自從牛大人出咗 A4+ 日本黑毛和牛套餐之後，我哋每次去親都一定會揀。$488一位嘅 A4+ 日本黑毛和牛套餐，唔單止可以任食保證 A4 級以上嘅日本黑毛和牛，仲可以任點四款鮑魚，任飲啤酒，送埋個海鮮拼盤，性價比非常高。最新推廣仲加入咗任飲酒精特飲: 港式檸檬茶18+，經典小食: 蝦蝦霸霸脆多士、日本和牛橘梨伴豆腐、阿嬷豆乾魚蓉麵，同埋兩款新湯底，內容非常豐富。👍🏻
47
新湯底「聰明魷魚沙茶鍋」同「養生菇菌燉雞鍋」都係用天然食材製作，店員建議可以先飲湯之後先打邊爐。兩個湯底都好鮮味，當中魷魚沙茶鍋配日本黑毛和牛真係好夾。👍🏻
1
點呢個餐最主要就係食A4 級以上嘅日本黑毛和牛，肉質超級軟嫩，啲油花分佈得好均勻，肉汁飽滿。每次加單都keep到差唔多水準，四百幾蚊可以任食呢個level嘅日本黑毛和牛，真係好抵！👍🏻
除咗日本黑毛和牛，日本和牛套餐仲可以任食伊比利亞黑毛豬梅肉，其他套餐嘅嘢食都可以任點。
日本黑毛和牛套餐送嘅海鮮拼盤味道都唔錯，鮑魚就最鮮甜啦！
今期日本和牛套餐除火鍋任食鮑魚外，小食鮑魚都有3款，我哋食得最多係古法醉鮑魚，口感爽滑彈牙。😆
今次我哋仲試咗佢哋新出嘅小食，蝦蝦霸霸脆多士鋪滿晒鮮蝦，口感好豐富；個日本和牛橘梨伴豆腐就用清新嘅果香嚟平衡返和牛嘅油膩感，食落好refreshing！
另外，我哋仲嗌咗杯酒精特調，杯港式檸檬茶 18+，茶味同酒味blend得啱啱好，好特別㗎！除酒精特調外，日本和牛套餐仲包兩款啤酒任飲。
1
新甜品蜜桃愛玉冰清甜爽口，最後食埋雪糕為呢餐咁豐富嘅火鍋劃上完美嘅句號。
自助區
