都好鍾意食崧子珍菌小南瓜 - 南瓜有甜甜嘅味道，亦都係充滿營養嘅食物，囡囡好鍾意食原隻鮑魚雞粒砂鍋飯 - 飯有焦香，非常惹味，囡囡都食咗咗兩碗，神隊友都係！貴妃脆蝦球 - 鍾意海鮮嘅朋友必點- 沙律醬配炸蝦球，呢個真係非常出色 餐廳喺文化中心2樓，位置非常方便，無論食物，價錢，景觀，服務都值得一讚，下次最想試嘅係佢嘅香酥荔芋鴨，真係好少地方有得食㗎！…Read More

愉景灣酒店Sunday Brunch, 並非一般酒店 brunch, 總對係one of the best, if not the best. 主題係任食魚子醬😱 ，而且係比得非常慷慨，一啲都唔孤寒。魚生超新鮮，重點有toro, 帶子, 蝦。凍海鮮有鮑魚，阿拉斯加蟹腳，蟶子，番薯蜆，蝦，原隻蟹等等。熟食有煎鵝肝，冬菇原隻鮑魚，羊架，燒牛肉另外每人重有半隻牛油芝士燒龍蝦，以及每星期都唔同嘅chef special plate, 今次係花膠扒雲吞湯，花膠扒極大塊，食完感覺到骨膠原充滿全身。環境亦都好舒服，就算全場坐滿，一啲都唔迫，都唔會覺得好多人攞唔到嘢食，值得一讚。而且呢種天氣，戶外座位非常舒服，有海風，又有太陽傘遮蔭，唔會覺得凍。室內位置好似已經爆到3月16號啦，有興趣可以打去問吓戶外仲有冇位。大人$788，小童$288，已經包括free flow鮮榨果汁以及咖啡茶，+$200重有free flow香檳，紅白酒，sake，啤酒🍻…Read More

入迪士尼最大獲係，行足全日，攰死阿爸阿媽。所以食飯呢啲休息時間，真係想坐得舒服啲，食得好啲。適逢Plaza Inn廣場飯店有全新餐牌，包括點心，主菜，飯麵，甜品，我哋就嚟試佢嘅新晚餐，食住咁等睇煙花🎆胡麻醬百合鮮淮山 (new)明爐燒鵝皇鮮百合蘆筍炒蝦鬆 (new)碧綠炒斑球蝦子米奇豆腐 (new)米奇炒飯 (new)布魯托芒果布甸 (new)鮮果拿破崙米奇梳打特飲芒芒椰冰菜式造型真係冇得頂，非常可愛，大人小朋友都鍾意，拿破崙真心正，超級大個，如果有六個人或以上可以叫一個share。呢度環境高貴舒服，真係樂園內少有專為家長而設嘅地方🤣🤣🤣…Read More

江蘇大閘蟹套餐(四位用)，Klook而家做緊$1288(連加一)，除開$322/人，每人一隻大閘蟹，然後仲有蟹粉羹，同埋蟹粉豆苗。江蘇大閘蟹套餐 (四位用) 1️⃣隔水清蒸大閘蟹 (約5両)(4隻)2️⃣白切蒙古羊3️⃣蟹粉燴鱸魚羹4️⃣雙色鮮淮山炒蝦球5️⃣蟹粉扒豆苗6️⃣滋潤薑茶甜湯丸大閘蟹夠肥美，有爆膏。蟹粉燴鱸魚羹同埋蟹粉扒豆苗就正在唔使自己拆蟹，最適合懶人一族，加碗白飯一齊就正爆。成個餐份量都夠，自己再加碗白飯或加條銀絲卷就perfect.…Read More

餐廳喺酒店頂樓，周圍都係落地玻璃，景觀開陽，睇晒成個將軍澳，佢哋仲有outdoor area，而家天氣太熱，但係我覺得下午茶或者夜晚可以坐出去，望住大橋，吹吹風，都幾寫意。Lunch係做緊semi-buffet lunch，頭盤同甜品自己攞， Main course揀一個，有牛扒，魚，豬扒，pasta及risotto，總有一款啱食。頭盤嘅選擇有煙三文魚，Parma ham，亦都有唔同嘅沙律可以揀。至於甜品就有唔同嘅蛋糕，布丁，曲奇，水果可以選擇。呢個價錢，呢個環境，呢個選擇，真係幾抵食。官網優惠 semi-buffet lunchWeekdays $206Weekend $253…Read More