㗎仔飯 (Moved) New Location

呢間舖門面有少少難搵，要樓下對講機開閘先上倒去，不過以二樓嘅和你eat小店嚟講，都ok啦。今日叫咗漢堡扒白玉澆飯，跟埋紙包飲品盛惠$58，唔駛加一。個飯除咗正正常常嘅溫泉蛋同飯之外，澆飯啲菇好入味同有口感，唔錯。講番主角塊漢堡扒，有近成吋厚，肥瘦適中，唔會乾爭爭，再加上調味調得好好，非常有肉味。以前食啲$70-80嘅漢堡包，個包入面塊漢堡扒都未夠呢塊嚟。如果上菜可以快少少，同埋紙包飲品有啲唔甜嘅選擇，咁就perfect池喇。