alexalee's Profile

每次行過尖沙咀漢口道，都見到✨樂意點心門口排晒長龍，成日都好奇，究竟有咩咁好食，會咁多人排隊等？🤪今次終於食咗佢哋嘅 絕配套餐，仲加咗啲點心同飲品，真係食到停唔低口！環境舒適，服務親切，喺尖沙咀呢個地段黎講，性價比真係好唔錯！✨荔枝玫瑰茶話說佢哋嘅茶選擇好多，除咗傳統嘅香片、普洱、菊花，仲有啲特別嘅選擇，例如白桃烏龍同荔枝玫瑰茶。我揀咗荔枝玫瑰茶，飲落真係好舒服！有淡淡嘅荔枝甜味，仲有玫瑰嘅花香，解膩又令人心情愉悅。✨籠仔金針雲耳蒸雞飯 + 臘腸（另加 $10）金針同雲耳吸晒雞汁嘅鮮甜，配上軟糯嘅米飯，每啖都好有層次感。特別加咗 $10 嘅臘腸真係神來之筆，油香滿溢，同豉汁嘅鹹香好夾，撈勻一齊食，簡直係停唔下來！✨雲腿雞腳燉鮑魚湯呢個湯真係套餐嘅靈魂！一上枱就聞到濃濃嘅火腿同雞湯香氣，湯頭好醇厚但完全唔膩。湯料好有誠意，有隻迷你鮑魚彈嫩，雞腳燉到軟糯入味，飲落暖胃又滋潤，真係身心都滿足！以套餐湯品黎講，質素遠超預期！✨白灼菜心菜心爽脆又多汁，簡單嘅白灼做法突顯咗食材嘅新鮮，作為配菜幫忙平衡其他濃味嘅菜式。✨豉椒蒸排骨 ($25)排骨蒸得軟嫩入味，豉椒嘅香氣好濃，仲有少少辣味提鮮，食到胃口大開！份量適中，適合同其他點心一齊share，熱辣辣食係最好味。✨蟹籽燒賣 ($19)皮薄餡靚，蟹籽點綴加分，入口鮮甜多汁，熱騰騰食風味最佳。✨鮮蝦腐皮卷腐皮炸得香脆，內裡嘅鮮蝦彈牙多汁，口感對比好強烈。調味唔會太重，保留咗蝦嘅鮮甜，係一款經典嘅點心。✨越式米網炸兩腸 ($35)呢道越式炸腸外皮酥脆，內裡軟糯，米網嘅口感特別，為整道菜加分。✨樂意水果茶 ($16)水果茶真係一個驚喜！新鮮生果份量多，飲落清爽又解解膩✨蛋散 ($22)蛋散香脆可口，蛋香好濃，係一款簡單但好正嘅甜點。下次再黎，會想試吓其他點心拼盤，期待有更多驚喜！樂意點心📍尖沙咀漢口道19-21號地舖…Read More

北角與炮台山之間的電氣道，藏著一間低調卻驚喜連連的上海菜館——太元樓。從兩個地鐵站步行過來不到10分鐘，無意中路過時被門面吸引：氣派典雅，但一看餐牌價格卻親民😍！餐廳燈光柔和，座位舒適。作為傳統中菜館，茶位、前菜一應俱全，服務員態度親切！前菜:涼拌木耳青瓜一上桌的前菜就令人驚喜！涼拌木耳青瓜份量超多，爽脆有嚼勁；青瓜新鮮清甜，微微酸辣調味，開胃解膩。海底椰百合燉竹絲雞湯品選了海底椰百合燉竹絲雞湯，清潤不膩。竹絲雞嫩滑，湯底帶淡淡藥材香，海底椰與百合增添清甜，喝一口暖入心脾，養生又美味。炒鱔糊濃郁香滑，鱔魚處理得乾淨無腥，配飯一流。奶油津白奶油香氣四溢，津白爽口，鹹甜平衡。秋季限定：大閘蟹系列，蟹粉小籠包必試！🦀秋天當然要試蟹粉小籠包（$88）！每顆都像「汁水炸彈」——皮薄透光，咬下瞬間，蟹黃湯汁爆漿湧出，鮮甜濃郁！蟹粉細膩，豬肉餡豐美，薑絲提香，層次豐富，一口一個，滿足感爆棚。秋季限定，錯過就要等一年！每日優惠：晚市5:30後入座，消費滿$200，只需加$1即可追加一道美食！推招牌海鮮炒飯，一大碟料滿滿，蟹肉粒豐富，米粒晶瑩，超級抵食！太元樓以正宗上海菜為主打，傳承經典，同時加入創意。秋季大閘蟹系列是亮點，蟹粉鮮美、口感豐富，絕對是蟹迷必試！加上親民價格與$1加菜優惠，性價比無敵。…Read More

今晚朋友升職加人工請食飯☺️我特登揀🌸花晨月夕，叫佢嘅Omakase Moon🌙之前已經覺得賣相靚到爆燈，只係打卡都值回票價！🤣先付（開胃小食）一開始有鹽焗銀杏、落花生、石川小芋、龍珠果，脆口香脆，跟香魚甘露煮*師傅用甘露煮法，連骨頭都軟到可以吞落肚！配埋水雲（清爽帶酸），即刻開胃！刺身五款（Sashimi）刺身部分勁過癮：深海池魚：巨大氮氣泡爆破一刻，好似揭幕畫作，魚肉細緻微甜，捲甜蝦加魚子醬、紫蘇花，海洋味延綿不絕，入口即化！鱈魚白子：滑溜滋潤，養顏神器！配蔥花蘿蔔去腥提鮮，完美。 北海道白象拔蚌：清甜鮮爽，淋青檸汁，彈牙到飛起。北海道蟹配海膽：紫菜捲蟹肉同creamy海膽，海膽濃郁！時令秋刀魚二食：原味甘香濃郁，火灸後魚油香更突出，兩款都驚喜🔥。御料理銀鱈魚朴葉燒：經典味噌燒，魚皮脆juicy，甜鹹味噌滲入每絲魚肉中！壽司十貫（Nigiri）師傅手握壽司功架勁穩，醋飯溫熱酸度啱啱好深海池魚：清爽開場。帆立貝：厚實鮮甜，輕按界花易入味。靜岡白三文魚：油脂豐厚，入口即化！鮫鰈魚：緊實爽口，頂燒魚邊加油香。金目鯛：清雅柔韌。 北海道銀鱈魚：火灸油香逼人，幼滑豐腴！ 鰤魚、喜之次:輕燒魚油橙紅皮酥香和歌山大拖羅:粉紅脂香軟腍北海道海膽：灑淡雪鹽+金萡，甘甜即溶，超多料好食😋，齒頰留香！大蜆清湯（吸い物）清甜解膩甜品有提子、赤蜜瓜，完美的一餐。整體嚟講，呢間Omakase 食材新鮮時令，而且啲嘢食好靚好適合打卡😍，尖沙咀位置在尖沙咀都超方便…Read More

最近同舊同事相約搵食，來到觀塘的✨Foodhall by Moon Thai，一間以泰國菜為主打的Fusion餐廳。餐廳位於觀塘宏利廣場，地點方便，環境闊落，設計現代又帶點泰式風情。落地大玻璃窗讓自然光灑入，景觀開揚，令人感覺放鬆又Chill。餐廳有唔少卡位同大枱，坐得舒服，適合同朋友或家人聚餐。最重要係唔使排長龍，隨時Walk-in都OK，真是一個大加分！烤香茅豬頸肉 ($58)*豬頸肉烤得外焦內嫩，帶有濃濃嘅炭火香同香茅嘅清新味道。肉質Juicy，份量亦唔少，配上餐廳自家製嘅酸辣汁，酸酸辣辣好開胃，完美解膩！ 瑪莎曼咖哩牛肉 咖哩香濃得來唔會過膩，牛肉煮得軟腍入味，馬鈴薯鬆化，仲有陣陣香料嘅誘人風味。呢款咖哩同白飯一齊食，簡直係人間美味！ 濕炒豬肉河粉*河粉炒得乾身但唔乾，豬肉嫩滑，醬汁調味恰到好處，帶點鑊氣，經典泰式街頭風味芒果糯米飯 甜品環節當然唔少得經典芒果糯米飯！芒果新鮮甜美，糯米軟糯香濃，淋上椰汁，甜而不膩。 斑蘭椰汁千層糕層次分明，斑蘭香氣撲鼻，椰汁味濃郁，口感軟滑，每一啖都好滿足！店員態度友善，服務效率高，上菜快。餐廳空間大，座位安排寬敞，坐得耐都唔會有壓力，適合慢慢享受美食同朋友傾計。價錢方面,食物質素同份量對得住價錢。會再約朋友過來食😆…Read More

喺銅鑼灣嘅✨鮨山月，店內環境簡潔優雅，師傅喺吧枱前精心製作壽司，根據客人嘅進食速度上菜，忙碌但一絲不苟，完全感受到用心同專業！💖 早幾就去食咗一個午市 omakase 😋前菜開場* **蝦肉 + 白飯魚 + 海苔茶碗蒸**：蝦肉鮮甜彈牙，白飯魚細膩，海苔汁蒸蛋滑嫩香濃，口感順滑鮮甜，暖心又滿足。 前菜4品前菜真是一個完美嘅開場！😍鮫鰈魚配柚子醋：魚肉爽脆，柚子醋酸香清爽，醒胃一流！北海道赤貝配青瓜昆布順菜：赤背鮮甜青瓜爽脆，昆布同順菜增添鮮味，仲有蒟蒻嘅Q彈口感，層次豐富！紫菜包帆立貝：size超豪華，啖啖肉！外焦內嫩，豉油香氣撲鼻！🥰燒目光魚：有一夜干的做法，魚肉嫩滑，帶陣陣魚油香，微焦嘅鹹香令人回味。手握壽司10貫壽司真是一個接一個嘅驚喜！🍣深海池魚：細膩鮮甜，入口即化。北海道秋鮭：肥美甜美，令人滿足甜蝦：用上蝦高蝦頭,昆布鮮甜備長炭銀雪魚：燻燒油香，口感細膩。手押靖魚棒：清關西風格，獨特風味。吞拿魚赤身：醬油漬吞拿魚🍣顏色艷紅，鮮味濃郁。中拖羅：油脂香濃，入口即化，滿口幸福感！😋 拖羅(脂肪分布均勻，入口即化)池魚壽司配薑蔥醬鰈魚群邊壽司：燒過後的鰈魚充滿油脂，夾住紫菜， 滿足魚籽海膽壽司杯：大大粒釣魚籽帶海水味，配上肥美豐腴嘅 紫海膽，濃郁creamy，三文魚子爆汁鮮甜，雙重鮮味令人陶醉！🥰卷物吞拿魚蓉手卷：吞拿魚蓉細膩鮮香，內有脆脆黃蘿蔔粒，海苔脆口，飯團緊實，食落好滿足！湯品麵豉湯：湯內有鮮菇同葱粒，暖笠笠好暖胃。甜品開心果雪糕：每啖都充滿濃郁嘅開心果香，甜而不膩，為呢餐畫上完美句號！🍨師傅嘅手藝同食材嘅新鮮度令人佩服，無論係視覺定味覺都滿分！🥰強烈推介愛日式料理嘅朋友去試試，保證唔會失望！…Read More

就到紀念日，想搵一間較好的餐廳慶祝❤️Book左上環呢個隱秘角落，七點鐘準時開門，推門入去就覺得好有氣氛。餐廳只有十來個位，師傅可以專注地服務每一位客人店員好細心，一入座就問要凍茶定熱茶，等緊菜式上枱嘅時候，仲送埋嚟一碟小食鱈魚乾，脆脆香香，邊食邊望住師傅喺開放廚房度認真準備食材，簡直係視覺同味覺嘅雙重享受。呢度無大堆餐單，只有一個固定套餐，輕鬆自在，專心食就好。✨前菜六品✨✨北海道稿蝦彈牙鮮甜✨福崗粒貝配沖繩海白菜，粒貝好脆，海白菜微酸好開胃✨越前港松葉蟹膏滑到爆燈✨神奈川太刀魚火炙過，魚肉嫩滑，配埋酸酸嘅洋蔥汁，香氣層層疊加✨北海道外海秋刀魚刺身，魚油味超突出，鮮甜到不得了，爽滑質感加薑蔥，魚油香氣喺口腔徘徊好耐✨青森慢煮鮟鱇魚肝似食緊軟綿綿嘅慕斯蛋糕，配醬油啫喱解膩✨壽司九貫轉入壽司環節，九貫一貫比一貫精😍✨鹿兒島真鯛清甜彈牙✨伊豆半島金目鯛油潤✨富山鰤魚肥美✨石川鰆魚滑溜✨北海道帆立貝新鮮到似剛撈起✨醬油漬赤身係完全無血腥味，入口即化✨伊根拖羅入口即溶，肥而不膩。✨北海道馬糞海膽，甜到心都溶埋，creamy質感滑溜溜，配米飯一啖天堂✨鯖魚卷炙燒過，魚油香滿溢，配醋飯酸甜平衡✨ 太卷 (我要求薄切XD)入面塞滿瀨尿蝦、車海老、吞拿魚蓉等，每啖都係唔同口感大爆炸。清新帶甜，脆脆軟軟✨Soup & Dessert湯品係鯛魚湯，奶白濃厚到極點，鮮味滲入骨髓，暖返個胃，就算好飽都忍唔住成碗飲哂，超滿足。最後甜品選雪糕，朱古力餅同密瓜三重奏，甜度剛好，解膩又回甘，完美ending！總括嚟講，鮨定山唔單止係食日本菜，師傅手勢一流，食材新鮮到爆，環境靜靜地，適合想享受的你❤️鮨定山香港上環永樂街50號昌盛大廈1樓…Read More

山洞食堂我之前已經約過朋友嚟食今次同朋友慶祝生日再過嚟相比一般韓燒店少了喧鬧感，適合同朋友傾吓偈以岩石壁和木質簡約設計打造出別具一格的山洞氛圍~幾有feel日本產和牛肩肉盛 ($398)和牛肩肉盛油花分佈均勻，肉質嫩滑，入口即化。搭配餐廳特製醬料，味道層次豐富，牛肉香氣濃郁，令人回味鵝肝多士 (2件, $128)鵝肝煎得外脆內軟，入口濃郁香滑，超大片鵝肝搭配酥脆的多士，口感對比非常討喜。蔥燒厚切牛舌 ($228)牛舌切得厚實，燒烤後外層微焦，內裡保持juicy口感，搭配清爽的蔥花，完美平衡油膩感。牛舌本身的鮮味突出，質感爽脆。醬油蝦 (4隻, $168)醬油蝦醃製入味，蝦肉鮮甜彈牙，帶有淡淡的醬油香氣。嚴選牛骨髓石頭鍋飯 ($198)牛骨髓的濃郁香氣融入米飯，搭配蛋黃和配菜，店員現場攪拌，香氣四溢。飯粒粒粒分明，底部還有少少脆香的飯焦，味道豐富。韓式泡菜煎餅 ($98)煎餅外脆內軟，泡菜的酸辣味突出，帶有微微的辣度。相比其他菜式煎餅的驚喜度稍低，屬於中規中矩的韓式小吃。荔枝梳打 ($42)清新的荔枝味配上氣泡，甜而不膩，作為燒烤的解膩飲品非常合適。店員提醒飲用前攪拌。西柚乳酸梳打 ($42)西柚的酸甜與乳酸的順滑口感結合，氣泡感十足，十分清爽。法式雜苺熱香餅 ($88)甜品部分是意外的驚喜！迷你熱香餅鬆軟香甜，搭配新鮮雜苺和忌廉加糖漿果醬，酸甜平衡，份量適中。山洞食堂整體菜式價格不算是便宜，但與食材質素和用餐環境相比，是媽媽你話物有所值。…Read More

位於大埔超級城嘅喫茶ちょうぼ，一入到去就俾佢濃濃嘅昭和和風feel同懷舊裝潢吸引住，仿似返咗舊時日本。暖色調嘅木系餐桌、典雅嘅傢俬，環境寬敞又舒服，一秒愛上呢間日式喫茶店嘅氛圍。✨夕暮夜煙燻牛舌蛋包飯呢個蛋包飯真係不得了！用日本廣島白雞蛋整，蛋皮嫩滑到似絲，包住粒粒分明嘅炒飯，上面仲鋪滿厚切煙燻牛舌。牛舌經炭烤，肉質軟腍，帶住濃濃牛味同微微炭香，淋上微甜醬汁，層次超豐富。店員會喺你面前幫你切開蛋包，蛋液慢慢流出，混入炒飯同醬汁，望到都流晒口水，食落大滿足！✨喫茶夏祭屋台小吃盛呢個拼盤好似將日本夏日祭典嘅屋台小食搬咗上枱，滿滿節慶氣氛！入面有：唐揚炸雞：外脆內嫩，灑咗蔥油同香菜，香到飛起！迷你章魚燒：外皮微脆，內餡軟糯，配美乃滋同柴魚片，正宗日式風味。醬油團子：Q彈嘅糯米團子，沾上甜鹹醬油，食到停唔低。車厘茄漬物：酸酸甜甜好開胃，解膩一流。粟米：簡單但香甜，為拼盤加分。每款小食都整得精緻，份量啱啱好，同朋友share一流，食完有種喺祭典食小食嘅快樂！✨屋台風蒜香大蜆意粉呢碟意粉用濃郁蒜香做主角，配上新鮮大蜆，鮮味爆棚。意粉煮得啱啱好，吸晒蒜香同蜆汁嘅精華，口感彈牙，味道濃而不膩，係日式同西式料理嘅完美mix。✨夏夜花火白桃刨冰以夏日煙火為靈感，呢款刨冰真係消暑神器！細滑嘅碎冰堆成小山，淋上香甜白桃糖漿，上面鋪滿新鮮白桃果肉，入口冰涼又清甜，白桃香氣好濃。酸甜平衡，賣相靚到爆，影相打卡絕對無得輸！✨夏祭金魚梳打 & 煙火物語白桃梳打兩款飲品都好吸睛！夏祭金魚梳打用清爽梳打汽水配繽紛金魚橡皮糖，望落好靚，甜度啱啱好，嗜甜嘅朋友一定愛死。煙火物語白桃梳打就以白桃汁為主，酸甜清新，同刨冰好match，為餐點畫龍點睛。蛋包飯嘅口感、屋台小食嘅豐富多樣、刨冰同梳打嘅清涼甜美，每款都好有心機。推介畀鍾意日式料理同懷舊氛圍嘅你！…Read More

係尖沙咀海港城行街行到攰，就去咗一間韓國燒肉店。餐廳嘅裝修優雅，環境乾淨寬敞入座仲有七款韓式前菜同醬料免費提供，自由搭配，味道正宗，令人有種置身韓國嘅感覺！💯日本產和牛肩肉盛 $228和牛肩肉質鮮嫩，入口完全唔會韌，帶有恰到好處嘅咬口。燒烤後外脆內嫩，油脂香濃，配上鹽或醬油，絕對係燒肉愛好者嘅首選！🥩燒鵝肝多士 $195鵝肝份量十足，入口即化，充滿濃郁油香，配上香菇同多士，口感同味道完美平衡，令人滿足感爆棚！😋蔥燒厚切牛舌 $178適厚切牛舌燒烤時香氣四溢，肉質爽滑有彈性（食完先至發覺,我哋個牛舌走咗蔥😂醬油蝦 $188醬油蝦每隻都好大，醃製入味，肉質肥美彈牙嚴選牛骨髓石頭鍋飯 $225石頭鍋飯充滿飯焦香氣，配料有冬菇同牛肉碎，口感豐富，飯粒香脆，令人一試難忘。每一啖都充滿濃郁嘅牛骨髓香味，真是一個驚喜！🍚韓式泡菜煎餅 $132煎餅份量超大，切成小塊方便分享，泡菜嘅酸辣味好開胃，口感外脆內軟，食極都唔膩，超值！🥟荔枝梳打 $42荔枝味濃郁，紫色嘅梳打水唔單止好飲，仲好靚，絕對係打卡必備！提子梳打 $42口感清新，同樣值得一試。配搭多款韓式前菜同醬料，味道正宗又豐富。特別適合同家人或朋友一齊嚟聚餐,而且抽風系統非常出色，食完燒肉都唔會滿身油煙味，令人好舒服。店員態度友善，主動幫手燒肉，仲會貼心提醒每款肉嘅最佳熟度，確保肉質發揮到最好，完全唔使擔心燒過龍。…Read More

同班朋友去左Megabox 買野~去左食翡翠江南，因為係好耐無食過正宗上海菜喇!雞絲粉皮雞絲粉皮真是一個好開場！粉皮滑溜溜，配上鮮香嘅雞絲同清爽嘅調味，醬汁輕盈唔會太膩，作為前菜岩岩好!原條東坡牛肋條原條東坡牛肋條真是一個大亮點！牛肉入口即化，肉質嫩滑多汁，醬汁濃郁又帶點甜味，同牛肉嘅鮮味好夾，每啖都好有層次感，絕對係正！乾煸四季豆乾煸四季豆火候掂到不得了，好有獲氣。唔會太油膩，十分好下飯!江南鮮魚湯泡飯湯頭清淡但好鮮，魚肉滑嫩，配上米飯吸收咗湯汁嘅精華，每啖都充滿魚鮮嘅香味。上海小籠包（4隻）小籠包真是一個經典！皮薄餡靚，湯汁多到不得了，一咬落去，肉汁四溢，口感一流！配上醋同薑絲，味道更加出眾。用筷子夾起小籠包，湯汁穩穩鎖喺入面，唔會即刻穿，食落可以感受到整顆小籠包喺嘴入面肉汁同皮，一個字：正！每道菜都睇得出廚師嘅心思同手藝，特別係東坡牛肋條，味道同賣相都好掂，強烈推介！上菜速度啱啱好，唔會太趕，可以慢慢品嚐。服務員態度親切有禮，服務周到，翡翠江南地點：九龍灣宏照道38號企業廣場5期MegaBox 6樓2號舖…Read More

聽朋友介紹$359就可以享受到高質素的日本和牛放題😍非常抵食！今次去開尖沙咀就去試吓先😋環境靚同埋10分整齊，見到店員會好細心去抹自助區嘅醬料同埋其他食材的專區👍真心抵讚👍坐低之後店員細心推介，同埋要注意嘅地方，服務態度好，令人感到好舒服。✨蟲草花白玉藏珍鍋我哋選咗清熱解暑又養生嘅蟲草花冬瓜盅，湯底清甜又生津，加埋鮮蝦同蟲草花，滋潤又養顏！ ✨奈和牛奈和牛以其緊緻而富有彈性的肉質著名，唔似一般過於油膩的肥牛。佢哋嘅油脂分布非常均勻，入口即溶，食落去唔會覺得膩，真係令人驚喜❤️。 ✨各款牛肉牛品嘅牛肉部位選擇非常之多，包括日本極品奈禾牛、美國特級牛小排、加拿大頂級牛板腱等等。每款肉質都好靚，牛小排質素高，肉質嫩滑，可以不停encore！ ✨各式海鮮海鮮方面，各種都好新鮮，包括青口、小墨魚、蜆等等，每一款都超新鮮！套餐仲會送每位一隻鮑魚，真係超抵😍。✨熟食區✨飲品區話明係台式火鍋,梗係有好多台式飲品啦！長長嘅飲品櫃,全部都係台式特飲,好似去咗台灣咁呀！✨甜品區餐廳特設自助刨冰機，加上多種配料，讓客人自由搭配，非常好玩🤪Häagen-Dazs雪糕更係四款口味任食,係雲呢拿,朱古力等真係好誠意❤️。Like Facebook IG 小紅書或者抖音仲可以免費領取西瓜烏龍奶蓋或芒果多多添😍牛品台式火鍋無論係環境、食物質素定服務都非常出色，特別係價錢同質素性價比很高。下次一定會再嚟！🥳…Read More

早幾日係K11行街，見到地下呢間店有✨好多海鮮丼飯~價錢中等, 就同朋友一齊試下~這間餐廳的環境乾淨整潔，使用自動販賣機點餐，非常方便👍雖然座位不多，卻是快食的理想選擇，特別適合忙碌的上班族或想快速用餐的食客👍✨招牌海鮮丼 配醋飯 ($78)這道招牌海鮮丼絕對是一大亮點！新鮮的三文魚籽、鰻魚、三文魚、小貝柱、八爪魚和吞拿魚等多樣海鮮，色彩繽紛，讓人一見就食指大動。海鮮的鮮味搭配的醋飯酸甜適中，口感層次非常豐富。✨炙燒三文魚丼 配半白飯半菜 ($80)這道炙燒三文魚丼的三文魚表面微焦，散發著誘人的香氣。半白飯半菜岩曬我呢d輕食人仕👍經典的刺身醬油與三文魚白飯好夾，好好下飯✨醬油炙燒三文魚醬油炙燒三文魚外脆內嫩，醬油的鹹香提升了魚肉的鮮味餐廳的環境和便捷的點餐方式，附近的上班族或想快速用餐的食客可以一試呀📍哲ぺい食堂 TEPPEI SYOKUDO(尖沙咀)🏠尖沙咀河內道18號K11購物藝術館地下G21及G22號舖…Read More

去銅鑼灣唔知食乜嘢好？之前朋友介紹過我食日式牡蠣嘅居酒屋「牡蠣小屋」😚有好多唔同嘅日式嘢食，仲要係日本人主理，夠晒地道！有生蠔、焗蠔同埋其他日式嘢😍✨六種食法生蠔我哋就係為咗生蠔過黎，六種食法包括：泰式蕃茄秋葵生蠔醬油伴金桔墨西哥辣椒蕃茄芥末烤牛肉 櫻花果凍酸奶油伴三文魚子 每種醬汁都襯托到生蠔嘅鮮味，我最鍾意係醬油伴金桔，提鮮又增加清新感，真係好特別。✨和牛卡爾帕喬和牛夾埋生洋蔥，淋上少少酸的醬汁十分開胃✨特上刺身拼盤（2人份）$490刺身拼盤擺盤精緻，分量十足，入面有六款刺身，包括牡丹蝦、帆立貝、燒吞拿魚、油甘魚、白身魚同海膽海膽好鮮甜✨枥尾油炸豆腐伴魩仔魚 $78油炸豆腐外脆內嫩，旁邊有薑蓉，先放落醬油再食，或者加上白飯魚仔，一啲都唔油膩。✨蒜香辣椒牡蠣八爪魚意粉呢道意粉嘅蒜香濃郁，牡蠣同八爪魚搭配得宜，海鮮味十足。牡蠣與意粉炒香，蒜香濃郁，辣味適中，八爪魚粒彈牙新鮮。✨自家製法式栗子蛋糕 ($128)呢款幼滑栗子蓉，口感綿密，甜度適中，中間有冰凍雲尼拿雪糕，底層微暖蛋糕！連我朋友唔鍾意食栗子都覺得正🥰…Read More

早幾日又去咗啟德體育園行下😙而家已經越來越多新餐廳開咗。麵堂採用木系設計，搭配暖色系燈光，仲有一啲壁畫✨令人感覺溫暖舒適。主打台灣及東南亞麵食，仲有午市套餐同一人專享晚餐✨。裝潢寬敞明亮企理乾淨，店員服務有禮。呢度採用自助掃碼下單，睇啱就自己叫~非常方便~我哋點咗🔸 泰式豬手配雞油香飯呢道豬手炆得夠入味，肉質超軟滑，醬汁濃郁，搭配雞油香飯🔸 醬油芽菜睇落去細細碟，原來勁多醬油芽菜清爽可口，作為配菜非常合適，可以平衡主菜嘅濃郁味道🔸 泰式單骨雞翼雞翼炸得金黃香脆，外層酥脆，肉質嫩滑，肉汁保持得好好🔸 虎蝦海鮮溏心蛋喇沙摻摻呢道喇沙湯底濃郁，虎蝦鮮嫩，溏心蛋滑嫩，配菜都多同夠食特別一讚✨就係呢度嘅嘢食上枱全部都係熱辣辣😙即使我哋幫襯時就嚟截單，啲嘢食都係出晒煙的，感受到係即時製作💪服務一百分✨😍…Read More

住得近近地，我好鍾意行啟德零售館🤣人唔算勁多，可以真係行吓休息吓😁係Food Gala見到📍石磨樂豆，佢地係本地自設廠房，嚴選A級加拿大黃豆，每日石磨鮮製。仲保留新加坡傅統小食，揉合香港地道特色風味，並不時推出季節限定款式添。爆餡芋泥肉鬆牛角酥 ($44)牛角酥外脆內軟，裡面嘅芋泥爆餡感十足搭配肉鬆，又咸又甜但一d唔怪，一定要試！椰乳仙草西米露 ($27)西米露椰乳嘅香味濃郁，仙草同西米粒口感滑順，而且好大碗，絕對夠2人食。朱古力碎豆冰樂 ($41)呢款碎豆冰樂朱古力味濃郁，碎豆嘅脆口感提升咗整體味道，朱古力迷一定要試。佢地間中會推出季節/期間限定款，最近出咗 豆花黃糖冰 / 開心果豆乳，仲有豬仔包同牛角酥等選擇。特別係凡買豆花黃糖冰，可以半價加購吐司，每杯可加購1件，實在好抵！而且所有吐司都可以免費升級為香脆豬仔包，加$5就可以轉為7吋牛角酥，真係好划算！各分店不時都會有甜品/飲品加購優惠，記得留意。…Read More