Boboy30's Profile

之前試過透過外賣平台訂購紅磡川味香，宵夜時段亦有供應之餘可以跨區送餐，但串燒始終還是堂食即燒即食風味最佳，燒菠蘿 ($25/串) 雖然平凡但仍是串燒必食，燒過後甜度更高亦更香甜多汁。扇貝 ($35/隻; $65/兩隻) 舖滿蒜蓉十分惹味，還有鮑魚、海蝦等海鮮，以及倉魚、青花魚、馬友魚、秋刀魚等多款魚類。豬大腸 ($30/串) 清理乾淨不帶羶臭，另外還看到有一人套餐、二人套餐、四人套餐及海鮮二人套餐，選擇困難症必點。…Read More

朋友在OpenRice購買了銅鑼灣串燒王的$100現金券，萬聖節慶祝過後三更半夜想找宵夜正好可以大派用場，銅鑼灣店由晚上六時營業至清晨六時，完全是夜貓的福音！不算太餓所以只點了豬大腸 ($25/串)、雞腎串 ($28/兩串)、大墨魚咀 ($28/串)、生猛海花蝦 ($88/六隻)、韭菜 ($15/串)和菠蘿 ($22/三塊) 一同分享，豬大腸清潔乾淨毫無異味，口感爽脆，令不吃內臟的朋友都刮目相看。生猛海花蝦體形比想像中更大，肉質結實不會霉爛。…Read More

曾經光顧紅磡川味香，經過看到店名大同小異的川味王，細看餐牌上原來有寫明大家其實是不同分店，難怪食物款式亦相當類似。蒜蓉扇貝帶子 ($70/兩隻)、蒜蓉花甲 ($58)、蒜蓉炒海中蝦 ($128) 等海鮮加上蒜蓉向來都是惹味之選，原條火箭魷魚筒($70) 肉質爽彈；燒雞腎($28/兩串; $78/六串)和醬燒墨魚咀($26)爽脆香口，看到還有麻辣小龍蝦 ($158) 和蒜蓉小龍蝦 ($158)兩款小龍蝦看似都相當吸引，下次再試。…Read More

尖沙咀又新開咗一間主打omakase嘅日本餐廳，不過最近禁止晚市堂食所以就去咗試下佢哋嘅lunch set先，有唔少款式而且價錢都好合理。值得一讚嘅係店員服務態度好好，會主動介紹嘢食又好勤力幫手斟茶嗌咗個$298嘅豪華刺身定食，有六種刺身同飯仲包埋沙律、茶碗蒸、味噌湯等等，份量唔多但每樣刺身都好新鮮，個飯都粒粒分明另外更加正嘅係$368嘅和王海膽丼，和牛雪花紋超靚，油脂豐富又唔會韌，再加埋新鮮嘅海膽真係奢華享受…Read More

主子啊主子快d黎啦旺角URBAN CAFE 嘅主題係貓主子俾左個機會 我地呢d奴才 近距離接觸主子黎個與貓共餐是日沙律🥗清新可口 有我最愛嘅芝麻醬加埋菠蘿🍍一齊食酸酸甜甜😘溫泉蛋雞絲日式胡麻醬野菜沙律雞絲外皮脆內嫩滑 配上溫泉蛋😘 冬蔭功野菌義大利飯陣陣冬蔭功香氣撲鼻 忌廉減低辣度唔太食得啦辣嘅日 一定愛上鹽燒鯖魚+黑椒醬鯖魚肉質結實 少骨 配上黑椒醬 配搭更突顯鯖魚嘅味道台式鹽酥雞排+黑椒醬大大雞扒酥脆口感 外皮佈滿椒鹽 肉質嫩滑令我迷上佢 份量頗多 細食嘅人 可以同人share草莓荔枝花茶淡淡草莓香 令人開胃許多香草薄荷巧克力濃濃薄荷味道帶點香草香味 好好彩得到好多主子寵幸❤❤留意到主子各種 性格有d想瞓覺有d好貪食有d好調皮😝樂趣極致❤❤❤…Read More

Jrink本店位於大坑，但後來闊別兩個多月，終於在尖沙咀K11開設新副線飲品店Tea Express Bar by Jrink，雖然之前從未光顧大坑店，不過卻是對其一系列茶飲大感興趣，尤其是聖誕限定的草莓抹茶幫幫最令人垂涎三尺。Strawberry Matcha Bonbon ($48)下單後可以目睹店員即席以茶筅刷泡抹茶，加入日本士多啤梨果蓉同北海道鮮奶基底之上，甜度輕微令抹茶甘香份外醇厚；底層士多啤梨果蓉酸甜有致，果香天然毫不帶藥水香精之感；雖然士多啤梨同抹茶兩部分各自表現出色，但始終兩者之間並不算相當融洽，充分攪拌均勻後亦無可避免口味偏頗不均，喝到士多啤梨果蓉時抹茶味就顯得微不足道，反之亦然。事實上，整杯飲品精髓所在在於面層堆積如山嘅抹茶忌廉，質感幼滑如絲而抹茶濃度亦相當出眾，初嚐一啖後完全欲罷不能，尚未開始飲用底部飲品前便已經吃了八成忌廉，尤其是忌廉上加上脆米豐富口感，即使單吃忌廉亦彷如品嚐一款獨立甜品一樣毫無膩感，喝罷整杯飲品後，禁不住連僅餘留在杯邊的忌廉亦刮得一乾二淨。整體而言飲品質素其實甚高，雖然價格較一般茶飲店高，但感覺上物有所值，畢竟香港大多數抹茶飲品都只以現成抹茶糖粉或抹茶鮮奶沖劑製作而成，確確實實以茶筅刷泡抹茶盡展茶道的確是難能可貴，只不過個人口味問題仍然覺得抹茶和士多啤梨分道揚鑣會比較好，但下次仍會為著其他飲料如芝士抹茶丸丸再度到訪。…Read More

「糧尾」永遠都係最令人苦惱既事之一，旺角除咗兆萬之外E出口亦都係另一個放題集中地，糧尾冇多餘錢但想食放題又怕中伏，揀咗呢間評價幾好嘅吉壽，之前朋友食過都話抵食。首先當然嚟一輪刺身，點咗三文魚、八爪魚、鮑片、甜蝦同北寄貝，用冰底座住刺身保持新鮮，賣相都整整齊齊一啲都唔求其。天婦羅炸漿薄脆，熱辣辣又唔會太油膩，壽司卷物體積細唔會好快就飽肚，最驚喜係花之戀上面嘅蟹籽好多之餘仲有三文魚籽。百幾蚊一位真係冇太大期望，但估唔到都合格有餘，應該係裝修過所以環境都幾乾淨企理，糧尾之選。…Read More

刺身同壽司都好新鮮刺身叫左三文魚，油甘魚，松葉蟹腳，大赤蝦，天使蝦，帆立貝，甜蝦等等，全部都大大件好好食，壽司就有花之戀、火灸芝士壽司...啲壽司都好有創意又好食，舊飯又唔會太大，食多幾舊都唔怕會好快飽。杯野飲好靚，又唔會太甜，正！啲串燒燒得岩岩好，唔會燶，雞軟骨同鰻魚都食左好多。除左串燒有牛脷，仲可以叫湯煮嘅食下，有乾有濕，如果鍾意食牛脷嘅話一定會欲罷不能，食完再食。玉子豆腐好嫩好滑，好想再食。牛柳粒好淋，有牛味，有鑊氣。蒜蓉粉絲蒸扇貝好入味，有大排檔嘅感覺，蒜蓉粉絲同扇貝好夾。避風塘金沙炒雞軟骨同避風塘炒太平洋魷魚鬚份量都好多，唔驚唔夠食。炸物一食落去就知唔係炸左好耐，因為咬落去係好脆好香，如果食榴槤嘅話可以試下個粒榴槤波，我覺得係最好食。除左好似其他鋪頭可以寫紙叫野野之外，呢到仲有個位係比人出去拎野食，生熟都有，仲有爆谷甜品可以任食!!…Read More

係厚福街一帶有唔少餐廳，單係蒸氣火鍋都已經有兩間，但係朋友話潮福裝修完想再幫襯一次，食過幾好咁，就一齊去試試，$338一位老實講係幾抵，單點要食到飽真係絕對唔止呢個價。先送上燒鵝同刺身拼盤，如果唔想食刺身拼盤嘅話都可以揀龍蝦，刺身肉質就真係一般，不過始終佢唔係日式餐廳唔可以要求太高。螺肉燉湯熱辣辣一盅上，湯料好多，飲完亦唔多覺口渴。海鮮我地揀左蟶子、扇貝、象拔蚌同龍躉，蟶子有沙，但其他都幾鮮幾大隻，仲會送蜆肉添。任食部分肉呀菜呀丸呀點心等等都可以任食，個人覺得牛肉粒係必食，好Juicy。最後飲完碗吸收曬上邊咁多種材料精華嘅粥，又棉又香，好滿足。…Read More

陸陸雞煲個名聽就聽得多，但食就真係第一次，多得朋友介紹，嚟到白布街呢間分店，見到都幾光鮮新潮完全無平時雞煲火鍋店嗰種局促嘅感覺。嚟到陸陸雞煲當然要點返個招牌陸陸雞煲，不過兩個人唔食得咁多，而且之後仲要打邊爐，就係咁咦點個例牌食下，BB辣但係都幾辣架而且幾入味，食完條脷會有種麻痺感。之後我地點左四寶丸、玉子燒、牛肉、菜、招牌百花芝士咸牛肉油炸鬼等等做火鍋配料，玉子燒拎嚟打邊爐都真係第一次，吸左辣湯口感軟綿綿一咬爆汁幾特別，但最特別都莫過於百花芝士咸牛肉油炸鬼，店員教路將肉反面放湯，咁樣肉就會熟而油炸鬼亦唔會變軟，又彈牙又脆口感好豐富，好好食！講真埋單價錢唔平有啲肉赤，但一次半次而且係幾特別幾好味嘅，任食就抵食，喪食唔嬲，呢度就好食，但好貴下，我覺得間唔中一次都可以。…Read More

連鎖快餐店黎講，Mos Burger算係比較高級嘅一間，一個套餐都比麥當勞貴近一倍。之前見到新推出既和牛漢堡，見到網上評價唔錯，不太熱衷於漢堡包嘅我都被吸引一試，近四十元一個嘅連鎖快餐店漢堡包的確唔便宜，升級為套餐後更要足足六十多七十元。特級和牛漢堡嘅漢堡厚身，不過唔算多汁，但係加上醬汁、煎蛋、番茄等等材料，的確唔差。炸雞塊非常香脆，尚算肉嫩，沾上醬汁後更加美味。意外驚喜其實是抹茶鮮奶，與Starbucks出品相差無幾，味道濃郁。雖然驚喜不大，但是方便快捷搭夠，隨時隨地可以一解漢堡癮。…Read More

Modos嘅雞蛋仔愈出愈多款，不過我每次嚟到都係一如既往會食返我最愛嘅積及橙朱古力雞蛋仔。積及橙朱古力雞蛋仔$23以依家坊間嘅特色雞蛋仔價錢嚟講唔算太貴，即叫即製熱辣辣，螢光橙色相當奪目。雞蛋仔唔算墜手，食落外脆內軟，而且質地係輕盈一啲，唔會好滯，味道完全就同積及橙朱古力餅一模一樣，中間嘅朱古力粒份量超多，有啲半溶有啲就似Oreo餅碎咁脆脆地，足料又好食。雖然情繫積及橙朱古力雞蛋仔，但係下次再嚟都希望試下其他人推介嘅土鳳梨酥雞蛋仔！…Read More

街市熟食中心卧虎藏龍，細個嘅時候中意係依度食飯，久別重逢當然要大吃特吃，多數小菜一百蚊有找，十分抵食。茄子牛仔骨煲茄子煮得軟腍，牛仔骨亦夠入味，肉質唔韌，水準之上。平凡小菜韮菜豬紅小小辣，好開胃。椒鹽九肚魚即叫即炸，外脆內軟，亦唔會過鹹。家鄉蠔砵其實同砵仔焗魚腸相差唔多，不過焗蛋口感粗嚡，而且蠔仔量少，反而陳皮好多。油鹽水浸大蜆蜆肉肥大鮮甜，亦乾淨無沙。白灼墨魚味道清淡，配上Wasabi及刺身醬油，帶日式風味。比起大牌檔，呢度嘅室內環境較為舒適，更重要嘅係佢充滿童年回憶。…Read More

香港兩大咖啡龍頭之一嘅太平洋咖啡 成日都覺得唔夠星巴克勁 所以多數都去星巴克之前睡意不斷於是係附近買左杯咖啡提提神先繼續做嘢 可能係好攰 又可能因為太眼訓 又可能因為佢質素本身唔錯 發現太平洋嘅拿鐵的確幾好飲 咖啡又香又濃 仲要好順喉 有少少奶嘅餘香 平凡得嚟有驚喜 係拿鐵嘅支持之下 醒腦醒晨 繼續做嘢…Read More

IKEA餐廳一向平靚正 每次去到都有種食放題嘅感覺 狂食都唔洗驚銀包乾涸 所以幾乎冇一次去到唔係坐滿晒人 想搵個位都難最經典當然係瑞典肉丸 又平又好食 街邊篤魚蛋嘅價錢就食到又鬆軟又多汁嘅肉丸 十蚊五粒 仲連埋薯仔伴碟 務求令你唔飽唔得忌廉汁同紅果醬配肉丸都好match 估唔到甜嘅果醬配鹹嘅肉丸都可以咁好食 薯仔有啲硬 如果粉淋啲就最好 不過十蚊仲想點…Read More