尖沙咀K11 Musea係走設計風格嘅人氣商場，而能夠入圍成為商場内嘅餐廳同商店，相信都有一定實力呢！而作為遊客同本地人都必去嘅商場，港式餐廳當然唔少得，位於美食廣場嘅香港情懷絕對係代表。香港情懷有不少港式美食，其中馳名特式咖喱可以話係代表作，而且更不時更新餐牌，充滿誠意。
鮑魚滑雞煲+白飯
香港情懷又點少得煲仔系列呢？呢個鮑魚滑雞煲味道濃郁，送飯一流。而且煲裏面嘅鮑魚數量都唔少，有成四隻，而且隻隻都非常彈牙。雞件亦都略略炸過，令雞肉肉質保持鮮嫩多汁。加上顏色繽紛的配菜，例如青紅椒、芹菜、洋蔥等，為呢個雞煲帶嚟味覺同視覺嘅均𧗾。
凍檸檬茶
最能代表到香港嘅飲品莫過於凍檸茶！一杯出色嘅檸檬茶，濃郁嘅紅茶底必不可少。加上新鮮嘅檸檬切片，兩者簡直完美結合。
