A姐M佬's Profile

元朗出名多嘢食，除咗地道嘅大排檔同港式小食，仲有唔少高質小店！鍾意食日本嘢嘅我哋就嚟到元朗一間區內名店，主打日式本菜嘅野川拉麵の深燒食堂。野川拉麵の深燒食堂選材新鮮，多款新鮮刺身、壽司、串燒、壽喜燒等，食材處理細緻，味道同價錢都好有驚喜，非常滿足。六品刺身盛合一份刺身盛合有齊三文魚、油甘魚、帶子、甘蝦、北寄貝，新鮮鮮甜之外，每款都有3件，份量十足！至於盛合陣容仲有半板海膽，鮮甜回甘，性價比超高！活赤貝刺身活赤貝絕對係今日之最！活赤貝非常新鮮，口感厚實彈牙，點上豉油同芥末，令活赤背嘅鮮甜味更為突出，真係想瘋狂encore！壽司食完刺身盛合，仲想encore，一於叫多幾件壽司啦！厚切嘅油甘魚壽司，帶有啖啖嘅油脂香同魚生嘅鮮甜味；北寄貝壽司嘅甜味比油甘魚更勝一籌，至於厚薄度啱啱好，更突顯北寄貝嘅彈牙口感；鮮帶子壽司就係三款壽司入面，海水味最濃嘅一款，獨特嘅帶子口感，成為我的最愛。牛油蒜蓉焗蜆+鮑魚一隻當蜆肉加上香濃嘅牛油同微辛嘅蒜茸調味之後，蜆肉嘅鮮甜更進一步地昇華！但更精彩嘅當然係配菜嘅金菇啦，吸引晒海水味、牛油味同埋蒜香味，真係無得輸。另外，加多隻燒鮑魚，最鍾意鮑魚裙邊嘅焦香同彈牙嘅口感，再加上牛油蒜蓉嘅魔鬼味道，絕對係最完美嘅配搭。牛肉壽喜燒壽喜燒嘅靈魂就係要做出鹹甜均衡嘅湯底，野川拉麵の深燒食堂嘅壽喜燒湯底就啱啱好！配菜嘅冬菇同白菜完美地吸收晒壽喜燒嘅湯汁，非常甘甜；常見嘅粉絲就換上蒟蒻絲，口感嫩滑彈牙，而且更健康；重點當然唔少得肥瘦適中嘅牛肉啦！牛肉嘅油脂混合埋壽喜燒湯汁，更加惹味。…Read More

甜甜哋嘅壽喜燒相信人人都鍾意，但原來除咗打邊爐之外，元朗嘅麵麵俱到更將壽喜燒製作成拉麵湯底，微微帶甜嘅湯底加上各種配料，令味道更濃郁豐富，拉麵更掛湯呢！不過，唔知日本人見到壽喜燒配上拉麵，會唔會激嬲佢哋呢？唔理喇，因為真係好好味㗎！椒鹽炸雞軟骨小食就揀咗椒鹽炸雞軟骨，炸雞軟骨炸到脆卜卜，灑上惹味香口嘅椒鹽，絕對係最佳佐酒小食之一！麵全食麵全食嘅配料，上枱真係嘩幾聲！有齊牛肋骨、豚軟骨、豬皮脆脆、虎蝦、蟹肉、鳴門卷、味付筍片、蔥花、紫菜絲、芝麻、炸乾蔥等，特別鍾意滷得非常軟腍入味嘅牛肋骨同豬軟骨。麵麵俱到嘅壽喜燒湯底亦經過改良，除咗基本嘅味醂、醬油、清酒等調味之外，仲混合咗蔬菜、大骨以及不同香料，長時間熬製而成，令到微微帶甜湯頭更加濃郁豐富，容易掛湯！醬油慢煮煮豚軟骨配脆脆豬皮豚骨湯烏冬麵麵俱到嘅烏冬一向係餐廳嘅名物，烏冬純白彈牙，加上豚軟骨、豬皮脆脆、鳴門卷、味付筍片、蔥花、紫菜絲、芝麻、炸乾蔥等配料，同樣吸引。…Read More

食Foodcourt主要係貪圖選擇多，享受不同菜式選擇嘅過程，今日喺K11 Musea Food Playground經過一輪美食嘅內心掙扎後，由主打日本菜嘅Oomaki勝出。Oomaki嘅廚房雖小，但都有無限嘅可能，日式手卷、鐵板咖喱、壽喜燒都有，而且出品帶被你被低估嘅驚喜！拖羅刺身壽司手卷盒套餐份量十足，除咗Oomaki招牌自創名物手卷，更有手握壽司、拖羅刺身、沙律菜、枝豆以及麵豉湯。其中Oomaki嘅自創手卷賣相精美，以一個U型木盒裝住，揀咗吞拿魚作餡，加上白飯以及新鮮脆口嘅紫菜，口感一流，令人回味無窮；刺身有齊赤身同拖羅，兩款都非常新鮮；喺foodcourt嘅手握壽司竟然係由職人壽司師傅即叫即做，極具誠意。…Read More

尖沙咀K11 Musea係走設計風格嘅人氣商場，而能夠入圍成為商場内嘅餐廳同商店，相信都有一定實力呢！而作為遊客同本地人都必去嘅商場，港式餐廳當然唔少得，位於美食廣場嘅香港情懷絕對係代表。香港情懷有不少港式美食，其中馳名特式咖喱可以話係代表作，而且更不時更新餐牌，充滿誠意。鮑魚滑雞煲+白飯香港情懷又點少得煲仔系列呢？呢個鮑魚滑雞煲味道濃郁，送飯一流。而且煲裏面嘅鮑魚數量都唔少，有成四隻，而且隻隻都非常彈牙。雞件亦都略略炸過，令雞肉肉質保持鮮嫩多汁。加上顏色繽紛的配菜，例如青紅椒、芹菜、洋蔥等，為呢個雞煲帶嚟味覺同視覺嘅均𧗾。凍檸檬茶最能代表到香港嘅飲品莫過於凍檸茶！一杯出色嘅檸檬茶，濃郁嘅紅茶底必不可少。加上新鮮嘅檸檬切片，兩者簡直完美結合。…Read More

荃灣出名多好嘢食，周不時仲有新店登場呢！位於荃新天地嘅海山板神，就係其中一間新登場嘅人氣餐廳。海山板神主打一人前嘅壽喜燒、石板燒、鐵板燒，重點係食材超新鮮，牛肉油脂平均，呈雲石狀，入口即溶，務求令你在海山板神的石板上遇上愛！招牌牛舌作為牛舌控，又點可以放過海山板神嘅牛舌芯呢！海山板神嘅牛舌芯口感彈而不韌，肉厚多汁，外層披上一層薄薄嘅燒汁，帶有輕微嘅炭燒味，滋味十足！日本宮崎和牛壽喜燒鍋+黑毛豚肉日本宮崎和牛嘅油脂比例十分平均，呈雲石狀，接近入口即溶，而油香肉濃，配上壽喜燒嘅醬汁就係perfect match！唔夠喉嘅就額外加咗份黑毛豚肉，輕輕喺鍋上燒炙，索晒壽喜燒醬汁嘅豚肉，真係回味無窮！黑椒蒜香牛肉飯火辣辣嘅鐵板上面舖滿用黑椒同蒜調味過嘅牛肉，牛肉軟腍而帶有微辣，蒜香同黑椒香融合之後，加上飯粒因遇上鐵板嘅高溫而結成香脆嘅飯焦，真係色香味俱全。…Read More

唔知你哋嘅Family Day有咩活動呢？我哋就鍾意約埋一家人去飲茶食點心，優哉游哉享受假期，食飽飽再去下一個活動！沙田有唔少景點同活動適合一家人去玩，出發前就去國穗軒嘆茶食點心，開展一家人的假日好去處。春風得意紅米腸紅米腸餡料有蝦膠、西芹、蘿蔔等食材，咬落鬆脆，充滿層次感，特別欣賞腸粉皮夠薄又夠滑。金薯蜜汁一口牛國穗軒嘅金薯蜜汁一口牛嘅火侯控制得啱啱好，肉汁豐富，唔會太韌，味道香甜，蜜汁豐富，非常滋味。巧手叉燒包一咬開叉燒包，叉燒一湧而出，份量極多，而且醬汁醬香，夠晒惹味。蝦餃皇蝦餃晶瑩剔透，蝦肉新鮮彈牙，如果人少少或者唔想食太多嘅話，國穗軒都有一籠兩粒嘅選擇。蟹子鮮蝦燒賣皇燒賣每次飲茶必嗌嘅點心，燒賣大大粒，新鮮彈牙，夠晒滿足。XO醬炒蘿蔔糕煎到金黃色嘅蘿蔔糕，賣相一流。蘿蔔糕軟糯，仲有絲絲蘿蔔，加上鹹香同小辣嘅XO醬煎炒，令味道更滋味！…Read More

位於九龍城嘅粗菜館，係區內主打粵菜嘅老字號，深受明星、甚至食家推薦，絕對係名人飯堂！今日慕名而來，粗菜館價錢唔離地，出品高質細緻，雖然餐廳以「粗」字命名，但絕對係為你帶嚟驚喜，是絕不平凡的粗茶淡飯。老火例湯今日嘅老火例湯係青紅蘿蔔煲豬骨，餐廳用料十足，非常足料，味道清甜。山楂醬排骨略帶酸甜的山楂醬緊緊包裹著肥瘦適中的排骨，非常開胃。招牌炒魚腩魚腩預先走油，令到魚皮咬落鬆脆，但魚肉仍然保持嫩滑；而配菜的蒜片、大蔥等都是不可忽視的，將魚腩夾上蒜片和蔥段一齊吃，增加味道層次。招牌炒豬雜豬雜清洗得非常乾淨，將內臟嘅腥臭味一洗已去。而豬雜炒得夠火候，口感爽口，係粗菜館嘅招牌菜之一！豬油撈飯懷舊嘅豬油撈飯令白飯充滿豬油嘅香味，加上香濃嘅醬油，雖然邪惡，但真係充滿港式風味。…Read More

拉麵係好多人嘅comfort food，但一碗睇落簡單平凡嘅拉麵，其實背後真係花咗好多功夫！由拉麵靈魂嘅湯底、麵質、以至叉燒同配料之外，就連餐廳嘅裝飾風格都要充滿大和風，而位於銅鑼灣，由日本人主理嘅麵屋日和嘅拉麵就深得我心炸雞皮餃子雞皮夠薄係麵屋日和炸雞皮餃子嘅一大賣點！雞皮餃子即叫即炸，外層酥脆，口感一流，而咬開餃子後，入面嘅肉汁蜂擁而出，非常驚喜。淡麗醬油拉麵如果唔太重口味，首推麵屋日和嘅淡麗醬油拉麵。琥珀色嘅醬油湯頭特別用上經數天熟成嘅醬油製成，令湯底更鮮甜更香醇，味道濃郁，忘滿層次；而火炙過嘅五花腩肉入口即化，肥而不油膩。濃郁味噌拉麵至於顧名思義，味噌湯底係充滿超濃郁嘅味噌香味，而且拉麵用上北海道麵粉搓揉，令麵條粗而不韌兼特別掛湯。配料包含定番嘅腩肉叉燒之外，仲配上溏心蛋同紫菜，非常豐富。…Read More

近期國際新聞嘅焦點，都離不開國與國嘅緊張局勢，我哋當然希望世界和平啦，但依家喺我眼前就有一場激烈嘅爭霸戰！嚟到荃灣嘅小越廚，餐廳除咗越南菜之外，仲有泰國菜選擇，食住泰式生蝦仲可以嘆碗越南Pho，滿足晒兩個慾望之餘，味道方面仲要有驚喜喎！泰式蠔仔煎蛋蠔仔份量多又大粒，而煎蛋邊略為焦脆，香味十足，值得推薦。泰式生蝦刺身生蝦非常厚肉，而且彈牙爽口，加上酸辣的泰式青汁，非常醒胃。泰式燒豬頸肉輕輕烤過嘅豬頸肉迫出豐富嘅油脂，外層微脆嘅口感，而肉質唔會乾實，再沾上小越廚附上嘅泰式辣醬同百搭嘅青醬，酸辣滋味同時兼備。生牛肉湯河湯底用上牛骨熬製，每一啖湯都係精華，牛香味濃郁。半生熟嘅牛肉肉質鮮嫩，加上吸湯力特強嘅河粉，簡直係絕配！越式三寶撈檬越式三寶分別係越南炸春卷、扎肉、香茅豬扒。越南炸春卷炸到外皮卜卜脆，而且用料十足，口感豐富；香茅豬扒非常入味juicy，加上撈檬嘅微酸醬汁，非常開胃。…Read More

講起打冷，滷水一定係靈魂嘅所在。位於油麻地嘅金和潮菜，就將滷水發揮得淋漓盡致，無論係香氣四溢嘅滷水鵝，定係大堆頭又多款嘅滷水雜拼，都令人一試難忘，成為一間值得推介嘅潮州打冷餐廳。除咗打冷，金和潮菜仲有唔少鑊氣十足嘅小菜，估唔到喺冷氣嘅地方，都感受到大排檔嘅風味呢！滷水鵝金和潮菜嘅潮式滷水鵝用上濃厚嘅滷水汁長時間滷製，肉質滑嫩又入味，加上鵝皮輕盈，但油香豐厚嘅鵝油香，加添一份甘香，味道充滿層次。滷水雜拼最鍾意食潮州嘅滷水，除咗滷水鵝之外，又點少得叫返個拼盤呢！拼盤有齊墨魚、大腸、腩肉、豬頭肉、鵝腎同鵝腸，份量十足又夠大堆頭。大大條嘅鵝腸口感滑潤而有嚼勁；豬頭肉由皮、肉，筋所融合出嚟嘅獨特口感，為呢份抵死夾大件嘅滷水雜拼帶嚟更多元化嘅風味。啫啫滑雞煲因高溫而產生嘅「啫啫」聲伴隨濃烈嘅焦香，喺砂鍋開蓋一刻四處飄揚。雞件雖然經過爆炒，但肉質依然滑溜多汁，配菜當中嘅蔥段同紫洋蔥充份吸收醬汁嘅精華，香味十足，充滿層次！…Read More

印度菜離不開咖喱同印度烤餅？嚟到屯門一日遊，想搵啲特別嘅嘢食，為行程增加記憶點，而王子廚房就有驚喜喇！王子廚房係一間由印度人主理嘅印度餐廳，除咗咖喱之外，大廚仲曾學過西廚，牛扒、意粉同Pizza都唔會令你失望，係一間有誠意嘅fusion風味融合印度餐廳。印度牛油雞配印度烤餅印度牛油雞可以話係入門級嘅印度菜，用上印度奶油、蕃茄醬，再加上大量香料醃製而成，所以雞肉夠入味之餘，雞肉嘅肉質仲非常嫩滑。醬汁用上大量奶油做基底，加上蕃茄醬等調味，夠creamy之餘，仲中和油膩感。想盡情享受呢個醬汁，當然就要加份印度烤餅啦，越食越過癮。肋眼牛肉牛排配薯蓉五成熟嘅牛排，讚得一讚嘅係火喉啱啱好。肉眼嘅牛肉味相當濃郁，而且肉質軟腍適中。加上廚師特調嘅胡椒醬汁，令牛扒沾上之後帶有微微嘅胡椒辣味，味道創新有驚喜！…Read More

講到香港地道特色，又點少得周星馳呢！周星馳嘅電影有唔少經典場面同琅琅上口嘅對白，其中《唐伯虎點秋香》可以話係當中嘅代表呢！而位於屯門嘅秋香，相信店主亦係該電影嘅擁躉，因為餐廳設計有唔少電影嘅元素，食物飲品亦以此命名，極具創意；而看似日式嘅居酒屋，其實都有唔少地道元素，出品高質，令我哋都諗起當中嘅經典對白：賞花賞月賞屯門秋香。汝家池塘多蝦魷配酸種包喺屯門嘅秋香就梗係要對吓聯，今次就對咗句「汝家池塘多蝦魷」。廚師先爆香紅蝦，以紅蝦油加上蒜頭、辣椒、洋蔥等調味，成為呢道菜嘅香味來源。上枱有好多新鮮嘅大蝦同魷魚，份量十足！至於微烤過嘅酸種包，非常香脆，建議可以加上紅蝦油一齊食，更為滋味。日本厚切黑豚肉、澳洲和牛牛舌芯秋香係一間居酒屋，所以又點少得串燒呢！日本厚切黑豚肉嘅賣點犯一層肥一層瘦，油香而不膩；而澳洲和牛牛舌芯嘅牛肉味香濃，肉質軟糯彈牙，舌芯位真係無得輸。自家製免治雞肉棒免治雞肉混入雞軟骨碎，加上生雞蛋醬油，口感同味道同樣極具層次。秘製蛋黃醬燒蠔蠔肉鮮甜滑溜，加上店主秘製嘅蛋黃醬，令味道大大提升，齒頰留香。紫醉金迷甜品就揀咗加上藍莓、百利甜酒、金箔以及沙巴翁醬嘅班戟，絕對係名副其實嘅「紫醉金迷」！鬆軟嘅班戟充滿蛋香味，口感順滑而帶有空氣感。一日冚包散-華夫人、賞花賞月賞-秋香以威士忌作基酒嘅一日冚包散-華夫人，混合柚子氣泡酒，加上一層厚厚嘅玄米茶奶蓋，再灑上紅菜頭粉，入口清新，酒味唔算太濃；至於賞花賞月賞-秋香則用上冧酒作基酒，加上巨峰和紫蘇作陪襯，味道清甜，同樣適合唔太喜歡太濃酒味嘅選擇。…Read More

又想食壽司？又想食日式居酒屋料理？又想帶寵物去餐廳？位於西營盤的Kome Kushi可以一次過滿足晒你三個願望！Kome Kushi食品種類豐富，有壽司、刺身、日式小食、熱食料理等、餐廳仲特別設有獨立包廂，可以帶寵物一齊嚟 ！壽喜燒火鍋套餐壽喜燒火鍋套餐非常豐富，充滿驚喜。首先上場嘅麵豉湯熱辣辣，非常暖胃。頂級小牛排油花分布平均，落鍋輕輕一涮，嫩滑多汁，口感細膩，再配埋啲日本野菜同豆腐，清甜爽口，吸晒壽喜燒個醬汁，送飯一流。套餐仲配埋日式蕨餅，甜度啱啱好，完美！雞腎 + 一口甜薯雞腎處理得幾乾淨，冇腥味，口感爽脆，加埋鹽同黑椒調味，非常惹味。一口甜薯燒到外脆內軟，帶少少焦糖香，好滿足。…Read More

韓國鍋物可以話係韓國家庭每餐必備嘅菜式，泡菜湯、大醬湯、海鮮湯等，但無論咩湯鍋，入面嘅配料都唔少得豆腐。索晒湯汁嘅豆腐，好味之餘，營養價值仲非常高。不過，豆腐喺韓國鍋物中一向只係擔任配角嘅角色，直到登陸中環嘅八八嫩豆腐鍋，豆腐終於成為主角，濃郁嘅豆腐香味，嫩滑即化，非常驚喜。海鮮嫩豆腐鍋主角之一嘅豆腐鍋熱辣辣上枱，豆腐口感滑嫩，豆味濃郁，再搭配鮮蝦、蟹、蜆等足料海鮮，鮮甜味美，加埋生雞蛋，完美！泥蚶拌飯泥蚶類似蜆肉，味道鮮甜，口感彈牙，飯粒拌上鮮甜醬汁，每一啖都品嚐到濃濃嘅鮮味海味，再用韓式紫菜包住一齊食，味道更有層次。辣炒魷魚魷魚Q彈，大火快炒，鍋氣十足，每一件掛滿韓式甜辣醬，辣中帶甜、口感豐富。豬肉菜煎餃子手工煎餃外皮薄身，底部煎到金黃酥脆，豬肉同蔬菜餡，肉香十足，搭配韓式醬汁，口感層次分明。紅石榴冰沙 + 芒果Mojito食辣嘢最啱飲冰凍飲品，解辣一流。紅石榴冰沙酸甜清爽，入口即化，完美解辣降溫。芒果Mojito用芒果混搭薄荷葉與梳打水，果香濃郁，酸甜中帶點氣泡刺激。…Read More

一大班同事嘅午餐飯聚，通常都會去飲茶，呢個絕對係香港唔少公司嘅潛文化，而且仲誇張到有嗌點心數量嘅方程式攻略添！計我話呢條點心方程式最重要唔係人數或者女同事嘅數量作加減，最重要其實係有無年青人包底呢！喺觀塘嘅滿福庭，呢條點心方程式對我哋嚟講就更加困難，因為餐廳有唔少點心孖寶等優惠，想食嘅點心選擇更多更抵食呢！馬蹄牛肉球爽脆嘅馬蹄增添牛肉嘅彈牙口感，而且牛肉球大大粒，份量十足。排骨陳村粉細滑嘅陳村粉吸收晒排骨嘅精華，鹹香入味。韭黃鮮蝦腸蝦肉大大隻，新鮮又彈牙，腸粉又薄又滑，加上韭黃增添香味，充滿層次。點心拼盤拼盤一粒五件，非常抵食！拼盤內嘅奶黃包係我嘅最愛，咬開就爆出奶黃，鹹蛋香味豐富，邪惡又好味；拼盤嘅優惠價仲有燒賣，蝦肉新鮮彈牙，同樣出色。沙嗲金錢肚去飲茶又點少得金錢肚，牛肚口感軟腍，非常入味。四寶滑雞扎雞扎包住滑溜雞肉、冬菇、火腿同魚肚，雞扎大小適中，非常精緻，重點係唔會好油，而腐竹當然係雞扎嘅靈魂所在。羅漢齋鴨掌鴨掌份量唔少，非常入味，食嘅時候仲有淡淡嘅陳皮味，有層次又有驚喜，還原港式傳統點心嘅味道。伴碟嘅仲有羅漢齋，索晒醬汁同鴨掌嘅精華！叉燒包咬開叉燒包，隨即爆出叉燒，叉燒肥瘦相間，醬汁甜鹹適中，係飽肚之選。銀魚肉餅飯銀魚加埋豬肉餅蒸香，鹹香融合得啱啱好。飯粒吸晒肉汁，加少少豉油，送飯一流。香煎蘿蔔糕即叫即煎，煎到金黃微脆，外脆內軟，重點係蘿蔔嘅比例好多，加上蝦米、臘味嘅鹹香，非常惹味！…Read More