Thirdrei's Profile

呢間舖門面有少少難搵，要樓下對講機開閘先上倒去，不過以二樓嘅和你eat小店嚟講，都ok啦。今日叫咗漢堡扒白玉澆飯，跟埋紙包飲品盛惠$58，唔駛加一。個飯除咗正正常常嘅溫泉蛋同飯之外，澆飯啲菇好入味同有口感，唔錯。講番主角塊漢堡扒，有近成吋厚，肥瘦適中，唔會乾爭爭，再加上調味調得好好，非常有肉味。以前食啲$70-80嘅漢堡包，個包入面塊漢堡扒都未夠呢塊嚟。如果上菜可以快少少，同埋紙包飲品有啲唔甜嘅選擇，咁就perfect池喇。…Read More

話說之前一日去搵fd，路過見倒呢間自私邊爐放題幾過癮，雖然見倒唔少人話間嘢麻麻，不過橫掂第二日得閒，就用試伏嘅心情走去試試。叫咗咗$58嗰個午餐(唔係最平嗰個)，但份量都超少。生菜三條，黃牙白三條，紅芯蘿蔔兩薄片，南瓜兩片，鮮冬菇一隻，金菇大約1/4包，粟米有吋半不過得半邊。如果唔計份量問題，啲菜新鮮嘅。米線就勁離譜，煮完得嗰細半碗，用嚟裝蔥嗰個兜仔居然可以裝倒大半米線，一口牛我就聽過啫，一口米線係咩玩法牛嘅份量同吉家差唔多，叫做正常啲。味道唔錯嘅。另外有得揀烏龍茶係幾好嘅。湯底冇之前啲食評咁陰公冇得揀，不過叫咗個喇沙湯底，無啦啦變咗有少少椰子味同香草味嘅酸辣湯。明明正常喇沙湯底應該有蝦味，佢呢個我食唔出。再講個湯底係完全冇湯料喺入面，話佢係師傅湯都唔出奇。另外啲豉油真係好鬼似大陸啲壽司豉油，同埋加蔥都要兩蚊，姑寒:(最後加咗一要$66先出倒門口，但我呢啲女仔食量只係半飽。我真係唔知男仔點食得飽喇。埋單仲要見倒張單上面有句『拳四郎：「你已經飽了。」』，我真係當場想做拳四郎嘅親戚拳四飛結論係，呢個價位同份量，我要食自私邊爐嘅不如番吉家食算喇。真係想食邊爐放題嘅，搵fd去其他邊爐放題冇咁嬲啦。…Read More

今日四圍騰唔知食乜好，索性直接掃街當晚餐算數。喺旺角呢頭，除咗登打士街嗰帶啲小食之外，呢幾年旺角中心都開始變成掃街好去處。行過呢間手卷鋪，零秒就畀佢呢個賣26蚊嘅全隻軟殼蟹手卷吸引住。講真呢個價位嘅手卷，第二度分鐘得半隻蟹，可能仲係凍嘅x_x除咗軟殼蟹手卷，又見倒蟹籽沙律都貌似幾抵食，就順手叫埋。一畀完錢，師傅已經即刻開始整沙律同手卷，叫完到有得食都只不過三幾分鐘~先講吓個手卷先。隻蟹係新鮮炸起嘅FEEL，仲有少少蟹膏，紫菜夠脆，飯都OK，掂呀~!沙律都唔弱，蟹籽真係相當多，撈晒成兜都見倒蟹籽，唔係出面嗰啲係咁二畀少少蟹籽嘅貨色。啲青瓜都新鮮爽脆。如果要嫌嘅就係啲蟹籽味道比較淡，不過我都覺得而家咁已經好ok。就算唔點食生嘢，單係個手卷都真係可以番兜好多次~…Read More

今日有要事過灣仔，走得都已經係late lunch時間，打算喺附近快快手手平平地食少少嘢算數。結果睇嘢食同價位係呢間比較啱心水，就坐咗入去。食越南粉，通常我都會試生牛河先，事關容易比較本來我預下午茶時段，啲湯粉有機會細咗少少。點知一上嚟，完全係正常size嚟碗粉自帶金不換、芽菜，連平時要再叫嘅青檸辣椒都一炮連埋碗粉上枱，抵讚下午茶仲連一杯熱飲，我都係例牌熱檸茶，杯嘢唔怕澀，唔錯。至於碗粉呢，湯底唔錯，河粉夠滑又夠分量(真係當tea可能太heavy)係香料芽菜比較少，同埋啲牛肉比較薄(大約邊爐肥牛厚度)我映得相，擠埋青檸已經overcooked如果有多少少芽菜，我仲可以夾起啲牛肉先，而家呢個量真係冇咩計anyway，$40有咁嘅質素，仲包飲品，係抵食嘅~ 如果喺附近食late lunch 或者early dinner，呢間嘢係好選擇嚟~…Read More

今日難得早收工，去旺角買完嘢，之後搵地方醫肚。本來想食吓燒魚之類嘅嘢，碌完openrice見呢間似乎幾得意就過去試吓。間鋪既然主打天婦羅，雖然我平時少食呢啲熱氣嘢，但一場嚟到就試啦。睇住份menu，海膽天丼同海鮮天丼爭持咗三分鐘之後，海鮮天丼因為冇南瓜試倒多啲嘢同經濟少少所以贏咗 一嚟係個湯先。鹹味夠嘅，但麵豉味唔出。普普通通咁啦。之後就係主菜，擺盆好靚仔。個海鮮天丼有蝦，魷魚，仿蟹棒，流心蛋，茄子，紫菜，菜心苗同蓮藕。炸物逐樣講:蝦:炸粉唔太厚，都ok有蝦味，唔錯。魷魚k嘅，但唔覺得太特別，可能係我差不多埋尾先食佢啩？仿蟹棒:呢嚿嘢我本身對佢冇期望，粉唔太厚，唔散唔太油已係合格有餘。流心蛋:初見比預計熟多咗少少，但都有流心，幾滑，唔錯。蓮藕:炸粉唔太厚，唔太油，唔錯。紫菜:正常貨色菜心苗:呢件睇就靚仔食就跪低。菜心本身唔點重味，加埋炸粉之後，就算係夾埋一齊食都唔點食得出菜心味。再講食食吓炸粉自己甩埋出嚟，唔通真係食炸粉脆片咁搞笑??!我明炸紫蘇唔係個個頂得順佢陣味，但起碼我知佢做咩吖……呢個菜心苗天婦羅……真心fail。茄子:嗦油記主角。炸粉唔厚嘅，但嗦油嗦到東坡肉嘅級數，唔掂。之後個沙律係正常貨色。是日MVP:枱上嘅飯素呢個真係幾好味吓，不過佢都有番咁上下鹹，落天婦羅汁之後要就番份量。整體嚟講肉類炸物ok但菜類就真係唔係樣樣得。下次就算嚟食可能叫其他主食再加炸物好過。…Read More

今日開工開到西灣河，不嬲都知太安樓多嘢食，心血來潮不如去太安樓開飯。開咗openrice，又搵咗一輪，先搵倒呢間嘢。一到門口，條龍水蛇春咁長，結果都等成三個幾字買倒飯。見倒網友話雞潤好香，又只係加五蚊，帶住試嘢(試伏)嘅心情，叫咗海南雞飯+雞潤，再要咗支石榴汁。拎住碗飯去對面鋪坐低，咁就當然試試網友推介。 一試，啲雞潤勁creamy，完全出乎意料。明明人地鵝肝賣緊百百聲，鴨肝醬都幾十啦，而家先五蚊已經有咁嘅質素，冇得輸。雞方面都相當唔錯，好滑另外送嘅湯呢，雞味同冬瓜味都好出。可惜杯湯得嗰一粒冬瓜，我唔夠皮囉另外嗰支石榴汁，本來見倒佢紅到紅藥水咁都怕怕地佢伏，結果飲落又清甜舒服喎。唯一要彈係樽身好油，我估係阿姐整雞成手肥油搞到咁啩。成個餐又飯又湯又嘢飲先$43，抵爆！另外見好多人叫橄欖汁，下次有機會會試試。…Read More

午飯時間，本來打算試試豐勝手丼，結果一看門外價錢就打直接退堂鼓。本懶蟲為方便起見，就直接到旁邊的拉麵小店坐下開餐。第一次來這店，除了常見的豬骨拉麵和味噌拉麵，居然還有牛舌、松葉蟹、海膽等罕見選擇。Budget問題，這次先試試牛舌拉麵。牛舌爽口之餘帶油脂，用料似乎是做串燒用的牛舌。沒想到牛舌和拉麵這樣配合。拉麵豬骨湯底有少許醬油味，creamy夠味之餘又不怎麼黏口，配上枱上的辣芽菜真是一絕。本來想改天再試其他幾款拉麵，誰知店員說今天已是last day，之後轉營賣燒魚……雖然燒魚也好吃，但……T^T只能打個食評留個念啦…Read More