Sandywong20's Profile

夜晚九點，想食D熱呼呼既野。開頭去左7仔，見到佢暖櫃有腸粉，就諗到寶達街市入面呢間：(一直未試過)即做即蒸腸粉既食店之前有朋友介紹過，話食咩腸粉都一定要加蛋所以最後叫左冬菇瘦肉腸($28)加蛋(加$3)。睇到入面既姐姐係落order即整既大概5分鐘內就ok，好快手豉油係另外上既，腸粉塞滿盒入面九成既空間，好有份量。雖然以前未食過，但加蛋真係好特別好正，蛋漿同腸粉既米漿一齊蒸，蒸既過程，兩樣野成形合體。一層黃一層白，蛋口感較硬，腸粉軟嫩，層次好豐富而蛋香，米香，加上冬菇同肉香，仲有豉油+蔥花，意外混合出，有D似煲仔飯既味道好食既呢個鐘數，即整腸粉，仲咁多，$31好抵食。宜家差唔多11點仲好飽…Read More

第一次試Sum Sum Dessert同朋友係觀塘食完晚餐，好想再食甜品，於是去左港貿中心13樓既Sum Sum買左麥提莎糯米糍，同三款茶味既雪媚娘。比較中意伯爵茶雪媚娘，好香，而且甘苦大於甜味，相信喜歡茶既可以一試影出黎有D似但係真係好好食…Read More

服務很棒購買openrice coupon後，根據指示到收銀處兌換，店員很樂意幫忙，很友善的服務。兌換後，可以在店內舒適的小隔間等候。黑糖珍珠抹茶牛奶非常濃郁。我喜歡它濃濃的抹茶甘苦味道。抹茶厥餅比較甜，口感不錯。…Read More

之前係其他地方食過itamomo，覺得味道唔錯，諗住同集團連鎖店都會OK但真係。。。叫左4個晚餐，同小食飲品。比較好既係有DD擺盤，咖哩即焗熱辣辣，薯條即炸唔油食物都偏凍，例如扒餐，豬仔骨，紅白湯。全部都好軟身，焗既，另叫既，跟咖哩既都一樣。而且調味偏重，味覺好大負擔服務：帶位員帶左我地環繞半周，話茶水區唔行得，再兜一圈有幸觀察到餐廳格局四正，冷氣夠大，而且職員培訓同溝通有唔少改善位呢個商場食西餐，印象仲有溫莎，小洋蔥，再唔係M記同KFC都算呀:)…Read More

黎ikea，最重要當然係去ikea餐廳，傢俬容後再議。大部分menu有既都想嗌，但得兩丁友，只能夠擇肥而食兒童餐有素魚柳粟米伴紅汁，包一個汽水杯。素魚柳比較硬身，實的的燒豬手，表皮炸過，脆而偏硬，但70蚊有找，有酸菜，有炸春薯同gravy，好抵食必點既肉丸跟薯蓉，果子醬自己落，減少浪費，味道一如既往，只係凍左少少。小食拼盤，有炸雞翼，脆皮波波腸，炸薯角同粟米。雞翼仍然係又乾又硬，但點都係會叫一份。蝦串拼意粉，蝦比較腥，非常需要胡椒粉，忌廉汁偏稠身，下次會叫返三文魚柳自助暖爐既菠菜薯餅仍然咁正，外脆內軟，牛油定芝士既奶香好夾薯仔！仲有黑松露炸餃子，松露味道以$13/4隻黎講好足夠，如果撞正新鮮炸起應該好好味overall係好抵食既…Read More

今日雖然係白露，但天氣仍然好熱。好想食支新地筒降溫。行到Ikea美食站，見到cashier變左全自助形式，menu亦有新產品！例如有雞肉醬熱狗，鯊魚包，乳酪雪糕加布甸粒，仲有今日試左既蛋撻新地$8一個，新地係即叫即唧，所以撻皮絕對唔會漏氣軟淋淋，而係好似牛油曲奇咁，脆身加少少鬆化上面既新地，唔係普通原味白色嗰隻軟雪糕，而係好似混合左吉士醬既淡奶黃色，所以感覺似fruit tart走了fruit雪糕食落好香滑，有少少鬍子伯伯原味吉士餡既味道。撻皮薄身，但直徑都唔算細，近似傳統蛋撻size。有錫紙撻模，同一張闊身牛油紙墊底。不過我食起上黎都幾狼狽曲奇皮太脆，一咬就四分五裂，然後塔狀既雪糕又開始溶解，成手到係最建議係美食站即刻食個人覺得好抵食，最中意食脆撻夾吉士餡…Read More

三個人閒日飲下午茶，等位大概要5分鐘。入酒樓前，先揀包裝茶葉，沖了一壼鐵觀音，味道正常。自動化，自助加水，自行用手機落單。自斟自飲，加單亦方便。$12.8特價點心全部都有試，大部分係預先整好，出餐快，但食物比較凍，例如炸午肉角，濃湯雲吞。蒸點較熱亦較好食茶市正價點心亦有7折，推薦：咸水角熱辣辣外脆內糯；金銀蛋蒸腸粉即叫即製，腸粉夠滑，蛋同肉熟即程度剛好，冇嚡口，調味較淡。想雨露均沾亦可以試：馬拉卷拼糯米卷，蝦餃拼粉果，四美點。馬拉卷係有奶皇既馬拉糕卷蛋，甜而且有蛋黃香氣。蝦餃有驚喜，外皮稍厚，餡包得夠實，冇乜虛位，有蝦仁有肥豬肉，調味正常，上枱時仍然夠熱冒煙。價錢便宜，折後大約$100到$110一個人，抵食缺點係環境比較嘈吵，水機壞壞地…Read More

由細到大，食過既泡芙都唔覺得好吸引，總係飄蕩係油膩同甜到漏之間，總之無乜衝動食第二啖。今日經過鬍鬚怕怕，聞到好重既酥皮香味，係牛油經過烘焙後產生既獨特味道，腳步即刻躊躇起黎。下午兩三點，舖頭未有人潮，睇住玻璃櫃入面大大小小既泡芙，有酥皮既，有朱古力脆皮既，仲有長條狀Keze Keze既。全部都好新鮮，外皮望落去係好脆口既，唔似畀濕氣整淋哂。立刻心動要買黎試吓有少少怕內餡太多會好膩，所以揀一口泡芙似乎最好，皮多餡少。而味道就應該由原味吉士入手最穩陣。落完單，見到店員妹妹即時用機器將吉士逐個擠入泡芙，如是者做了6次，小泡芙3個一組，分別放入2個小紙袋，再以大紙袋入好。成個製作過程畀人既感覺好細緻用心。雖然未曾開動，但估到泡芙外皮一定仲係脆身既。揸住紙袋，心入面已經好期待佢既味道同口感有幾正。一路行，一路消毒雙手，攞起一件先咬一半，外皮真係又香又酥又脆，裡面吉士涼浸浸且滑潤，蛋味奶味充足而平衡。等左咁耐，終於食到一件好食既泡芙。生怕脆皮變軟，之後五件泡芙仔就咁一粒一粒放入口，蛋奶吉士幾乎冇油膩感，食到最後竟然有少少意猶未盡。吉士感覺好似稀釋版既clotted cream，味道極為香濃。下次一定再試吓正常size既泡芙，仲要試理其他口味原味mini puff 1set $36，一個可以一啖食唒，吉士只會係口腔爆發，唔整污糟手同嘴唇推薦泡芙無感人士反感人士試試可能會令你改觀…Read More

今日行錯路，誤闖到享樂烘焙係新蒲崗既總店。可能因為係星期六既下午，亦可能因為天氣甚熱，係反射住刺眼陽光既玻璃牆內，依稀只有幾個碰住托盤低頭挑選既客人，收銀台前亦未見聞名既長長人龍。機緣至此，無心插柳，踏破鐵鞋，都唔係形容到我想入門逛逛既藉口其實，只係想單純咁感受吓，或鬆軟，或煙韌，或香甜，或鹹鮮既包包。一入門內，就聞到由牛油雞蛋麵粉組織成既麵包香氣，配合店裡簡約既裝修風格，和麵包架子前悠然駐足既三四位客人，如此寫意的情景，已經在我的胃裡編織成一種溫慢的食慾。奈何夏日炎炎，胃口麻麻。食最有名氣，尚餘一點溫熱既Bagle？定係旁邊由職員忙碌咁逐件上架既密瓜包？對面一對情侶夾起既Scone更係剛剛出爐。但天氣咁熱，似乎都唔係最適合既選擇。左顧右盼，腳步逆時針繞了半圈到收銀台，垂頭見到雪櫃入面一個個蹲係盒子裡既圓潤麵團，眼前一亮，見到有代表抹茶既森綠色彩，眼睛再亮幾分。揀好啦！唔該，一個抹茶冰心。接過承載住冰心既盒，絲絲涼氣透到手掌，為燥熱既夏季送點微風。即使係街頭，都忍耐唔到突如期來，由胃部深處咕咕叫囂既飢餓感。手忙腳亂咁撕開牢牢緊貼膠盒既封口，掀開裡面沾染左抹茶粉和糖霜既透明蓋子，匆匆係心裡默念我要食您啦，一記飛擒大咬。然後，只係咬到包體。係軟熟又甜絲絲既。唯有，毫不憐惜咁再咬一大啖。糖份既甜蜜，抹茶醬既甘苦，厚重既奶油香味，濕漉的涼快氣息，白霜溶解的滑膩，一個一個，接踵而來。縱然係街頭食到滿手狼狽，即使沾得雙頰嘴唇一片白，都阻止唔到我一口接一口解決冰心既決心。望住空盒，會心一笑，果然係夏天最適合既選擇。雖然去年夏天錯過左，今年總算幸運地遇到您。差少少唔記得加張打卡。P.S. 多謝您睇到呢到，其實呢個價位同質素唔值得再用quota食，包體太多，甜蓋過茶甘，內餡偏少。寧願食鬍鬚怕怕既原味泡芙，外脆內軟，吉士香滑，甜而不膩…Read More

係Openrice買晚市coupon，3個人，可以食3個鐘！先畀$444，去到再畀現金每人$90，抵玩有燒烤，有火鍋，有刺身，有熟食等等等，雖然唔係頂級級數，但乜都有少少，好啱聚腳吹水食飯。晚市黃金時段燒肉區仍然有羊扒，帆立貝，熟食今次仲有蒸扇貝，辣酒花螺，炆牛腩牛尾，燒雞全翼，忌廉青口，有時refill會轉吓款。有新鮮感肉都係首推豬頸肉，雞軟骨，金沙骨但係今次冇土匪雞翼:(炸薯格超脆，春卷熱辣辣，但等唔到出新炸既薯條。之前有牛角包，今日都冇出不過啤酒有玻璃樽1664有日本麥啤，ICE，黑啤等等，好多選擇！中意啤酒既可以飲餐飽但汽水希望有多啲0卡無糖既選擇，今次去凍飲又無糖既應該得。。。道地紙包茶，罐裝茶，依家凌晨三點半仲未訓得著希望校長關注吓唔受得咖啡因既熱愛冷飲人士，Zero/ohha/black Pepsi咩到好呀不過咁近mtr，overall質素，呢個價錢都冇乜投訴，推薦…Read More

一行三人staycation，自助晚餐。利申:對食物冇乜期望。黎呢到主要只係想游下水，一齊chill下，順道去附近商場shopping餐廳主題係和風，門口有唔少日式既裝修飾物，打卡友好。有趣既係，全場最有日本味道既，正正係唒門口日式食物方面，自助餐基本既section，刺身，幾款卷物，冷麵，天婦羅，串燒，豚骨湯底x車仔麵，味噌湯，數款日式甜品x榴槤下午茶環保再用甜品。和風既野係咁多啦前面為飯友講得好中呀真係有返鄉下既感覺呀不過我就冇合作影相用文字分享吓啦上面講左點題既和風食物，其他食物都好特別架比較印象深刻既係。。。(排名不分先後架fast food界名物：雞寶誠意之作：泰式蝦餅健康護聲系列：唔開蓋充滿蒸氣既Nann珍惜食物擔當：榴槤朱古力漏氣撻正宗印度風味：咖哩薯仔三色豆小朋友至愛：有色冇味抹茶朱古力噴泉太太太太太多啦，不能盡錄個人覺得荃灣咁多日式放題，佢地既質素，比起呢到，大家識得揀啦BTW，服務真係好好，充滿笑容，主動，有熱誠。幾中意呢度既雪糕，係Häagen-Dazs，有coffee, strawberry ice cream；另外有individual box packing 既Almond ice cream stick bar, 有matcha, strawberry, chocolate。…Read More

一行三人，家庭聚餐，對食物冇乜期望，只係想坐耐D，邊食邊傾吓計。每位有限量既半隻焗龍蝦同焗蠔，味道一般。有職員逐枱提醒乳豬只出一次，但偏油，唔脆，仲有好強烈既羶味凍海鮮大部分都過鹹，比較可以既係龍蝦鉗同好難攞既麵包蟹。辣牛肉沙律同青木瓜沙律好開胃，酸辣甜比例完美。熟食方面，海南雞夠嫩，印度咖哩芝士同乳酪雞好正，香料足，味道算幾正宗。其他一般。有即煮海鮮泡飯，冬蔭功湯麵，冇試。甜品印象深既係Tiramisu，每次只出兩到三份，係可以見到未浸既ladyfingers，而咖啡酒係即場混合，可可粉亦係立刻篩上去。cheese好滑口，手指餅質地剛剛好，乾濕拿捏得啱啱好，推薦一試。Häagen-Dazs 有3個新口味，strawberry and watermelon，chocolate and strawberry twist and crunch, cherry and strawberry，仲有抹茶。最中意朱古力脆脆加士多啤梨，好有口感。飲品有自助區，有汽水，凍熱茶水，咖啡，奶可以自斟自飲，方便。整體食物一般，但staff好勤力，而且好留意客人需要，refill算快，即使差唔多完場，例如雪糕某味道冇哂，只要主動問，職員都樂意幫手入雪房攞。餐廳既氣氛好好，感覺舒服自在。…Read More

上次夜晚食得好趕，只有120mins，但食物款式太多，想雨露均沾實在太匆忙。點知openrice有3小時晚市coupon，立即用whatsapp訂位，comfirm左再買3張coupon，就當係慶祝爸爸節既小禮物。Book左1930至2230時段，早左幾分鐘到，送左張VIP卡，下次再黎食有折扣。跟住搞埋啲防疫野，好快已經可以入座。今次坐闊啲既6人卡位，兩邊都係沙發，鬆動好多。比較上次，夜晚呢場特別既係有帆立貝同羊扒，熟食有麻辣小龍蝦，白汁青口，煎堆等等，款式有啲唔同。但冇最想食既脆卜卜薯條冇得瘋狂啪垃圾食物:(今次比較中意既都係泰式豬頸肉，雞軟骨，金沙骨。薄牛扒都靚仔，肥膏少，肉質算ok。帆立貝細細粒冇調味，加埋豉油同蒜蓉幾好食。羊扒好薄，而且肥膏多過肉。蓮藕雪過頭，口感好粉。刺身區中場冇Refill，三文魚/赤蝦都冇哂。而有啲唔高興係食食吓中途有職員話"你地夠鐘"，跟住去Cashier擾攘一輪，原來搞錯枱。。。另一單係燒燒吓肉，職員訓導主任上身咁款，氣勢洶洶咁㩒個爐，話燒爐唔可以開大過三度火。先唔講禮唔禮貌，如果爐最高只可以三度，點解唔set死maximum係三？或者整個sign？又嘈左一陣。。。Overall 呢個價錢同時間好抵食，推薦既…Read More

見到麻糬波波$20/10個咁平，細細隻又熱辣辣，兩啖一個好好食咁，2秒決定快快手買返屋企食於是即刻請姐姐每個口味執幾件，姐姐好快手執入袋，但自己太心急冇check，到屋企先發覺袋入面得9件波波宜家個數同屋企人分唔平均，自己蠢:(食少一件下次一定要記得打開袋睇睇…Read More

如果 JW lounge tea buffet只可以推薦一樣必食既野，係raisin scone。如果係兩樣就加埋plain scone啦。當成個buffet既人潮集中係鹹食區，我停留係甜品區，目光指向被透明圓蓋籠罩住既Scone，蓋裡有一層薄薄既蒸氣，意味蓋中物係有一定既熱度，Scone要趁熱吃，於是帶了一件回枱品嚐。當食呢件Raisin Scone既時候真係尚有餘溫。一咬，邊位酥脆，內裡鬆化濕潤。帶住單純牛油同麵粉既香，加上分佈平均既提子乾，以果乾本身既果糖果酸作點綴，未加cream and jam，就咁食都好正。以tea buffet黎講，質素好有驚喜。到食第二啖，先再加上滿滿既clotted cream，cream偏杰身，有鮮奶香，但唔膩亦唔羶，整體甜味較重，但食落好順滑，係喺口腔既溫度下溶解化開既嗰隻順滑。明知道好高卡，但都控制唔住搽cream隻手，因為呢個配搭真係太好食。可惜既係，食幾次原味scone都比較凍身，否則相信plain scone+clotted cream+tea已經係無敵三角。另外一提，提供既兩款果醬都太太太甜，不合胃口，如果有一款酸D清新D既會多元化D而飲品方面可以order一杯，為咗襯Scone，當然係熱茶啦…Read More