<大阪名物牛筋土手燒>同<牛腸土手燒>各$40 係最好食的！必試！
2
牛腸冇腥味、厚切，口感爽脆。牛筋土手燒一共3件，可以一次過試到牛筋、牛腩、牛筋腩，同樣是厚切，非常有口感呀
個人認為比起店鋪主打的關東煮更突出！另一心機之作<高湯蛋卷> $60 雞蛋超軟滑，似豆腐一樣，用湯煮成多了一份清甜，上枱時香噴噴
1
至於關東煮🍢，肥妹仔點了牛脷、白蘿蔔、赤蒟蒻(各$40) 免治雞肉丸、炸牛蒡魚餅、年糕福袋、竹輪卷(各$35)
牛脷厚切啖啖肉、白蘿蔔清甜冇渣、牛蒡魚餅其實係類似魚蛋皮包住牛蒡碎，第一次食又唔錯喎
年糕福袋同樣好食，腐皮包住年糕，淋汥汥的年糕口感一流。至於竹輪卷、雞肉丸則相對較普通，想飽肚點才叫亦可以。
肥妹仔第一次食赤蒟蒻，口感特別，似年糕又似啫喱，不過入口清淡食唔出味道。
最後介紹<滑蛋雞肉-華味雞
>
雞味濃、份量多，送飯一流。不過因為有醬油調味關係，食到中段開始覺得有點咸，要飲水了，但依然推介一試
1
總結
最後埋單5百多元，肥妹仔覺得價錢算合理，始終銅鑼灣區。加上所點食物都好食有水準，冇令人失望。環境乾淨企理，店員有禮，食飯都有舒適感
