fatgirlfoodie's Profile

香港拉麵店很多，或許總有些人覺得分別不大，肥妹仔也是抱著試的心態，喜歡每間試一試。餐牌簡單，貴精不貴多。今次選擇了店長推介，可以一次過試兩款肉。濃厚豚骨魚介醬油拉麵(連溏心蛋)$118拉麵湯底濃，但有點咸過了頭，喝幾口就夠了。叉燒倒是不錯，不嚡口，一款是炙燒過的，另一款慢煮，肉質軟諗，吃著也沒有油膩感，個人比較喜歡這款。麵條硬度正常有咬口，可惜配料較少，紫菜碎也不多。溏心蛋味道清淡，流心效果一般，不過食到蛋味。總結拉麵價錢不算便宜，可以一試，但回頭的意欲坦白說就沒有了。配料選擇少，也沒有小食可點，基本上只試他們的拉麵就好。各位喜歡食蛋的朋友可以照點，其實做得不錯，只是味道較清淡。…Read More

天氣轉涼，想食點暖胃嘅粥品決定試下元朗老字號。<貴妃雞粥 $48> 雞件份量足，雞肉嫩滑，啖啖肉。粥底好綿、雞味濃，一人食剛剛好。<XO醬叉燒炒蛋飯 $52> 蛋及叉燒份量明顯比當晚其他枱的少，與其他食評中的相片比較一樣較少，不知是否接近收鋪時間關係。好失望不過蛋炒得夠嫩滑、叉燒大塊，XO醬份量剛好不會過咸，一試無妨。<香脆炸大腸 $42> 大腸好肥美，夠大碟。不過炸得不夠香脆，醬汁偏酸，肥妹仔建議點其他小食。總結粥品最出色，深夜時份去亦有好多客人。但食物質素參差，點大路菜色較穩陣。…Read More

對於商場或者出名連鎖店的拉麵食厭了，最好就是到大街小巷搵食。<白湯豚骨拉麵 $68> 湯底不算突出，味道淡淡的，反而半熟蛋嫩滑、叉燒燒得剛好幾出色，不會太多肥膏。肥妹仔加了木耳 $9，但木耳過淋，有點失望。<特濃豚骨沾麵 $73> 湯底非常濃郁，但小心越食越咸。麵條能掛上醬汁，是沾麵最基本的要求，依然係半熟蛋同燒肉最好。<煎餃子 $25> 只有接口位煎得香脆，餃子中間部份軟身，餡料普通肉碎沒有特別。建議不夠飽才點:)總結餐廳環境走簡約風格，店子不大但坐得舒適，店員有禮貌，合理價錢值得一試。…Read More

深夜想飲茶食下點心，又冇咩頭緒，可以試下點點心。每次經過總有人在排隊，分店亦算多。<脆皮鮮蝦腸 $32> 招牌之一，腸粉皮包著蝦春卷之類的，入口酥脆。<燒汁釀茄子 $24> 茄子肉厚實，有蝦膠在頂部，醬汁帶稠、甜甜的，推介<黑松露小籠包 $23> 略嫌黑松露味不足，幸好皮算薄，剛好一口一顆。<千島蝦春卷 $27> 炸得非常脆，一咬開有千島醬流出來，但肥妹仔只吃到粟米粒，配料太少。<懷舊棉花雞 $26> 性價比高，兩片菇肥身厚實，雞肉亦有3大塊，飽肚之選< 古法馬拉糕 $18> 非常鬆軟，剛好一人份量，趁熱食最好食。<晶瑩鮮蝦餃 $31> 飲茶必點，蝦肉大大粒。<蟹籽燒賣皇 $30> 有豬肉、蝦，正常貨式。總結食物選擇算多，價錢合理，服務比預期好，想飲夜茶值得一試。…Read More

大碗丼飯熱潮雖過，但依然不斷有捧場客。肥妹仔今次嚟到試下，睇下平嘢係咪一定冇好嘢一坐底，店員就奉上麵豉湯，有蘿蔔洋蔥同少量菇，沒有死鹹，仲可以免費添飲。<帆立貝刺身(4片) $58> 正常大小，算鮮甜、厚切，價格合理。不過wasabi差勁，沒有wasabi味的。<水母刺身 (1份) $98> 貪得意點的，其實是海蜇頭，食落十分爽口又嚼勁，配上酸酸的醬汁同吃，倒是不錯。份量足夠兩人share，但以依個價錢來說則略貴。<溫泉蛋慢煮燒牛丼 $118> 牛肉超正，粉嫩的鮮紅色，牛肉是薄切，不過份量足。美中不足是醬汁落得重手左，食到後段有點似醬汁撈飯及過咸。<呑拿魚腩碎中拖羅丼 $148> 拖羅不是平日食開的，顏色及質感都是怪怪的、雪藏好久，肥妹仔真係唔識欣賞。呑拿魚蓉反而不錯，但建議選擇其他丼飯穩陣埋單後每人有一粉飯後甜品，當日是雪米糍。總結服務及環境不錯，麵豉湯及白飯任添，價錢與食物質素成正比，值得一試。…Read More

收工後想去tst chill下，飲杯酒食下小食，終於唔再局限諾士佛台今日嚟到新環境，南亞風情，加上有推廣，決定一試。肥妹仔點了杯signature cocktail<Helen’s $68> 紫色，加了蝶豆花糖漿，gin酒重，甜甜的。點佢嘅主要原因係每杯Helen’s可獲得一張必中奬的抽獎卡，睇睇運氣如何肥妹仔中了個四奬，中奬卡可以選擇不在當晚使用。小食方面，今次點了<炸魷魚圈 $68> 炸得酥脆，調味沒有過咸亦沒有厚厚的粉漿，推介<香烤雞翼 $68> 燒得剛好、肉不老，夠入味，每隻拆成單骨方便入口。但不建議怕辣朋友點喔！<串燒 豬、牛、雞 $48> 共6串，可自己組合，肥妹仔點了各兩串，串燒不過不失，醬汁最出色總結小食味道唔錯，比預期出色。而且價錢合理，不設加一，值得一試。唯獨服務方面一般，音樂有點吵耳。…Read More

肥妹仔平時好少行將軍澳，咁岩一入門口就見到懷舊裝修，又帶點西式風格的餐廳，一於試下。餐牌菜式其實跟普通茶餐廳、大排檔無異，不過就加入西式、日式風味。<東瀛抹茶櫻花蝦鰻魚煲仔飯 $78> 雖然驟眼望落有點奇怪，不過肥妹仔幾中意試創新、搞鬼菜式，決定一試。煲仔飯一上枱已香噴噴，鰻魚份量正常，沒有海量抹茶粉鋪面，本來打定輸數中伏。不過食落有抹茶味，配上鰻魚及煲仔飯鼓油同吃出奇地夾。底下亦是滿滿的飯焦，真心推介<懷舊砂窩雲呑雞 $88> 沒有味精，雲呑屬正常貨式冇特別。娃娃菜白菜浸完雞湯入哂味，清哂！雞件份量多，肉身沒有嚡口。肥妹仔同友人都食剩少許。<椒鹽鮮魷> 則相對一般，炸得不夠爽及乾身，粉漿較厚，可以忽略。總結經過將軍澳可以一試，比普通茶餐廳有特色。侍應都好有禮貌，但相對環境較嘈，好似要鬥大聲講嘢咁。晚餐時間餐要等一陣子才能入座。…Read More

今次晚餐時段嚟到德美，肥妹仔冇點最大路的魚生飯，反而想試下其他熱食。<豬軟骨釜飯 $72> 釜飯熱噴噴，有木耳、蘿蔔絲等。豬軟骨份量算多，肉質諗身又大塊，再加隻溫泉蛋，不錯不錯。70多元來說性價比高<朴葉鰻魚飯 $108> 打開盒蓋就會見到蓋着鰻魚飯的葉，鰻魚肥美不會過老，白飯份量多，撥開鰻魚亦有淋上鰻魚汁的白飯，旁邊有3塊酸蘿蔔，送飯一流。最後係<黃金燒大蝦> 蝦真係幾大隻厚肉，有大量芝士、蒜鋪面同燒，很香口，大蝦亦冇黏殻情況出現，值得一試。最後，店員送上是晚甜品抹茶布甸。因為是送的，不要有太高要求哈哈。至少肥妹仔仍食到淡淡的綠茶味。環境不錯，靜中帶旺。總結環境不錯，價錢大眾化。今次所點菜式水準高於預期，值回票價。…Read More

肥妹仔平時無肉不歡，今次選擇到開張不久的pop vegan嘗試第一次的純素體驗。餐廳環境夠空間感，令人感覺舒服，不會好逼。餐牌超新淨哈哈。<Vegan tuna tartar $98>材料多、口感豐富，有芒果、牛油果、蕃茄同藜麥製成的沙律，味道清新。主角就係用蒟蒻模仿的素吞拿魚，外形酷似真正的tuna tartar，但略嫌蒟蒻份量太少，被搶去了風頭有點可惜。tartar厚度不弱。<Eggplant Parmigiana $98> 是芝士茄醬焗切片茄子，酸酸的蕃茄醬味道濃郁，配上大量鋪面的芝士同吃好邪惡𥚃面雖有不同配菜，但小心越吃越濟。<Vegan crab burger $138> 肥妹仔選了竹炭麵包，用上海量菜絲，第一眼望落好似椰菜沙津蟹肉用雞脾菇代替，菇撕成一條條再炸、口感脆口，配上蛋黃醬，一啲都唔漏，好特別！炸薯條都係新鮮炸夠脆口。美中不足的是，沙律菜好咸，師傅落左好多鹽不過肥妹仔真心推薦另一主菜<Four seasons pizza $138> 一次過試到四隻口味，雖然餅底醬汁一樣，但材料就分別有蕃茄、茄子、南瓜同朝鮮薊。pizza相比下較失色，醬汁黏黏厚厚的、好痴牙。不試亦冇損失。最後到甜品<Rice pudding $55> 外型就係芒果糯米飯，芒果酸、上面有點熱情果，兩三口ko一件，份量剛好，沒有死甜，可以一試。總結餐廳環境不錯，可惜上菜速度出奇地慢，冇主動提供水。想體驗純素fusion菜可一試，推介vegan crab burger，可惜當日cauliflower cake同baked portobello mushroom sold out，未能試到餐廳的推介菜式。…Read More

肥妹仔咁為食，見到餐店新開冇耐，網上又見到有關廣告，決定試下。<招牌流心芝士漢堡> 高身，蕃茄洋蔥芝士生菜走唔甩。重點係塊朳真係冇得頂！安格斯牛肉好厚身，而且肉色粉嫩，不會熟到老哂。芝士起牛朳中間流出來，雖然未至於似瀑布般流出，但比例岩岩好，過多芝士亦未必一定好，因為越食越膩。美中不足的是，包皮同包底入口只屬微脆，溫度是冷冰冰，如果烘耐啲就更加正！店員服務不錯，有溫馨小店的感覺，只嫌枱面不夠乾淨有點油…Read More

心血來潮，間唔中食下全豬宴都唔錯。上次經過，今次決定同友人入去試下！餐廳主打食豬，門口招牌都有隻豬仔起度。一坐底，店員就遞上水同一碟前菜-小凍蕃茄。仲以為餐廳咁大方，到最後埋單先知要收錢的哈哈肥妹仔本身都算食得咸，不過唔知係咪當日師傅太重手，部分食物過咸但撇除嘢食過咸，其實係唔錯，值得一試的。<煙燻豬腩>充滿油香，煎得火喉剛好，亦可配芥末醬或滴青檸汁同吃，減低油膩感。若然師傅落少啲鹽會更出色！<白金豚肉林檎紅薑卷> 是肥妹仔推介的，豚肉包著爽甜的蘋果，口感特別。類似沙律醬汁鋪面，微酸帶薑味，是必點菜式！<豬耳芝士串> 豬耳爽脆份量多，鋪面的是芝士肉醬，其實就像西餐的芝士肉醬意粉，不過把意粉改成豬耳，配搭幾新穎。喜歡試新嘢嘅朋友必點<豬肉蠔卷> 豬肉包著超！級！肥美的蠔同燒，沒有腥味，沒有過咸，中意食蠔嘅朋友不可錯過<白金豚肉蒜芯卷> 好咸，但說實話，蒜同豚肉其實幾夾，非常香口的。不過蒜本身已濃味，再加上調味的鹽過量，即使配菜同吃亦似食了半樽鹽落肚<味噌煮豬軟骨> 相對來說就失色了，份量寫明件數，不過未免太細件了，好似迷你版一樣。而且不算軟腍，有啲骨頭硬到咬唔到，要吐番出來。<豬皮串> 有嚼勁，係好有咬口，不是車仔麵檔軟諗諗那種。豬皮淋上燒汁，配黃豆粉同吃好夾，襯熱快食好好食！令我可以忽略皮上的幾條豬毛<上等豬脷串> 幾厚身，不過除左咸之外冇咩特別，唔夠飽又口痕先點都冇損失。最後<椰子雪葩> 算大個，椰子味濃，質感實在比較似雪糕。食完覺得冇晒油膩感飲品方面，當日係買一送一幾抵飲，肥妹仔同友人分別點了柚子梅酒及柚子檸檬酒。總結雖然餐廳比較出名豬內臟，但當日點的食物都係有水準，出面比較少有的。中意豬的朋友可以一試！可惜當日想點的豬喉軟骨串、味噌牛筋都賣哂。…Read More

荔枝角d2 place除了fine dining餐廳，都有幾間平價之選。差不多8點來到，餐廳入座率都有一半，算是同層最旺的一間，一於試下。<海南雞飯>例湯可以忽略雞件多，皮不算薄但肉厚身，油飯幾香，是肥妹仔今晚試過最出色菜式。<肉骨茶豬踭飯> 肉骨茶味不算濃，但豬踭夠諗滑，幾舊豆腐卜可以吸埋汁食，送飯唔錯。配菜油炸鬼可以忽略，凍冰冰冇味的兩個飯都係套餐，每份$92配一樣自選小食。肥妹仔和友人分別選了<新加坡魚餅>及<南乳炸雞翼>。<新加坡魚餅>其實說穿了就係鯪魚球，不過變成煎餅的模樣罷了，但係十級油！食了一塊已放棄<南乳炸雞翼>倒是不錯，相比魚餅冇咁油，且好香南乳味，又唔會過燶同乾爭爭，好食…Read More

和家主打關東煮，最吸引係深夜營業，收夜去食都冇問題<大阪名物牛筋土手燒>同<牛腸土手燒>各$40 係最好食的！必試！牛腸冇腥味、厚切，口感爽脆。牛筋土手燒一共3件，可以一次過試到牛筋、牛腩、牛筋腩，同樣是厚切，非常有口感呀個人認為比起店鋪主打的關東煮更突出！另一心機之作<高湯蛋卷> $60 雞蛋超軟滑，似豆腐一樣，用湯煮成多了一份清甜，上枱時香噴噴至於關東煮🍢，肥妹仔點了牛脷、白蘿蔔、赤蒟蒻(各$40) 免治雞肉丸、炸牛蒡魚餅、年糕福袋、竹輪卷(各$35)牛脷厚切啖啖肉、白蘿蔔清甜冇渣、牛蒡魚餅其實係類似魚蛋皮包住牛蒡碎，第一次食又唔錯喎年糕福袋同樣好食，腐皮包住年糕，淋汥汥的年糕口感一流。至於竹輪卷、雞肉丸則相對較普通，想飽肚點才叫亦可以。肥妹仔第一次食赤蒟蒻，口感特別，似年糕又似啫喱，不過入口清淡食唔出味道。最後介紹<滑蛋雞肉-華味雞>雞味濃、份量多，送飯一流。不過因為有醬油調味關係，食到中段開始覺得有點咸，要飲水了，但依然推介一試總結最後埋單5百多元，肥妹仔覺得價錢算合理，始終銅鑼灣區。加上所點食物都好食有水準，冇令人失望。環境乾淨企理，店員有禮，食飯都有舒適感…Read More

早幾日經過成城，想入去試下啲芭菲，不過肥妹仔去到店員已準備清場，唯有買件cake外賣啦！*Grey short cake* 以pink grapefruit同earl grey主打，入口有earl grey味可惜不太濃，失望:( 生果份量足，不是罐頭生果。grapefruit大大粒架不過略嫌cream過多，似食cream多。肥妹仔覺得最大敗筆係個sponge cake 好硬身，冇鬆軟感，似放左起蛋糕櫃一段時間咁。加上本身earl grey味已不算濃，加埋啲cream似食緊一件普通fruit cake多啲:(總結個人認為cake價錢高，性價比低，冇下次。但有機會可能試下較出名的芭菲，希望會有較好評價！…Read More

收工過到CWB，差不多10點幾先到達熊本燒肉，好彩趕得切最後入座時間一入座，店員都有介紹點餐方式、用餐時間，亦有推薦可加錢試和牛同任飲啤酒，不過肥妹仔第一次來都係睇下啲肉質素點先！首先上枱係海鮮拼盤，其實款款都新鮮，當中以大大隻貴妃蚌、鮑魚、蠔最正！枱面有牌仔教你每款要燒幾耐，冇經驗都唔怕！依度最出名當然係牛，肥妹仔都唔執輸差不多款款試哂但實在不能盡錄，加上用平板電腦點餐，難以影低哂！薄切jumbo牛小朳、牛里肌、牛側腹橫肌、牛仔骨、牛胸腹、安格斯牛、牛舌等，全部必試！大路同放題少見嘅牛部位都有提供，睇到花多眼亂哈哈！跟住當然要試埋豬同雞，當中明太子雞翼、燒雞朳、大蔥雞肉串、五花腩等最突出。另外餐廳亦有辣味可選，但提提大家，唔食得辣就不要點喇！肥妹仔唔多食得辣，食左幾件就頂唔順灌烏龍茶放題當然唔少得點刺身、小食，北寄貝、帶子、三文魚刺身唔錯，冇雪味霉味，貨色比爭X好小食方面，肥妹仔推薦炒雜菜(不會過油)、卷蛋(不會過乾)、烏冬(可試配上燒肉同吃)、南瓜忌廉餅幾有驚喜，咬落口感一流！另外亦有試芝士炸雞飯，但芝士味道有點假、飯量太多，反而炸雞不錯。最後食到好飽，都要食埋餐廳送的每人一杯迷你裝Häagen-Dazs雪糕，當日有雲呢拿、朱古力、咖啡可選。總結真係超級滿足！一個價錢食到咁多款高質牛肉，仲包埋海鮮拼盤、刺身、小食、任飲飲品加杯雪糕！性價比高放題開到一街都係，但要同時食咁多款都係高質素兼水準平均就唔係度度有自認牛肉狂迷想一次過試多個牛部位，或者大胃王想挑戰，都係一間不可錯過的餐廳！…Read More