二家姐正宗原味麻辣火鍋

香港人越嚟越鍾意麻辣，而且麻辣火鍋開到成行成市；想食到好味而又正宗嘅麻辣，又唔一定要食大名氣或者明星捧場嘅火鍋店。喺啲唔起眼嘅地方，都會發掘到一啲隱世嘅地道麻辣風味。愛好麻辣鍋嘅朋友一定要嚟"二家姐"呢度試吓，雖然店舖地址比較"格攝"，但係質素絕對值回票價。

嚟到當然要試招牌嘅重慶麻辣鴛鴦鍋，主打嘅麻辣有大中小辣選擇。由於同行友人食唔到太辣，於是我地就叫咗小辣試下，但係對於食到辣嘅朋友嚟講我就會建議中辣嘅。不過唔夠辣又唔駛失望，鍋內嘅花椒份量多，夠晒麻香味，正!

1

重慶麻辣鴛鴦鍋

配料嘅重點推介就係安格斯牛頸脊，牛肉雖然有啲厚度，但係口感柔嫩，牛肉味十足 ! 呢度仲有我至愛嘅冰豆腐!

冰豆腐、金菇、安格斯牛頸脊

場內嘅店員就推介咗我地點招牌鵝血同埋蟶子皇。鵝血夠嫩滑，而蟶子皇就大大隻，肉質鮮甜。

1

蟶子、鵝血

另外呢度仲有自家製嘅山楂甘草茶，酸酸甜甜，解渴醒胃，不過我覺得個份量可以再大支啲

山楂甘草茶

雖然店面細細，但係睇得出呢度嘅裝修花咗好多心思，水墨壁畫配襯金色嘅裝飾主題，感覺別緻。