Donaldchit的個人專頁

7點幾一行4人諗住飲吓啤酒食啲嘢；其實到諾士佛台都冇咩心水，咁啱見到呢間買一送一又有泰式菜，於是一試。嚟得酒吧都預咗選擇唔多，食物水準要同同一條街其他舖相比就冇得比，亦未算好差。但係呢間酒吧最大嘅問題係員工嘅服務態度，極差。事情是咁的：酒吧提供嘅nuts係剝殼花生，當然佢地都有俾多個碗客人裝殼，但係四個人一隻碗仔根本唔夠用，唯有暫時剝完放枱面。然後其他店員過嚟收過兩次之後，第三次嚟嘅金頭髮女店員竟然一埋嚟就用極差態度大聲講：「你地會唔會太過份呀，俾個碗你地都仲要剝响枱面!」。作為客人真係第一次遇到咁嘅服務態度，如果想我地剝完執返 ，其實好啲態度咁講真係無所謂，自問都唔係咩"奧客"，我地都即時有掃返啲落裝啤酒嘅膠杯度。但係問心，作為食客俾得呢個價錢嚟消費，我食飯吐骨响枱面都要妳嚟執啦係咪? 定係要個客自備袋袋住?  駛唔駛攞個掃把嚟等個客幫你掃埋? 乜而家打工唔駛做? 雖然同行嘅朋友極之不滿想鬧返轉頭，不過最後我地都禁住，息事寧人。最後想講嘅係，我都有做過餐飲，執嘢執到炆絕對可以理解，妳執完返去水吧廚房鬧係妳嘅事，但係如果要將呢d情緒發洩向客人身上，只可以講，永久blacklist! 冇下次! …查看更多

話說之前曾經在亞士厘道吃過感覺很好，今天訂位才發現已遷移至厚福街，地點更方便就腳！這次是新店新裝修，環境比起之前更高級，更有格調，而格局則和大厦其他樓層相似。落好單之後先來飲品熱情果梳打，這個悶熱天時正好一解暑氣，而熱辣辣的餐飽則有烘焗過，外脆內軟，nice!我們選了一個單點和一個套餐，套餐奉上的餐湯和前菜都不馬虎，濃厚南瓜湯配上經典的巴馬火腿凱薩沙律第一主角上場，以往曾吃過這裡的意大利粉覺得不錯，但想不到飯也有驚喜，烤燒大啡菇釀入意大利飯，飯粒軟硬適中，滲透著香濃的龍蝦汁，上面再配搭鮮甜的虎蝦和帶子，令人回味無窮，極之推介！第二主角上場，以肋骨來比較其他餐點的份量算是很驚人，說得上是啖啖肉；野味的BBQ醬汁令人食旨大動，肉質整體很嫩，只是烤焗的最尾部份略嫌少少乾身。不過配菜的脆炸蕃薯條不錯，口感外脆內軟，味道香甜，絕對是完美配搭。雖然遷至新店，但食物的水準依然保持得很好，值得再次光顧！…查看更多

偶然來到太子區探朋友都會想起到扒房吃飯，可惜這裡原本的”飯堂”早已結業，在心念著西餐的同時，偶然找到這間Cafe Paradise ，眼見餐牌食物頗合心意，於是毅然一試。餐廳內部不大，但相當有格調。食物選擇亦頗多，但主要都是推介晚市套餐，套餐包括餐湯、前菜、主菜及飲品，算是十分豐富。餐湯是南瓜忌廉湯，南瓜味濃厚，但調味稍為偏鹹，略重口味。主菜BBQ烤焗西班牙豬肋排份量比較小，但BBQ醬汁非常惹味，而且豬肋排烤得夠乾身，鎖住肉汁，保留豬肉的甘甜味道，非常美味酥香軟殼蟹牛肝菌義大利飯賣相吸引，牛肝菌醬汁香濃，充滿芝士和香菌味，飯粒煮得好有口感，美中不足的是軟殼蟹略為不夠酥脆。這裡的晚市套餐經濟實惠，味道亦相當不俗，絕對值回票價。…查看更多

最近經過觀塘的工商業區發現了好幾間隱蔽的餐廳，正正是夜放工沒有什麼好建議，就隨便走進一間醫肚。這裡餐點主要是美式快餐，估計客路主打附近午市的上班族，另外店內還見到有啤酒供應。首先當然要來一嚐餐牌上的招牌漢堡包，麵包是帶少許筋性的一種，口感有點像英式Miffin Bread，加上稍為烘焗，單單是麵包就已經很加分，白菌之堡的牛肉很香，再加上白汁和白菌，味道剛剛好至於鹹蛋黃雞堡的味道也不錯，口味特別。水牛城辣雞槌，香脆的雞槌點上醬汁的確惹味，但Tabasco的味道稍為太濃，令醬汁過酸。芝士肉醬薯條是用上厚切薯條，再配上邪惡的芝士肉醬不錯！以後想食漢堡包又多一個選擇了！…查看更多

太子區附近一直都是"覓食"好地方，這裡雖然不是人潮地段，但有好幾間餐廳都在我的心水排名之中，這次經過看到新開的酒吧餐廳，當然要來一"嚐"究竟。店面掛著大個個的發光Logo，很容易認。店內分開兩部份，餐廳部份都是大枱，坐位比較舒服；而酒吧的部份則是高枱吧位，兩種環境供客人選擇。這裡還有直播的足球賽事，絕對是個飲酒聚腳的好地方。由於是半酒吧形式餐廳，Drink List都比較詳盡講究，反而食物的選擇不算太多，所以我們點菜都是以經典的歐美食物為主。我點了沒酒精的Virgin Colada，菠蘿及椰子味在這炎炎夏日非常應景。接著上菜的是英式經典炸魚薯條，份量比想像中多，每件都很大塊；魚塊外層的粉很薄，炸得非常香脆，但內裡的魚肉嫩滑無比，點上沙律醬，完全顛覆了我對炸魚薯條在快餐中的傳統印象，超級推介。黑森林Pizza就比較富有創意，餅底不算太厚，而且焗得夠香；傳統Pizza的蕃茄醬和芝士上面加上風乾火腿、黑松露醬、蘑菇和我至愛的火箭菜，口味非常獨特，必試!最後就是香烤美國傳統豬勒排(12安士)，份量也是大得驚人，Side Dish還灑上少少黑醋汁，令人食指大動。香烤的豬勒排已經去骨，食落有種啖啖肉的感覺，再加上外層的醬汁香濃惹味，是最經典的美式風味。這裡的食物質素很高，如果一想到要品嚐這些經典歐美食物的話，這裡會是我的不二之選。…查看更多

深水埗的美食很多，但大多都是小食店或是快餐，而且好的差的都盡在這一區，餐廳選擇起來要很小心。這區的日式菜都是外賣店居多，自覺腸胃不是強大，沒勇氣去挑戰最後還是揀了店面比較體面的吃晚飯。店內就如六本木這個店名一樣，充滿日式風格，燈籠、吊掛的海報和牆上的清酒令店內有一種古色古香的日本情調。店員以綠茶招待客人，也很用心為我們解釋餐牌及份量油甘魚壽司是我的至愛，必點。魚片色擇紅潤，肉質也非常鮮味，配上新鮮磨的芥末，絕對是味覺一大享受接著上菜的是野菜天婦羅及大蝦天婦羅，包在外面的一層粉漿炸出來薄薄的很香脆，不會過焦，也不會太油；而且吃得出用料新鮮，即使不用調味，簡單點上天婦羅汁已經很美味，是很正宗的日式天婦羅。磯煮和風飽魚，需要點火燒熱，以視覺效果呈現，不要看飽魚賣相很清淡，吃下去很夠味，而且彈牙又不會過靭饅魚飯的珍珠飯不是我吃過最好的，但是鰻魚燒的火候剛剛好，肉質非常嫩滑，一夾就散開，很少骨，配上照燒醬汁簡直是一流!最後點了好幾個串燒，雞翼和冬菇串燒得夠香也夠乾身；而荔枝豚肉串也很有特色，但是...今晚的MVP絕對要頒給燒牛舌和燒豚腩串燒牛舌的牛肉味很香，每片都有點厚度，但燒出來卻不會太生，還保留肉汁，吃下去有點咬勁，越吃越香，必定要試!當中我最欣賞的竟然是"燒豚腩"，我一向都很怕吃腩的部份，太厚的肥肉會令人不舒服，但這個串燒的肉明顯有嚴選過，是上等的肉質，也是厚厚的三件，但是燒出來剛剛好，肉味甘甜，與油脂的分佈均衡，慢慢咀嚼之時會令香味在口中散開，瘦肉的部份很嫩，肥肉的部份又很香，整片肉就已經是完美的配搭最後店員還招待我們一嚐店內的清酒，同行朋友不喝酒，而我則嚐了一小杯(我也沒有很喜歡喝酒)，但是這款清酒不錯，酒精濃度頗高，喝下去比較甘，辛味不會太重，是我喜歡的口味。沒想到在深水埗這個地區也能吃到這麼正宗而又美味的日本菜，而且每一款都做得很出色，是值得推薦的日式餐廳。…查看更多

本來今日要到LCX工作，這裡午餐雖然比較貴，但應該選擇很多，也不會太差。在香港吃肉骨茶的機會不大，以前曾經在鰂魚涌吃過很美味的，奈何...今天卻好死不死真的中伏了。店內的裝潢很美，很用心，坐擁維港無敵海景，座位也很舒服。招呼客人的是荔枝烏龍，喝下的確有雅致的感覺。我點的新加坡肉骨茶比較早一點到，份量頗多，也有伴菜，但是...主角肉骨茶的湯底喝下去只有胡椒的嗆喉感，沒有肉味，沒有蒜味，湯感覺像用水稀釋過...而肉排也明顯煮得不夠火候，也不入味，肉質乾柴，不點醬油完全沒有味道。油炸鬼也是放很久，硬到難以咽下，只有豆卜還可以吃下，但也是像沒有煮過的口感。整個餐我只吃了兩塊肉、兩件油炸鬼、幾口白飯就決定放棄而朋友的海南雞飯拼新加坡肉骨茶，我只嚐了一口雞，肉質尚可，有點柴。不知道是午餐的質素會差一點還是怎樣，總覺得店家應該把資源多投放在食物之上；我明白食店的其他配套也非常重要，但是連最基本的食物都處理得這麼差，又怎麼留得住客人呢?…查看更多

台灣菜式的確是我偏心的其中一種味道，但香港難找好的台灣菜，所以隔一陣沒有去台灣，我都會定時想起這個味道。這次又是一個訪尋美食的好例子，聽說老闆是台灣人，懷著對食物的熱誠來港開店。特別欣賞這種精神，要來捧場一下。店開在觀塘區工業大厦二樓，不是人潮來往地段，但也不算難找。店內裝潢有用心去營造出"古早味"的感覺，貼著早期的大海報，很有台灣味道。餐點選擇種類不算多，以小食麵食為主打，還有火鍋呢不過今日主要想吃到台灣的菜式為主，所以我們點了兩個麵及幾個小食。逢甲鹹酥雞即點即炸，很酥很香，只是雞肉略嫌小乾。香酥腐皮蝦仁卷這個我在台灣未吃過，但味道出乎意料之好，香脆腐皮包住新鮮蝦仁，再灑上小小香草台式滷水豆腐，這個我們攪錯原來不是常吃到的滷味款式，而是炸過的豆腐配上醬汁，也不錯。家傳肉燥乾拌米粉，肉燥的調味及濕潤度剛剛好，即使拌上米粉也不會覺得太乾，而且整碗份量很多，絕對滿足胃口大的客人。我自己最推薦豐盛台灣牛肉麵，湯底應該是紅燒牛肉味，清湯中帶有陣陣肉香。而我最感到驚喜的是牛肉用上半筋半肉的部位，肉質軟嫩，燉煮得非常入味，配搭花枝丸滷蛋，份量也是夠豪邁當然，兩個不同地區食材的差異會影響味道，但還是吃得出店家有用心去發揚台灣菜的精神。…查看更多

近年香港牽起的一股黑糖鮮奶熱已經持續多時，但是這股風潮似乎未曾有減退過，各式台灣飲品品牌都紛紛登陸香港推出黑糖鮮奶，其中尖沙咀已經是一大戰場之一肆甜的我，之前已經有喝過好幾間台灣的店，也只有老虎堂比較對口味。這次要嚐的是台北頗有名氣的小黑糖，分店不多，但聽說口碑不俗，已經靜靜地在尖沙咀的厚福街登陸。我點的是正常甜度的小黑糖珍珠厚鮮奶，厚鮮奶非常香滑，而且喝下去不會有厚重感(我自己對太濃稠的質感很容易會膩)；黑糖也很香，喝完整杯都沒有膩的感覺。連珍珠也是本人愛好的質感，內裡稍有一點點甜度，軟硬適中，不會太糊也不會太靭同行友人是有點怕奶類，而且午飯過後也是會飽啦，所以點了桂花烏龍。我也嚐了一口，茶很香卻沒有到很濃，配上滿滿的桂花香，感覺清新，在這悶熱的天氣剛好是消暑的佳品。我相信這裡的其他飲品也做得很好；但如果要以黑糖奶跟這麼多其他的台灣品牌比較起來，小黑糖的確有進到我心目中排行的前三名，真的不錯!…查看更多

對於識嘆之人，選擇餐廳嘅要求已經唔再只係局限於食物味道，好嘅環境之下享用美食都係一樣咁重要。而我當然係以呢樣為大前提去幫朋友選擇一個慶祝生日嘅好地方。今次book咗一間樓上西式餐廳"Shine"，我地一行六人雖然早到少少，但係店員都好好招呼，見有位都俾我地提早入座。店內裝潢別具一格，霓虹燈管配合美式嘅設計風格，營造出一種高級而又令人輕鬆嘅氣氛，卡位落地玻璃窗更加可以望到尖沙咀嘅街景。個人最推薦嘅特色飲品係荔枝玫瑰梳打同蘋果蜜桃冰茶，果味清香，又唔會太甜，食濃味西餐最適合配搭清爽水果飲品。Appetizer揀咗脆炸粗直薯條配三重芝士醬同埋火辣辣雞翼。薯條外脆內軟，炸得啱啱好，唔會過燶又唔會太油，三重芝士醬調配得唔錯，香滑得嚟唔會結成塊狀至於火辣辣雞翼就稍為太重口味，雖然個人愛好紅椒粉香料夠惹味，但係調味太重手，比較稍色。Pasta就選擇咗黑松露大啡菇意大利飯同辣蟹肉彩椒闊條麵。個人誠意推介黑松露大啡菇意大利飯，黑松露醬汁香滑濃郁，飯粒質感唔會太硬，配搭我至愛嘅火箭菜簡直係一流。而辣蟹肉彩椒闊條麵同樣出色，雖然稍為乾咗少少，但係啖啖都食到鮮甜蟹肉。最後Main Course就係脆炸德國鹹豬手配蜜糖芥末醬同燒美國斧頭扒。鹹豬手肥瘦適中，炸得洽到處，香脆外皮點上蜜糖芥末醬，中和咗鹹豬手嘅油膩感。最後主角終於上場，五成熟燒美國斧頭扒，上枱前已經切好，賣相吸引；煎封手法鎖住肉汁，令厚厚嘅一片肉食落口感柔軟，肉香味十足。價錢以同區嚟講算係中上，不過食物同環境質素非常之高，絕對係懂得享受之人嘅聚會晚餐首選。…查看更多

忙咗成個星期，終於有時間竄出去尖沙咀行下，行程當然唔少得食好嘢；之前喺日本食過沾麵之後就一直好掛住呢種味道，今日係時候要重拾呢個味道。估唔到4-5點嚟食都坐滿人，上次經過元袓沾麵已經好想試，今次終於有機會。雖然店面細細，但係內部裝修好有日式風格。店家選用京都宇治抹茶招待客人，好似去咗日本咁平時少食沾麵係因為食到咁上下個湯就會凍曬，拉麵唔熱真係會堅嬲，但係呢度唔同，用燒熱石鍋上枱，全程都享用到熱辣辣嘅濃湯。店員細心提示小心個鍋燒熱，而且仲好貼心會幫你換石鍋豚肉魚介沾麵：豚肉偏肥，但係湯底非常濃厚，魚介味道又鮮又香，唔會好似其他店有陣燶味。特製赤蝦沾麵：蝦香味重，但係味道稍淡，冇咁重口味，個人鐘意魚介多d。流心蛋真係抵讚！滷得夠味，流心啱啱好，食落口嗰陣釋放出陣陣蛋香麵底選用極粗麵條，有口感得嚟又唔會好硬。價錢以同區嚟講非常親民，絕對係抵食。之前食過附近嘅拉麵店食到一肚氣，相比之下，元袓沾麵真係好用心，係非常接近日本正宗風味嘅一家。…查看更多

香港人越嚟越鍾意麻辣，而且麻辣火鍋開到成行成市；想食到好味而又正宗嘅麻辣，又唔一定要食大名氣或者明星捧場嘅火鍋店。喺啲唔起眼嘅地方，都會發掘到一啲隱世嘅地道麻辣風味。愛好麻辣鍋嘅朋友一定要嚟"二家姐"呢度試吓，雖然店舖地址比較"格攝"，但係質素絕對值回票價。嚟到當然要試招牌嘅重慶麻辣鴛鴦鍋，主打嘅麻辣有大中小辣選擇。由於同行友人食唔到太辣，於是我地就叫咗小辣試下，但係對於食到辣嘅朋友嚟講我就會建議中辣嘅。不過唔夠辣又唔駛失望，鍋內嘅花椒份量多，夠晒麻香味，正!配料嘅重點推介就係安格斯牛頸脊，牛肉雖然有啲厚度，但係口感柔嫩，牛肉味十足 ! 呢度仲有我至愛嘅冰豆腐!場內嘅店員就推介咗我地點招牌鵝血同埋蟶子皇。鵝血夠嫩滑，而蟶子皇就大大隻，肉質鮮甜。另外呢度仲有自家製嘅山楂甘草茶，酸酸甜甜，解渴醒胃，不過我覺得個份量可以再大支啲雖然店面細細，但係睇得出呢度嘅裝修花咗好多心思，水墨壁畫配襯金色嘅裝飾主題，感覺別緻。…查看更多

打邊爐係咪一定要食肥牛麻辣咁濃味呢？其實打邊爐都可以食得好滋補。最近好多台灣養生火鍋崛起，其實要食得養生，港式鍋都有好好嘅選擇。主打老鴨湯嘅老三就係表表者，湯底落足材料煲，仲係用鴨肉煲出嚟，湯頭清甜得嚟又唔會肥膩。喺正式打邊爐之前店員都會幫手舀湯，等客人可以喺大吃大喝之前滋補一下，暖一暖胃。呢度亦都有煎炸小食，我地叫咗炸椰菜餃，即叫即炸，好香脆我地冇叫肉類，事關呢度嘅海鮮都係好高質素，馬貝(北寄貝)用嚟打邊爐真係冇得頂，非常之鮮甜。仲有蟶子皇，不過相比起馬貝就稍為遜色少少，但係都係海鮮首選店內裝修一般，有種港式大排檔嘅感覺，不過地方夠大，都坐得舒服，絕對係值得一試…查看更多

未到Lunch hour就已經"被"安排好要嚟食好嘢，而且仲要係唔平嘅一餐。不過辛苦返工，間唔中豪一兩餐就冇乜所謂啦。以樓上西餐廳嘅裝修嚟講呢度幾唔錯，食Lunch仲可以飽覽成個尖沙咀嘅景色，認真識嘆。Lunch set選擇唔算多，但係豬牛羊海鮮樣樣齊，照顧到不同口味人士。蕃茄雜菜湯：味道稍為淡咗啲啲香煎比目魚配黑醋汁: 輕型份量之選，魚柳煎得好香口，個人覺得黑醋汁太少，不過要求的話店員都會幫你再加大蝦漢堡配炸薯條: 份量夠大，醬汁配搭得好好，食落唔會太乾肉眼扒配黑椒汁: 扒薄咗少少，不過同事食唔到太生，所以五成熟啱啱好豬鞍扒: 肉質同口感都唔錯，但係醬汁唔夠會有啲乾，所以都係要再Request個肉汁。呢度嘅每個餐嘅份量偏少，不過味道的確做得唔錯。走之前仲掃到呢度嘅晚市主打係海鮮同蠔，下次一定要嚟試吓。…查看更多

喺尖沙咀返工其實都幾幸福，四周圍食肆夠近又多選擇，但係價錢就相對貴好多，不過有心去搵一定可以搵到經濟實惠又好味嘅"飯堂"。聽同事介紹之下，今日就決定嚟呢度試下。餐廳地方大，一嚟就有位坐位，雖然係茶餐廳級數，但係坐位乾又闊落，算係幾舒服。餐牌上最Highlight嘅就係馳名厚豬扒，識食嘅應該唔駛諗咁多，就嚟個厚豬美式早餐加凍檸茶。成個餐嘅份量唔算多亦唔算少，但係應該有嘅都有齊，香酥嘅牛角包同嫩滑嘅炒蛋，襯托住主角厚豬扒。而且厚豬扒食落有肉質夠紮實得嚟唔靭唔鞋口，香料同煎嘅火候都啱啱好，唔會有豬騷味。價錢喺尖沙咀嚟講唔算貴喇，加上呢度勝在地方就腳又好味，絕對有資格成為"飯堂"之一。…查看更多