i3kristy's Profile

已經幫襯過差不多20次，大部分時間都唔會令我失望，尤其是甜品做得出色，而且性價比高。今次係屋企食完晚餐，想找個地方吃西式甜品。喜歡Beans會定期轉款，又同時keep返本身人氣的食物，今次order了這個GAT，是limited edition. 單單是外表和presentation已經贏哂，都只係$58，盒內的乾冰都last到超過1分鐘，夠哂時間打卡拍片加影相ga...雪糕是冰凍的益力多味，但不太甜有少少輕微的乳酸味，好清新...三個桔仔造型夠可愛，外面橙色係脆卜卜但好chewy (係咸水角外皮的口感)，入面係好濃的奶黃，全部加埋味道和口感好夾好balance! 即使係伴碟的士多啤梨都好清甜，底下的碎有濃濃的朱古力味，並不是死甜，配角都好出色，值得一試！…Read More

食到一肚氣，多人就預左要等，我明白。但竟然排我後面的3 pair客人先過我地落單就有欠公道 (明明已經先舉手又叫寫野依然冇人理會)... 忙碌係冇問題，但就對於早來的客人最遲serve唔係好公平...之後遲過我地好多嘅人來到都已經食完碗麵埋單走左好耐，但我地連嘢飲都未到(已經催左幾次)，回應：得得得！ 我地叫兩杯熱奶茶，一份西多士之後又來錯左兩個order... 比左支凍奶茶同碗麵...無奈又再等~ (因為落單時阿姐靠記憶並冇手寫) 其實我唔介意冇手寫單，但就介意佢記漏又記錯~排隊唔算耐，不過由坐低等落單，直到第一杯野飲到，足足用左55分鐘(我自己都唔敢相信)2:00到達鋪頭2:10坐低2:30落單3:15嘢飲到3:30嘢食到3:40埋單呢個半小時，錯漏百出，如果出面茶記打工，應該好快就會炒魷魚了大家覺得以上的time management能夠接受，可以一試，係另類體驗 haha! 根據餐牌價錢，應該係$56$26 西多 $15 x 2奶茶但最後收$73... 不過都離開左先驚覺收貴左餐具杯碟充滿污跡，食物質素唔值個價錢奶茶香濃但唔滑，西多只得半邊香脆，冇牛油味，只有練奶甜。冇下次了。…Read More

兩個人出去食晚飯，只係嗌左三個餸，落單後等左30分鐘，一碟餸都未有，催第一次，個個侍應扮睇你唔到，然後終於催到，侍應話唔記得落單，所以送兩碗糖水道歉。再等40分鐘，個芥菜煲终於到左，D菜煮到爛晒好似老人院D淋到爛晒.... 隻乳鴿係凍嘅！全部野極難食，好似食法國菜咁耐，但係食緊垃圾！叫一次侍應要起碼舉5-6次先有人應下。原來碗糖水咁都唔係送俾我哋，其實係每台都有免費糖水lor... 咁就唔好話送la~ 好唔老實！…Read More

上次來食過炸雞翼炸薯條這些comfort food做下午茶好難忘，今次要試西式晚餐🤤早一星期book位，比個budget就叫廚師發板，話佢知有咩唔食就OK！價錢好公道，適合一些怕麻煩的年輕人😄晩市的服務和上次下午茶一樣，熱情有禮，由點菜、傳菜、加水都主動盡責！因為香港有不少餐廳的侍應都是”時運高，睇唔到” 今次廚師為我們準備的：Soup: cream of fresh mushroom and truffle(評分：4/5)Starter: avacado salad, petite toast(評分：5/5) Main: 1） fresh clams cook with sake (5/5)2） Carbonara (4/5)3） Sun dry pan seal sea bass (4.5/5)總評：(4.5/5)味道和擺盤一樣咁正，食完之後唔會口渴，Starter的調味複雜，有多重口感和味道，對我和朋友來說剛剛好！花甲厚肉冇沙，索哂d酒味勁香。seabass皮脆肉嫰，薯蓉綿滑得來有粒粒囗感，海鮮全是新鮮的冇雪味！作為食客，感覺廚師很用心去準備和烹調食材，而且侍應的服務態度很好，我會繼續用行動支持小店，亦希望貴店能繼續保持如此高水準。…Read More

真係好黑仔，原本唔係想食呢間，但竟然入錯餐廳，閒日去都要搭枱，好多人食以為唔伏，點知係自己太樂觀⋯⋯D碗碟全部有黑色跡，落單的伙記竟然寫全寫，超慢。之後仲要漏單，漏左一塊餐肉+一塊吉豬。 佢仲要話：漏左咪比返塊你lor，語氣似係個客欠左佢咁...食物質素差，非常差。可以refer去圖片，份炒蛋係衰過自己屋企煮⋯⋯塊吉豬硬過柴皮，又黑又乾，d公仔麵浸到發漲又冇味。只係杯凍檸茶合格，但佢冇少甜少冰lor :( …Read More

食過香港好多omakase包括米芝蓮，多數都在港島區，今次專程入元朗，仲要食之前兩個小時才book位，估唔到又book到！環境算大，坐滿哂人，我地被安排坐角落近大門口位，但非常擠迫，基本上隔離既人傾計完全聽哂，人地打個乞痴d氣都傳到來🙄價錢同中環灣仔差不多，但環境和舒適度同茶餐廳一樣嘈雜，d位仲逼過大排擋...好彩既係sushi chef有禮貌之餘也會take care每位客人。Prepare食物時佢會高調d有好多動作，似係China town果d 鐵板chef表演比外國人睇ge方式，但我唔buy呢套，食物質素才最重要。Order左$530 & $800的omakase，chef好好話可以share，因為大部分其他都唔會咁自動offer，所以值得一讚！同埋好多chef身邊都有徒弟幫手，但sushi man可以一個人take care哂咁多客人，好嘢！但壽司功力以呢個價錢不算很好，因為有三件會跌飯粒，其中一隻蝦都跌埋。最新鮮係sea urchin cup同埋一開頭的刺身，係非常juicy。反而壽司飯上面的魚就average貨色，溫度入口怪怪的，味道唔突出，一般日本料理店都有這種質素。但最抵讚的係食完一啲都唔口渴，我食過好多間評分更高的，味道更好的，可惜食完就不停灌水，所以sushi man算係咁la。…Read More

乳豬：(5/5)(以我所知乳豬並非由文華厨房內的出品)：脆皮下是薄薄一層脂肪，下層則是肉質纖維幼細的豬肉。色澤燒得均勻，入口香脆鬆化，肉質嫩滑，肥瘦度適中，肉汁豐盈，醃料調味又剛好不會搶去肉的風頭。 點心：仁棯燒鵝酥 (3/5)賣相和以往吃的不太一樣，今次是啞色的，是否忘記再掃上一層油清？仁棯醬酸甜適中，但外皮太厚，可能是要放多些麵粉才能捏出動物的形狀，但完嚐不到鵝肉的油香，我吃了一口便放下。 蜂巢鮑魚盒 (5/5)外型精緻，上層的鮑魚仔口感軟嫩，味道濃郁，底層的芋頭餡熱辣辣，又有冬菇粒粒的口感，是水準之作。 黑椒牛柳酥 (3/5)非常鬆化的酥皮，但入口只有濃郁的黑椒香，完全掩蓋牛肉味，吃了一口便放下，味道和兩年前相比的確是退步了。如果黑椒味淡一點，整體味道會比較平衡。 雪棗螺頭燉雞湯：(4/5)賣相完全不討好，但湯水清澈少油，湯料清晰可見，入口非常鮮甜美味。 崧子蘭度炒蝦球：(3.5/5)賣相討好能引起食慾，崧子油香味濃郁，和爽口彈牙的蝦球非常配合，可惜芥蘭有輕微苦澀味。 清蒸東星班：(0/5)紅皮東星這條貴價魚竟然火候控制得非常差，肉質十分鞋口，老得沒有辦法咬開，很多客人直接吐出來，非常失望，也是浪費食物，原來米芝連中菜廳連蒸魚也不懂控制火侯！ 海參雞粒炆飯：(0/5)飯粒非常硬，是生米，有親友問我這道菜是否用了糯米，因為囗感太硬咬不開，完全是浪費食物，我見到枱面有超過一大半飯是吃剩的！ 雪蓮子杞子燉海帶：(2/5)賣相十分精緻討好，可惜味道太甜，只能品嚐到糖的味道，完全吃不到蓮子和杞子的味道。有幾位親友表示海帶有腥味，另外又有幾位親友表示糖水未吃完(還有八成)，侍應生完全在沒有過問之下就把食物收起來。食物質素: (2/5)環境: (4/5)服務: (3/5)最美味的竟然是乳豬，竟然不是文華出品, 令我很驚訝。…Read More

lunch hour係中環食肆繁忙時間, 我地冇BOOK位, 直接walk in~非常好彩...竟然有位~仲要係梳化位...兩個人坐真係好正好舒服...service非常好, 有耐性, 為你一一解答...呢度食Agentine Food~D酒杯同埋candles襯埋一齊好靚好閃呀...裡面環境黑媽媽的~order左3 course ($270) 同埋2 course ($230)食到有蟹殼...仲有d水, 應該係罐頭, d薯蓉唔香又唔綿, 好差呀!!!我食唔出有red onion同埋tomato sauce, avocado得一小片..-_-cold starter: Crab Causita (分數: 3 out of 10)Avocado, red onion, spiced tomato sauce, potato and aji Amrillo呢個好推介~係鬼佬蠟腸~ 真係好香口好好食, 又煙un~得幾塊真係唔夠喉...如果main course有佢就好喇~佢同德國腸唔到, 呢個係南美style, 真係有少少蠟味feel~個sauce少少酸, 可以中和返鬼佬蠟腸既油膩感..好match呀!hot starter: Chorizo Sausage (分數: 8 out of 10)Argentine beef chorizo呢個burger係招牌野wor~但係好老實講...同普通快餐店差不多...個牛order左medium, 唔算香, 唔夠熱, 有咬口但係唔juicy...其他sauce都好普通, 出面周街都有得食...個fries炸得幾香口...夠熱夠脆...不過一點驚喜也沒有...個包都算鬆軟同個面都幾脆口...普通burger來講算合格以上...但你話佢係招牌菜我又覺得未夠班...main: GauchoBurger (分數: 6 out of 10)A blend of our four cuts of beef, cheddar cheese,roasted onion, chipotle chutney, mayonnaise,brioche bun and served with chips個魚好爽口好彈牙好香口呀...onion都好香好濃好好味~~chickpea有d辣辣地幾開胃, 同埋佢smoked到有少少溶..又未算係一pat pat, 我覺得口感唔錯, 撈埋舊魚一齊食好夾..好少monkfish會咁整...因為出面西餐廳都唔會將佢分開一舊舊~但係反而我又幾buy呢道菜...好有驚喜, 我會想再添食..唔夠呀!!main: Monkfish Brochette (分數: 8 out of 10)Serve with smoked chickpea salad我一直都以為有金莎味既芝士蛋糕...呢件野太甜...甜到over左冇乜hazelnut味...但係口感好creamy!!同埋creamy得來又唔夠滑...都幾矛盾, 隻色有d怪~加上食唔出芝士味...只係得甜味...非常膩...食唔哂~dessert: (分數: 5 out of 10)Salted Dulce De Leche & Hazelnut Cheesecake呢餐so far食得幾滿意, 至於好唔好食, 其實睇下你有冇運氣...佢食物d水準都幾extreme, 好彩有service同環境幫手加分...總之有某幾道菜好好味覺得唔夠喉, 某d就真係難食到食唔哂...…Read More

天氣凍~行行下街想飲杯熱野...揀左好耐, 要左杯HOT CHOCOLATE同埋杯MOCHA埋單$88, 都唔平...不過見有位坐就冇所謂啦...D職員唔算忙, 但係就"呢埋"係counter度, 都唔汁台...結果我要親自動手汁返上一手留下的一堆咖啡杯, 咖啡漬~~又抺乾淨台面...反正我親自去counter叫職員做都要有排等...=_= 兩杯野飲到左...唔香既~你唔打開個蓋望下根本就唔知係咩來..因為一來聞唔到, 二來飲落口, 唔熱既?! 同埋淡而無味...我100%認真MODE: 杯熱朱古力仲衰過雀巢三花牌果D咁...40幾蚊杯呀...我唔希望得到呢D咁既水準...熱朱古力很難沖嗎??MOCHA又係淡而無味, 唔香, 唔濃, 唔滑...所以稱不上是咖啡...一味死甜, 糖都唔駛落..慳返..真係好失望..下次口渴死都不會再幫襯...…Read More

外表似間茶記, 內裡係香噴噴既越南菜~伙計都應該係越南人~~夜晚order左個二人套餐...$118, 已經有好多野食喇~~豬頸肉凍檬 + 烤牛肉湯金邊粉 + 兩杯青檸水(一凍一熱)仲有兩款小食: 蝦餅(2件) + 墨魚餅(2件)order左之後5分鐘內就有野食喇, 都算好快手呀...可能廚房夠人~同埋出面又唔多客人...不過就來錯左河粉lor, 我叫佢轉返做金邊粉~個職員都肯, 不過就黑口黑面, 算啦...食物夠好味就由佢黑面...-_-烤牛肉非常鞋口..不過夠香夠惹味, 如果唔烤得咁老就好, 應該係翻烤既~豬頸肉就同一般舖頭差不多, 夠香口, 口感夠爽滑, 份量都足...凍檬麻麻地, 淋左d, 同埋個汁唔好味, 味道唔多元化...好似得好少材料...金邊粉好食, 麵質夠幼細, 煮得岩岩好, 唔會太淋, 同埋索哂d湯...好重莞茜味ga~ 如果你地唔鍾意莞茜就千其唔好幫襯喇...但係我就好ok!蝦餅&墨魚餅先至最正, 應該岩岩炸起, 好熱好脆好香口...口感非常彈牙, 蝦餅就更加彈牙, 不過墨魚餅材料多d, 味道更多層次...所以我兩款都推介!!! 仲有杯青檸水, 好香呀! 好飲過檸檬水好多...同埋d料夠足, 應該係咸檸水, 飲到少少咸味, 但又唔會搶左青檸陣香味...所以overall呢餐都幾滿意...下次幫襯會想試下其他野食...…Read More

3點幾係下午茶時間, 難得新華唔算太多人..起碼唔駛等位先~~ 就嗌左個茶餐..飲茶走...再加多隻蛋撻... 都係$38~~ 差唔多價位啦...茶走好飲, 夠香夠濃夠熱...係唔夠滑...UM列好鞋口...D蛋燶燶地...唔香唔滑...不過裡面D火腿絲夠多, 份量足, 切得夠幼, 口感唔錯~~牛肉有陣雪味...但係醃得OK...麻麻地啦...公仔面都口感算Q彈, 唔會煮到淋哂...不過就冇乜味..份量都OK...但係下次都唔會再叫呢個喇...呢度好似話蛋撻最出名, 我又叫左個試下...賣相都唔錯, 個蛋夠厚身, 同埋夠熱, 應該岩岩出爐...不過佢又唔似酥皮又唔似牛油皮, 所以口感怪怪地~~咬開左之後先見到個皮厚到呢...仲厚過D蛋...真係一開頭俾佢個外表呃左喇...所以都幾中伏...我以後唔會再食呢度D蛋撻了..厚皮得太過份~~…Read More

因為有張$25 coupon, 諗住用左佢..行街又行到累...試下starbucks d 聖誕新品...中杯peppermint mocha($41), 幅圖好靚好colourful呀~都要補$16...其實一d都唔抵飲...就係薄荷味既朱古力咖啡...同埋個賣相好差...真實同廣告個樣差10萬條街...(有相為証)杯咖啡點解係凍既??! d cream少得可憐, 又唔夠香濃...d薄荷味非常人工...成杯野都好差...連一個優點都搵唔到..$41蚊可以去mc cafe食一個餐lu~~好彩今次有coupon...…Read More

一早book左位lunch, 好多人呀...環境好嘈...order左set lunch...差不多200幾蚊一位啦...depends 你會order d咩main course...beef salad + mushroom risotto + tiramisu~beef salad 賣相幾吸引, 同埋有咸香配rocket leaf..不過rocket leaf唔夠新鮮, 太多olive oil浸住左...所以冇左爽脆口感...不過cherry tomato非常鮮甜多汁呀~~mushroom risotto個賣相好差, 煮到一pat pat好似粥咁...但係個味道就好好, 口感就一pat pat, 所以都幾失望...身為一間意大利餐廳, 連risotto都煮成咁...覺得個廚師應該冇咩心機啦...好彩個味道夠濃...有唔同既mushroom, 唔同既口感, 夠香..所以先合格返...甜品tiramisu...好甜..我覺得太甜喇..冇左咖啡味...太多cream, 唔夠sponge, 同埋d sponge濕哂..冇咩口感..overall, 環境太嘈, 太多客人, 所以侍應都冇咩笑容...廚師又冇咩心機煮risotto...甜品又甜到冇左原來應有既味道..所以不太推介weekday lunch time來, 可能少d客人會好d...…Read More

由佢開張到而家, 幫襯左不下十次...通常見到舖頭外面排隊超過5個人就會放棄...今次可以排第2, 真係好少有...好掛住佢D魯肉餃呀~~~ORDER左車仔面(ard $40) 同埋蝦子魯肉餃清湯面(生菜墊底) $52車仔面order油面, 牛柏葉, 豬腸, 蘿蔔...多腩汁...飲品就order左咸甘吉水(熱)同埋雪梨水(凍)~~雖然唔駛排隊, 但係order完之後起碼等20分鐘...是常識吧~~來車品品食野就係預左要不停咁等, 等排隊入坐,然後order...order完又再等上菜...我諗呢度閒閒地要預30分鐘以上...如果趕時間既話就冇必要幫襯了...同埋客人太多佢d水準都冇咁好...蝦子份量夠多, 好香呀~~不過魯肉餃就明顯見到細隻左了...清湯面唔會好淡, 依然夠味, 個面煮得岩岩好, 爽口既, 唔會淋哂...有生菜墊底, 份量好足, 同埋生菜好新鮮, 食落口索索聲...唔會煮得太老...其實我好推介蝦子魯肉餃清湯面(生菜墊底) $52, 不過水準好參差...最好睇下老闆果陣忙唔忙...另外車仔面個腩汁真係夠哂濃又夠香...d豬大腸, 牛柏葉, 蘿蔔 索哂d汁, 豬大腸夠乾淨, 煙煙unun入哂味~~牛柏葉唔會染到白雪雪, 同埋口感非常爽口, 又係入哂味, 份量都足...蘿蔔 索哂d汁 變哂色~~好好味呀!!淋得來都有口感..都推介呢個...咸甘吉水 有d太咸, 可能仲有d粗鹽痴住...不過甘吉就出哂味...雪梨水就普通啦...同一般自己屋企煲的差唔多...有d細杯lor~…Read More

weekend IFC真係勁爆多人...間間餐廳都排哂隊..我最怕排隊ge!唯獨是呢間, 竟然得一兩台客, 心諗都賴野, 點解冇人幫襯ga..但係冇辦法, 醫肚緊要, 於是就入去喇...其實講真我不嬲覺得TWG茶係好難飲...我係英國生活左八年...對茶既要求都相對提高...英國有好多品牌既茶葉比TWG好萬倍..所以我今次係絕對冇ORDER d茶, 雖然佢地種類都相當之多...咁就為左醫肚, 因為餓到個肚發出聲, 照計肚餓起上來, 咩都好食d...點知原來唔係...真係幾失望...首先明明冇乜人, 但係侍應要人住中間..d侍應會係你背後行來行去, 都幾煩...同埋張chair坐得唔舒服...如果食3層tea set就話冇所謂, 但係依家order左salad同burger...係要用刀叉食...所以拎住刀叉切野既時候, 個elbow會不斷咁撞落個arm rest度...真係勁唔舒服, d位又窄...我已經好細粒, 5尺幾, 100磅都冇, 我都覺得d位窄...salad賣相幾靚, 色彩繽紛, 但係d rocket salad唔脆唔新鮮唔fresh...cherry tomato唔算太多汁, 唔會咬落口卜一聲爆汁, 完全冇呢d感覺...個salad有份toast跟, 乾爭爭既, 完全冇味, 咬落口似紙皮...衰過茶餐廳果d~d蝦一食落口就知道係frozen, 不過我預左啦...但佢連蝦味都冇, 又冇俾sauce..foie gras 都好失望, 唔夠creamy, 唔算係上品, 同埋都唔香既...賣相都冇光澤..至於個burger, d肉完全唔juicy, burger包冇toast過, 又鞋口又乾...d chips炸得唔脆, 應該唔係岩岩炸起, 因為溫度係暖, 唔係熱...講真...呢餐飯食得幾失望...同埋d侍應成日行來行去好似好忙, 但又唔係好多人..冇乜笑容...總之佢地好忙...唔知係咪最低工資呢?? 鞋口鞋面冇心機做野咁...…Read More