joycettk's Profile

放左工同朋友去左試位於尖沙咀諾士佛臺附近新開無耐既拉麵店🍜現時大部份拉麵店既湯底都係用豬骨熬製而成，但一盛極牛卻選擇左牛骨黎熬，別有一番風味。店鋪提供2款拉麵選擇，分別係極牛拉麵($108) 以及 白牛拉麵($108)。另外，你可以自由選擇湯既濃度、麵既硬度、配菜等等今次我地各點一款試下極牛拉麵同白牛拉麵其實大致上都差不多，分別在於湯底。白牛既湯底比極牛多左白松露，感覺更加香濃。而極牛拉麵既湯底就有比較重既牛骨香味，各有千秋。而店鋪既牛肉提供火炙同刺身選擇，全部都係來自熊本縣既和牛！我地2個都揀左火炙，肉質好腍同有好濃既肉味，可惜我地都只係點左一份，得3、4塊，下次應該點多幾份因爲真係好好味👍🏻…Read More

同朋友去左係旺角新開左分店既LABEAT試下。今次分別點左12小時慢煮美國一級自然帶骨牛小排($388) ，瑞士傳統熱溶流心芝士($178)同埋一杯Litchi & Roses Cocktail($78)。🥩牛小排可配海鹽炭燒或者BBQ風味，另外亦有6選1 配菜揀，今次就揀左海鹽炭燒同牛油燒野菜。牛排雖然肉味重，但肉質較韌，有少少似煲熟左既牛展，而且無乜海鹽味，個人認為麻麻地。另外依個係2-3人份量，所以都幾大份下。🧀熱溶流水芝士配有慢煮露荀、香草烤薯、沙樂美腸、火箭菜及沙律，餐廳會先上配菜，然後店員拎住已預熱既芝士，將芝士慢慢咁切落去d配菜到。芝士非常香濃，雖然有d”溜”，但依然令人想一食再食🤤🥤杯cocktail幾fresh，加入荔枝更加容易令人入口。想一提既係店員急住咁一次過上哂頭盤同主菜，令到芝士同牛排都好快就凍哂，影響食物質素，應該要俾客人慢慢享受完頭盤先再上主菜。但餐廳環境唔錯，幾適合同朋友舉杯𣈱談。除此之外，是次用OPENRICE APP訂位更有75折。…Read More

放工後與男朋友去試下依間位於西環既日本餐廳，聽講佢係銅鑼灣都有分店，個間係食鐵板燒為主，而西環依間係主打壽司、刺身與海鮮丼等。餐廳面積唔算太大座位亦不多，但唔會話好迫，牆上掛著既餐牌都充滿住日本風，好有居酒屋既感覺🏮我地分別點左海鮮山丼($198)、精選壽司盛7貫配豬骨濃湯烏冬($160)同埋蒜味手羽大雞翼(4件$70)海鮮山丼入面有拖羅蓉、海膽、三文魚子同甜蝦2隻，再加上一舊玉子，但店員話今日既海膽無哂，叫我係餐牌上揀另一款刺身，最後我揀左帶子。拖羅蓉加上蔥花，帶出少少魚油香，正😌而三文魚子無腥味；甜蝦好鮮甜；帶子則帶上少少檸檬汁既香味。醋飯再加上刺身，令人好開胃🤤而壽司盛7貫分別有三文魚、火灼鰈魚邊、花虎特大熟蝦、日本鮮帶子、魚子拖羅蓉、玉子同埋油甘魚🍣每件壽司都係師傅手握，而且每件都整得好精緻，夾起上黎個陣並無散開，可見師傅既功力同力度掌握得好好👍🏻而烏冬好滑，配上濃濃既豬骨湯底，好味道🍲至於雞翼隻隻都好大，外皮燒得好脆，肉質嫩滑，好香口！最後，所有晚市定食都會奉送甜品 — 抹茶蕨餅🍵 質感好似糯米糍咁，煙煙韌韌，作為依一餐既總結最適合不過。2個人食左4百幾蚊，以依個地區黎講價錢唔算話太貴，屬於中價，而且食物質素唔錯，我地2個都飽肚而回，好滿足😆…Read More

身為港女又中意美少女既我，當然就要試下最近由点心代表同美少女戰士聯乘既點心系列啦。今次總共點左4款食物同2杯飲品，特別想講個鮮蝦帶子餃，個皮好厚同埋好難食🤧 其他食物就不過不失。但每款食物既造型都幾靚，用黎影相一流😆2個人食左4百幾蚊，唔算食得太飽。如果你係唔怕抱住好睇唔好食，純粹想去影下相既心態，又或者係美少女戰士既粉絲的話，都可以去試下既😂…Read More

依間日本菜 x 上海菜既fusion餐廳位於landmark，下午係自助形式，有幾款lunch set俾你揀，係出面點餐買單之後再自己搵位坐。我地分別點左天婦羅烏冬同擔擔麵天婦羅🍤炸得好脆同埋d麵粉好薄，蝦好爽口同幾大件。而擔擔麵有d辣，但好惹味，加埋個清酒雞，讚👍🏻 另外我地再加叫左個豚肉小籠包，豚肉味好香，皮薄多汁，lam lam 脷😋要係landmark搵間平價餐廳都幾難，但kikusan絕對滿足到你，而且環境都唔錯，唔怪得咁多人排隊🤓…Read More

尋日同朋友去睇演唱會之前想搵d野食下先，見D2 Place 消費滿$300就有得免費泊車所以就黎左，而依間餐廳亦係random咁揀，見到個menu好似唔錯就入左去試下。🍣 壽司盛盒 - d魚生都新鮮，海膽唔會話有臭腥味，雖然得8件再加幾件吞拿魚卷，但都夠飽既🤓🐂 牛肉定食 - d牛肉幾入味，唔錯，同埋唔會話得幾塊牛，都足料👍🏻🐖 豬扒烏冬 - 豬扒炸得都脆，不過就無咩味道，要靠個燒汁先叫做有d味，但烏冬就幾好，係稻庭烏冬，好滑🤤另外每個餐都有配前菜同沙律，想講一講個前菜係薯蓉，但就無咩味🤧 餐廳既食物整體黎講都ok既，個人覺得牛肉定食最好食🤩…Read More

同好姊妹慶祝生日，今年佢話想食下日本菜，於是我地揀左「天穴」！/位於海港城新擴建大樓OTE裡面，餐廳除左有室內雅座之外，亦設有室外臨海座位，可以飽覽維港靚景😍另外，有曾在法國米芝蓮三星餐廳效力既日本名廚小沢亮吾坐鎮，食物質素有一定保證！/我地分別點左沙律、軟殻蟹卷、串燒同石鍋飯。沙律配上八爪魚同香草汁，感覺好清新，作為開胃菜最適合不過軟殻蟹卷加牛油果係一個好match既配搭，另外加上幾粒三文魚子係面，更顯精緻而串燒亦係水準之作，尤其牛脷，一d都唔韌👍🏻特別想推介特上松葉蟹甲羅石鍋飯，飯上既三文魚子絕對無腥味，非常清甜，加上松葉蟹肉同蟹膏再撈埋落飯到食，超級好味！價錢未算話太貴，同坊間一般既海鮮丼差不多價錢，但依個飯絕對一試難忘！😆/雖然預約既時間比較倉猝，好彩最後職員都安排到窗口位，雖然唔係對正維港，但都好滿足😌可以一邊品嚐美食，一邊欣賞景色😋。建議有興趣既朋友儘早預約，因為依間餐廳都幾full！強烈推薦大家去食依間餐廳，無論食物同環境都一流，絕對物超所值😆…Read More

依間係位於金鐘既泰國餐廳，價錢唔算話太平亦唔算太貴，但就絕對高質👍🏻 以下3道菜式都係我每次黎依間餐廳必點🔸牛油果軟殻蟹米紙卷 全份$128/ 半份$70淨係睇賣相已經好吸引，軟軟既米紙卷加埋每一卷都有炸到好脆又好大件既軟殻蟹，咬落去好多汁！再配埋好香既牛油果醬，豐富左軟殻蟹卷既口感，亦帶來一種好清新既感覺。🔹泰式炸蝦餅 全份$92/ 半份$50炸蝦餅既外皮炸到深黃色，內面係好爽好彈牙既蝦肉，配上酸酸甜甜既泰式醬，中和左d油炸味，令到咬落去唔會覺得肥膩。🔸慢煮牛肋骨紅咖哩 $208 + 🔹燒薄餅 $22就咁聞已經有好香，食落去雖然有少少辣但亦無損香濃既咖喱味，而且牛肋骨煮到好軟身，大讚呀🤤 另外order多個薄餅，薄餅夠乾身，整到好香口好鬆脆，配埋咖哩汁一齊食，一流👍🏻依間餐廳d座位都算幾逼，同埋每次lunch time出面都會排好長龍，不過我覺得食物質素唔錯，都有keep住水準既，所以完全唔會阻礙到我想黎食既意欲😋 可以話係我近期最愛既一間泰國餐廳…Read More

大圍既食肆多不勝數，最近亦多左好多食串燒既鋪頭🍢 而今次要介紹既串燒店係由一班後生仔經營，當然要支持下啦！安格斯牛柳粒🐂 - 1串有4粒，夾住3粒燒車厘茄，牛柳粒有少少韌，但燒車厘茄好甜好多汁墨魚咀 - 好好咬口，正🦑雞中翼 - 燒到外皮好脆，仲有蜜糖淋上面，食到lam lam 脷😋雞軟骨 - 每次食串燒都必點，依間個d都幾好食👍🏻 所以點完又點雞肉串 - 味道不過不失燒波蘿 - 好甜好juice，唔會話好多渣🍍原隻帆立貝 - 好大粒，加埋蒜蓉一齊燒，好香🤤燒韭菜 - 又係每次食串燒都會點既，依間d韭菜無渣，點完又點😜牛仔骨 - 唔係好厚好薄一塊，但唔會燒到好”un”，個人覺得好食過安格斯牛柳粒🤔牛肉薯餅 - 炸到好香脆，仲要$28有2大件，抵食👍🏻今次已經第2次食啦，之前食過另一間係大圍既串燒店，但因為鋪頭抽風系統好差，一路食個陣一路吸哂d油煙同煙味，仲要唔係好平🙅🏻‍♀️。相反168串宵雖然細細間，但唔會話有油煙味，而且服務態度又好，我地食左咁多加埋野飲都係$300有找，好抵食！🤑…Read More

旺角既樓上cafe林林總總，要打出名堂並唔一係一件容易既事。而依間以龍蝦為主題既cafe - Day And Night by Master Kama🦀 聽講夜晚要排隊，不過今次我係中午時份去就唔需要排隊。另外Day同Night既menu係唔一樣，而我今次點既食物係係Day個menu入面。黎到當然要試下佢最出名既流心芝士龍蝦三文治，咬落去脆脆既麵包配上好香濃既芝士味，仲要加上龍蝦，好match🤤 魷魚圈配上紅椒粉，有少少辣，但加埋個蛋黃醬中和番，幾好食👍🏻飲品方面，見到Unicorn Dream既外觀立刻少女心大發🦄 多數外觀好睇既都唔好飲，但依杯完全無中伏！好香既提子再加好似波子汽水既味道，上面再加一層沙冰同棉花糖，又粉紅又粉藍，成件事好夢幻😍 至於Sparkle Apple，透心涼既蘋果味，最適合炎炎夏日飲🍹由於我係中午時份黎，唔算好多人，環境都幾寧靜，如果晏就想同朋友黎一邊食野一邊傾計，依到係一個唔錯既選擇。😎…Read More

睇完戲之後，男朋友話想飲茶食點心，所以我就帶左佢去大圍飲夜茶！依間酒樓既夜茶由晚上九點至到早上四點半都有供應。由於d點心都係整定，所以唔係話好好味蝦餃同叉燒包唔係好夠熱咖哩魷魚🦑比較淡味山竹牛肉算係較為好食，所以食完再叫多籠！鳳爪同牛肚就不過不失依間夜茶細細個已經去食，但今次去完覺得有d退步。食左7籠埋單都係$17x到，價錢都算抵，但唔好expect好似新鮮整既點心咁好食，不過夜晚想食點心，過下口癮都ok既！🤓…Read More

我除左無牛不歡之外，對上海菜亦係抗拒唔到。今次要講既係米芝蓮一星餐廳既夜上海，嘩，聽到米芝蓮一星即刻抱住好期待既心態去試。前菜黎講古法煙鴨蛋，脆鱔同陳皮糖醋排骨都好出色，亦係夜上海既必點菜色，因為我本身唔食魚所以一開始唔係好想試脆鱔，但見家人讚不絕口，所以就試左一舊，好脆口👍🏻唔食魚既我都覺得好食，果然名不虛傳。而個排骨每舊都有好香既陳皮味，相比平時食既糖醋排骨，陳皮點綴左依個菜式。而椒鹽小黃魚亦都係必點，唔食魚黎既我都讚👍🏻外皮好脆但肉質並無因為炸過而變得”鞋”口，好嫩滑，依道菜式絕對好考功夫！而其他菜式都唔錯既，但就未特別到要讚不絕口囉🤔小籠包話係招牌菜，但我覺得還好依餐飯埋單唔算平，雖然夜上海有米芝蓮一星既名號，但我覺得唔算太值，因為d野食未好味或者吸引到令人驚訝。以依個價錢，我認為有更多既上海餐廳都比佢好食…Read More

早排晏就同同事去左一間Pizza放題既餐廳，款式唔算話好多，但都有沙律，頭盤，意粉同Pizza俾你揀，每人另外包一罐飲品😎頭盤我地點左香烤蒜蓉包🍞，幾脆幾香口香烤黑椒雞翼🐔同德國香腸拼盤，依2個都好食👍🏻 香脆薯角亦都唔錯！由於頭盤既份量都幾多，食完都已經full full地，所以意粉我地淨係點左香辣煙肉意粉黎試，對於我唔食得辣既人黎講都算幾辣，不過味道唔錯既🍝而到主角Pizza，佢有4款俾你揀，而每款Pizza唔算好大塊(9‘’)，咁可以俾你試多d款。我地揀左暴龍🦖(T-Rex) 同 藍芝士蘋果薄餅🍕 (Gorgonzola & Apple)，暴龍個款我覺得無咩特別🤔至於藍芝士蘋果個款，酸酸甜甜，味道都幾特別今次無點到沙律黎試俾唔到食評，但其他食物整體黎講都幾好！個人黎講最中意d小食🤤全部都好食，同埋依間餐廳既佈置幾靚，好適合同朋友飲番杯🍺傾下計，可惜食完要番工，無得啤啤佢🤣…Read More

同好耐無見既bff食晚飯，當然就要上網搵下有咩好食而又未試過啦😃，咁見到依間餐廳既評價唔錯，再睇下相個環境又好似幾好咁，可以飲下野同朋友傾下計，於是就決定去試下！雖然上網推介既菜式係海鮮墨汁意大利飯同鎮店漢堡，但對於無🐂不歡既我，多數見到個menu有牛扒都會點黎試下。我唔係話好識食既人，但對於牛扒係非常執著，首先我個人比較中意食rib eye仲要medium rare，切落去個陣要有d血水必出黎，肉質要夠嫩。但今次試既依塊扒，雖然叫左medium rare但切落去無血水必出黎，肉質比較韌，同肉味唔係好夠，我覺得麻麻地🧐至於魷魚圈🦑都係見到網上d人讚所以諗住點黎試下，食落個蛋黃醬淡淡地，魷魚圈就正正常常咁啦而個2杯mojito，個人認為Classic Mojito個杯比較好飲!總結就係依間野不過不失啦🤫，可能無試到網上d人話好食既海鮮墨汁意大利飯。不過環境都算ok，最後買單大概$600 2個人，個人覺得唔太值依個價錢🤔 不過下次可以再試下個個意大利飯係咪真係咁好食🤣…Read More

平時去依間餐廳多數都係食晚餐，一路都好想試下佢個tea set，前排見我既港女閨蜜番左黎香港👭梗係約埋佢一齊去試下啦✌🏻同閨蜜high tea真係一流✨因爲可以影好多靚相呃like之餘，仲可以一路慢慢品嘗d野食一路吹水傾心事雖然好多時d tea set都係得個樣，味道一般，但依間既tea set並無令到我失望，賣相靚就不在話下，味道仲要唔錯👍🏻至於個黑松露芝士薯條🍟香脆可口既薯條配上黑松露醬，絕配！如果平時好怕黑松露陣味既朋友亦不妨試下，因為依個醬個味唔算太濃，容易入口而焦糖單骨雞翼🐔雞皮好脆口，再配上焦糖甜甜地咁好正，仲要好貼心地將雞翼一分為二，令你更加方便去品嚐👍🏻 每次去食都必點總括而言，果然無令我失望👏🏻平時去開尖沙咀個間分店，所以今次想試下中環個間。尖沙咀個間次次都好多人，一係就要早d book位，一係就要等好耐，同埋坐既位置就無咁闊落。而中環依間有落地玻璃，同埋個日食tea天氣又好好，自然光照落黎影相一流👍🏻 價錢黎講 依間既tea set唔算太貴 大家不妨去試下🤤…Read More