一盛極牛 (Closed)

放左工同朋友去左試位於尖沙咀諾士佛臺附近新開無耐既拉麵店🍜現時大部份拉麵店既湯底都係用豬骨熬製而成，但一盛極牛卻選擇左牛骨黎熬，別有一番風味。店鋪提供2款拉麵選擇，分別係極牛拉麵($108) 以及 白牛拉麵($108)。另外，你可以自由選擇湯既濃度、麵既硬度、配菜等等今次我地各點一款試下極牛拉麵同白牛拉麵其實大致上都差不多，分別在於湯底。白牛既湯底比極牛多左白松露，感覺更加香濃。而極牛拉麵既湯底就有比較重既牛骨香味，各有千秋。而店鋪既牛肉提供火炙同刺身選擇，全部都係來自熊本縣既和牛！我地2個都揀左火炙，肉質好腍同有好濃既肉味，可惜我地都只係點左一份，得3、4塊，下次應該點多幾份因爲真係好好味👍🏻