rachelcwc's Profile

作為牛大人副線，爆爆鍋已悄悄上線了🤓呢度主打一人一鍋，可以自由選擇鍾意嘅湯底同肉類，靈活性可以話係十分之高！仲要座落喺好方便嘅銅鑼灣，成日去食都冇問題😍餐牌上面好清楚咁寫咗點餐嘅步驟，先叫主食，然後湯底，再到小食，最後飲品，係好有系統嘅一個點餐程序🤓主食方面，我哋點咗安格斯牛小排同SRF極黑牛前肩肉。兩款牛都十分高質，肉質厚實唔會淥完變咗紙片，而且牛味都好濃郁，絕對唔會係hea嘅quality😗湯底方面，今次揀咗烏雞鍋同排骨鍋。燒酒烏雞鍋嘅上菜方式比較特別，先係炒香烏雞，然後再落酒同湯，instgrammable之餘仲完美地逼出雞油，同湯底融為一體☺️至於排骨鍋就相對濃味啲，所謂排骨其實係一嚿紅燒豬肉，比想像中骨多過肉嘅排骨有驚喜得多🤓隨鍋附送嘅仲有一人一個雜錦籃，入面有齊蔬菜、丸、響鈴等火鍋必備嘅配料，唔夠仲可以塊自助吧自己攞，選擇都頗多，絕對唔驚食唔飽🤓小食就叫咗炸魷魚同鹽酥雞，兩樣都十分高質，炸粉唔會太厚，保持到魷魚同雞嘅原汁原味，加埋兩杯台式飲品就絕配喇😗…Read More

次次經過旺角都好想潮聖嘅酸菜魚店，今次終於得償所願食到😆必食冷鍋酸菜魚見到餐牌寫冷鍋以為真係冷鍋，原來都係熱辣辣嘅😗因為唔太食得辣嘅關係，所以揀咗bb辣。酸菜魚好足料，除咗魚肉片仲有芹菜、寛粉等等嘅配料，lunch嚟講算十分足夠，兩個人夠食有餘！不過我哋都額外配咗娃娃菜、金菇同蟹棒，全部都係勁索湯嘅食材，將酸菜魚嘅精華全部食哂落肚😝鋪頭除咗酸菜魚，亦都可以就咁叫食其他嘅川味小菜，唔好酸菜魚嘅都朋友都可以有好多選擇😎…Read More

位於銅鑼灣嘅盞鬼地道火鍋店！鋪頭坐落金朝陽中心，裝修十分有格局，而且抽風系統做得好好，成餐邊爐都食得好開心😙😙今次揀咗原隻椰子雞湯，裏面除咗有半隻雞，仲有竹笙、椰子、馬蹄等配菜，十分足料👍餐廳仲好細心咁叫我哋水滾時先飲一碗清湯試下，果然係超鮮甜，係完全可以當老火湯嚟飲😎雞肉亦都好滑身，一啲租糙感都冇！金甲脆魚皮係十分強推嘅小食！魚皮本身已經炸得好酥脆，再配合埋鹹蛋黃醬同辣椒粒，即刻變咗個勁邪惡嘅小食！最鍾意唔點湯食，因為原汁原味，但真係好熱氣，多人share會好啲😉安格斯肥牛雖然唔算得上係靚牛，但牛脂分佈都好平均，而且食落都好香牛味，純對係值回票價嘅😌雖然唔算大碟，但以兩個人嚟講，再加埋其他餸，好夠了🤣手打墨魚滑 x 洋蔥沙嗲牛肉餃係火鍋必點菜式！墨魚滑好爽口，完全唔會有漿住嘅感覺，係手打嘅獨有口感😛另外嘅洋蔥沙嗲牛肉餃都好有驚喜，完美地結合咗香港獨有元素，沙嗲醬香濃惹味，薄薄嘅皮配上澎湃嘅餡，一咬落口勁多汁飛出嚟🤣蔬菜拼盤 x 手打生麵 x 冰豆腐蔬菜拼盤揀咗最喜歡的娃娃菜、冰菜同油麥菜，全部都十分新鮮☺️冰豆腐也是火鍋最愛的，完美地索哂湯水嘅精華，大推😉至於生麵，個人認為也是highlight之一。其實即係平時雲吞麵嘅鹼水麵，佢相對出前一丁/烏冬冇咁容易變淋，保持到佢彈牙嘅口感。而且健康啲！（好似係！🤣）繽紛鮮果涼粉鍋最後嘅重頭戲絕對係呢盤涼粉😂首先震撼嘅係佢真係好大碗，大到我嚇親😂裏面有埋滿滿嘅火龍果、西瓜同芒果粒，係實實在在嘅鮮果涼粉🤣第二就係佢好細心咁用鐵兜裝住，咁就可以keep到冰涼嘅溫度👍中間仲落咗啲乾冰，為上菜營造咗啲美感😛涼粉鍋係用花奶做湯底，仲送咗紅豆、煉奶同椰絲做伴碟，絕對係超邪惡之選🐷餐廳仲有室外座位，可以遠眺到維港靚景，下次天氣好又想再chill啲絕對可以考慮😎…Read More

Pici都可以話係我其中一個飯堂，諗唔到想食咩就會食佢，而家仲要有好多分店，總有一間喺附近，十分方便！今次食咗佢嘅tasting menu，有兩個starters，三款pasta同兩個甜品，200分滿足！首先嚟到嘅係餐包，佢已經pre-packed好一包包，好衛生。雖然唔係熱辣辣，不過配上橄欖油同黑醋，都令到麵包更錦上添花！Tune Tartare吞拿魚切粒同牛油果粒再加上wasabi嘅toppings，好refreshing好開胃，係會令人食不停嘅starter!Chef’s Selection Cold CutsParma ham配上gorgonzola同無花果，可以中和parma ham嘅鹹味，建議配上白酒，會令成個flow更match!Lasagna ClassicaPici經典之一！面頭芝士烘到好脆，而且唔會一夾就爛。中間肉醬好richy，唔會淨係食到麵條。不過都偏heavy，兩人食好快飽！Chitarra King Crab係Pici近來比較新嘅菜式。 Chitarra係屬於幼身pasta，但又唔會好似angel hair咁hairy，食落口較煙靭同彈牙，吸收埋蟹汁同微辣茄膏，十分好食！Tagliolini Truffle每次來Pici都是必點的！Taglionlini的口感係咁多pasta入面最鍾意！較Chitarra扁身，亦都比linguine幼身，完美地吸收了carbonara sauce同黑松露切片，好入味好好食！Tiramisu and Panna Cotta最後不少得嘅兩個甜品，比較鍾意tiramisu，但略嫌佢嘅custard太多，好heavy。不過係滿足嘅🥰…Read More

位於尖沙咀韓國街十分當眼嘅位置，每次行過都一定會見到佢！今次試咗佢嘅烤肉dinner（要記得佢分咗兩間鋪，一間專食烤肉一間專食熟食，千祈唔好去錯！）鋪頭入面都有好幾個韓國人嘅waitress，所以感覺十分authentic🤣見到夜晚時間會有好多人選擇嚟呢度飲下酒聚聚舊，好熱鬧一啲冷場都冇！豬肉拼盤完全俾佢嘅份量嚇親！係半張檯嘅大細😂裡面有齊五花肉、護心肉、豬頸肉同五花腩，絕對係肉肉狂嘅天堂！而且佢仲隨拼盤附送咗個韓式大醬湯，熱辣辣用嚟送飯一流😜牛舌牛舌係薄切嘅，雖然肉質唔係最上乘，但都係一咬就斷嘅口感！而且佢嘅牛味都好濃郁，性價比可以話係十分高👍雪濃湯係另一道好地道嘅韓國菜式🥰最鍾意佢入面滿滿嘅牛肉片，塊塊都係厚切之餘仲好香，底下仲有粉絲，完完全全吸收咗湯嘅精華，食完真係會勁飽😂…Read More

近來好喜歡新派日式居酒屋，氣氛相當好，可以同朋友得閒去飲下酒吹下水。今次嚟到旺角十侍，試試佢嘅signature棉花糖和牛壽喜燒☺️鋪頭以型格風為主要路線，一入大門口已經見到好大個嘅1:1武士figure，相當有氣派🦾而且成間鋪頭嘅光線都調暗咗，好啱飲嘢傾計😌今次仲要坐咗喺吧檯，可以望住人調酒，開心💕打頭陣嘅係兩杯signature cocktail：《秋日》Semi同 《冬意》Kotatsu，兩杯都好啱打卡用😛Semi係甜味較重，混合咗whisky同梅酒，味道清新亦都帶少少回甘味道，好適合消滯用。至於kotatsu就係由冬蜜、綠茶同蔘片煙燻而成嘅燒酒，煙燻嘅香味十分持久，令人飲落好舒服🤍壽喜燒二人前-棉花糖和牛壽喜燒每枱都必點嘅壽喜燒😎職員首先會燒熱棉糖，再燒熱壽喜燒嘅醬汁，十分instagrammable😌然後出場嘅當然係佢嘅鹿兒島A5黑毛和牛，油脂滿滿嘅牛配上甜甜的醬汁，再加上日本產生雞蛋，令肉質更滑更入口即溶🥰之後仲有好豐富嘅野菜盛合，有豆腐、冬菇等，職員仲會好有耐性咁慢慢幫客人燒，所以我哋做嘅就係sit back and enjoy😎串燒盛同出面其他餐廳嘅串燒唔同，呢到係好細心咁將燒好嘅串燒放喺備長炭上保溫，咁就可以好好保持到串燒嘅溫度之餘都唔會破壞食材👍今次食嘅分別係芝士蕃薯、珠蔥豚肉卷、大蔥雞同牛舌。最驚喜的莫過於芝士蕃薯，鹹甜交融，有多重味覺嘅享受🤪之後仲後加咗兩樣炸物，炸流心蛋同炸廣島蠔。蠔超肥美大隻，流心蛋就外層脆卜卜，夾雜住入面好香嘅蛋汁，用嚟送酒/cocktail一流☺️最後仲有時令甜品，係綠茶、朱古力同荔枝味嘅大福糯米糍，好colourful，為呢餐畫上完美句號😛…Read More

位於繁忙女人街嘅丸目背脂煮干，係日本過江龍拉麵店，夜晚經常會出現人龍！佢最出名就係佢嘅背脂，本身已經有比較豐滿嘅油脂，食開重口味嘅朋友仲可以x2倍背脂咁叫嚟食，簡直係脂肪界嘅天堂😎😎海老辛醬背脂煮干湯拉麵係我好推薦嘅拉麵☺️麵條係我最愛嘅扁身拉麵，背脂嘅脂肪遍佈喺湯面，再加埋辣油，完全係頂級邪惡享受😆同埋佢有少許洋蔥條喺面，清新嘅辣可以間唔中中和一下油膩感😽特製背脂煮干沾麵沾麵嘅湯底係完全地反映咗油脂嘅豐富😆淨係見個湯底都已經感受到佢嘅澎拜，湯入面仲有好多嚿背脂，作為細食之人嘅我，真係食唔哂😵不過沾麵相對好處係，你可以控制湯嘅份量，就咁食都得，flexible好多😆最後仲有叫餃子，係拉麵必備小食。仲有好好飲嘅靜岡綠茶可樂同靜岡蜜瓜梳打，食完拉麵解渴一流😎…Read More

以工業風裝修為主題嘅泰國菜餐廳，可能因為比較新，同鄰近嘅餐廳形成好大對比🤣餐廳有兩層，下層以吧檯為主，可以睇到埋廚房嘅情況☺️以掃QR Code嘅模式去落單，好方便快捷👏🏻泰玖金鏄蒜蓉包泰菜不能缺少嘅菜式之一！麵包係超厚實嘅厚多士，烘完後脆卜卜，加埋面頭嘅蒜同牛油，好食！不過要趁熱，凍咗會變硬。同埋建議可叫多個咖喱嚟送，會冇咁dry!泰式鮮蝦金柚沙律沙律入面有齊蝦、金柚、腰果、洋蔥等，係好開胃好清新嘅組合。沙律用咗酸酸甜甜嘅醋嚟做dressing，夏天消暑一流！泰式乾炒雞肉河粉佢叫乾炒但其實一啲都唔會乾！河粉係我最鍾意，類似闊寬粉口感嘅麵條，真係好有咬口！（不過同時好飽lol)佢仲要連辣椒炒，好惹味好好食！泰式馬拉盞炒椰菜苗每次泰菜必點嘅馬拉盞！（只會揀馬拉盞唔會揀蒜蓉🤣）同上面嘅河粉一齊食好夾，亦都好夠飽😽😋…Read More

來整理一下聖誕期間嘅大餐🫶位於灣仔嘅和昌飯店一直都係我嘅top to-eat list，因為佢嘅露天位置實在係太instagrammable🤭好好彩地喺12月頭到嘅時候book到平安夜當日嘅lunch，仲要可以揀到坐露天，大滿足🥰點心係fusion主題，選擇唔算多，每個種類有幾個options，多啲朋友一齊可以叫多幾款試！鴛鴦檸香叉燒酥好似bakery shop嘅酥皮甜品咁，有個酥皮盒裝住啲叉燒粒，仲有啲檸檬條，好清新好好食🫶鮮葉豆香白菜餃 x 雨前龍井蝦餃食落比較普通嘅蒸餃，雨前龍井蝦餃亦都唔太食得出茶嘅味道🤣但外皮係薄同煙靱嘅，蒸完唔會過淋，但整體驚喜度一般脆皮燒腩仔係每次飲茶都必叫嘅菜🤣都係standard level，皮脆肉嫩，不過最驚喜係佢用咗honey mustard醬嚟代替傳統芥辣，好matchy👏🏻酸菜魚灌湯餃成餐飯嘅highlight一定係呢個酸菜魚灌湯餃！湯底係好香好辣嘅酸菜魚湯底，而灌湯餃入面就係好豐富嘅魚肉，完美地將灌湯餃同酸菜魚融合咗，不過唔食辣嘅朋友道真係唔好叫喇，因為都真係幾辣😂總括嚟講環境係幾好嘅，但係以呢個價錢，就真係食環境多個食嘢食🤣…Read More

係心心念念咗好耐嘅tanpanyaki🥺🥺一路都好想食，但真係搵唔到一間好想食嘅🫣今次打白鴿轉嚟到長沙灣，就醒起呢間有youtuber介紹過嘅鐵板燒居酒屋，見到有午市定食，即刻入咗嚟🤣🤣我哋一共叫咗兩個午市鐵板套餐，附送沙律、湯同刺身，至於鐵板燒方面就有指定牛肉薄燒同魷魚筒，另外再喺三文魚同雞扒揀多一樣作為主食，份量絕對綽綽有餘！沙律呢啲就一般大路嘢啦，但刺身又真係有啲驚喜！三文魚腩係超厚切嘅一塊，肉質超鮮甜，其餘嘅帶子同八爪魚就相對唔太有特別～至於鐵板拼盤，我會話係偏向家庭式製作，係調味稍為鹹咗少少🤏但以138呢個價錢食齊海鮮、肉同刺身，再可以坐埋喺鐵板爐旁邊睇住師傅整，個人認為已經好物超所值，絕對過到鐵板燒嘅癮🥹🫶最後我哋仲有叫assorted壽司，係套餐以外，質素都唔錯，推薦大家🥰…Read More

係屬於香港人嘅居酒屋💛由佢喺yellow openrice被推介開始就一直處於長期book唔到位嘅狀態，估唔到直到今日都！係！咁！🤣星期四嘅夜晚八點去到都仲係好多人等緊，絕對係人流保證😂一坐低鋪頭已經同我哋推薦咗一個好抵玩嘅打卡優惠，只要喺6:30前同8:45後入座，兼喺社交平台打卡同tag埋，就可以有壽司/刺身一份😍當日送嘅係和牛壽司，雖然grading唔係頂級，但都食到濃郁嘅牛香同脂肪香，作為第一道菜都叫打響頭炮🥳🎉海苔拖羅赤膽壽司係新menu嘅items之一，鮮甜嘅海膽包住綿滑清香嘅拖羅蓉，再根據自行喜好配上海苔，係真係umami嘅感覺🙌🏻🙌🏻海膽炒飯叫得赤膽壽司又點會唔叫其他海膽菜式🤣呢個海膽炒飯粒粒分明，每粒都被蛋/海膽汁完美地包住，顏色勁金黃勁靚！面頭當然唔少得海膽，配埋櫻花蝦同三文魚子，令成個炒飯相當richy!手打墨魚捧係居酒屋必叫嘅items之一！墨魚滑打得好挺身爽口，唔會覺得入面全部都係粉，仲食到粒粒墨魚肉！佢仲燒到外皮脆脆的，配埋撈咗蛋汁嘅燒汁，令口感更滑身！汁煮左口魚裙邊輕輕燒過嘅左口魚裙邊配試中帶有酸醋嘅醬汁，可以吊起鮮味之餘仲可以消除油脂嘅肥膩，再配上鮮甜嘅三文魚子，係一個送清酒一流嘅小菜！🥹黑松露炒雜菌同樣都係嚟到居酒屋必點，正常水平，不過牛油味好香🥰🥰申子和牛燒最後最後真係要推薦呢個和牛燒，係全晚嘅高潮🫣佢哋用嘅係鹿兒島A4和牛，會有店員連同飯同蛋拎過嚟喺客人面前燒（詳情可以睇圖九嘅time-lapse)。我哋揀咗五成熟，雖然望落去好似好生，但其實肉質來講係絕對剛剛好，否則只會浪費和牛本身嘅精髓🥹每邊剛好燒過嘅和牛包住配上燒汁同蛋漿嘅日本米（呢個要重申，只有日本米先做到呢個質感），食完幸幸福感up🥰🫶雖然係一人一半，但其實又牛又汁又飯係好飽的，絕對滿足🫰成間舖頭擺設都好地道好特別㗎，香港人一定要嚟🖐️…Read More

位於登龍利永光中心嘅Memoir，係一間western x fusion餐廳。入面裝修高貴簡潔，係好啱情侶約會去㗎🥰🥰其中一個好吸引我嘅地方係佢哋嘅menu，全本都係手畫嘅，係宮崎駿角色嘅插畫，仲有電影裡面嘅經典名句，睇到我入哂神，完全忽略咗旁邊啲food items🤣Soup of the day以雜菌忌廉湯打響頭炮，作為菇類愛好者，呢個湯真係100%地fit我心意，如果有埋包包會更好🥔🥖🥐薄荷意大利火腿配哈蜜瓜超讚嘅一個前菜😍切成圓柱體嘅哈蜜瓜，上面鋪咗鹹鹹香香嘅parma ham，中間仲有一塊薄荷葉，係好refreshing好開胃嘅一個appetizer😍日式海膽忌廉帆立貝意大利粉作為主角嘅帆立貝好大粒好肥美，仲輕輕煎過，更香更惹味！醬汁雖然望落好淺色，但其實海膽同忌廉嘅比例十分均勻，唔會側重咗忌廉汁一邊，面頭嘅海膽更加係錦上添花！燒西班牙乳豬配蘋果蓉即叫即整，所以等候需時🤣乳豬外皮脆卜卜，肉唔算厚實不過肥膏足夠，保持到乳豬應該要有嘅油脂感😽而呢道菜嘅驚喜之處係佢配咗蘋果蓉，可以消除乳豬嘅油膩感😋…Read More

充滿驚喜嘅馬來西亞菜🥰位處士丹頓街一條巷仔嘅小店，雖然位置稍為偏僻，不過依然見到有唔少人嚟到朝聖，係人氣保證嘅小店😆鋪頭雖然唔算大，不過乾淨企理，仲採用咗工業風嘅設計，十分型格！夜晚配合埋佢嘅燈光佈置，別有一番風味，最啱同朋友坐低飲杯嘢chill下！鱻魚三寶咖喱喇沙平時食嘅喇沙好多都係好重椰漿味，但呢度主打嘅係原汁原味咖喱湯底，齋睇顏色都已經知道個湯係幾咁濃郁足料。而且飲落口仲要係好醇好香唔嗆，相信係用咗好多香料去炒香個湯👍餸方面有魚蛋、魚餅同魚腐，兩個人share都平均食咗成四五嚿，好足秤！🫶火熱馬拉砂煲肉骨茶係好有心思嘅一煲肉骨茶！用砂煲上已經係一個大驚喜，上菜嘅時候仲係滾㗎🤣店主姐姐仲好有耐性同我哋講解呢個肉骨茶嘅獨特之處，同一般肉骨茶唔同，呢個係重藥材味而唔係重胡椒味，有當歸、黨參、黑棗等等，係好啱女仔嘅養生食物！而佢哋仲會配埋油炸鬼同秘製蒜香米餅俾我哋，全部都係新鮮脆卜卜，索湯一流🤩之後我哋仲加咗個蒜蓉炒雜菜，係好養生嘅一餐！😍鋪頭而家仲有出咗盒裝嘅喇沙同肉骨茶，全部都係放喺熱水20分鐘就可以食到同堂食一樣嘅質素，最啱要番工但又想食到好西嘅懶人一族！😚…Read More

食得好滿足嘅一間居酒屋，位置方便易搵，嘢食種類都好多，好適合一大班朋友或者同屋企人嚟食🥰佢採用嘅係全QR Code落單，入面嘅interface簡單易明，分開咗唔同類別，揀得好舒服好開心😚不過最想食嘅天婦羅竟然冇，少失望🥲今期嘅highlight係季節推介嘅餐牌，有好多時令魚生同和牛揀。今次我哋揀咗北海道仙鳳趾真蠔，仲有海鰻+石垣鯛壽司。蠔算肥美大隻，食落偏爽，有陣陣嘅海水味，不過唔會腥👻至於壽司，食材係唔馬虎嘅，不過就略嫌細舊咗啲，一啖食哂🤣熟食方面，叫咗一個熱辣辣嘅豆腐雜菜鍋，一上菜嚇親，啲菜多到就瀉😂其他食材有豆腐、洋蔥等等，超級清淡，送飯一流！另外仲有一個牛肉蒜片薄燒，薄薄嘅燒牛肉包住香蔥，配埋佢嘅燒汁同沙律醬，好好食！但牛肉略嫌鞋身咗少少，用油脂多啲嘅牛相信會更好食🥳另外我哋仲叫咗一堆串燒，其中最吸引我嘅係串燒杏鮑菇，原本以為係細細哋一嚿，點知原來係勁厚切，一咬落去勁多汁，而且燒得啱啱好，保持到爽脆嘅口感👍雞翼同燒蕃薯都係正常發揮，兩樣都係串燒必點。蕃薯又係勁厚勁肥大，澱粉質爆棚🤣最後仲有燒味醂魚翅，不過就偏乾身咗少少，食落偏硬，不過用嚟送啤酒就好正🫶…Read More

戴番頭盔先，完全係為佢個露天打卡而嚟😜男朋友book嘅時候冇講明要露天嘅，但去到竟然有露天位坐，仲要係星期六嘅下晝時間，都幾surprised!老實講，去到見到個環境係同我想像有啲落差嘅，大門口少舊，見到有啲歲月嘅痕跡，同埋最扣分係喺聞好大陣廁所味😂😂好彩出番露天位置時啲空氣即刻清新番啲😂嘢食方面，叫咗兩個set lunch，每個set都送湯/沙律。而今次我哋揀咗沙律，係parma ham配加咗黑醋嘅火箭菜，十分清新開胃！烤加拿大豬鞍配白桃莎莎係鋪頭極度recommend嘅一道菜🤩豬鞍烤得好靚仔，有一層晶凝通透嘅肥膏喺面頭，所以肉質食落十分鬆軟😍配合清新嘅蜜桃莎莎就有消膩嘅效果。野生雜菌香菇意大利飯老實講，外貌嚟講佢都真係幾⋯唔靚⋯😅佢仲要有極濃烈（真係撲鼻嗰種）嘅芝士味，係聞到都覺得極度漏😂不過食落口又冇想像中咁heavy嘅，味道average，係啲risotto稍硬，淋番少少會更好👏🏻另外仲叫咗杯dirty，味道都係standard，不過配合埋呢個咁instagrammable嘅環境，都加分嘅🤪…Read More