carykof's Profile

六本虎居位於炮台山，由港鐵站行高過去只需約3分鐘。餐廳係一間只有約20個座位嘅居酒屋小店，食客大多係熟客，氣氛好Chill。餐廳主打串燒同各款特色日式小食，包括吞拿魚腦天、鵪鶉蛋紫蘇墨魚丸、三蟹春卷等都係餐廳招牌菜。而餐廳新推出嘅雞湯拉麵系列性價比都相當高。👍🏻酒類方面餐廳提供梅酒、清酒及啤酒等嘅選擇，而且仲有專業唎酒師推介配酒，令到用餐體驗可以更加提升。🍶赤武AKABUAKABU味道介乎辛口與甘口之間，滿滿米香加果香，配日式小食一流。冷奴入口冰涼嫩滑，加上蔥花醬油非常醒胃。吞拿魚腦天吞拿魚腦天味道口感同拖羅非常相似，外層微微烤香，油脂飽滿。慢煮鷄胸鷄白湯拉麵新推出嘅鷄白湯拉麵雞白湯濃郁奶香，唔會太膩，配上嫩滑慢煮鷄胸，夠晒暖胃。串燒餐廳會逐一把燒好的串燒放上碟，確保每串串燒都係最佳狀態上俾客人，好貼心。鵪鶉蛋紫蘇墨魚丸餐廳招牌菜之一，墨魚滑包裹鵪鶉蛋燒香，外爽內滑，非常出色。三蟹春卷由蟹籽、蟹膏同蟹肉製作嘅三蟹春卷，超級鮮甜。燒沙甸魚沙甸魚燒得恰到好處，魚皮微脆，魚肉非常嫩滑。帳單…Read More

安平燒肉最近推出的Lv4日本A4+和牛套餐終於嚟到將軍澳啦，而且將軍澳店仲有逢星期二、四和牛燒肉放題8折優惠。👍🏻Lv4日本A4+和牛套餐可以任食三款日本A4+和牛，其他L4食物仲有炭燒白鱔、炙燒霸王蝦、威士忌釀鮑魚同柚子鮑魚酥，而且可以任點任食Lv1至Lv3嘅所有食物。而且啤酒、特調雞尾酒都係任飲！餐廳大部分都係卡位。一坐低，店員會先送上一壺迎客清雞湯，其他食物可以用QR Code落單，另外仲有自助區食物、飲品可自取。套餐裡嘅三款日本A4+和牛質素都好好，A4級或以上嘅日本和牛，肉質細緻，每邊輕烤約20秒已經外香內嫩，超級juicy同柔嫩，無限任點任食，超滿足！和牛壽喜燒同樣採用日本和牛，配上甜甜壽喜燒汁亦都非常惹味。切成小塊嘅一口和牛丁，搭配洋蔥用醬汁燒烤，肉味濃郁而且口感彈牙。炭燒白鱔烤至兩邊金黃香脆，吃起來皮脆肉滑，白鱔本身的鮮味也很突出。炙燒霸王蝦好大隻，蝦肉Q彈鮮甜，而且已經預先開邊處理，吃起來非常方便。威士忌醉鮑魚係用威士忌醃製過嘅鮑魚，帶有淡淡嘅酒香，鮑魚口感彈牙。柚子鮑魚酥以酥炸方式呈現，外酥內嫩，帶有淡淡的柚子清香。極厚切檸檬牛舌雖然只係Lv3食物，但呢款真係必點，牛舌超厚身，每邊烤兩分鐘就剛剛好。牛舌外層焦香，中間超粉嫩，口感Q彈爽脆，擠上檸檬汁非常清新爽口。Lv3同Lv4套餐都包含任飲啤酒、特調雞尾酒，配上燒肉、燒海鮮，非常滿足。自助區單據…Read More

牛大人日本黑毛和牛A4+套餐非常高質，最新推廣嘅「炎夏椰樂祭」仲新加入兩款湯底同埋免費任飲特調雞尾酒，正價時段都只係$488/位，全日制學生21:00後入座仲可以減$90，非常抵食。銅鑼灣分店喺銅鑼灣港鐵站C出口附近，非常方便，餐廳設有多個卡位，晚市雖然經常爆滿，但都坐得好舒適。「炎夏椰樂祭」仲新加入兩款湯底分別係喇沙椰爺仲夏鍋同木瓜椰皇嫩雞鍋，轉鴛鴦鍋可以一次過試哂呢兩款新湯底。我比較鍾意喇沙椰爺仲夏鍋，辣中帶少少椰香，非常惹味，涮和牛可以唔需要再沾醬汁。😋A4級以上日本黑毛和牛油花分佈超均勻，肉質軟嫩而且肉汁飽滿，全晚我哋都冇停過食和牛，難得和牛每碟水準都可以咁好，400幾蚊任食呢個質素嘅和牛，的確超值。👍🏻海鮮拼盤有鮑魚、扇貝、生蠔同魷魚，當中鮑魚最鮮甜彈牙，仲咗呢個海鮮拼盤外，仲有三款鮑魚係可以即點即食，三款鮑魚各有特色，但同樣爽滑彈牙。除咗和牛，我哋食得最多就係鮑魚。😆 「炎夏椰樂祭」仲加入多款新出小食，當中以酒糟嫩牛舌最突出，口感軟嫩，酒香濃郁，必點。👍🏻新推出嘅雞尾酒特調有三款，分別係粉桃椰香、冰檸伴椰同埋藍調微風，如果唔想飲酒精飲品都仲有一款椰奶蓋芒芒爽可以揀，日本黑毛和牛A4+套餐可以免費任飲。除咗A4和牛、鮑魚，套餐仲有伊比利亞黑毛豬梅肉、M9和牛牛丸同埋其他套餐嘅食物都可以任點，甜品Movenpick雪糕亦都可以任食。DSE畢業季期間，全日制學生星期日至四21:00後入座仲可以減$90，性價比真係超高。🏃‍♂️自助區…Read More

✨ 天后終於有一間高質日式放題啦！呢個放題仲可以食足3.5小時，最抵係長者同小童，每位可享$188優惠價之餘仲可以免費升級任食本鮪拖羅、海膽刺身同埋鵝肝壽司。今次我就帶老豆兩個人嚟撐枱腳，享受長者$188優惠價任食拖羅、海膽同埋鵝肝。😍 御品．千之味 (天后)由天后港鐵站A2出口行5-7分鐘就到，超方便！餐廳雖然唔大，但6個人以上訂座可以包房，30人仲可以包場！🎉講到重點，成人+$198 長者/小童免費升級嘅任食本鮪拖羅、海膽刺身同埋鵝肝壽司係咩質素?藍鰭吞拿魚腩刺身(本鮪拖羅)本鮪拖羅入口即化，油脂超香濃，本鮪嘅赤身都好軟嫩鮮甜，另外加上三文魚籽會更惹味。全晚我哋只計大拖羅每人都起碼食咗十件。本鮪大拖羅壽司海膽刺身今晚嘅海膽挺身飽滿應該係加拿大海膽，非常 creamy，入口即溶，味道鮮甜！放題可以任點任食呢個質素嘅海膽刺身，夫復何求。😋 海膽大拖羅海膽軍艦 海膽花之戀焦糖鵝肝壽司 芒果鵝肝壽司 DIY海膽鵝肝壽司 鵝肝表面炙燒到香脆，內裡 creamy 又油潤， 配焦糖或加芒果都特別清新解膩，不過既然可以任點海膽刺身，當然要試埋海膽鵝肝壽司啦。其他放題食物都有略略點少少，不過既然升咗級，主要都係食本鮪拖羅、海膽刺身同埋鵝肝壽司。其他放題食物 除自助區提供無限量飲品同甜品之外，另外仲可以任點雪糕，不過 Mövenpick 雪糕就每位只可以揀一款，但其實都夠啦。🍦埋單時，長者仲有小禮物送！長者$188加免費升級呢個優惠真係超級抵。🎁 …Read More

「豐味窯雞」位於港鐵站附近嘅觀塘工業中心，專做外賣窯雞，除咗可以到店即叫即製外，亦可以用電話或whatsapp提早預訂指定時間攞。我訂了18:00取雞，一去到就有得攞。🍗窯雞用幾層錫紙包好再入膠袋，最後仲有個保溫袋，隻雞拎到返屋企大概19:00開飯時打開都仲好熱。最貼心係佢哋提供兩款手套，膠手套戴在外面，拆雞時既隔熱又乾淨，唔怕整污糟手！🧤原隻窯雞窯雞夠入味又唔會太咸，雞肉超Juicy而且非常嫩滑，好容易就可以骨肉分離，拆雞肉好輕鬆，就算係小朋友拆肉都毫無難度！👍🏻…Read More

銅鑼灣熊本燒肉最近推出咗新優惠，只需預付$100訂金訂座就可以無限時任食，2人訂座送原條鰻魚壽司，4人訂座再加送大塊A4和牛片。而呢個優惠仲包括揀最平$268嘅澳洲和牛放題套餐。另外慶祝生日提早兩日預訂，餐廳仲會幫你set靚靚生日裝飾，影相打卡一流。💖餐廳氣氛非常好，我哋去果日都多人慶祝生日，周圍都佈置咗生日裝飾，餐廳亦有送生日蛋糕。除咗燒肉，餐廳仲提供火鍋爐，可以一邊燒肉一邊火鍋。大塊A4和牛片訂座送嘅A4和牛片超大塊，入口軟嫩，油脂分佈均勻。原條鰻魚壽司另一款訂座送嘅原條鰻魚壽司鰻魚超大條，而壽司飯好細粒，唔怕食完會好飽肚。精選燒肉火鍋放題 $268我哋揀呢個放題套餐雖然係最平，但都可以任食澳洲和牛，呢款澳洲和牛板腱雖然冇餐廳貴價套餐嘅日本和牛咁高質，但油花都幾均勻而且軟腍，呢個價錢可以無限時任點任食澳洲和牛已經非常抵食。除澳洲和牛之外，仲有大概70款精選燒肉、火鍋食材、炸物同其他食物任點任食。🍖🔥放題套餐已包括自助區全部飲品同埋甜品，另加$38仲可升級做Umai Mugi麥啤任飲，或者加$98變啤酒、清酒、燒酌全部任飲，真係好啱成班朋友大吃大喝慶祝生日。…Read More

安平燒肉(荃灣店)新推出Lv4日本A4+和牛套餐，套餐包括任食三款日本A4+和牛、炭燒白鱔、炙燒霸王蝦、威士忌釀鮑魚同埋柚子鮑魚酥，仲可以任飲啤酒同埋特調雞尾酒，而且可以任點其他Lv套餐食物，種類超豐富。安平燒肉(荃灣店)估地好大，地方寬敞。一坐低，店員就送上一壺暖笠笠嘅迎客清雞湯。日本A4+和牛雖然套餐入面有三款日本A4+和牛，不過我哋今餐主要都係食燒日本A4+和牛為主。達到A4級或以上級別嘅日本和牛色澤好鮮明，雪花紋理真係靚到不得了，分佈得勁均勻又細緻！每邊輕烤咗大約20秒，燒到5成熟嗰陣，塊和牛望落去已經超級juicy同柔嫩，一擺入口，肉汁爆發，真係超幸福，最正係可以任點任食！🤤日本A4+和牛壽喜燒和牛壽喜燒同樣係用靚靚嘅日本A4+和牛，配埋甜甜地嘅壽喜燒汁同新鮮蔬菜一齊煮，食落暖笠笠又好惹味，同燒肉係完全唔同嘅風味。日本A4+醬燒一口和牛丁切成一粒粒嘅一口和牛丁配埋洋蔥用醬汁燒，一啖一粒，肉味濃郁之餘仲有酸甜味，口感豐富！除咗日本A4+和牛，Lv4其他食物質素亦都好唔錯:炭燒白鱔配合我燒烤技術，白鱔燒到金黃香脆，食落皮脆肉滑，白鱔本身嘅鮮味都好突出。炙燒霸王蝦啲蝦真係好大隻！啲蝦肉勁爽彈鮮甜，而且已預先開邊，可以食得好方便。🦐威士忌醉鮑魚呢個好特別！用威士忌醃過嘅鮑魚，再拎去燒，食落有淡淡酒香，鮑魚口感彈牙，估唔到咁夾。柚子鮑魚酥另外一款鮑魚用酥炸方式，外脆內嫩，帶有淡淡柚子清香。其他Lv套餐食物唔可以錯過極 厚切檸檬牛舌同埋赤魚一夜干極 厚切檸檬牛舌厚切牛舌真係超厚！餐廳好貼心提供埋漏斗計時，每邊燒兩分鐘就啱啱好。燒完之後，店員會幫忙將牛舌切開，見到入面仲係靚靚嘅粉嫩色，外層就燒到有啲焦香。一咬落去，口感勁爽滑彈牙！最後唧啲檸檬汁上去，即刻清新返晒！🍋安平赤魚一夜干呢個都係佢哋嘅招牌菜之一，原條赤魚經風乾處理再燒，燒起上嚟魚油香味真係好濃郁，魚肉又實淨。🐟其他海鮮仲包括生蠔同帆立貝等等飲品 及甜品燒肉點可以冇嘢飲！安平Lv3同Lv4套餐都包括任飲啤酒同特調雞尾酒。最後梗係唔少得任食Häagen-Dazs雪糕啦，為呢餐豐富嘅放題畫上完美句號！🍦自助區餐牌…Read More

我同老婆經常都會去牛大人食火鍋，之前都係食澳洲和牛套餐多，但上次去食見隔離枱的日本A4+黑毛和牛超吸引，所以今次我哋都試下呢個套餐😋牛大人觀塘分店經常都滿座，不過餐廳環境寬敞舒適，我哋今次訂平日18:30開餐，入場時有一半位置都仲未入座，不過19:00左右就開始多人。我哋今次揀選的日本黑毛和牛A4+套餐和澳洲和牛套餐最大分別除了可以任食保證A4級以上日本黑毛和牛之外，小食仲可以任點三款鮑魚，另外贈送M9和牛牛丸同海鮮拼盤。我哋揀咗紅燒牛骨鍋做湯底。呢個湯底用牛腿骨先燒後燉而成，牛味濃郁帶有微微辣味，好啱用嚟涮和牛。日本黑毛和牛A4+A4級以上日本黑毛和牛肉質超軟嫩，油花分布均勻，肉汁飽滿，帶有濃郁的牛肉香味，而且每次加單都有同一水準，呢個價錢絕對可以食回本。伊比利亞黑毛豬梅肉新推出的伊比利亞黑毛豬梅肉我哋都試咗一碟，肉味濃郁而且口感爽滑，不過之後我哋之後都只係不停ENCORE日本黑毛和牛。海鮮拼盤日本和牛餐送的海鮮拼盤味道都唔錯，當中以鮑魚最鮮甜，口感爽滑彈牙。鮑魚係可以任食，除咗日本黑毛和牛外，今晚我哋食得最多就係鮑魚。鮑魚三吃日本和牛套餐小食類有三款鮑魚任食，分別係古法醉鮑魚、炭燒鹽蔥鮑魚同柚子燒汁鮑魚，口感同樣爽滑彈牙，當中我哋ENCORE得最多就係古法醉鮑魚。M9和牛牛丸：跟餐每人有兩粒M9和牛牛丸，以牛丸計M9和牛牛丸非常高質，牛味濃之餘肉汁豐富，不過相比起A4級以上日本黑毛和牛，M9和牛牛丸肉味就唔算好突出。少爺啤酒今次第一次試呢款少爺啤酒，味道非常清爽，配和牛好合適。Movenpick雪糕牛大人晚市係可以任食Movenpick雪糕，不過今晚個胃已經被黑毛和牛同鮑魚填滿，最後我哋只係一人一杯就已經再食唔落啦。…Read More

星期一同老婆去咗北角匯呢間牛牛日式火鍋放題撐枱腳，喺Openrice訂座預購Lv.3 澳洲和牛放題餐，折完每位包埋加一都只係$310，幾抵食。👍🏻餐廳位於北角匯呢個海旁商場，所以部份座位都可以睇到少少海景，而且卡位比較多，座位比大部分放題店舒適。😙火鍋放題係一人一鍋，可以自己揀選自己喜愛嘅湯底。入座後店員好快就送上M6澳洲和牛，賣相同味道雖然不及日本和牛，不過油脂均勻，牛味亦夠濃，質素都相當唔錯。呢個套餐亦可任點澳洲產黑安格斯等幾款牛肉，不過我哋主要都係食呢款澳洲和牛。😆除牛肉之外，呢度嘅西班牙伊比利亞豚肉都好食，肉質好軟嫩，海鮮就有扇貝、青口同大蝦等，熟食有蒲燒鰻魚、炸蝦，另外自助區仲有普通放題常見嘅蔬菜同丸類。😁澳洲和牛放題餐除非酒精飲品外，本身亦已包括啤酒、日本清酒、紅酒同埋白酒任飲，另外餐廳新推出咗兩款賣相吸引嘅台式特飲，噴煙嘅小茶壺配台式茶飲非常有趣。🫖放題另一賣點就係任食Mõvenpick雪糕，以包埋加一$310位呢個價錢嚟計，呢餐真係好抵食。😍…Read More

正潮樓呢間潮州菜館喺灣仔開業兩年一直深受歡迎，最近更加喺銅鑼灣開咗一間高級版嘅分店，新店主打潮式海鮮(包括魚翅、海參同鮑魚等名貴食材)，我同老婆趁星期日去銅鑼灣買嘢順便去試一試。😁銅鑼灣新店裝修簡約之餘帶有少少古典風，座位以圓枱為主，除咗包房之外，大廳嘅座位都好寬闊舒適。我哋星期日6點半左右到時未多人，不過7點左右就差唔多滿座。假日晚市都有套餐，套餐每位$438起，包一款厚菇焗鮑魚 /海參或紅燒魚翅/燕窩，另按人數配3至9款小菜。厚菇焗鮑魚鮑魚口感超軟嫩而且好多汁，配上濃郁鮑汁，鮮味十足。👍🏻厚菇焗海參焗烤嘅海參口感豐潤腍滑，非常入味，配上厚肉冬菇，非常惹味。😊滷水拼盤拼盤包括鵝紅、鵝肉、大腸同豆腐，滷水汁鹹度適中，鵝肉好嫩滑，其他配料滷水都好入味。👍🏻潮汕豬腳凍呢款潮汕手工菜味鮮軟滑，豬腳凍入口即化，混入豬腳豬皮口感層次豐富。😋方魚蠔仔粥方魚同蠔仔鮮味融入粥中，質感綿密，蠔仔份量十足。兩個人食完呢個套餐真係非常滿足👍🏻#香港 #香港旅行 #香港美食 #香港探店 #香港中菜館 #正潮樓 #銅鑼灣 #潮州菜…Read More

今年媽媽生日，我哋又去咗FEAST (FOOD BY EAST) 食自助餐慶祝，除咗因為我哋一行8個人，2個有長者優惠，2個小朋友免費，總價非常抵食之外，餐廳喺All you can it，全部熱盤都係由即點即做，非常新鮮而且賣相亦比較吸引。😁呢期任食主菜共有10款，食客用QR code落單時可加上remark，例如全熟，走鹽，好啱小朋友。當中比較回本嘅有肉眼扒、龍蝦甲羅燒、羊架、烤虎蝦同北海道帶子。😋餐廳自助區有凍海鮮生蠔、蟹腳等，而壽司、刺身、餐湯、沙律冷盤同飲品選擇都多，甜品款式同味道都唔錯。👍🏻…Read More

早半個月喺銅鑼灣世貿食和牛放題時見到呢間餐廳即張開業，雖然開張日係遲過我同老婆結婚週年幾日，不過都訂定枱同佢嚟慶祝。（正日當然都有其他安排啦😆）餐廳名叫“Bochord"，古英語意思係圖書館，餐廳室內設計都係圍繞呢個主題，以胡桃木為主調，配上古典方格紋同圖書裝飾，帶出高貴典雅嘅氛圍。另外，餐廳享有維港海景，現場有安排Live Band喺餐廳內演奏，非常有情調。☺️食物方面，餐廳提供散點點菜同「七道菜嚐味套餐」等選擇，酒類選擇亦都好多。我哋先點咗Cocktail飲，之後點咗一客前菜、兩款主菜Share食，最後當然唔少得慶祝用嘅甜品啦。😁The Honey Thief $158呢款Cocktail酸味較重，酒味微香，非常易入口，酒杯賣相亦非常吸引。😍The Basket of Apples $158加咗Bourbon Whiskey嘅呢款Cocktail比較甜，果味亦好突出。👍🏻Spanish Crab Cake $228前菜嘅蟹餅份量都唔少，而且蟹肉好多，入口啖啖都充滿蟹肉鮮甜味。😋Miso Braise Short Rib $328炆牛肋條非常大份，超厚肉，用味噌炆嘅牛肋條好軟腍而且好入味，另外伴碟嘅薯蓉都好香滑。😍Australia Lamb Rack $558我哋點咗Medium Rare嘅羊架熟度剛好，肉質非常軟嫩，只係肥膏略多。😁Matcha Raspberry Cake $98店員上抹茶蛋糕為我哋慶祝時，Live Band會在旁為我哋演奏，經理亦會用即影即有相機為我哋拍照留念，老婆非常滿意呢個安排同埋好鍾意呢間餐廳。Happy wife happy life🥰…Read More

銅鑼灣上個月開咗間名叫Mercury Recalls西餐廳，餐廳以黑膠唱片為主題，以整間店擺放咗大量嘅黑膠唱片，以店員亦會揀選唔同嘅歌播放，店內音響非常高質，喺度食飯感覺好似沉浸咗喺黑膠唱片嘅世界入面，非常舒適愜意。😙我哋點咗一客沙律、一客鴨腿、Carbonara同甜品，餐廳食物味道同份量都唔錯，兩個人share非常滿足。😁Greed Salad with Parma Ham $158沙律份量超大，新鮮蔬菜、無花果、蜜柑同帕爾馬火腿嘅組合，加上特製嘅醬汁，帶出一種獨特嘅鮮甜和酸爽口感。👍🏻Carbonara with Crab Meat Linguine $188鮮蟹肉同濃郁嘅明太子卡邦尼醬汁，配上彈牙嘅扁意粉，味道唔錯，入口非常鮮甜惹味。😋French Duck Confit with Walnuts Salad $298鴨腿脆皮外脆內嫩，油香豐腴，配上核桃沙律，鴨肉嘅香氣同核桃嘅香脆口感層次豐富。👍🏻Chef's Selection Pastry $78廚師精選嘅朱古力心太軟朱古力味濃郁，甜度適中。👍🏻Sparking Tea $78飲品我哋點咗烏龍同伯爵茶Sparking Tea，非常清爽，好適合配鴨腿同Carbonara。😊…Read More

喺福岡食完人形町今半之後超鐘意和牛壽喜燒，返嚟香港一直都想再食，今次老友生日用優惠價訂咗銅鑼灣呢間牛陣HANARE嘅壽喜燒放題，真係唔錯。👍🏻呢個放題優惠需要喺Openrice預先俾錢，包埋加一價錢係由$329至$629/位。套餐可無限追加：野崎牛、夢之大地豚、阿波尾雞、刺身、天婦羅、是日小鉢料理、野菜盛合、汽水、啤酒同甜品。呢款A5黑毛和牛肉質真係好柔軟，我幾個鐘都主要係食和牛。😆我哋今次8個人食，預付後打咗電話去留房，房入面嘅空間都幾大，點餐方式係寫紙之後按鐘，侍應每次都喺半分鐘內就到，而且不停幫我哋換鍋，又幫我哋準備咗個生日小卷蛋，非常抵讚。👍🏻…Read More

今日朋友約咗我哋兩公婆去鰂魚涌食潮州菜，睇朋友提供嘅地址英皇道1001號7樓，原以為係舊樓嘅樓上餐廳，去到先知原來係囝囝之前去過有親子餐廳果幢新商廈。😆呢間潮州菜店叫陳儀興尚潮樓，餐廳樓底高，裝修新淨之餘仲帶有少少古典風，我哋坐果張枱放置咗屏風，私隱度高。入座後店員立刻端上前菜同功夫茶，我同老婆就邊飲茶邊等朋友發辦點菜。😙鹹菜花蛤湯呢碗湯用新鮮嘅花蛤、鹹菜同番茄烹製而成，湯底好清，番茄已去籽同皮配上嫩滑嘅花蛤同鹹菜，味道鮮甜清新。👍🏻鵝三寶鵝三寶有鵝肝、鵝腸同鵝片，當中最好食一定係鵝肝，鵝肝質地嫩滑，完全唔油膩，而鵝腸亦都唔肥，廚師已把鵝腸的脂肪清除，口感非常脆爽。鵝片肉質彈牙，亦都幾入味，而且唔會太鹹。😋頭抽鷹䱽魚片呢款鷹䱽魚片非常有驚喜，厚實多汁嘅魚肉保持咗豐富嘅肉汁，魚肉已去骨，外層以半煎炸方式處理，入口外脆內嫩，魚鮮味喺頭抽醬油襯托下更加突出。😍潮州魚蛋肉碎湯呢碗湯有魚蛋、娃娃菜、肉碎、方魚、芹菜同瑤柱絲，湯底鮮美而且唔會有過多胡椒味。潮州魚蛋有濃郁嘅魚味之餘口感超彈牙。配上肉碎、瑤柱、方魚等配料，味道層次非常豐富。👍🏻原本朋友都推介呢度嘅潮州白粥，不過餐廳菜式份量太多，我哋幾個食完呢幾款小菜都已經太飽，所以冇再加粥或者飯啦。😆…Read More