Kwanfoodies's Profile

Wheeee (｡･ω･｡)ﾉ٩(˃̶͈̀௰˂̶͈́)و【打咭蛋糕店　食落一樣掂】同一日我哋今次去咗呢間可算係非常出名嘅Café，喺香港長期排長龍，據說佢哋嘅招牌草莓西瓜蛋糕係受澳洲嘅飲食文化啟發，(｡･ω･｡)ﾉ喺澳洲度食過一次，雖然價錢比呢間平一半，但同時亦比較細嚿嘅，所以香港嘅抵唔抵食就見人見智啦～～我是Menu～西瓜荔枝蛋糕 $78平時大家見開西瓜配士多啤梨🍓，今次就試吓配荔枝🤤 咁嘅配撘食落去竟然唔會太甜，亦都非常清新，件蛋糕好鬆軟，一啲都唔滯，配埋茶就最好😋菠蘿芝士蛋糕 $78通常講起Cheesecake，第一時間就會覺得好溜，但呢款蛋糕嘅Cream唔溜得嚟，配埋酸酸甜甜嘅菠蘿🍍食落令人停唔到口😀 佢面頭仲有塊好好味嘅菠蘿乾，為蛋糕錦上添花🍰雜莓奶昔 $65相比起奶味，佢哋嘅奶昔嘅果香味更加突出🥛飲落去會好明顯地飲到細碎嘅果肉，佢嘅賣相幾靚，上面仲有串雜莓，算係解渴之選🫐～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：LIFETASTIC Patisserie (The ONE) (尖沙咀)尖沙咀彌敦道100號The ONE 4樓L406號舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【卷物賣相美　新奇又滋味】最近呢一個月真係忙到唔得閒出post🥲 同一日有3個deadline大家試過未…🥴 Any肥！Sem議員嘅(｡･ω･｡)ﾉ終於得閒打返食評了🤪Poly附近新開咗間專門做卷物嘅小店🍙 原來係喺灣仔起家，見到佢menu好多款特別嘅卷物，啲名又搞笑就去咗試吓🥸 有選擇困難症嘅應該要揀好耐🤣 因為實在太多款式選擇，樣樣都想試！～我是Menu～麻麻地軟殼蟹 $62好少見卷物配麻辣沙律醬所以就揀咗呢個嚟試🤩 個醬特別得嚟好出色，有沙律醬做base，所以會中和返個辣度，唔會好辣，就算唔食得辣嘅人都食到👍🏻 除咗有炸到好脆嘅軟殼蟹之外🦀 仲有青瓜🥒、牛油果🥑、蟹籽同埋蟹柳，口感豐富，同個醬好夾好好味🤤知我咩料（拖羅）$62有冇人有睇過木下佑香炸壽司食😂 我之前睇完一路都好想試吓，今次見到呢個「知我咩料」炸飯Pizza就即刻嗌嚟試吓，我哋揀咗要吞拿魚拖羅🐟 果然冇揀錯！啲拖羅魚蓉十分鮮甜，極香魚油味，份量仲要一啲都唔少，應該有成1cm咁厚‼️食落好滿足，而個飯底就炸到好脆，但一啲都唔油膩😋 另外仲有蟹籽、天婦羅脆脆同椰菜絲等配料，一個人食一個都真係會幾飽吓🤰🏻先生炸雞(4件）配日式沙律&波子汽水味梳打 +$19炸雞外皮炸到超級香脆，而肉質依然保持到嫩滑🐥 唔算話好juicy但都仲有少少肉汁，淋喺面嘅honey mustard都幾好味，我哋另外落咗七味粉，都好惹味好夾👅 ～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：MR. MAKI (尖沙咀)尖沙咀柯士甸路15號金巴利大廈地下C號舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【一人小火鍋　湯底選擇多】早兩日我哋去咗位於佐敦嘅一人一鍋打邊爐，熱愛烚吓烚吓嘅我哋嗌咗兩煲，再另外加咗啲小食，足料之餘埋單都只係百零蚊位，認真抵食😋～我是Menu～美肌鍋 $115 包飯/粉絲及飲品//雞肉片、花膠、蟲草花、鮮淮山、芝士竹輪、花枝丸、娃娃菜、炸枝竹、鳴門卷、冬菇、金菇、蛋餃、芝士魚豆腐、蜂巢豆腐//見到個名都知養生滋補😌 除咗清甜嘅牛奶湯底之外，呢個鍋入面仲有蟲草花、花膠等食材，仲有我最鍾意嘅芝士竹輪添😍 食落去夾之餘仲幾好味，結果我飲曬佢啲湯😗一品酸辣白玉鍋 $115 包飯/粉絲及飲品//豬腩片、酸菜、麻辣鴨血、濃汁豬肉丸、花枝丸、娃娃菜、炸枝竹、鳴門卷、冬菇、金菇、蛋餃、芝士魚豆腐、蜂巢豆腐//嚟到台式一人一鍋就當然要試吓佢嘅酸辣火鍋啦，個鍋唔算太辣，但都好足料🥰 仲有我哋最愛嘅鴨血🤪 呢款同上面嗰煲一樣都有蜂巢豆腐同埋蛋餃等配料，配落呢個湯底真係幾惹味。夜市雞皮捲 $36熱辣辣嘅雞皮捲一咬落去，極脆嘅雞皮令人眼前一亮，調味亦都啱啱好😗 一份有六舊，都算幾抵食😌鹽酥甜不辣 $22呢度嘅甜不辣炸得好脆口😋 作為甜不辣Fans嘅(｡･ω･｡)ﾉ 一食就停唔到口，食完一舊又一舊🐿️ 貴荔翠紅 跟餐+$7呢杯係荔枝紅茶，飲落去雖然有啲甜，但都好有荔枝味，作為荔枝控嘅我好快就飲曬了🥲熱情果乾果綠茶 跟餐+$15呢杯飲品唔會太甜，熱情果味亦都好足，雖然相對比較貴，但同質素都成正比嘅🤤～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：十二鍋 (佐敦)佐敦彌敦道219號莊士倫敦廣場地下4&5號舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【日式西餐店　新張待改善】早幾日去咗試吓元朗Yoho Mall新開嘅日式西餐店，整體食物質素不過不失，但唔知係咪因為新開嘅關係，出菜比較慢😣 等咗半個鐘多啲先有前菜（兩粒炸飯團）⋯然後再等多三個字先有主菜😢 而啲員工都好似仲未係好熟手咁，放低完啲嘢食都未有諗過俾餐具我哋🥴 同埋明明用QR code落單，但係都有送錯嘢食嘅情況出現😵‍💫 有位女店員服務態度特別好，但其他就一般般了😬～我是Menu～日本梅醬燒豚腩配雜菜 $118豚腩肥瘦相間，燒得幾出色，點埋個酸酸甜甜嘅梅醬食可以解膩👍🏻 旁邊嘅雜菜淋上咗芝麻醬。整體份量偏少，一碟只有六嚿豚腩，感覺似小食多過係主菜🤔 大家可以加$18要飯或者加$28要炸男爵薯/稻庭烏冬/蕎麥麵，咁應該會夠飽🤪吉烈蜆肉飯團 +$59任何一款主食可以加$59配前菜一款及飲品，我哋揀咗呢個吉列蜆肉飯團，本身以為會有四粒，但原來淨係得兩粒🙈 而份量亦比想像中細粒🤏🏻 每粒飯團有一粒蜆肉同少少蔥，外面炸到好脆，十分香口。就咁食感覺冇乜調味，要點個底啲汁食，而佢配嘅汁就好濃蜆味，十分鮮甜🤤牛肝菌咖啡烏冬 $128見menu幅相好得意就試吓佢，牛肝菌咖啡烏冬上面有層梳乎厘，店員提醒要撈勻食。可惜嘅係食落冇咖啡味😥 配料有啲菇同洋蔥，但牛肝菌味唔太突出，我覺得面嗰層梳乎厘似乎令到個烏冬好甜，感覺有啲突兀，味道唔算太平衡🥲檸檬蜜餞黑胡椒焦糖燉蛋 +$39焦糖面燒得唔錯，燉蛋感覺唔夠香，但檸檬蜜餞同個燉蛋一齊食就幾好味，托住片檸檬嘅焦糖爆谷都好正🤓 可以跟餐加錢試 一試Iced Cappuccino (跟餐)杯Cappuccino 幾香但偏苦，不過係我哋接受到嘅苦味～ 杯嘢飲好快就上咗，如果可以跟住嘢食上就最好🥺～評分～ (5分滿分）環境：🦦🦦🦦🦦食物：🍯🍯🍯服務：🐻🐻🐻總分：💛💛💛地址：One & A Half (元朗)元朗元龍街9號形點1期2樓2058號舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【家庭式小店　食物一樣掂】呢間係將軍澳新開嘅小店，由做廚師出身嘅兩夫婦經營👫🏻 有兩位小朋友嘅佢哋對食物有絕對嘅執着，為咗食物可以盡可能少啲防腐劑同添加劑，寧願辛苦啲堅持全人手製作醬汁、麵包、煙燻豬腩片，都唔用隨街都買到嘅現成嘢，真係好難得🥺一入門口就感覺到佢哋同其他餐廳嘅分別，佢哋有一半嘅空間都係用咗嚟做小朋友嘅遊玩區🧸 而唔係放滿密密麻麻嘅枱，亦因為咁，家長都可以放心望住啲小朋友四圍玩😛～我是Menu～流心鵪鶉蛋肉球 $88呢個係用咗西班牙豬面肉🐷包住半熟嘅鵪鶉蛋🐣再高温油炸而成嘅肉球🧆 我覺得比起整傳統嘅蘇格蘭炸蛋更加有難度！面頭相信係店主自製嘅沙律醬，感覺食都食得安心啲🤣 秘製炸雞 $88雖然只係小食，但係份量一啲都唔細😆同埋都每件幾大嚿，炸雞嘅外皮又薄又脆，食得個粉漿加咗香料調味🧂而入面嘅雞肉仲能夠保持嫩滑🐥 另外仲有店主自製嘅honey wholegrain mustard可以點嚟食～龍蝦意粉 $328一入口就食到極濃郁嘅醬汁，好香嘅龍蝦鮮味🦞 應該係用咗龍蝦頭炒再熬製而成👩🏻‍🍳 意粉唔會太腍，又掛到汁🤤 兩邊嘅龍蝦殼入面都有已經拆好哂嘅肉！龍蝦肉用牛油煎焗，一啲都唔韌，超級新鮮、彈牙，好似食緊刺身咁😂 除咗龍蝦肉，仲有洋蔥等蔬菜同蝦仁🦐 另外有個兜仔裝住乾辣椒，撈埋食少少辣都幾唔錯☺️Homemade Pizza $128呢度嘅pizza係我哋最鍾意食嘅薄批🍕個邊幾脆🤓 個麵團係佢哋自己整㗎！配料有Mozzarella cheese🧀同埋西班牙白毛豬火腿🍖 食起上嚟都好夾又好食O.L.D Chocolate $58賣相好靚，見到掛杯嘅朱古力漿同鮮奶嘅分層🍫 佢哋係用真朱古力沖製，唔會死甜，面頭鋪滿朱古力碎，飲嘅時候都會食到🤤 記住撈勻先好飲啊🥸～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：Our Little Dream (將軍澳)將軍澳唐俊街23號澳南海岸MONTEREY Place地下G22B號舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【雞煲放題　填滿個胃】有冇人同我哋一樣成日都會邊爐&燒肉癮起😂 我哋上個禮拜又好想打邊爐，見到好多foodie食呢間嘅雞煲烤魚放題，價錢唔貴之餘仲免加一，就去試吓佢🥸嗰日店員好細心，見到我哋隻碟有骨就幫我哋倒啲骨落隻空咗嘅大碟到一次過收走，仲間唔時收走啲嘢飲盒，都幾好服務🤓～我是Menu～雞煲/烤魚/肉骨茶煲/胡椒豬肚雞煲放題 (2位起) 免加一18:00前離座 90分鐘 $8818:00後120分鐘 $128呢度嘅放題一嗌就要一枱，而佢哋係可以兩人一煲🥘 變相係可以試曬唔同款嘅嘢食。至於我哋揀咗胡椒豬肚雞煲🍲 滾咗之後先飲一啖湯睇吓佢質素如何，佢個湯底好清香，亦好有胡椒味。而本身個煲嘅份量都唔少，夠曬兩個人Share嚟食，啲雞好嫩滑🐔 而豬肚亦都好乾淨爽口🐷 食落都幾唔錯。而呢度嘅自助吧雖然選擇唔多，不過淥落都幾好食～ 但係啲豬就太肥，所以我哋淨係試咗少少，之後就冇再拎過🐒 佢嘅自助吧有唔同嘅紙包飲品同罐裝汽水、啤酒任飲，另外亦都有雞、豬、牛肉、腸仔、丸、蔬菜、寬粉、年糕等，而令我哋出乎意料嘅係，佢嘅牛丸係出色至極🤩 既彈牙又爆汁，令人食完一粒又一粒。而喺我哋食完先發現，佢哋係直頭有得單買牛丸😲//涼拌土豆絲//除咗放題之外，我哋都嗌咗碟薯仔絲嚟食吓🥔 首先要一讚嘅係，佢啲薯仔真係好脆口，亦都好入味，辣得嚟又好有薯香。而最緊要嘅係，佢嘅薯絲好大份，差啲就食唔曬😋//炸三鮮水餃//佢哋嘅炸餃子整得好正🥟 炸得好靚好脆之餘，啲餃子仲好多汁，入面啲餡料調味亦啱啱好🦦 除咗餃子之外，碟邊仲有啲泰式辣醬，點埋又有另一層次嘅享受🥰～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：渝痴漁醉 (銅鑼灣)銅鑼灣記利佐治街1號金百利廣場8樓R1號舖…Read More

Wheeee (｡･ω･｡)ﾉ٩(˃̶͈̀௰˂̶͈́)و【平民扒房　平絕全港】早兩日٩(˃̶͈̀௰˂̶͈́)و心血來潮想練吓車，就揸咗半個鐘入粉嶺行吓聯和墟。行到咁上下，忽然心癮起想据扒，見到呢間好街坊嘅餐廳竟然有$248兩份扒餐，就入咗去食扒了🤤 嗰日夜晚都幾爆吓，想週末試嘅朋友最好book定位🦦～我是Menu～雙人扒餐 $248//紅白餐湯及麵包//佢哋有提供紅白湯，我哋一人嗌咗一個😆 佢哋嘅紅湯好多料，食落去啖啖都有菜；至於白湯就係忌廉蘑菇湯，好驚喜竟然有松露味🐣 真係估佢唔到。至於麵包就不過不失，點湯同搽牛油食都可以🦦//黑椒汁肉眼扒//本身諗住百零蚊一塊，應該唔會大得去邊😛 但點知一上枱，成塊鐵板都俾塊扒遮住曬🥩 而佢哋亦都俾得夠黑椒汁，夠淋曬上塊扒面。我哋嗌咗Medium Rare，而佢哋亦都煮得啱啱好，唔會太熟，所以切落都好順刀😆 味道亦都幾好食，亦有油香，值得一試🤪//蒜蓉汁羊架// (+$30)佢哋呢份羊架就有三支骨，而啲肉都算大舊。第一舊食落去已經好有羶香，啲調味亦做得幾好，唔會太鹹或者搶味😋 個蒜蓉汁淋落去咋咋聲，食落好香，同啲羊肉好夾🤤 呢兩板肉都有大量薯條、粟米同洋蔥，薯條炸得脆口之餘，啲粟米亦有焦香味，確係抵食🥰//黑牛// (+$12)難得有地方有黑牛飲，就當然要嗌嚟飲吓啦，佢呢度係分開可樂同冰底加雪糕上，變相可以飲多咗可樂😛 亦都唔會怕一篤啲泡就爆曬出嚟嘅情況🐣 飲落仲食到溶咗嘅雪糕入面嘅朱古力粒粒，幾有趣🥸 呢啲傳統茶記飲品真係買少見少🥲//凍檸檬茶// (+$2)呢度嘅水吧嚟講都算做得唔錯，個茶底沖得幾好飲😋 平平地嚟講呢度嘅嘢飲都算穩陣。//雪米糍//跟餐仲有兩粒雪米糍做甜品😆 食到勁飽都仲食得落😛～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：Cafe de Tiffany (粉嶺)粉嶺聯和墟聯發街26號地舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【嘉寶蝦堡　唔嗌走寶】喺嘉寶未搬舖之前，每一次我都係嗌外賣，因為實在係太少位又太多人食！新舖比以前大好多，油煙嘅問題都冇咗，今次終於可以坐喺度堂食了～～我是Menu～S1 日式芥辣蝦堡 $45呢度嘅蝦堡係我嘅至愛～每次嚟都係食佢🤤 最鍾意佢大大塊又夠哂厚嘅蝦餅🦐 超級彈牙，入面仲有好多原隻蝦肉，口感超豐富‼️個包有烘過，少少脆🍔 日式芥辣醬少少攻鼻，但好好味😋 配埋生菜同蕃茄，感覺清新✨ 升級套餐 +$16又係每次都嗌嘅小食—炸燒賣🤣 我覺得超級抵食，因為有成8粒咁多！佢炸到極之脆，再加上椒鹽嘅調味，唔點個沙律醬就咁食都已經夠晒惹味🥺柚子梳打 +$6柚子蜜加梳打水呢個配搭真係冇得輸，由於店員落錯咗外賣嘅關係，佢就咁俾咗隻有柚子蜜嘅杯同一罐soda water俾我😂 可以refill到一次多啲，感覺幾抵飲🤪～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻總分：💛💛💛💛地址：嘉寶漢堡 (尖沙咀)尖沙咀寶勒巷9-11號和益中心地下-…Read More

Wheeee (｡･ω･｡)ﾉ٩(˃̶͈̀௰˂̶͈́)و【懷舊大牌檔　食到去多趟】有一日去旺角行街，行到肚餓又係時候要醫肚🐥 太耐無食過大牌檔嘅我哋就搵咗呢間最近好多人食嘅呢間位於女人街嘅女人街食飯公司🤪 佢入面嘅裝修好正，睇落好似返咗幾十年前嘅街邊咁，而雖然入面冷氣唔強，但亦都變咗其中一個符合佢裝修嘅一個特色☺️ 呢度嘅食物亦好有大排檔風味，最啱一班人去敍舊！～我是Menu～黑松露厚蝦多士（3件） $84呢度嗌蝦多士最少要三件起跳，自從上次喺坪洲中完伏之後，一直都好期待食到一次好食嘅蝦多士🥲 呢度嘅多士一上碟已經令我好期待，大大隻炸蝦🍤 上面仲有啲黑松露醬，下面亦有金黃色嘅多士，剩係賣相已經好吸引🤩 食落去真係好夾，西多士口感鬆脆，仲好有蜜糖味，另外仲有碟松露醬，點埋落去又有另一風味。呢碟蝦多士真係成功補足返當時嘅遺憾🤤香蒜椒鹽骨 $108呢碟菜一上枱，望到嘅就係海量嘅椒鹽同埋炸蒜🥸 佢嘅份量十足，最少有成十塊豬扒喺上面，而每一件都整得好入味。雖然佢係炸嘢，但入口唔算油膩，啲肉質亦唔會煮得太老😌 而且啲調味真係整得幾香幾好食，如果唔係太飽的話我哋一定會清曬佢🤩金沙脆鮮魷 $108呢度有兩款鮮魷揀，包括八味同金沙，因為我哋嗌咗八味豆腐嘅關係，我哋就揀咗後者🤤 呢款菜嘅鹹蛋味香濃，一食落去已經有嗰種鹹香，但亦唔會太鹹搶味，另外佢嘅炸皮都做得唔錯，唔會咁易甩皮得嚟既彈牙又入味🥰 而佢個底啲炸粉絲撈埋啲鹹蛋一齊食，就啱曬我呢啲炸物愛好者🤣八味脆豆腐 $58唔知點解呢個雖然係前菜，但都係最尾先到。喺食其他嘢食到飽飽滯滯嘅時候，呢碟出奇地我哋竟然食曬😋 佢嘅炸皮唔厚，亦都好脆；入面包住嘅豆腐好有鮮味，細細粒嘅炸豆腐一啖食曬，令人食完一粒又一粒，話咁快成碟就清曬啦🧊咸檸七 $24青檸梳打 $24呢度嘅水吧做得幾足，唔係剩係俾一杯檸底你，而係已經將舊咸檸同青檸榨汁加入杯冰度，所以唔使點篤已經好入味🧃 而第一次飲咸檸七嘅(｡･ω･｡)ﾉ 飲完都好鍾意，不過價錢方面就其實有更多選擇，尤其對於去到大牌檔一定要啤啤佢嘅朋友嚟講，嗌返支其實都幾抵飲🍻～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：女人街食飯公司 (旺角)旺角通菜街1A-1L威達商業大廈1樓B室-…Read More

Wheeee (｡･ω･｡)ﾉ٩(˃̶͈̀௰˂̶͈́)و【大坑薯條坑　獨特人人啱】呢間嘅薯條真係勁出名🍟 之前喺果籽都見到有介紹過🍎 一直都勁想試！今次去開港島就去試吓係咪真係咁正😎 我哋嗰日朝早9點幾喺openrice都book到12點半食🤪～我是Menu～大坑薯條 Tai Hang Fries $78呢度嘅薯條果然名不虛傳，我哋真係食到停唔到手，兩個人都K.O.到成盤薯條🤤 一上枱就聞到好香嘅孜然味，食落唔會太濃味，剛剛好！面頭有啲高菜，咸咸哋，同啲薯條一齊食鹹度剛好😋 另外仲有個蛋黃醬，入面都撈咗啲高菜，點嚟食超正🤩 我相信係因為啲高菜已經夠鹹，所以啲薯條就冇落太多嘅鹽去做調味，正因為咁，我哋可以一條接一條咁食曬成兜佢😝蒜泥黑肉 Pastrami Slices $78蒜泥白肉就食得多啦，黑肉又有無見過呢🤪 呢度嘅黑肉係燻牛肉，面頭配上蒜泥同鎮江醋打成嘅醬汁，食落幾濃味，因為啲鎮江醋酸酸微微，都幾開胃，而啲牛肉口感偏硬，感覺似餚肉，不過又唔係咬唔到嘅韌，唔使擔心🤣腐乳卡邦尼 Fuyu Carbonara $138見到咁特別嘅配搭當然要嗌嚟試吓啦，估佢唔到幾好食喎🤩 其實佢有隻温泉蛋㗎！但係俾啲火箭菜遮住咗🥲 撈嘅時候見到都幾多配料吓，碟入面除咗溫泉蛋同埋火箭菜之外，仲有煙肉、青瓜、黃椒同埋洋蔥🧅 腐乳醬做得唔錯，唔會好突兀，我哋覺得幾夾幾好味😋 雖然腐乳醬會偏鹹，但撈埋啲蔬菜食感覺fresh同light 啲🥒夏威夷果茶 Hawaiian Iced Tea $58果香就唔太飲到，但感覺好清新，解渴一流🤓檸檬仔 Lemmy Lemonade $58呢枝lemonade有驚喜！一見到個檸檬仔個樣咁cute已經好鍾意，飲落唔會太酸，甜度剛好，好好飲🥺 上網search發現每枝係有31%檸檬汁，然後仲會加啲葡萄柚同埋柑橘油✨～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：Second Draft (大坑)大坑銅鑼灣道98號地舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【熟成牛扒房　味力沒法擋】香港食熟成牛扒通常都好貴，自己買返屋企煎最平都要三百幾四百蚊，呢間餐廳嘅熟成牛扒真係好抵食🥺 晚市最平二百幾蚊已經有一塊，而午市只係百幾蚊咋😳呢間餐廳menu都幾多選擇，除咗有豬牛羊雞扒，仲有各款海鮮、Pizza、意粉、刺身、印度咖喱等等🤤 佢午市就更加抵食，有好多好平嘅選擇，相信質素同晚市應該一樣😋 環境方面，裝修偏懷舊感覺，空間寬敞，乾淨企理，夜晚燈光偏暗🤏🏻我哋每食完一樣菜式，老闆都會嚟幫我哋換過隻碟，咁啲味就唔會撈埋一齊🍽 出面有啲餐廳都唔會咁做，估唔到小店都會有咁好嘅服務👍🏻 另外，老闆有同我哋介紹個menu，解釋吓啲牛肉咩分別，邊款靚啲等等🥩本身走嗰陣仲同老闆講話我哋下次會再去，不過佢就話份租約仲未傾好，如果傾唔掂的話只會做到下個月中🥲 即係可能得返半個月……～我是Menu～蘑菇湯 $55平時出街食，好多磨菇湯都稀到好似水咁🥲 不過當我哋試完呢度嘅湯之後，都讚不絕口，飲落口啖啖蘑菇粒，明顯係用一粒粒蘑菇打出嚟🍄 夠哂真材實料，好濃味好好飲🤓 唔好以為佢$55好似好貴咁，佢嘅份量係夠裝落兩個湯碗度，夠兩個人share飲，真係好足料🥰美國熟成牛肉眼 厚切 $418如果俾我揀肉眼同西冷，我一定會揀肉眼，肉眼油香味重好多，亦都比較嫩滑，於是我哋就嗌咗塊Medium Rare嘅厚切肉眼試吓了🥩 切開一啲血水都冇，rest得剛剛好🥸 一入口，陣油香同肉汁即刻標曬出嚟，啲肉質好軟冧，而個面亦煎到有小小脆身，真係好抵食🤤 而除咗塊扒之外，佢啲薯條超長超大條，又炸得極香脆，咸度恰到好處，好耐無食過咁粗嘅薯條🍟 至於配菜方面，佢哋唔係落普通嘅黑醋同橄欖油，而係撈埋咗泰式調味嘅沙律菜，食落一啲都唔寡😌蜆肉扁意粉 $139佢呢度啲嘢食真係好大份，質素亦都幾好😛 呢碟意粉大碟得嚟又有好多蜆肉，啲意粉煮到al dente好有咬口，又會掛得到汁，好明顯食得出用咗白酒嚟煮🥂 除咗蒜香十足，更有些微嘅辣味，不過呢種辣不但唔會搶味，反而能夠吊起蜆肉嘅鮮味🍝 至於啲蜆肉呢就大大粒，亦都好鮮甜爽滑，令我哋想試埋佢其他海鮮😋Tiramisu $55食完正餐就當然要食甜品啦，首先要讚一讚佢嘅賣相幾吸引🤤 老闆話佢哋係用意大利芝士整，食落去果然係有啲唔同，軟身得嚟又好Creamy，仲有淡淡嘅咖啡味🤩 而食食吓更可以點埋佢伴碟嘅朱古力粉一齊食，另有一番滋味🦦焦糖雪糕 (Free)老闆好好人咁問我哋食唔食雪糕，本身已經好飽嘅我哋喺度猶豫緊，不過佢話係靚貨，咁就試吓啦🤪 雪糕啫～ 有第二個胃㗎嘛🙈食落真係好有驚喜，有好香嘅焦糖味之餘，仲有好多焦糖脆脆，的確係幾正🥰～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：Le Steak Specialiste (佐敦)佐敦廟街273-285號寶發大廈地下6號舖-…Read More

Wheeee (｡･ω･｡)ﾉ٩(˃̶͈̀௰˂̶͈́)و【奶蓋水果茶　創新又驚訝】一直都知有間salon喺度，但係唔知出面有間舖賣嘢飲😂 見佢擺哂啲公仔喺個好似世界地圖咁嘅枱面上面幾得意咁就買杯嘢試吓啦，喺度諗緊飲咩嘅同時，見到個screen show咗啲menu冇嘅飲品，應該係期間限定🤔 我哋最後嗌咗杯鳳梨奶蓋試吓🍍～我是Menu～台式鳳梨奶蓋阿薩姆紅茶 $56平時奶蓋通常都係配清茶飲，今次我哋就飲咗呢度嘅鳳梨奶蓋。喺評價杯嘢飲之前，要一讚佢哋係俾紙的飲管我哋，認真環保😌 而雖然我哋無嗌少甜，但整體成杯都唔會太甜🤤 佢哋就叫我哋飲咗啖奶蓋先，之後先再溝埋嚟飲。個奶蓋就好重海鹽味，不過溝埋鳳梨之後就啱啱好😋 而個杯仲有啲鮮甜嘅鳳梨果肉同埋菠蘿啫喱，認真幾有驚喜😛 雖然個茶係有機草本茶，但係佢相對算係比較貴，不過如果想試吓新嘢的話，一試都無妨嘅🤪 啱啱先喺openrice睇到原來有餐飲券賣，會平$6啊啊啊🥲～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛…Read More

Wheeee (｡･ω･｡)ﾉ٩(˃̶͈̀௰˂̶͈́)و【壽司郎新品　咁啱唔使等】其實前排先食完一次壽司郎，但唔知做乜又好想再食😂 所以又去咗walk in，嗰陣已經十一點，但勁好彩唔使排隊就入到去🥳 之前星期日去等真係等到佛誕嘅同時，可能因為今日係閒日嘅關係，等都唔使等🥸～我是Menu～濃厚海膽拌麵 $32上一次嚟都冇呢個海膽拌麵，今次見到即刻嗌咗嚟食，之前喺日本都食過一次，但我覺得香港嘅好似正啲😛 個麵煮得啱啱好，軟硬適中，撈埋海膽醬嚟食真係好惹味🤤 仲有啲紫菜同紫蘇葉，同啲海膽醬好夾🥺 最緊要係仲有啲海膽喺面！一碗大概有4嚿啦，我哋就覺得好抵喇，去開壽司郎嘅話可以試吓啊！～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：壽司郎 (紅磡)紅磡黃埔天地享膳坊(第4期)地下G10號舖…Read More

Wheeee (｡･ω･｡)ﾉ٩(˃̶͈̀௰˂̶͈́)و【小店大曲奇　食落有脆味】因為想買嚟送俾人，所以預先喺ig dm咗佢哋留咗兩set cookies（順便買多set自己食😛）嗰朝有人見到我拎曲奇先發現有曲奇買🤣 但係已經冇得買嚕🤧 想試嘅話經過可以碰吓運氣睇吓賣哂未，又或者dm佢哋reserve定啦～～我是Menu～Set of Trio $120//Peanut Butter Filled//呢款我哋返到屋企之後翻焗咗，一切開嚟就見到啲花生醬不斷咁流緊出嚟🤤 焗咗之後，佢個表面變得更加脆，而滑身嘅花生醬再加上表面嘅果仁粒🥜 就好似放咗成堆花生入口咁😋 呢款相對就散啲，不過口感同味道都好正。//Uji Matcha//呢款係@blackgarlic.hk 同@butterbrown.hk 嘅monthly special口味✨我哋喺條街度已經忍唔住試咗🤤 一入口即刻食到抹茶味超級濃郁🍵 開頭會有少少苦澀味，但係慢慢就會食到回甘。去到有朱古力嘅位就會中和返抺茶嘅苦味🍫 //Earl Grey//作為茶控嘅我哋點會唔食呢隻味🤪 焗好一放入口，外脆內軟嘅口感真係非常驚喜，而佢嘅茶香味都非常濃，甚至濃到有些微澀味🐥 不過食食吓就覺得幾好食，仲有啲甘味添🤩～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：黑蒜 (太古廣場) (金鐘)金鐘皇后大道東1號太古廣場三座B3樓6號舖-…Read More

Wheeee (｡･ω･｡)ﾉ٩(˃̶͈̀௰˂̶͈́) 【生命咖啡館　思源再溯本】我有預感呢篇review會打到好長好長，因為真係有好多感想。想直接睇食評可以skip咗呢度😂 不過最好唔好啦😛其實我去過嘅cafe話多唔多，話少又唔算少，但冇邊一間真係令我留下好深刻嘅印象，至少冇話邊間令我想去完一次又一次。尤其是係我呢個咁鍾意試新嘢嘅人😗 但係呢間一試即刻成為咗我嘅至愛，有仲相逢恨晚嘅感覺lmao 仲同朋友約定咗每個禮拜要去一次😂 做嘢又好，傾計又好～ 唔知點解life好似有種魔力令我哋真係思考吓人生咁，特別係佢俾咗個口罩套我哋，上面寫住「你生活定生存吖」。我同朋友嗰日就坐咗五個鐘，不停咁傾關於生活嘅事。依家好少可會有cafe可以俾你坐咁耐，唔趕你走，我覺得呢度係香港好罕有可以俾香港人放鬆做自己同喘息嘅空間，所以我真係好鍾意呢度嘅vibe💛 同埋呢度基本上每一首歌都係我自己聽開🤣 真係超正！嗰日喺story話每件小事都可以感受到店主認真嘅態度同埋對自己嘅要求，係因為我哋一入去就見到佢哋好認真咁整緊咖啡☕️ 再去到我哋坐低咗之後，啲嘢食送嚟嘅時候，講咗三次叫我哋攪勻杯嘢先好飲，同埋會建議我哋食咗比較淡味嘅Yuzu Honey Chiffon Cake先至食濃味啲嘅Triple Hojicha Roll Cake🥺 嗰吓真係覺得店主對所有事都有一定嘅要求，係真心希望客人可以欣賞同品嘗到每樣食物，絕對唔係求求其其俾咗你就算。今時今日，除咗呢啲小店，仲有邊度可以揾到咁嘅態度？帶過去/介紹過嘅朋友都同我講叫我唔好打review，想收埋自己嘆🤣 但係最近見佢哋生意好似好靜咁 嗚嗚嗚😢… 係咪大家都想收收埋埋自私食搞到冇人知🥲 真心覺得 @lifeisaquestionmark 值得更多人認識同欣賞，希望大家去支持吓啦💛⚠️有興趣去食嘅可以dm佢哋攞咗樓下gate code 先～我是Menu～//有$90 free flow選擇，啱哂想試好多杯嘅你//¿ green tea yuzu soda $51呢杯green tea yuzu soda實在太太太好味，簡直係超乎咗我想像嘅味道🥺 一般cafe/餐廳都係用普通綠茶加啲柚子蜜同soda water就叫green tea yuzu soda，而我哋都飲慣咗呢啲所謂嘅green tea yuzu soda…… 所以一飲life呢杯就俾佢驚艷到🤯 首先店主同我哋講咗3次要攪勻先好飲，係3次，重要嘅嘢真係要講3次😂 杯嘢最底係柚子蜜，然後係店主用茶筅刷嘅綠茶🍵（之前喺日本學過一次刷茶，我覺得都幾攰🤪 因為係用手腕嘅力量同埋茶筅唔可以掂住茶碗嘅底部，而係要喺熱水上方來回刷，絕對係心機之作啊啊啊）最後再倒啲soda water喺頂。攪勻杯嘢嘅時候已經知道勁真材實料🤣 睇落勁深色勁濃，飲落柚子味同綠茶味好夾，我相信柚子蜜中和咗綠茶嘅苦澀，所以甜甜哋唔會苦，間唔中會食到啲柚子皮，有嘢咬吓加埋有氣真係好爽🤤 超啱夏天飲！¿ dirty $48最近好似好多人飲dirty咁，所以就嗌嚟試吓有咩咁特別🤪 一上枱就好明顯見到分咗Espresso同凍牛奶兩層，睇落好靚✨第一啖會飲到咖啡嘅味道先，雖然以前成日都飲咖啡，但係對咖啡冇好深入嘅研究🙈 淨係知呢隻係我鍾意嘅咖啡味道😛 唔會酸，同埋都幾smooth ☕️ 再飲多幾啖就飲到哂咖啡同牛奶，感受到個温差同層次分別，我覺得個牛奶都好香滑，兩者一齊飲嘅時候，牛奶會平衡返咖啡嘅味道，口感都幾得意🤓Yuzu Honey Chiffon Cake $58呢個係當日嘅Today Special，唔係講笑真係淨係睇樣都已經夠曬滿足🤤 戚風蛋糕上面有佢哋自己打嘅cream，同埋一枝沾滿蜜糖嘅honey stick🍯 我哋嘅口水同啲蜜糖一樣喺咁流落嚟🤣 就咁試吓個Chiffon cake，食到淡淡嘅蜜糖味，仲會食到一粒粒柚子皮，啲cream好香，我哋一路食不禁一路諗到底係用邊隻牌子嘅cream打出嚟😂 蜜糖都好好味，係我食過最香嘅蜜糖！口感方面做到哂應有嘅空氣感同濕潤，全部嘢都好香好夾好好食！Triple Hojicha Roll Cake $60一開始覺得Triple Hojicha應該只係三倍濃嘅Hojicha咁解😂 但原來係roll cake、cream同panna cotta加埋三樣有hojicha嘅嘢，所以係Triple🥸 Roll cake嘅質地好明顯比Chiffon cake實身🤓 個焙茶奶凍口感幾得意，好似jelly咁😙 我個人係Hojicha愛好者，呢個roll cake真係啱哂我心水，每一啖都有勁香濃嘅焙茶味，配埋大量嘅cream，真係好幸福😭 精選推介💛1. Green tea yuzu soda2. Hojicha Latte3. Green Tea Latte4. Flat White5. Dirty6. Shakerato～評分～ (5分滿分）環境：🦦🦦🦦🦦🦦食物：🍯🍯🍯🍯🍯服務：🐻🐻🐻🐻🐻總分：💛💛💛💛💛地址：Life? (中環)中環伊利近街2-4號1樓…Read More