開咗openrice，又搵咗一輪，先搵倒呢間嘢。
一到門口，條龍水蛇春咁長，結果都等成三個幾字買倒飯。
見倒網友話雞潤好香，又只係加五蚊，帶住試嘢(試伏)嘅心情，叫咗海南雞飯+雞潤，再要咗支石榴汁。
拎住碗飯去對面鋪坐低，咁就當然試試網友推介。
一試，啲雞潤勁creamy，完全出乎意料。明明人地鵝肝賣緊百百聲，鴨肝醬都幾十啦，而家先五蚊已經有咁嘅質素，冇得輸。
雞方面都相當唔錯，好滑
另外送嘅湯呢，雞味同冬瓜味都好出。可惜杯湯得嗰一粒冬瓜，我唔夠皮囉
另外嗰支石榴汁，本來見倒佢紅到紅藥水咁都怕怕地佢伏，結果飲落又清甜舒服喎。唯一要彈係樽身好油，我估係阿姐整雞成手肥油搞到咁啩。
成個餐又飯又湯又嘢飲先$43，抵爆！
另外見好多人叫橄欖汁，下次有機會會試試。
