CloudTourMaster的个人专页

價錢實惠中式點心—譽滿點心專門店 (九龍城)依家去飲餐茶嘆返件點心，閒閒地都幾舊水落樓，想用街坊價錢食到優質點心，可以算係一件難事。不過九龍城呢家點心專門店，就做到以街坊價錢，嘆到靚點心，點心花款好多。好多人去九龍城都食泰國菜，大家以後可以試下飲茶食點心啦….. 蘿蔔糕★蘿蔔糕係好難整得好味既，不過呢度蘿蔔糕煎到個皮好脆好香口，仲有啲臘味味，口感唔錯，配埋辣醬食更加惹味山竹牛肉球★牛肉製作好鬆軟嫩滑，唔錯唔錯蟹子燒賣王★面層舖滿蟹子，一啖咬落去就有好香既冬菇味，餡料都算多蝦，推介薑蔥牛柏葉 ★唔錯，同平時酒樓食的水準有得揮譽滿鮮蝦餃★蝦餃皮厚薄適中，咬落有少少煙靭，餡料都算多蝦懷舊灌湯小籠包★呢度既小籠包屬正常水平，湯汁甜，肉餡大粒，不過略嫌皮有啲厚蜜汁叉燒腸 ★白滑的薄腸粉皮包裹著切成小粒的叉燒，帶有蜜汁的微甜籠仔馬拉糕★雲遊大思好鐘意食馬拉糕，最鐘意黑糖的甜味，呢度的馬拉糕的甜味好香蜜汁牛仔骨★味道OK，但略嫌太肥總結來講，呢家餐廳點心質素同價錢都好好，性價比好高，值得一試。整體評分：7分雲遊大思列為屬「可考慮回頭級別」。譽滿點心專門店 (九龍城)地址：九龍城龍崗道1號地舖…查看更多

有點失望—-OICO好多人都話OICO係一家性價比極高的西餐廳，而且食物質素都唔差，見咁多人讚，咁雲遊大思都去試一下。點知~～UM…… 只能說有點失望冬陰功大蝦燴意大利飯呢個risotto有啲失望，雖然冬陰公味好出，配Risotto米幾特別，辣辣酸酸，酸味都幾重，入面有埋蕃茄仔同蘑菇，都算重料。不過只限食頭幾啖，食多幾啖就覺得好鹹，味道好重，如果唔係食開重味的朋友可能未必接受到。全碟飯最好味的係呢幾隻大蝦，食落都幾爽口。BBQ 無骨燒春雞伴薯蓉這隻燒香雞好大隻，一大隻雞髀連雞胸肉，肉量十分多，還不用挑骨頭。雞皮燒到脆卜卜，好香口，雞肉亦很滑嫰，跟薯蓉是最好的配搭。同樣醬汁略嫌有啲鹹。小食拼盤，有炸魷魚、炸薯條、炸薯蓉、炸春卷，都係正常操作，沒有很大驚喜。總結：店舖風格簡潔乾淨，但食物方面雖有特別，但味道尚有改進空間。同行友人話：近年好多呢啲輕西餐元素的餐廳，但就性價比而言卻未有傳統正統西餐高，味道亦不如傳統西餐，他們還是喜歡傳統西餐多啲。不過，雲遊大思認為，輕西餐近年都演變好多新款式，唔同FUSION組合，只要味道好，食品出品好，都有可取之處。地址：將軍澳坑口重華路8號東港城2樓238號舖整體評分：5.5分雲遊大思列為屬「有待改善級別」。…查看更多

美日混血兒—NOJO拉麵位於中環的NOJO係來自美國的型格過江龍拉麵店，餐廳位於砵甸乍街，走上石板街就會見到。NOJO主打農埸拉麵，係日本著名餐飲品牌塚田農場旗下副線。塚田農場嚟自九州宮崎縣，幾年前係香港開Shabu Shabu及居酒屋，４年前將美國拉麵副線NOJO搬嚟香港。一般拉麵以豚骨湯底，但NOJO是售賣雞湯；一般的拉麵是配和風叉燒，但NOJO是配以美國人鐘意食的雞脾（仲要係原隻），大蝦或麵包，全新風格，具備日西風味。餐廳分室內及室外兩區，裝潢走工業風格，以黑灰色為主調，型格簡約。不過由於店舖風格幾開揚，如果熱天的時候，難免會唔夠冷氣有啲熱。除了提供拉麵、小食，更有刺身、沙律、天婦羅、丼飯，食物種類多元化，仲有酒類提供，酒的款式都多，有清酒、啤酒、燒酌，適合上班族收工後嚟嗒返杯。🍗🍜Soy Sauce Ramen係店的招牌菜，原隻慢煮雞脾拉麵。湯底用日本宮崎走地雞熬製而成，加入秘製醬油，人口黏稠，好有含豐富骨膠原的感覺。湯底極具誠意，不過口味較重，偏鹹，對於清淡口味人士可能未必食得慣。配料有雞脾、雞肉丸、免治雞肉同溏心蛋，原隻慢煮雞髀，燉至腍軟脫骨，拉麵的掛湯力不俗，粗身麵條富有靱力。整體感覺唔錯。 🍜Nojo Wagyu Ramen賣相吸引，為免和牛會比湯浸到熟晒，雞湯係會用湯壺分開上，客人可以自己控制牛的熟程度來進食。和牛肉質軟嫰，有入口即融的感覺，配上日本小麥粉及加拿大麵粉製成的拉麵，麵條掛湯煙韌，帶陣陣麥香，實屬清幽之選。整體評分：8分整體環境靚，食物質素好，雲遊大思列為屬「可回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #noji #香港美食 #美食推薦 #中環美食…查看更多

一食難忘和牛湯河大滿足—Spring Field天氣凍凍地，又係食熱食湯河的好日子，話說雲遊大思對越南湯河一向都麻麻地，比起泰式冬蔭公湯河，越式湯河的味道一向都偏淡，所以越式河從來都唔係雲遊大思首選的菜式。不過呢間位於灣仔的和牛濃湯河專門店，就顛覆左雲遊大思對越式湯河的感覺，因為真係好味到震呀，絕對推介大家一試。個個嚟呢間舖都推薦大家食招牌春園河，不過貪心的雲遊大思就揀左「大滿足全牛河」，佢有齊半生熟安格斯牛肉、澳洲牛肉丸、慢煮牛肉條同蘿蔔粒，主食可以揀配河粉定金邊粉。望落去平平無奇的一碗河粉，但飲一啖湯就會靈魂出竅，因為真係好好味。湯頭用上和牛烹煮而成，牛味濃郁又清甜，係令你一飲想再飲的，味道唔似一般PHO的味精湯底。而半生熟的安格斯牛好有肉味，口感軟腍但略帶少少筋，牛丸彈牙有肉汁，慢煮牛筋條好腍好有肉味，另外佢的河粉都同其他PHO好唔同，係超級滑溜同煙韌，吸晒啲湯都無發脹的感覺。至於小食方面都有驚喜，招牌春卷外脆內軟，用生菜包著食更好味。總整嚟講，雲遊大思係成碗湯河連湯都食埋飲晒，真係好味到要全碗清呀。難怪大J同太太 Mai San都極度推薦，話要每星期食一次。地址：灣仔汕頭街25號地舖整體評分：8.5分雲遊大思列為屬「必定回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #springfield #和牛濃湯河專門店 #香港美食 #美食推薦 #灣仔美食…查看更多

神級沙嗲牛麵—牛牛 Ngau Ngau Cuisine疫情期間無得外遊，西貢已經成為左巿民假日周末的郊遊地點，好多人都會食碼頭旁邊的餐廳，或者西貢好出名的泰國菜，不過其實西貢有好多特色小店，其實都好好味架。今日雲遊大思要介紹呢間小店，連沙嗲牛闗注組都大力推介架，唔知大家又估唔估到係邊間呢?出色的沙嗲牛肉，不一定只有老店才有，只要有心，就算是新開的小店都可以贏得掌聲。西貢小店牛牛NgauNgau位於一條後街內，毫不起眼，若不是有一陣上湯濃香味，雲遊大思係唔會發現呢個驚世餐廳。牛牛係以洋蔥、蔬菜及沙嗲醬等多款材料長時間熬製而成的無味精湯底，俘虜了一眾沙嗲牛群組成員的芳心。小店推出的酥脆炸麵更是一道工夫之作，先要將全蛋麵過水灼至八成軟，將麵挑散後再過冷河，最後將麵炸至酥脆，加入黑椒牛肉伴食，一脆一腍，口感豐富，索盡醬汁，十分好食。而佢地個著名沙嗲牛肉撈麵亦都值得推介，公仔麵幼身硬度啱啱好，沾上沙嗲汁唔會好漏，微辣好惹味，味道剛剛好。好多餐廳的撈麵煮起上枱都會變成一舊舊，但呢度完全面，沾埋沙嗲汁又唔會變麵餅，好食好食。小食方面，今次雲遊大思同朋友就叫左一口牛頰肉同金沙鹹蛋黃雞翼。牛頰肉一口大細，老闆娘仲好細心同我地介紹配咩調味粉，加左麻辣粉好香口，值得一試呀。而金沙鹹蛋黃雞翼值得滿分，雞翼炸得好脆仲保留到肉汁，鹹蛋黃好香口，係好邪惡之選。地址：西貢福民路58號高富樓A座地下32號舖整體評分：8.5分整體裝修簡約，但食物質素超標，一定要回頭幫襯。雲遊大思列為屬「一定回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie # ngau4ngau4 #香港美食 #美食推薦 #西貢美食 #沙嗲牛關注組…查看更多

大過塊面的炸雞脾王—和順記雞脾皇天后出名多野食，不過雲遊大思同朋友行左一圈，都諗唔到有乜想食。見到間間舖都無乜人幫襯，感覺好奇怪。因為雲遊大思有個宗旨，無人食的舖到，一係好難食，一係好鬼貴。基於呢個宗旨，所以好多舖頭揀唔落手。係絕望之制，見到貌似頹食的雞脾皇餐牌，於是係無乜期望之下就入去試下啦。原來呢間係有心人舖頭，加分加分。見到個個都叫生炸雞脾皇，咁雲遊大思都叫一個試下。一上枱，即同店員大叫：「哇，大過我塊面呀，好浮跨。」真係唔係講笑，真係好大隻，大到２個人都食唔晒。馳名雞脾皇出名大大塊神級雞脾皇，皮脆香口而不過份油膩，內裡雞肉嫩身，好味，係高水平嘅炸脾。隻脾真係大過我塊面，２個人都食唔啱。煎雞扒強沙嗲撈烏冬雞扒煎得好香口，好有肉汁，我覺得好食過雞脾皇。撈烏冬的沙嗲汁都幾好味，唔太辣，不過加左雲遊大思唔鐘意的孜然，所以扣少少分。咖喱牛扒煎蛋飯咖喱汁OK，但牛扒就扣少少分，因為好重鬆用粉醃過的質感。地址：天后電氣道39號地舖整體評分：７分整體環境簡約潔淨，雞脾皇大隻有驚喜。雲遊大思列為屬「可考慮回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #香港美食 #美食推薦 #天后炸雞髀皇 #和順記 #woshunKee #天后美食…查看更多

CP值高的Omakase—雲壽司（中環店）最近有在港日本朋友介紹話中環呢間日本餐廳，可以食到正宗日本味道。作為半個日本人的雲遊大思，自疫情以嚟已經２年無返過日本了。雲遊大思都好掛住正宗的日本味道，所以專登去左中環呢間日本餐廳食LUNCH。WOW~未到12點3已經要排隊啦，好彩雲遊大思早少少去左等位。呢度的中午，分別有Lunch Set、單點壽司同Omakase廚師發辦(3款)，今次雲遊大思同朋友就叫左價值$380的翔SHO Omakase。食個lunch都Omakase，真係好威威！SHO Omakase，包括10件壽司、1條手卷同1碗麵豉湯。1. 活赤貝：有光澤感，肉質彈牙爽厚2. 白蝦：壽司黏口鮮味，但蝦味唔太重3. 秋刀魚壽司：魚皮充滿光澤好新鮮，肥美鮮甜，絕無腥味，連唔係好食秋刀魚的雲遊大思都成舊食左4. 剝皮魚壽司：上邊有少少魚肝，一齊食起上嚟鮮甜得來又有少少油潤感，食感好平衡5. 北海道海膽：壽司上邊有唔少海膽，而且新鮮肥美6. 伊佐木：清甜彈牙，入口爽滑，魚生下面有芥末7. 金目鯛：肉質嫩滑，魚味鮮甜8. 火炙銀雪魚壽司面頭用火槍燒一燒迫出少少油香好吸引，入口肉質結實爽口細嫩滑溜魚味濃。9. 吞拿魚面頰肉：用咗吞拿魚嘅稀少部位面頰肉來整，平時好少會食到，佢嘅肉質爽口彈牙，得來又充滿油脂香，特別係佢用咗火槍燒一燒香味同層次感都更加突出，好味好味10. 筋子：筋子都係三文魚籽嘅一種，唔同之處就係從三文魚腹部拎出魚卵，加入少少酒香，好好味。11. 最後嘅吞拿魚腩蓉手卷：好肥美豐腴，帶豐潤魚油香，甘香美味，口感幼滑柔軟，紫菜脆要食快靚抵既omakase，雲壽司係必選之列，師傅同職員態度都好好，呢個價錢的話CP值算高的。不過如果揀最愛的Omakase，雲遊大思首推都係銅鑼灣的花見，因為真係好好味！。地址：中環德己立街17-19號地舖整體評分：7.5分　雲遊大思列為屬「可回頭級別」#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #雲壽司 #香港美食 #美食推薦 #中環美食…查看更多

Why not Both? —B.o.t.h. by Texas BurgerWhy not Both? 最近係雲遊大思的口頭禪…. 不過今次係咁啱揀中呢個餐廳, 同個名無關既…. Texas Burger幾年前係旺角朗豪坊試左一次，已經覺得好好味，不過朗豪坊的舖面比較細，好難等位。今次知道荃灣都開左間，當然要同個漢堡包怪朋友一齊試下呢。荃灣廣場的新舖，以自然風為主，餐廳入面放左好多綠色植物，連高位都有吊住，加上木系既裝修同一排落地玻璃，感覺好開揚，好舒服，連影相都有太陽光做side light，唔使打燈添！ 漢堡包怪叫左呢度招牌漢堡，Texas BBQ beef burger，賣相真係好得，一塊厚實嘅漢堡，再加炸洋蔥圈，crisp bacon，芝士同做餡料，漢堡包係烘過微脆，食到脆而包保持到軟軟，煙肉好香脆，bbq汁味道好香口，完全帶出到個burger的獨特之處而我就叫左卡爾谷煙燻車打牛肉漢堡，漢堡扒足料厚肉，咬落肉味幾濃，好多肉汁好juicy，食到一手都係，麵包烘得好鬆軟，表面微脆，煙燻車打芝士半溶，配搭墨西哥辣椒蛋黃醬，好惹味。我地叫的係set lunch，有餐湯同飲品，再叫多份薯條，好滿足。地址：荃灣大壩街4-30號荃灣廣場3樓337號舖整體評分：7分以食物份量黎講，性價比都高，加埋環境好舒服好寫意。雲遊大思列為屬「可考慮回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #香港美食 #美食推薦 #荃灣美食 #BOTHburger #bothbytexasburger…查看更多

正宗韓食— 柞木炭家柞木炭家是走中高檔路線的韓國燒烤🇰🇷，牛肉主要來自全羅南道的韓牛，而其他食材也使用了各地的優質食材，餐廳的特點是以柞木炭燒肉，使用了氣爐配合，好處是油份不像一般韓燒會留在鐵板上，除了會有更濃郁的香味，也能幫助鎖住肉汁～呢度一入坐，店員就會送上一壺大麥茶，同一大盅泡菜～係， 你無聽錯，係一盅泡菜，仲即場係你面前剪添，好特別。不過今次雲遊大思唔係食韓燒，只係食個Set Lunch定食，佢地的Set Lunch都有好多選擇，有湯類、麵類。今次雲遊大思就揀左個韓式海鮮豆腐湯，而同事就揀左個大醬湯配燒牛肉….海鮮豆腐湯，辣味適中，豆腐好嫰滑好重豆香，海鮮就有蝦、青口、魷魚，都算足料，不過雲遊大思唔食蝦，果２隻蝦就有啲浪費了， 哈哈。而同事揀果個大醬湯配燒牛肉食，都好大份，完全無諗過個湯的Size都係正常咁大份，而個燒牛肉都好大份，完全無諗過呢個set的配搭係咁，仲要只係收78蚊咋，勁抵食。個湯好香牛味，燒牛肉都好香好有肉汁，可能真係用上正宗韓牛吧。呢個餐廳食物質素高，午餐價錢尚算優惠，擺盤尚算精美。不過可能因為中午時間客人較多，而相對地店員人手較少，啲店員的脾氣好似麻麻地。當我地問佢個啲餐的細節時，態度有少少不良，仲不停話唔明點解我地咁問。。。 其實我地作為客人，對餐牌唔明白先會問下啫，「唔明點解咁問」呢句，有少少匪夷所思。所以雲遊大思認為呢間餐廳食物質素係OK可考慮回頭，但服務質素好一般，我要嬲一排先會再返去食既。地址：銅鑼灣記利佐治街1號金百利廣場3樓301室整體評分：7.5分雲遊大思列為屬「可回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #柞木炭家 #香港美食 #美食推薦 #銅鑼灣美食 ＃thecharcoalroomhk ＠thecharcoalroomhk…查看更多

梳乎厘班戟—初嘗夏沫最近西貢開左好多特色小店，有日系咖啡室、有日系甜品店，有特色曲奇小店，將西貢打造成一個專食海鮮以外的地方，當中有一家要特別介紹一下。講開班戟，好多人都喜歡日本過江龍之一的幸福班戟，但其實西頁呢間小店的班戟，都好好味架，大家去開西貢可以試下。佢地口味選擇幾多，例如伯爵茶、玫瑰、抹茶等等，環境走日系簡約風，感覺頗舒服，只要follow佢哋社交平台、送是日口味雪糕一球。今次雲遊大思叫左自己最鐘意食TIRAMISU口味。提拉米蘇梳乎厘班戟每份有兩件、用紙盒裝住有啲似漢堡包，如果堂食碗碟上會美觀，不過雲遊大思都明白，店內由２位店員主理，又要落單，又要洗碗，工作量應該有點大，所以紙盒上都算係佢的特色既！班戟賣相幾靚仔、夠厚身有兩份，質感Q彈充滿蛋香、甜度啱啱好，好香蛋味，呢樣唔係間間班戟都做到既。內裏口感似好軟熟嘅蒸蛋糕、空氣感尚可！TIRAMISU醬係淋係班戟上面，令外型更吸引，不過如果啲醬可以多返少少就更好。另外，雲遊大思係好鐘意食TIRAMISU的，對於呢個TIRAMISU醬的要求都有啲高，雖然味道尚算OK，但如果咖啡香味重啲就會更佳。初嘗夏沫地址：西貢西貢福民路58-72號高富樓地下4號鋪整體評分：7.5分雲遊大思列為屬「可考慮回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie # 初嘗夏沫 #香港美食 #美食推薦 #西貢美食 ＠bubbles_bubbles_sk…查看更多

日式牛扒專門店—Steak Bar雲遊大思身邊有好多牛魔王朋友，大家都係無牛不歡，每次出街都要諗食乜牛類食品，諗到頭都大埋… 唔知大家有咩好推介呢？最近，雲遊大思食過呢間日式牛扒專門店，都唔錯，大家都可以去試下。今次雲遊大思叫左個二人餐，主菜可以揀２款，仲有雞翼、紫菜薯條做小食。主菜1: 石燒薄切牛🥓真係幾薄，啲牛片嘅紋都幾靚，唔太肥幾嫩滑，石板上有牛油，所以唔洗加調味已經帶少少牛油香。呢度個石燒係有個火燒住既，唔似之前食過的石燒咁，塊板好快就凍晒，可以一邊燒一邊食，仲熱辣辣既。跟餐的白餐加左雲遊大思最鐘意的味素，唔錯唔錯，碗飯好大碗，男仔食剛剛好，女仔食就未必食得晒啦。主菜2: 板腱牛扒定食好厚切牛板腱，medium肉質就啱啱好，有牛味，有少少咬口又唔會韌，可以加少少鹽，個牛味就會更加出，沾點蒜鹽仲perfect蜜糖蒜香雞翼，沾滿蜜糖醬也能保持皮脆!! 好吃～整體環境簡約，食物質素OK，具性價比，鐘意食牛的朋友可以考慮下啦。地址：銅鑼灣登龍街登輝大廈地下B舖整體評分：7.5分整體雲遊大思列為屬「可回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie # steakbarhk #香港美食 #美食推薦 #銅鑼灣美食 ＠steakbarhk…查看更多

人氣正宗手工意粉專門店—Pici近期食火鍋、燒肉、漢堡食得太多，食到有啲悶，突然好想食意粉。於是就諗起之前同K先生食過的手工意粉。呢間位於灣仔「星街小區」的手工意粉店，係當區的人氣餐廳，雖然係位於內街有啲難搵，但每逢LUNCH TIME都會大排長龍。手工意粉的口感、味道、同質感，同機器打出來的好唔同，絕對係令你一食就難以忘懷既。PICI係由意大利籍的主廚主理，主打全手工的新鮮意大利麵，聽講佢地的意粉係唔會放超過24小時架，保證新鮮。雲遊大思已經試過佢地好多種唔同的手工意粉，包括寛條麵、千層麵、扁意粉、長通粉等等，佢地的手工意粉好重蛋味，打得好彈耳，絕對係會回頭一食再食的級別。除左意粉之外，佢地的甜品Tiramisu都係必食架，雖然雲遊大思係好鐘意食Tiramisu，暗暗地自然會加左少少不，不過呢個真係好好食，係雲遊大思自君悅的Tiramisu以來，排第2/3個好味架。頭盤：麵包 ＆ Chef's Selection Cold Cuts ＆ Baby Kale Salad麵包係用紙袋裝住，好有特色，法包雖然有啲硬，但點埋個Olive Oil。Parma ham, coppa ham鹹香十足既冷盤，好香口，再加埋個Kale Salad好fresh，配合起嚟可以中和個鹹味，係唔錯的選擇。而雲遊大思係好鐘意Kale架。Classic Lasagna經典牛肉千層麵焗得好香，表面有脆脆芝士層，麵條重蛋味唔乾身，配合酸蕃茄醬同芝士白醬，夾埋中間的鹹香牛肉碎，衝擊味覺享受，又唔太漏，真係好好味。Fettuccine Pork Sausage辣味豬肉腸寛麵，個辣汁係少少辣的，但好有刺激味道的感受，配埋個寛麵係一個好好的配搭。呢款都係可以再Encore的款式。甜品係雲遊大思最鐘意的Tiramisu，custard味幾重，好creamy，手指餅浸得啱啱好濕，咖啡味好濃，口感一流。 地址：灣仔進教圍16號地舖整體評分：８分整體環境簡約，Bar枱設計未必坐得舒服同埋可能有少少迫，但勝在食物質素高挽回不少分數，正宗手工意大利麵，出品勁優質同妹味，甜品的Tiramisu勁度推介要叫嚟食呀，真係好好味架。雲遊大思列為屬「推薦回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie #picihk  #香港美食 #美食推薦 #灣仔美食…查看更多

一飲入魂之花膠鮑魚湯底—湊湊火鍋今日繼續凍凍地系列，之前同朋友食完煲仔飯之後，今次同個出名鐘意食牛同打邊爐的牛魔朋友食火鍋，初初只係諗住揀火鍋放題，因為食幾多想食乜餸都可以自己揀，又唔會食好多。不過經過旺角家樂方就比一個火鍋＋台灣茶廣告吸引，廣告寫上「回歸初心，相聚重逢」，係好奇心驅使之下就走去望下呢個火鍋到底有乜初心，點知卜望埋餐廳就心動，仲即刻walk-in訂枱添。佢係一間台式精品火鍋加台式茶品的餐廳，餐廳裝潢好有特色，有少少中式宮廷風，裝修好靚，坐得又舒服。湯底有８款你揀，都係雞湯，台式鴨血，川味麻辣，蕃茄，鮮菌，魚湯等等。今次雲遊大思同朋友叫左鴛鴦鍋，有花膠鮑魚雞湯底同台式鴨血麻辣湯底。花膠鮑魚雞底好足料，真係有花膠同鮑魚，味道好濃，好重骨膠元，好入味，飲完湯先再加水打邊爐，真心好正，就係呢個花膠湯，將整個回頭指數推高呀，因為真係好好味。而台式鴨血麻辣湯底，同其他店的味道差唔多，牛魔朋友話未道唔太辣，可以加辣。呢度的鴨血同豆腐係可以免費任加架。唔錯唔錯。食火鍋飲珍珠奶茶真係好邪惡，食食下仲有店員拎啲甜品過嚟，係芒果沙冰，酸酸地好開胃，食到中有返杯可以消消膩，呢個舉動好貼心。而食飽飽仲有梅子茶凍做甜品，都係酸酸地味道。至於食物方面，都係一般的火鍋食材，不過湊湊鍋的食材款式都好精美，有企鵝造型的墨魚滑、蝦滑、鴨腸、牛肉都攞盤好精美。整體裝修風格精美，食材造型得意、食物質素唔錯，款式好多。不過價格略嫌性價比未係好高，如果以呢個價錢牛肉的款式或級數可以高多少少就好了。但總結嚟講，雲遊大思都係會回頭架，因為個花膠鮑魚湯真係深深俘虜左我的心了。整體評分：7.5分雲遊大思列為屬「推薦回頭級別」。#hkfoodlover #hkfoodblogger #hkfoodblog  #hkfood #hkeat#foodiehk #foodiegram #foodlovers #foodiegraphy #foodstagrams #hkfoodporn#hkfoodblogger #hkfoodblog #foodie #hkfoodie    #旺角美食 …查看更多

當竹蔗遇上咖啡—F1rst Crack Coffee中上環的半山地區，斜路好多，人車爭路，往往比人一種「此地不宜久留」之體會。然後在中環嘉咸街的斜路上，就有一個與世無爭的café，內裡的寧靜，讓人覺得進入了異度空間一樣，輕鬆的氛圍，與中上環喧囂的鬧巿形成強烈的對比。 而它就是正在試業的F1rst Crack Coffee。F1rst Crack Coffee係西營盤同大圍甜品店「夏雪」的另一品牌，以雪糕窩夫為人熟悉。今次落戶中上環，卻走截然不同的風格。小店行日系和式風格，甫進門正入眼簾的係一幅鮮明的橙色牆，上面有瓦片堆砌成的海浪，令人聯想到日本江戶時代的浮世繪。而左面是深藍色咖啡吧，配上木色地板，提供各式各樣的咖啡，右邊還有一張小木Bar枱，同咖啡豆的炒豆區。F1rst Crack Coffee 專注於提供優質咖啡—特別是基於濃縮咖啡的過濾咖啡，在店內烘焙，得出非凡的深度和風味。☕竹蔗茅啡竹蔗茅啡係F1rst Crack的Signature咖啡，一杯cold brew加入公利真材實料的竹蔗汁，咖啡豆的幽香滲出淡淡的竹蔗甘甜味，味道甜甜地，好特別，據店主朋友介紹呢個咖啡的設計暫時好似F1rst Crack獨創的。店主仲利用法國空運抵港的黑朱古力配襯竹蔗茅啡，64%的黑朱古力帶有少少莓的味道，好Fruity… 再呷一啖茅啡，感覺獨特。☕Dirty咖啡Dirty源自日本一家咖啡店，由凍鮮奶加上double ristretto組成，因啡色的espresso一點點弄污了純白的鮮奶而命名。F1rst Crack的Dirty層次好分明，一啖咖啡有熱的espresso同凍鮮奶混合，好有衝擊。地址：香港中環嘉咸街55號地下整體評分：8分整體環境簡約，清靜舒服，好chill，咖啡特別，店主及店員亦細心介紹每款咖啡的獨特之處，讓您認識更深，總結而言雲遊大思很喜歡這家小店，建議大家可以一試。雲遊大思列為屬「推薦回頭級別」。…查看更多

食到你飽足料丼飯—爆丼屋香港有很多日式海鮮丼店，但是能做到魚生堆得滿滿滿，猶如一座又一座小山丘，份量超級驚人的店可能只有這家了。店內的裝潢是走簡約路線，一切都比較簡單🐮爆盛慢燒牛肉丼整個賣相吸引，牛肉疊成牛肉山，好足料，加隻日本雞蛋係中間。呢個飯牛肉配有兩款汁，蒜香燒汁+山葵忌廉汁，牛加埋醬同蛋撈勻一齊食好惹味。雖然牛肉係薄切，但大大塊，肉質好嫩同腍，牛肉的級別不是很高，但尚算有牛味，口感不俗，比想像中好味。🐟極上拖羅盛丼($228)望見人食時覺得好似有啲細碗，但嚟到之後發現魚生長成小山丘，拖羅山足足有12塊，份量超多。雖然拖羅未算厚切，但魚的油脂豐富，魚味香濃，都尚算幾肥美。雖然未算係好高級別的拖羅，但都有少少入口即溶的感覺，對雲遊大思呢個拖羅鐵粉嚟講都尚算滿意。🐟煙薰油甘魚純粹係為打卡而叫，油甘魚由蘋果木金的煙薰住，一打開蓋都聞到陣蘋果金味，薰完的魚食落都有陣木香，不過你話係咪好好味? 雲遊大思就覺得一般，但講老實的油甘魚魚生係肥美，不過薰完出嚟又唔係真係咁特別。呢個小食可叫可不叫。🐥串燒雞翼串燒雞翼算幾好味，燒出雞油又脆口。🥤荔枝青檸梳打有少少荔枝味，但甜度過高，完全掩蓋青檸的味道，屬有少少失望之作。地址：旺角山東街57號整體評分：8分整體環境簡約，爆丼大份好味，性價比高，不過小食款式較少。雲遊大思列為屬「可回頭級別」。…查看更多