一坐底，店員就奉上麵豉湯，有蘿蔔洋蔥同少量菇，沒有死鹹，仲可以免費添飲。
<帆立貝刺身(4片) $58> 正常大小，算鮮甜、厚切，價格合理。不過wasabi差勁，沒有wasabi味的。
<水母刺身 (1份) $98> 貪得意點的，其實是海蜇頭，食落十分爽口又嚼勁，配上酸酸的醬汁同吃，倒是不錯。份量足夠兩人share，但以依個價錢來說則略貴。
<溫泉蛋慢煮燒牛丼 $118> 牛肉超正，粉嫩的鮮紅色，牛肉是薄切，不過份量足。美中不足是醬汁落得重手左，食到後段有點似醬汁撈飯及過咸。
<呑拿魚腩碎中拖羅丼 $148> 拖羅不是平日食開的，顏色及質感都是怪怪的、雪藏好久，肥妹仔真係唔識欣賞。呑拿魚蓉反而不錯，但建議選擇其他丼飯穩陣
埋單後每人有一粉飯後甜品，當日是雪米糍。
總結
服務及環境不錯，麵豉湯及白飯任添，價錢與食物質素成正比，值得一試。
