Lean Hop Restaurant

街市熟食中心卧虎藏龍，細個嘅時候中意係依度食飯，久別重逢當然要大吃特吃，多數小菜一百蚊有找，十分抵食。

茄子牛仔骨煲

茄子牛仔骨煲茄子煮得軟腍，牛仔骨亦夠入味，肉質唔韌，水準之上。

韮菜豬紅

平凡小菜韮菜豬紅小小辣，好開胃。

椒鹽九肚魚

椒鹽九肚魚即叫即炸，外脆內軟，亦唔會過鹹。

家鄉蠔砵

家鄉蠔砵其實同砵仔焗魚腸相差唔多，不過焗蛋口感粗嚡，而且蠔仔量少，反而陳皮好多。

油鹽水浸大蜆

油鹽水浸大蜆蜆肉肥大鮮甜，亦乾淨無沙。

白灼墨魚

白灼墨魚味道清淡，配上Wasabi及刺身醬油，帶日式風味。

比起大牌檔，呢度嘅室內環境較為舒適，更重要嘅係佢充滿童年回憶。