foodetective852's Profile

精緻手打意粉@尖沙咀餐廳嘅裝修有格調，外面有棵兩層樓咁高嘅巨型聖誕樹，餐廳內亦已經有應節嘅聖誕裝飾，嚟慶祝節日好有 feel 呢～流心蟹黃意大利雲吞黃色嗰啲唔係醬汁，其實係隻好大嘅意大利雲吞，入面有蟹肉同流心嘅蛋黃！日式醬油漬溏心蛋黃多士夾層係日式漬醃嘅長崎蛋黃，最上面重有黑松露軟芝士，所以多士份外惹味。煙三文魚意大利軟芝士撻餐廳送嘅煙三文魚一口撻，小巧精緻，又有芝士香。芝麻包餐包係圓滾滾嘅芝麻包，烘熱咗令芝麻味更突出，搽少少煙薰過嘅牛油更好食。法式蘑菇湯蘑菇湯好香濃，加上香滑忌廉、橄欖油同麵包脆粒，真係好有層次勁好飲！雞白湯手打意粉侍應介紹係用咗本地嘅三黃雞，難怪特別有雞味，而手打意粉食落有嚼勁，比一般意粉有口感～…Read More

經濟好食日本菜@新蒲崗二人餐有兩個主食同三個小食，超過廿個選擇先至 $228，日本菜都可以經濟實惠㗎！天氣凍咗好啱食牛油拉麵，牛油香滑，溶入湯底，唔會有肥膩感。拉麵有嚼勁，配料例如粟米、昆布等等相當豐富。第二個主食就加 $5 揀咗吉列豬扒奄列咖哩飯，吉列豬扒都幾大塊，炸得脆卜卜，加上咖哩撈飯好惹味好食。串燒兩款每樣兩串，真係兩人份量㗎。串燒嘅賣相吸引，雞翼更加係燒到脆皮，調味又適中唔過濃。魷魚鬚好彈牙，我自己都比較鍾意食觸鬚，覺得口感有咬口啲～每款小食份量都係咁足料，餃子都有半打，哈哈。餃子個餡都幾多，煎得不錯。…Read More

老字號海景中菜@灣仔 依度係獲米芝蓮推薦嘅生記新 line，質素有一定保證，裝修 classy 座位闊落，經理談吐幽默服務殷勤，成個用餐體驗都好享受 生記招牌菜之一嘅蓮藕餅，既肉汁豐富，又食到爽口嘅蓮藕粒，兩者比例調教得啱啱好。 新店菜式嘅賣相更加精緻，而且用上高質食材黑毛豬，咕嚕肉酸酸甜甜炸得脆薄好食！ 梅子蒸蟹蟹肉鮮甜，自家製梅子醬好開胃，無蓋過 D蟹之餘令蟹味仲突出咗 玉荷苞好意頭同健康，入面包咗幾種菇菌，浸上湯煮得入味。 鮑魚粒非常有咬口，鋪到滿滿毫不輕手，焗飯香氣十足～…Read More

Burger Tasting@中環在 社交平台專頁看到 Sip & Slide員工穿上 Squid Game costume宣傳 Halloween event，非常有玩味，而這裡的食物亦是具創意又美味。Tasting Menu for 2有 1 Salad + 4 Sliders + 2 Sides + 1 Dessert，可以試到很多 items呢！ Bell Pepper Salad colorful 的樣子相當 eye-catching，燈籠椒中都有數顆鮮甜車厘茄，水牛芝士上添加青醬和黑醋平衡味道，惹味之餘不失清新 Sliders的口味別出心裁，看似迷你，但其實十分足料South East以是拉差甜辣醬配豬頸肉，搭上酸辣的青木瓜絲和薑絲，有種東南亞風味。 和牛漢堡加上煙肉和 Parma Ham，再用 Beetroot Jam 減卻膩感，在傳統漢堡中增添一點 twist 鴨肉漢堡鴨絲多肉汁，帶有海鮮醬的鹹甜味，當然也不少得京蔥、青瓜和蔥絲，彷如將北京烤鴨濃縮到漢堡中呢～ 最後一款是魚漢堡，魚柳煎香夾著爽脆 Coleslaw，豬牛鴨魚的漢堡都全試勻了～第一個 side 是 Popcorn Chicken，炸得香口，雞皮特別脆。Homemade Pom Poms 口感似粒狀薯餅，脆口卻不油膩，沾醬略酸開胃。 甜品轉成金莎 Milkshake，Nutella 掛杯的視覺效果一流，甜度適中…Read More

南美古老藥房主題酒吧餐廳@尖東海傍尖沙咀中心外 Alfresco Lane 的酒吧餐廳對著維港特別有氣氛，其中 Boticario Bar & Grill的裝潢有南美洲 1920s 的年代感，更有種神秘的異國風情！這裡的 Cocktails別出心裁，食物亦甚有水準，來用餐或是小酌幾杯都適合。 這杯 Brave Bullfighter 盛在非常霸氣的犀牛角玻璃杯，以東方手工氈酒、龍舌蘭、伏特加、青檸汁等等調製而成，有淡淡四川辣椒的辛香味，味道很獨特但不算嗆 坐吧枱就能享受 Bartender 的調酒表演，椰子冰鎮後注入伏特加，還有酸甜的奇異果和青檸汁等等，如賣相般清新～ 同是 Refreshing的Shell to Pay 基底是有熱情果香氣的 Rum酒，充滿水果的酸甜，容易入口 店名 Boticario 的意思是藥劑師，而牛油果 Tortillas 就用磨藥的杵臼上菜，有點巧思 沾醬還有蕃茄和洋蔥，配脆片一流 八爪魚粗身而不韌，慢煮得口感幼嫩又入味，雪白的 Ajo Blanco 醬汁像 Hummus 般順滑…Read More

親民正宗川滬菜@大角咀 上海老家的裝潢平實，就是做街坊生意那種小店，但食物做得正宗美味！由奧運行過來只需數分鐘，地點不算難找。 侍應事先詢問我們吃多辣，服務很周到，因為我朋友只吃到小辣啊，哈哈～ 餛飩肉餡豐富彈牙得很，餛飩皮既薄且滑。除了淋上辣度適中的紅油外，蔥花和蒜泥也是下得豪爽，非常惹味 素鵝鹅以腐皮包裹冬菇等材料製作，是傳統的上海名菜。腐皮摺疊後炸得酥脆香口卻輕盈不油膩，而且真的有燒鵝的口感，原來素菜可以如此精緻可口呢  擔擔麵的賣相看似簡單樸實，然而入口就知道味道一流，麻醬香濃濃稠佐以肉碎，麵條細滑有咬口…Read More

Pet Friendly 美式餐廳@將軍澳將軍澳有不少新晉的寵物餐廳，而 Route99 是走美式風格，裝潢充滿美國 Diner 的經典味道，用色 Colorful，處處都有打卡位！我們身處 Pastel Tone 的「車廂」用餐，配搭黑白相間的磁磚地板，非常有氣氛 這裏的餐點亦是貫徹主題，有Burger、All Day Breakfast、Steak、Brownie等等的美式美食，當然也有寵物的 Pet Menu 啦，選擇不少呢～ 熱狗上有辣肉碎和濃郁的車打芝士，芝士滿到漏出來，哈哈。幼身的薯條比較脆，份量豐富 粉紅色的士多啤梨奶昔賣相吸引，香濃軟滑好好喝，真的有士多啤梨的酸酸甜甜，不是味道很人工的那種 USDA 西冷牛扒可選兩種不同伴碟，健康一點選了 Mixed Vegetables 配 Mashed Potato，薯蓉質地幼滑，中間是惹味的 Gravy…Read More

可愛 3D 公仔 latte @ 銅鑼灣依間位於希雲街嘅良心小店除咗食物水準高，啲飲品多款、好飲又靚 入店前會為客人消毒，咁樣衛生啲～朋友有限度咁節緊食，所以點咗煙三文魚沙律。沙律雜菜新鮮，有青瓜片同蕃茄仔令口感豐富啲，最重要嘅煙三文魚份量好可觀 煙薰味啱啱好，唔會太鹹。立體拉花整得非常精緻得意啊，而且唔係間間 cafe 都有呢。除咗 Menu 寫嘅 Cappuccino，其實其他飲品都可以做 3D 效果㗎。我依杯係宇治抹茶嚟，茶香濃郁，兩隻熊仔勁搶鏡Avocado Toast 嘅牛油果切得工整，多士上再有一層牛油果蓉，好足料同 fresh！Scrambled egg 炒得嫩滑，好香黑松露味。All-Day Breakfast配嘅沙律有連枝番茄、羅馬生菜同紅葉生菜，Salad dressing係柚子醋，比較清爽～另一杯就揀番平面嘅拉花，公仔跟番依杯九鬼黑芝麻嘅顏色架，公仔周圍重點綴咗啲芝麻粒，做得盡善盡美，味道香濃柔滑 Buffalo Wings present 得精美，真係好鍾意依度對細節嘅認真。水牛城雞翼嗰個 Hot Sauce簡直就係靈魂，醬汁辣中有番茄種開胃嘅酸，唔係用現成醬料，同埋外皮都重脆脆哋！…Read More

地道印尼美食@銅鑼灣 銅鑼灣有好幾間印尼餐廳㗎，糖街依間成日經過，今次係第一次食，見佢 menu都好多嘢揀！既然未食過就叫咗個應有盡有嘅小食拼盤，有炸雞、烤雞翼、炸黃豆餅、炸秋葵同炸豆腐。黃豆餅係經過發酵，質感紮實，係素食嚟㗎～ 炸豆腐就似唔臭嘅臭豆腐，哈哈，香口但入面好軟。平時秋葵都係做涼菜多，依度炸到佢脆卜卜，好食 花膠湯粉皮好滋補咁，而且可以配嘅主食有好多款，我最後揀咗燒牛仔骨花膠湯粉皮。花膠湯有勁大塊花膠，香醇兼有膠骨原嗰種少少漿口，真係足料湯嘅味道濃郁美味，粉皮好嫩滑𠻹㗎，食下食下就飲哂啲湯 lu。燒牛仔骨因為用咗秘製醬汁去燒，顏色深啲寧舍惹味。啲牛仔骨大塊多肉嘅，份量多又入味，食到舔舔脷啊  印尼嘅四大天王原來係班蘭雞、巴東牛肉、沙甸魚同加多加多沙律，咩都想試下就啱哂。班蘭雞嘅肉質好嫩滑，沙甸魚撈咗辣椒不過唔會太辣。巴東牛肉其實係牛腩嚟，用椰漿加好多香料去燉煮，要燉好耐所以十分香滑。最後一樣係加多加多沙律，Gado-gado 係雜錦咁解，依個沙律有胡蘿蔔條、豆角同椰菜等等材料，最特別就係落咗沙嗲醬，有別於西式嘅沙律呢  個飯轉咗做班蘭尖塔飯，另外有椰汁飯同黃姜飯，一場嚟到食尖塔飯地道啲嘛。班蘭飯唔止色彩鮮豔，仲有班蘭股芳香味，甜甜哋咁。 就連沙冰都有班蘭味，個 smoothie好高，賣相已經好吸引。啲沙冰 keep 住一路都充滿班蘭味，唔會食食下得番啲冰  雜錦冰同珍多冰有啲相像，都有綠色一條條好似啫喱咁嘅珍多，但就多咗其他啫喱同牛油果果肉，更加豐富～外賣同零食望落都好唔錯 …Read More

黃金吉列牛@銅鑼灣 最 classic就係元祖炸牛排套餐，精緻嘅卡紙寫住用咗翼板牛，呢個部位係牛肩胛，油脂均勻，肉質好軟嫩～ 吉列外皮炸得金黃，酥脆同時好輕盈，一啲都唔油膩，不愧係來自日本京都嘅過江龍，吉列牛排嘅份量仲非當可觀𠻹  第二個都係翼板牛，分別就係「霙花」喇！我查過霙花即係雪花咁解，依款吉列牛上面有白色嘅蘿蔔蓉同蔥花，又真係好似舖咗一層食得嘅雪花咁 依個餐會有個椪柑醋醬，混合咗嘅蔥花蘿蔔蓉汁勁開胃 點牛排嘅其他醬料有芥末醬油、山椒鹽、招牌牛排醬同咖哩醬，我個人喜好就最鍾意咖哩醬，調配得香濃又唔會蓋過肉味 唔少得有漬物，送飯啱哂。 每個套餐都配上味噌湯、椰菜沙律同麥飯，可以添飯同 refill 椰菜沙律。麥飯健康啲，麥嘅比例唔算過多，無食開都會食得慣。椰菜沙律新鮮爽甜，有芝麻醬同柚子醋任君選擇。 藍色嘅飲品，沙漏形嘅玻璃杯，睇落幾特別。味道好飲喎，有啖啖荔枝粒喺底，唔會過份甜。清新嘅桃茶，茶味重啲，蒟蒻好好咬，兩杯嘅甜度都適中！除咗牛排，仲有吉列海鮮同豬，其實選擇都多，咁啱今次大家都想食牛多啲，下次試埋其他嘢先～…Read More

工廈良心台灣菜 @ 觀塘食台灣嘢嚟講，啲小食簡直係靈魂，哈哈，依度就有成十幾款台灣小食！蚵仔煎外脆內 QQ，尤其是啲邊位，特別香脆。蚵仔嘅份量充足，沾醬好惹味～台式飲品係另一樣唔可以錯過嘅 item，金桔檸檬紅茶比想像中大杯，非常抵飲，金桔檸檬嘅酸味開胃消暑。滷肉切到一粒粒，肥瘦適中，就算鋪到勁滿都唔油膩，而且唔會太鹹。配料重有蛋菜，勁豐富。鹽酥雞卜卜脆，雞肉鮮嫩多汁，炸得好食。鹽酥粉係自己加，同朋友 share 都唔怕大家口味唔同。蛋餅餅皮有啲煙韌，包咗爆滿嘅芝士同粟米粒，夾起時拉哂絲，粟米就爽口中和番個口感。綜合芋圓咩款都有，有齊三色芋圓，加埋啲椰果同爆珠，依個甜品好味又令人滿足！…Read More

新水門雞飯@觀塘 新開嘅粉紅水門雞飯裝修企理，價錢仲好親民𠻹。店員見我哋喺出面頭岳岳，好快就招我哋入去坐，招呼幾爽手～叫咗最多人揀嘅雞飯同豬手飯，睇落認真唔錯，跟兩個唔同嘅汁。水門雞飯份量夠哂足，呢個價錢真係 CP 值高！雞肉非常嫩滑無骨，啖啖肉，最緊要嗰個泰式醬汁亦都酸酸辣辣開胃惹味。而且油飯嘅口感好輕盈，香得嚟唔滯，成碟都食得哂。滷水深色，豬手滷得好入味，切開一條條方便食得多。豬皮有彈性唔韌，好有骨膠原咁。咸酸菜醃得爽脆，係配菜但係畫龍點睛～個飯重有一個溫泉蛋，豐富到一個點，同埋真係好食。依度無套餐嘅，飲品另外點，不過加埋都唔過 $50。冷泡茶都係 $12，汽水就再平啲係 $8。薏米水有淺淺嘅香茅味，有泰式風味之餘唔太嗆鼻幾好。沙律比我想像中 spicy，食落原來都唔少，青木瓜絲食極都有，哈哈！另外混咗車厘茄同花生，無咁單調。芒果超甜啊，大大塊鋪滿㗎。糯米飯軟糯有香濃椰香，整個芒果糯米飯好好味，都只係 $18 咋。…Read More

音樂配美食@銅鑼灣周打蜆湯好似以前去美國玩飲到嘅咁樣，賣相好靚好吸引，蜆肉勁多啊！蒜蓉包好好味，配濃湯非常夾 水牛城雞翼有三種辣度，我哋揀咗中辣都 handle 到，依種美式酸辣超開胃食唔停，點啲 blue cheese dip 又會變多種口味咁。旁邊嘅 Veggie Sticks脆爽甜，為惹味嘅雞翼做番個平衡～上星期先講起想食炸魚薯條，發覺香港唔係好多地方有，估唔到依度有得食，仲要整得勁勁勁出色！首先無論炸魚定薯條個份量都好大方，而最緊要就係炸魚真係好薄脆，魚肉嫩滑到爆！Mocktails 個樣好有 feel，好啱打卡。Fruity Blossom 充滿水果嘅甜甜酸酸，Lemonade 嘅甜度會低少少，好清新燒烤醬豬肋骨外面烤得焦香，豬肋骨好易切開 share，食嗰陣都幾方便。半份亦好大份夠哂食 ，sides 嘅炸洋蔥圈同酸菜一樣正原來依間美式餐廳時不時會有 DJ 駐場，不過就咁見到 DJ 枱已經覺得型，哈哈…Read More

米芝蓮推介拉麵@銅鑼灣左邊牆上有勁多塊米芝蓮獎牌，能夠連續 7 年獲得米芝蓮推介，點都有翻一定實力嘅！一入去就由店員探體溫，每人派咗塊酒精消毒棉，感覺衛生啲。依道係小店，但座位之間唔逼，坐得幾舒服。叉燒係以 66 度低溫烹調，肉質嫩滑，薄切但口感油潤唔會話好少咁，圍住個碗咁擺好靚𠻹呢依道主打嘅九州熊本風豬骨湯底濃郁細緻而不濁，拉麵比較幼身煙韌，掛湯力高。唔係人人都鍾意筍嗰股濃烈嘅味道，依道先用醬油將筍煮過，易入口好多，唔會搶咗拉麵嘅鋒頭。沾麵湯汁係用魚介汁熬成，內有京蔥同筍乾等等，十分惹味！沾麵就係粗麵條，可以沾到多啲湯汁，有冷暖麵選擇，我就揀咗冷麵，食起嚟更加彈牙。配菜好豐富，有叉燒、日本半熟蛋同幾塊紫菜。放沾汁嘅瓷碗好厚重，啲汁食到最尾重係好暖和。通常拉麵店都有餃子食，雞皮餃子我就無食過喇，的確係用雞皮包住肉餡㗎，雞皮香口到無得頂，入面好多肉汁唔肥膩喎。依家做緊優惠 $3 隻真係好抵食，每隻外皮都香脆！好耐無食過章魚燒，炸八爪魚球圓碌碌幾大粒，八爪魚粒有咬口，絕對唔係得粉漿海量嘅柴魚片切幼咗，無咁易跌落嚟，連埋啲沙律醬同照燒醬好正，兩個小食水準都好好～…Read More

休閒精美西餐@南山村去南山村除咗打卡之外，依道都幾多好嘢食㗎。今次就去咗依間新開西餐廳醫下個肚，環境都幾開揚，而且價錢唔貴，一於試下新嘢，自製一點本地旅行渡假 feel～Weekend 同樣有Lunch Set，我哋點咗兩個套餐同埋時令蔬菜。午餐送是日手打餐湯或者田園沙律，我哋就各揀咗餐湯同沙律。田園沙律嘅份量都唔少，salad dressing 係黑醋汁唔肥膩，啲沙律菜都好清爽。餐湯係番茄忌廉湯，酸甜開胃，質地夠晒creamy。香煎帆立貝墨魚汁意大利粉四邊用車厘茄點綴得好靚，帆立貝幾大隻鮮甜，意粉亦煮得相當有水準。味道濃郁嘅墨魚汁充分包住意粉，每一條都烏卒卒，食落好惹味！ 焦邊荷包蛋堪稱完美啊，令招牌雞扒煎蛋配白飯嘅賣相大加分。厚身雞扒十分重量級呢，雞皮帶少少香脆口感，好好食又啱哂送飯。另外點咗蒜蓉白酒炒雜菌，蒜蓉味好香好濃，簡簡單單但意料之外咁好味！甜品叫咗個法式啤梨焗撻加雲呢拿雪糕，個撻瀰漫住新鮮焗起嗰種餅香。梨肉清甜，熱騰騰嘅啤梨撻配透心涼嘅雲呢拿雪糕，實在係依個周末嘅小確幸。…Read More