大部分menu有既都想嗌，但得兩丁友，只能夠擇肥而食
兒童餐有素魚柳粟米伴紅汁，包一個汽水杯。素魚柳比較硬身，實的的
燒豬手，表皮炸過，脆而偏硬，但70蚊有找，有酸菜，有炸春薯同gravy，好抵食
必點既肉丸跟薯蓉，果子醬自己落，減少浪費，味道一如既往，只係凍左少少。
小食拼盤，有炸雞翼，脆皮波波腸，炸薯角同粟米。雞翼仍然係又乾又硬，但點都係會叫一份。
蝦串拼意粉，蝦比較腥，非常需要胡椒粉，忌廉汁偏稠身，下次會叫返三文魚柳
自助暖爐既菠菜薯餅仍然咁正，外脆內軟，牛油定芝士既奶香好夾薯仔！仲有黑松露炸餃子，松露味道以$13/4隻黎講好足夠，如果撞正新鮮炸起應該好好味
overall係好抵食既
