2
二人餐有兩個主食同三個小食，超過廿個選擇先至 $228，日本菜都可以經濟實惠㗎！
天氣凍咗好啱食牛油拉麵，牛油香滑，溶入湯底，唔會有肥膩感。拉麵有嚼勁，配料例如粟米、昆布等等相當豐富。
第二個主食就加 $5 揀咗吉列豬扒奄列咖哩飯，吉列豬扒都幾大塊，炸得脆卜卜，加上咖哩撈飯好惹味好食。
串燒兩款每樣兩串，真係兩人份量㗎。串燒嘅賣相吸引，雞翼更加係燒到脆皮，調味又適中唔過濃。
魷魚鬚好彈牙，我自己都比較鍾意食觸鬚，覺得口感有咬口啲～
每款小食份量都係咁足料，餃子都有半打，哈哈。餃子個餡都幾多，煎得不錯。
