MOS Burger

連鎖快餐店黎講，Mos Burger算係比較高級嘅一間，一個套餐都比麥當勞貴近一倍。

特級和牛漢堡

之前見到新推出既和牛漢堡，見到網上評價唔錯，不太熱衷於漢堡包嘅我都被吸引一試，近四十元一個嘅連鎖快餐店漢堡包的確唔便宜，升級為套餐後更要足足六十多七十元。

特級和牛漢堡

特級和牛漢堡嘅漢堡厚身，不過唔算多汁，但係加上醬汁、煎蛋、番茄等等材料，的確唔差。

炸雞塊非常香脆，尚算肉嫩，沾上醬汁後更加美味。

抹茶鮮奶

意外驚喜其實是抹茶鮮奶，與Starbucks出品相差無幾，味道濃郁。

雖然驚喜不大，但是方便快捷搭夠，隨時隨地可以一解漢堡癮。