沛華園

唔少香港人嘅成長，都會喺屋邨留下過歲月痕跡，80後嘅我哋都唔例外！昔日屋邨嘅冬菇亭大牌檔，食物雖稱不上高質，但就記錄咗一張一張的快樂同學笑臉，代表住滿足卻又簡單嘅那些年。嚟到南山邨除咗尋找回憶，更可以喺沛華園得到熟悉嘅味道。沛華園主打傳統嘅港式車仔麵，惹味嘅自家辣醬，更加係我的最愛，讓我回味無窮。

五餸車仔米線
大大粒嘅豬紅口感滑溜，一咬即碎，絕對唔係混水摸魚嘅雞紅；炆得軟腍而味道清甜嘅冬菇，夠晒入味，嗰份經典嘅車仔麵風味一湧而出。不得不提嘅係咖喱魚蛋同豬扒，魚蛋嘅魚味濃又彈牙，加上香濃嘅咖喱汁，非常惹味；炸得香脆嘅炸豬扒，細心另上，夠晒脆卜卜。

六餸車仔烏冬
講懷舊又點少得索汁嘅豬皮同牛柏葉呢！兩款配料都索晒沛華園嘅自家辣醬，夠辣夠惹味。至於魷魚同豬腸同樣爽滑彈牙，口感唔靭。另外，烏冬亦係最佳嘅掛湯麵底，滑嘟嘟嘅烏冬上面充滿惹味嘅辣醬，值得推介。