hkjockey's Profile

朋友話想食下海鮮蒸鍋，生活忙碌兼資訊太多，用左半個鐘彩食評就揀左呢間蟹仙一行三人，入座後阿姐不停推介，隔唔夠兩分鐘又黎問，但現場無大魚缸睇，有d猶疑加上價錢都貴，最後揀左$2188三人套餐，阿姐話有d海鮮無貨，比時令蟶子，元貝比你地，本身自己經常買海鮮，即時問阿姐咩蟶子，佢大聲疾呼本店只賣靚野， ook信你第一碟上枱已知中伏，蟶子係街市50蚊份，元貝未蒸已細過一蚊銀，青口，蠔似雪藏野解凍，咩九孔飽本身已係平價野又係勁細粒龍躉肉可以一夾就散零味道，店員仲提醒唔好點豉油去品嘗鮮味羔蟹d羔係綠色，店員話正野因為隻蟹食海藻，當我唔識野但老實講好難食，肉質就ok開邊蒸龍蝦就正常唔太差，原條象拔蛑等到最尾先到，味道都中上，但份量就少左d埋單套餐連一渣柑吉蜜2500大元，只想講世紀中伏，揼到上心口…Read More

食晏唔熟附近，搵間近近地食飽就算，因趕時間坐低就求其午餐干炒肉片烏冬，其實47蚊包熱飲唔算太平唔夠三十秒擺低，雖然有煙但段估都唔係即炒，摩打手都無咁快喇，一睇可能得十條八條烏冬，肉片就大把，梗係投訴喇，一位阿姐走入廚房又係唔阿三十秒加左少量凍嘅烏冬比我，仲話即炒，口噏噏話我好投訴，比少少錢唔通開個鑊打比你，態度極其惡劣講返碟烏冬完全無味，肉片好似搵水浸熟，烏冬淋到不得了，雖然屋邨鋪，但差到咁，難怪午市都無客，結果所有肉片無食，黑仔…Read More

繼續WFH, 困在家中有點悶，家住將軍澳想搵間cafe食野飲野輕鬆下都唔係咁易，在openrice搵到呢間位於觀塘地鐵站附近嘅urban cafe,即刻約朋友gogogo餐廳位於駱駝漆一座，觀塘廣場行行過去唔使三分鐘，一比三座好，起碼唔使排隊搭lift餐廳雖位於工廈，但裝修簡約得黎座位隔得好開，感覺很舒服食物方面，由於是下午時段，有午餐亦有下午茶選擇，而且仲有甜品例如心太軟都有供應是日餐湯+牛油多士條栗米忌廉湯夠creamy, 牛油多士條甜甜地，有點似食緊韓式多士爆谷雞球免治雞肉炸成香脆球狀，雞肉食落有彈牙感，很香口法式紅酒燴牛肉飯紅酒燴汁夠晒香濃，牛肉粒軟身而且份量不少，叫一碟都夠晒飽法式芥末籽醬伴香煎豬扒豬扒外皮煎得甘香，肉質夠嫰，而且醃料夠晒惹味，炸薯角即叫即炸，十分香口凍Oreo脆脆特濃朱古力名乎其實，朱古力味夠晒濃，啖啖oreo脆脆，真係無得頂菠蘿雲朶冰沙冰沙除左有菠蘿味，還帶少少乳酸味道，飲完夠晒開胃這間位於觀塘市區的cafe, 性價比同食物質素均不錯，而且環境闊落，侍應態度又nice,以後要搵cafe食野傾計，唔使搭車出旺角了…Read More

餐廳位置極方便，在登打士街女人街交界嘅登打士廣場，而且位處20樓景色幾開揚，餐廳用簡約設計，乾淨又舒服分左兩個用餐區，一邊是正常餐桌，另一邊是榻榻米形式鮮茄辣肉腸燴意粉意粉軟硬度適中，微微帶點乾身，鮮茄醬配合新鮮蕃茄，茄味濃郁，配埋炸香辣肉腸，味道好豐富雞肉串燒(五串)雞肉表皮烤得焦香，肉質夠厚實，配埋惹味照燒汁，值得推介炸雞翼配薯條雞翼和薯條雖是普通食物，但即叫即整，熱辣辣上枱已經超美味荔枝烏龍茶荔枝味沒有掩蓋茶味，有水準桂花蜂蜜綠茶桂花配蜂蜜，冬天飲，暖意綿綿整體十分滿意，位置方便而環境夠relax,食物質素亦很好，用openrice app訂埋位，仲可以有九五折，都幾抵…Read More

疫情仍然反覆，在市區食肆開餐，每次食完都急急腳走，今晚為好友慶祝生日，一定要搵間坐得舒服嘅餐廳，所以我揀左在西貢墟附近嘅泰道在西貢食飯一般都唔會去西貢市中心，因為人多車多同市區無分別，泰道位置鄰近市中心，但卻自成一角，由市中心坐的士過黎都唔使五分鐘，自己楂車黎就更方便，門口就有一個大停車場餐廳面積很大，設有室內及露天座位，露天座位一字排列，眺望整個沙灘景色，令人有很放鬆的感覺今晚剛巧還有漂亮月色觀賞，少不免要和朋友自拍一下餐廳食物種類繁多，泰國餐廳應有的食物都有提供椰汁冰及椰青椰汁冰椰味香濃，飲得出無溝水或花奶，椰青大大個即叫即開，椰肉新鮮到可以用匙羹刮出來食泰式燒雞(半隻)店員提醒需要等三十分鐘，因為是即叫即燒，燒雞上桌時飄出陣陣炭燒味，燒雞皮烤得香脆，微微燒焦，雞肉仍保持嫰滑炸蝦餅泰式炸蝦餅簡直就是我至愛，蝦膠夠彈牙而外皮炸得非常香脆，一碟有八件，夠晒份量泰式燒豬頸肉豬頸肉薄切，即叫即燒，能夠做到外皮脆而豬頸肉保持鮮嫰，每片肉仍保留肉汁，燒烤功夫十分好豬肉生菜包生菜整齊排列在碟上，片片大細都差不多，豬肉碎用芫茜香料炒得乾身，特別地加左泰式炸豬皮，令味道更加豐富泰道食物質素好，而且款式夠多夠正宗，加上坐擁無敵沙灘靚景，十分適合和朋友邊享用美食邊傾計，一定會推薦給朋友…Read More

西式日式自助餐吃得多，今晚試試新意思，兩小時中式自助餐，地點是上環港鐵站上蓋無限極廣場，套餐現在優惠價$228食物共分三種點選方法，第一款是一次性奉上砂鍋花膠雞湯雞湯很綿滑，味道超濃，花膠厚身又夠大件，超足料原隻鮑魚花菇鮑魚雖不算大，但鮑魚味都很濃，肉質有咬口第二類是入單點心，即叫即蒸，有甜點及咸點，不限量小籠包外皮夠薄，內裡有大量肉汁，入口超有滿足感，是必點之選鍋貼和高力豆沙都有外邊上海菜館水準第三類是自助餐形式到外邊自取，身物種類繁多，重點是任吃片皮鴨服務員不停地將新鮮出爐片皮鴨切片，櫃檯還有齊餡餅，青瓜絲及醬料供自取醉雞酒味完全滲入了雞肉之內，很惹味鹵水牛𦟌鹵水味濃，牛𦟌肉夠甘香淆肉晶瑩剔透，正宗上海風味其他中式菜式可口可樂都是任飲酒釀丸子糖水味道略帶酒，但不算太烈，丸子是小粒，煙靭彈牙這次中自助餐體驗，真的比西式更加豐富又多元化，絕對值得一試…Read More

鄰近奧運站的大角咀雖然是舊區，但不乏美食名店，埃華街一帶更加是集中地，今日就光顧了區內頗為出名的表叔刺身火煱店餐廳主打火煱之外，還供應多款肉類串燒，以及高級刺身，每日新鮮運到的日本高級魚生，更設有刺身櫃位原條魚都可點選牛舌串燒牛舌大大片，厚切，外皮燒得甘香，內裡肉質鮮嫰，牛味極之濃雞軟骨串燒同樣外皮香脆帶咸香，軟骨爽脆四點刺身三文魚，油甘魚油份夠，希靈魚爽甜，墨魚爽口彈牙北海道牛乳豬骨湯底豬骨味濃，紹菜和冬菇都完全吸收了湯底味道頂級牛肩脊牛肉充滿雪花，是頂級牛肉，牛味濃而入口有軟滑質感鮮腐竹軟滑豆味極濃，放湯佳選花枝片一碟都有接近十五片，份量夠大，花枝片彈牙，完全唔靭牛筋丸大大粒非常彈牙，牛肉味濃又完全無筋，打邊爐必點一餐飯就可試齊刺身，串燒，火煱，當然相當滿足，今次確實係不枉此行…Read More

如果你問我大熱天時食甚麼菜式最適合，我一定答你是泰國菜，原因係清新菜式有，開胃菜式亦有，所以今晚我揀左去小曼谷這間餐廳座落九龍城已很多年，在競爭激烈的地方能屹立不倒，當然食物質素有保証餐牌有齊各式各樣泰式食物串燒珍寶帶子厚切帶子串即叫即燒，帶子夠鮮味，表皮有很燒烤味鮮虎蝦球串蝦球燒得甘香，蝦味經過燒烤後更突出泰式雞絲海蜇沙律泰式沙律絕對係最開胃的一種，泰式酸甜汁配上海蜇及多款什菜，味道極為清新泰式蒜茸包一客四件，即叫即焗，蒜蓉味道完全滲透整件法包，外皮超級香脆，點上咖喱汁味道更佳咖喱牛腩泰式紅咖喱汁超香濃，應該用上了不少泰式香料，牛腩不算太大，入口軟身 ，完全吸收了咖喱香味泰式炸蝦餅四件圓形蝦餅極之龐大，表皮炸得香口，蝦膠彈牙夠蝦味，超美味椰皇沙冰及菠蘿沙冰小暴谷泰式沙冰絕對係推介，新鮮生果打成，椰皇整杯充滿椰青味道，椰味香到不得了，菠蘿沙冰亦然，菠蘿味純天然甜味，真係差點想多叫一杯泰式椰汁糕及千層糕千層糕樣子有點怪，花形狀，但味道絕不差，質地煙靭，椰味芬香，椰汁糕香滑，入邊有粟米和西米粒，亦相當可口九龍城泰菜絕對是正宗，小曼谷更加是表表者，下次想吃泰菜，此處是不二之選…Read More

星期六下午和友人到黃金電腦場購買滑鼠 ,購買完畢後正值午飯時間,在附近週邊看看有什麼東西好吃，就在黃金電腦場附近的福華街看見這間頗為標誌的日式小店，今天再光顧他吧 餐牌上有多款日式美食，選擇都頗多香桃烏龍茶 熱飲茶類配上淡淡香桃味很清新香桃乳酸香桃和乳酸混和一起，酸酸甜甜很開胃三味芝士燒玉子三種醬汁的玉子燒，玉子質地嫰滑，有香濃芝士味七味燒雞腎雞賢燒得甘香，肉質爽脆，七味粉有點兒辣，但和雞腎出奇地匹配吉列豬扒咖哩飯 吉列魚柳炸蝦咖哩飯兩款咖喱飯採用了正宗日式咖哩汁，咖哩汁分量夠多，用作撈飯足夠有餘，吉列外皮炸得香脆，豬扒夠嫰，魚柳厚切有魚味，炸蝦大大隻，相當滋味味付螺肉 螺肉大大粒，爽脆又惹味炸薯條配明太子蛋黃醬薯條是即叫即炸，香脆夠薯味，配埋明太子蛋黃醬味道更豐富這間天下茶屋食物質素好，價錢又相宜，下次再到腦場必定再光顧…Read More

星期日的日常，旺角逛街購物，下午茶時間當然要找間餐廳稍事休息這間荔香園位於通菜街，餐廳有特色復古擺設，相當有特色下午茶時間有多款選擇，雞脾，菠蘿油，泰式蝦餅，墨魚餅都有瑞士雞翼配雜菜沙律雞中翼用瑞士汁烹煮，略帶微甜，瑞士汁味道完全滲入了雞翼中，相當惹味，雜菜新鮮爽脆，配合日式芝麻醬汁，醒胃又美味炸蝦餅炸蝦餅有三大塊，厚切，蝦膠材料豐富，相當彈牙有蝦肉鮮味厚切豬扒配雜菜沙律厚切豬扒很大塊，外皮煎得甘香，肉質鮮嫰，完全唔靭兩人共兩茶餐加一個小食都是一百多元，絕對是旺角佳之選…Read More

朋友家住竹園，他說今晚相約我吃泰菜，我提議往九龍城，他說不用長途跋涉，黃大仙商場北館亞萊泰就可以準時七點來到，侍應安排了卡座，檯面夠大，座位舒適餐廳 主打正宗泰菜各類泰式食品有齊菠蘿炒飯，明爐烏頭，泰式蝦餅，生蝦刺身， 串燒都都齊備最後我們點選了超值二人套餐泰式小食拼盤 炸蝦餅炸得香口又彈牙，蝦米濃郁，炸魚餅有濃濃香茅味道，雞肉丸煙韌有咬口，炸春卷饀料是芋頭絲，金香脆口香草蟹肉仿鮑魚絲魚肚羹蟹肉羹湯底夠濃郁 ，有一絲絲蟹肉和仿鮑魚絲，魚肚夠大件，材料充足泰式鹵水無骨豬手鐵板豬手鑊氣很夠，豬手烹煮夠火，豬手肉軟骨，豬手皮充滿骨膠原與黑椒汁很配合，相當惹味泰式炸蝦金邊粉金邊粉用茄汁炒香，酸酸甜甜又夠乾身，大蝦彈牙又鮮味馬拉盞炒通菜金香馬拉盞用作炒通菜真的相當配合，通菜炒得爽脆又惹味泰式甜品三款泰式糕點千層糕夠煙韌,椰汁西米糕有濃椰汁味整體來說這間阿萊泰相當抵食，不用三百元就能夠享用這麼豐富的一餐泰式套餐，食物質素很好，下次吃泰菜不用再考慮九龍城…Read More

銅鑼灣一向都係集齊所有唔同款式嘅美食嘅地方，shopping嚟到銅鑼灣希慎廣場，發現由地下到十幾層都有林林總總嘅美食，而今次就睇中咗喺13樓嘅韓國fusion菜pizza maru。雖然餐廳位於13樓，但有電梯直達都算幾方便。入內環境都幾有格調，有啲似西餐嘅裝潢，果然係韓國fusion菜餐廳。餐廳主打pizza同韓式西餐。餐牌選擇都好多，分別有意大利粉、意大利飯同pizza等等。亦都唔少得韓國炸雞等招牌菜。喺桌面上見到有張season of spring嘅餐牌，四款都係意大利菜，我點選了三文魚菠菜忌廉意大利粉。一送到上嚟就見到擺盤好靚好有心思，個意大利粉好爽口煮得啱啱好，而且意大利粉好配搭到個醬汁，加咗忌廉嘅關係，意粉入口好creamy好rich，仲有好重野菌嘅香味。而三文魚就煎得好香好脆，即使同醬汁煮埋一齊都保留到三文魚那份油香。當然都要一試佢嘅韓國炸雞啦，決定試蜂蜜牛油秘製炸雞同埋蒜香甜辣秘製炸雞雙拼。不得不提就係個炸雞係好新鮮啱啱炸起就拎出嚟，一食落去就好香脆同埋有肉汁。蜂蜜牛油炸雞上面有層牛油粉，同個炸雞好夾鹹鹹地，蜂蜜炸雞又中和返，食落都唔會太heavy。而蒜香甜辣炸雞食落唔會太辣，適合香港人口味，即使淋上甜辣汁，炸雞依然都係好脆好惹味。飲品方面就嗌咗蜜糖柚子同埋荔枝冰樂，蜜糠柚子係用咗韓國柚子醬，個味道好濃柚子味，配埋檸檬唔會太甜幾清爽。而荔枝冰樂都係同蜜糖柚子差唔多，相比起比較甜啲。埋單五百蚊左右，韓國菜嚟講算係唔錯，喺銅鑼灣其他韓國餐廳價錢更貴，喺銅鑼灣旺區咁嘅價錢有咁好嘅質素算係幾抵…Read More

星期五晚搵地方吃飯真煩，商場食店多人排隊，所以交通方便嘅工廈食肆，一向是我喜愛光顧的地方，今晚我就來到鄰近九龍灣德福花園發記粥底火鍋餐廳位於宏開道德福大樓對面，位於工廈地鋪餐廳主打多款任飲任食粥底海鮮鍋，價錢不用三百元我們點選了豪華龍蝦海鮮拼盤，多款一次性美食，包括藥膳鳳爪，馳名燉湯，花膠扣鮑魚 任飲任食當然包括多款飲品任君選擇，有各款汽水，紙包飲品及自家製竹蔗茅根水藥膳鳳爪鳳爪醃得很入味，鳳爪有淡淡的藥材味秘製燉湯燉湯很足料 ，用小盅清燉，味道濃郁，而且完全沒有味精 花膠扣鮑魚花膠是上等貨色，很大件質地軟滑，骨膠原爆燈，鮑魚炆得很腍，而且很入味，鮑魚味夠濃海鮮拼盤有多寶魚，海蝦，黃金蜆，蟶子皇，貴妃蚌等等即劏龍蝦每人半隻，龍蝦肉厚多羔，肉質超鮮甜又爽口，龍蝦味很濃，即劏果然十分新鮮貝殼類蟶子，貴妃蚌及黃金蜆全部都很新鮮很鮮甜， 而且全部都很大隻多寶魚 大大件，肉質很很嫩滑海蝦很新鮮，蝦頭有膏，蝦肉夠鮮甜安格斯牛肩肉新鮮手切牛肩肉，一捲捲的 ，每一件都很長很大片，牛味香濃，肉質鮮嫩吃罷一次性美食之後，還可以自選八款火鍋生料 魚片頭及魚皮餃魚皮餃是高級貨色 ，魚片頭肉質彈牙魚味夠蝦丸及手打墨魚丸兩款都是自家製手打丸 ，兩款都夠彈牙墨魚味及蝦味都很濃郁炸魚皮炸魚皮大大塊， 香脆惹味吃到尾聲侍應替我們在粥底加入南瓜及芋頭粒，令到粥底味道更加豐富 總結不用三百元就能夠享用多款新鮮及火鍋生料，而且位處港鐵站附近交通亦算方便，是相當超值的餐廳…Read More

天時暑熱，老實說外出晚飯都有點汗流浹背，今天相約好友到尖沙咀，她是一個海鮮熱愛者，建議去吃蒸氣鍋，她跟我說蒸氣鍋是四季皆宜，無問題今晚就試試這間有蒸氣位處天文台圍，由諾士佛臺行一分鐘就到餐廳提供多款即蒸海鮮餐，我地點選了翡翠海中寶套餐全程侍應不斷協助我們遂樣食物放上蒸氣鍋，招呼十分好黑松露蒸蛋蒸蛋是用蒸鍋即時蒸製，蛋質十分香滑，蛋味很濃，黑松露醬有濃濃松露味沙巴蜆沙巴蜆肥大肉厚，肉質鮮甜海中蝦大大隻，蝦頭有羔，蝦肉彈牙大連鮑魚鮑魚肉質夠嫰而有咬口，鮑魚味很濃，配菜蟲草花夠爽口貴妃蚌整隻蚌已清理肉臟，啖啖肉之餘又相當鮮甜，貝殼內的汁亦相當鮮味，不能錯過花蟹花蟹肉質清甜，雖然不是很大隻，但所有部位都有蟹膏，非常甘香可口冬瓜盅吃罷蒸氣鍋，就是享用冬瓜盅的時侯，湯底有齊冬菇，蓮子等配料，加上海鮮的汁在吃蒸鍋流到湯內，湯底極之清甜美國桶蠔桶蠔是極大裝，肉質軟滑有很濃海水味，鮮味度爆燈西班牙黑毛豬腩片頂級肉片，豬肉味濃，絲毫沒有肉羶味，肉質非常鮮嫰手打四寶丸分別是蝦丸，墨魚丸，梅菜豬肉丸和鯪魚肉丸，全部自家製作，肉質彈牙估不到今餐有這樣驚喜的體驗，可以吃到冬瓜盅，蒸海鮮和火鍋食品，而且用料新鮮，價錢合理，絕對值得記存的餐廳…Read More

天氣越來越熱，今日下午前往金魚街及花墟一帶閒逛，行到大汗淋漓，雖然購得一大批戰利品，但雙腳有點累，決定和友人在鄰近的始創中心吃晚飯，一樓見到這間夏麵館，上海菜是我至愛，毫不猶疑選擇了這間餐廳確實是正宗滬菜，有齊所有上海食品，而且更設有多款二人，四人，六人套餐，當然小籠包，五小碟，蒜泥白肉，酸辣湯都有齊，小菜方面當然是上海正宗，回鍋肉，獅子頭，炒鱔糊都齊備點選了兩款小菜蔥爆牛肉鑊氣極足的小炒，京蔥爆香，蔥味完全融入牛肉之內，牛肉大片之餘，肉質相當嫰滑，配白飯一流韮黃炒鱔絲醬油味道極濃，鱔絲肉相當厚身，魚肉有點脆身，韮黃用猛炒，沒有青澀味道鮮肉小籠包皮薄饀靚四個字絕對可以形容此食物，一入口上湯即溢滿口中，味道調較得很惹味擂沙湯圓入口相當軟滑，外皮夠薄，麻蓉造得超好，不算太甜，芝麻味又極濃，很有水準埋單共三百元，可享用到正宗上海小菜，小籠包及甜品，超值之選…Read More