Cherryngws's Profile

旺角又有新蒲點可以約朋友仔食下野，傾下計，聽下歌啦。油麻地地鐵站一出就係，超級方便，食完搭地鐵又各自歸家，約哂新界九龍香港既朋友食都方便呀！餐廳有落地玻璃，通透見到街景，望落好新淨好光猛。裝飾雖然簡單，但環境都算幾舒適。主要食西餐，有set 有散叫， 今次同朋友試左set, 亦都叫左小食試下。餐湯轉配左龍蝦湯，好濃濃既蝦味，仲有好多粒蝦係湯入面，非常足料！試左一杯飲品是碟荳花蘋果茶，顏色好靚，漸收色咁，味道就過得去啦，唔太飲到蘋果味，但有小小蘋果蓉食到。小食點了黑松露薯條，仲加左芝士一齊焗，雖然係熱辣辣咁上，但黑松露味就唔太夠。主食這款是慢煮肉眼扒伴農夫菜，塊扒都算幾大塊，個汁同蘆筍蓉都好好味，肉質都幾淋，不錯。這碟是美國豬鞍扒伴夏威夷菠蘿。燒菠蘿好香好甜，豬扒唔會鞋口，肉汁都多，幾juicy。地點咁方便，環境又唔錯，可以encore !…Read More

趁放假前夕，同好耐冇見既朋友聚一聚，談下近況，又互相問候一下，傾下大家身邊近來發生既事。要搵個地方可以慢慢傾慢慢坐又有好野食既。。竟然係鬧市尖沙咀搵到呢間好地方呢間餐廳係商場二樓，都差唔多佔左半層，有好多枱，地方好大，用木去裝修，感覺好warm 好舒服。有好多就算一大班人都可以有大枱坐。睇睇menu, 飲品種類較多，食物相對比較少選擇， 食物相對比較少選擇，飲品有咖啡類，沙冰類，花茶、果茶等。食物方面就意粉，All day breakfast，仲有d 蛋糕可以選擇。餐廳係採用自助形式的，自己出去收銀台度點餐，再比一個震震機你，食物做好部機就會震，再拎部機出去拎餐。最後揀左帶子蘆荀海膽汁意粉試試，帶子有三粒大大粒，都幾新鮮幾有咬口，蘆筍相對比較幼細同少，但海膽汁意粉幾有味，意粉都煮得岩岩好。點了兩款飲品，一款是藍莓果茶，另一款是蘋果芒果沙冰。果茶好香，帶一點點酸味，幾清新幾開胃。沙冰就竟然唔會太冰，磨得好細粒，蘋果同芒果味都飲得到。可以慢慢坐慢慢傾，絕對係鬧市中一個寧靜的談心好地方。…Read More

係旺角一個咁方便既地方，竟然搵到性價比高既火鍋放題。呢日接近晚上6:30 到， 都已經有十幾枱食客享用緊，餐廳好大，座位寬敞。望落乾淨新淨。睇下餐牌有咩選擇先。有分各種肉類，唔同價錢既餐，因應個人口味選擇返想食咩肉，今次同友人揀左set b 。睇睇外面有咩配料先，種類好多，丸類都有10幾款，鴨仔魚蛋好可愛，仲有比較少會係放題出現既芝士獅子狗都有。正呀！仲有少少冷盆選擇。辣雞翼尖，手拍青瓜等，可以係個爐未滾時食住小食先。飲品種類都好多，最欣賞佢好多樽裝細細枝飲品，細細枝就可以快飲完試第二款啦呢間火鍋主打唔係推介湯底。我地就揀左壽喜燒湯底同清雞湯底。係湯未滾時，緊係食刺身啦！任食刺身，款款都新鮮，三文魚，吞拿魚，甜蝦，帶子， 連平時我覺得麻麻地既希靈魚都好好食！自助醬油區都係同一般火鍋放題選擇差唔多，都係有蔥，辣椒，蒜等等，令我欣賞既係枱面好乾淨整潔，因為好多時醬料區都會比人攪到好油好污糟！海鮮盛合超豐富，有龍蝦，鮑魚，青口，蜆，蟹，扇貝。全部都好新鮮，好鮮甜，又大份！雪糕就每人點一杯，都係哈根大師或movenpick 這間性價比真的超高！推介！…Read More

又到左一年既最後一日，緊係食餐好既慶祝順順利利，健健康康渡過左過去一年。就試下德國菜啦。可能好多人出哂去倒數，所以9點幾餐廳都冇坐滿，但都有好多食客用餐。裝修得幾靚幾企理，仲有棟聖誕樹，仲好有聖誕感覺。睇睇餐牌，有芝士火鍋，但因為天氣好凍同埋都想早點食完回家倒數，所以芝士火鍋留待下次多時間先試試啦！有傳統德國豬手，有德國香腸，牛排好似好大塊咁添，仲有意大利粉，意大利飯等等。啤酒都有好多選擇，鍾意飲酒既人一定要試下啦。另外仲有近期大熱既芝士奶蓋茶。$36 又唔貴喎！黎德國餐廳，緊係食德國豬手！由點單到上菜都等左幾耐，可能真係即叫即整，豬手拎到埋黎熱辣辣，天氣咁凍就岩哂！豬手好淋，都好大隻，仲配有一條腸，薯仔沙律同酸菜。薯仔沙律好好食，個沙律醬好好味。豬手除左淋之外，味道都岩岩好，唔會太咸又唔會太淡！另外仲點左炸魚薯條。炸魚好好味！岩岩炸起，外脆內軟，外邊好脆，入面魚肉好嫰好滑。薯條就正正常常，份量都幾多既。另外試左佢既芝士奶蓋，估唔到德國餐廳會做得咁出色，個人認為仲好飲過出名既賣台式飲品店。芝士奶蓋層做得好濃厚，好重芝士同奶味。而茶味方面又唔太濃，帶點香味！德國菜來說做得不錯，價錢都適中！…Read More

天氣凍凍地，又係時候食雞煲打邊爐啦。。打邊爐最緊要係咩？緊係睇價錢啦🤣🤣每人$200 樓下，食足2個半鐘！抵呀！今次總共4個人一齊拾下拾下。全部食物就係哂一張紙上面，簡單又易睇。連花膠都有，咁抵食！一定要試下個花膠啦！飲品都係自己到雪櫃拎，都有好多選擇，綠茶、烏龍茶、可樂、檸檬茶、竹蔗馬蹄汁。任君選擇。雪櫃都好夠凍，打邊爐再加凍冰冰飲品先至夠正！自助醬料區，有鼓油，辣椒粒，蔥粒，生蒜蓉同炸蒜蓉，自己選擇自己選份量。DIY 醬油實岩自己口味啦。有冇留意到張點餐紙冇蔬菜呢？打邊爐冇菜食？！原來蔬菜擺左係雪櫃，自己出去拎架！有清楚標示菜名，想食品手菜就拎咩菜，西洋菜，生菜，油麥菜，白菜仔，好多選擇。而且都新鮮嫩口，唔會老。平日晚上8點幾，都人山人海，坐無虛席，座位都好闊，坐得舒服既。個人推介特選黑豚腩片，花膠，同埋西洋菜！花膠每一份份量都唔少，而且補充骨膠原，正湯底選擇左栗米豬骨湯，個豬骨原來係燒豬骨，所以湯底好濃味食飽飽仲可以去食埋個雪糕甜品，自助雪糕機，想食咩口味，添加咩配料都係自己選。每人都係$200 樓下，食到攬住個肚，正！…Read More

星期一絕對係好灰的一天，假日後遺症的第一個工作天為左安撫下自己情緒，決定放工食餐好！呢排有少少愛上西餐，好想飲西湯同埋食肉！咁就試下呢間啦，成日都見餐廳入邊坐滿人架！星期一的晚上8點幾都咁多人，一入到餐廳，Waiter 先比左menu 我地，轉個頭就放低左個小食仔，面包同餅乾條，個醬又幾好味喎！Menu set dinner 就由$150-$220 咁上下，原來價錢都唔平喎！最後點左一個鮮虎蝦肉及車厘茄天做麵set, 板燒美國天然極黑厚切黑豬鞍扒。餐湯升級左黑松露牛肝菌磨菇湯。餐有跟一個沙律，有蘋果薯仔菠蘿同用沙律醋，好fresh 好開胃感覺。升級左餐湯，菇味好濃，食到有粒粒菇蓉，黑松露味就唔係好出。天使麵份量比預期中大，蝦都有4隻，麵質煮得岩岩好，唔太軟唔太硬，車厘茄既配搭，好有蕃茄味，酸酸地，都幾夾。蝦都新鮮爽口。個豬鞍真係好大舊架，配左薯蓉，肉質好juicy, 雖然好厚，但咬落去又唔會覺得硬，幾淋幾爽口。而且都幾大舊，份量一樣比預期大。叫左兩款飲品，左面是蕃石榴，右面是芒果益力多。兩杯飲品都幾甜，但味道都幾香幾好飲。最後仲試左檸檬青檸慕絲蛋糕，檸檬味好出，在最面有一層檸檬汁醬，食落好酸，但個蛋糕甜味又會中和返少少酸味，幾得意。兩人共食左$500幾，質素同份量都符合預期。值得試！…Read More

週末出去走走，開拓一下新的領域先，深水埗，長沙灣都出名多好野食，但又好多時都要排長龍，有排等，行下行下發現有間小店隱藏係到。門面好細，而且係街尾，超唔起眼，但見到入面都坐無虛席，而且睇睇menu 好似幾吸引。一於試下啦！餐廳裝修都有心思，成個車廂咁，仲有窗口用螢幕代替，仲不斷會播放影片，好似火車真係一邊行走，而你竟係火車車廂享用晚餐。個menu 好特別，完全係handmade 既，睇得出好有心機剪剪貼貼，所以我同友人兩本menu既設計都係唔同既，其實價錢都幾貴，不過見佢裝修得幾好，環境都幾chill, 就試下啦！是日餐湯：甘荀南瓜濃湯，兩種味都好濃，而且應該係真材實料打出黎，味道好原味，冇咩添加調味料，所以有好真實既味道。牛肩胛（6oz) 配蘆筍，黑松露波特菇擺盤賣相唔錯，白色的碎碎係牛油黎，等佢慢慢溶化滲入肉中，蘆筍煮得岩岩好，唔會有草青味。個菇竟然仲好食過舊肉，菇焗得岩岩好，但又唔會好多水份，又唔會乾，加上有蒜片同埋黑松露醬，超入味。 牛肉落單時waitress 已經講係5成熟，我應該肉質麻麻，雖然話牛肩胛，但肉質唔夠嫰口。慢煮三文魚配芥末醬，呢個份量比較細，但味道好好，三文魚好似煮到半熟咁，但個魚皮係脆口既，唔會覺得有魚腥味。呢杯係banana mango , 好簡單，就係香蕉同芒果，可能香蕉甜度遮蓋左芒果既酸，所以飲落唔會覺得好酸，係甜中帶少少酸，而且飲到有香蕉同芒果味，幾特別。最後埋單$500 左右， 雖然份量比較少，但食物質素好高。…Read More

同友人在尖沙咀食飽晚飯，又想搵個地方食甜品傾下計，原來尖沙咀都幾難搵到甜品舖，竟然行過寶勒巷，比我地發現到新野！舖頭睇落唔大，但幾精緻，而且好新淨簡潔。咁就吸引左我地入去食啦。裝飾好清新簡約，每張枱都有一瓶乾花。呢日雖然唔係週末又唔係假期，但都差唔多坐滿。睇睇menu, 見到芝士粟一燒好得意，但可惜已經sold out, 建議如果想試就要早少少，我晚上8點幾去到已經賣哂了甜品都有好多選擇，價錢都大概係$50-80。 仲有窩夫同花茶，都幾多元化。法式焦糖燉蛋解果pancake $64好特別既組合，焦糖燉蛋整得好滑好有蛋味，焦糖既份量都適中，唔會過份甜，加埋個pancake 一齊食，又幾得意。黑松露咖啡奶凍$54一向我都係黑松露愛好者，緊係要試下黑松露啦！非常有黑松露味，咖啡味都好重，不過兩者既結合岩唔岩口味，就真係見仁見智啦絲絲入心$64心太軟竟然超流心，熱辣辣一切開，朱古力醬就流入下層既雪糕上，呢個真係超讚桂花白酒燉雪梨$56呢個甜唔係我第一次食，估唔到係咁清新，唔會覺得溜，雪梨仲有少少爽口，用桂花整成既啫喱條好好味，滑嘟嘟呢間甜品夠精緻，價錢又合理，正呀！…Read More

新界西覓食記。來到天水圍T town ， 南北翼都幾多野食，8點幾晚飯時間。餐廳門外都有人等位，餐廳內都坐滿人。裝修幾特別，每張檯與檯之間空間都算多，唔會有壓迫感。等左大概15分鐘左右就入座。餐牌好吸引呀，甜品飲品樣樣都想食！一定要留肚食甜品！先試左招牌鹽酥雞$48份量算幾多，仲有6種調味料。原味、芝士味、香辣味、咖喱味、梅子味同紫菜味。我個人認為咖喱味最濃味，原味相對出色。雞炸得熱辣辣。好食芭樂鳳梨鹽水雞$62雖然呢個相對較貴，但估唔到芭樂同鳳梨加埋鹽水係好好味，雞肉都唔會鞋口，幾新鮮幾輕盈感覺。老虎醬鴨舌$48咁既價錢但份量竟然唔少，鴨舌價錢一向較貴，估唔到$48有咁多，仲要條條都好多肉但個麻辣汁好辣，如果唔食得辣千祈唔好叫，可以試醉鴨舌。醉溏心蛋$15@酒味都幾重，蛋既流心情度做得唔錯，但$15一隻有點貴魚丸貢丸湯$22細細碗幾過癮。魚丸同貢丸味都不錯，湯底味精成份都唔高飲品同友人每人點了一杯，熱朱古力加上牛奶冰就會變成暖暖朱古力奶，幾特別。另一杯就奇異果沙冰，都幾fresh 甜品最後揀左窩夫， 窩夫做得幾好，暖暖地，再加上兩球雪糕同有珍珠同丸子。食落口感幾得意。…Read More

原來除左元氣壽司有高速列車之外，呢間magic touch 都有得玩。其實都係吸引細路仔啦。一黎就見列係用部iPad 落單。每架車最多可以載4樣食物，所以一點滿左4樣就好似上圖咁，咁就一定要撳點菜先可以出車啦。又唔一定要滿左4樣先出車，就算點一樣食物都可以出車。新開幕都有d優惠，而且佢又冇限時，所以都要預時間等位，因為佢座位唔多。其實佢有上下兩行軌道，但列車只有上層有，下層的食物就沒有列車載，只係就咁用運輸帶碌過黎。鯖魚特價$28一條，都幾大條。而且燒得幾好食小甜薯仔就幾香口，細細粒都好甜。三文魚和吞拿魚迷你刺身丼，仲有一個味噌湯附送$39 咁既價錢算係性價比高茶碗蒸有蟹鉗，仲有冬菇同日式魚蛋，蒸蛋好滑好好味。讚👍🏻以上兩個係中獎送既，每消費滿$100，iPad 就會有個小遊戲玩，如果中左獎就有野送，估唔到中左一之獎，就送左一碟三文魚刺身同三文魚壽司咁抵加長鰻魚壽司，好味，堅係好長條鰻魚。油甘魚刺身都好生鮮。讚👍🏻基本上整體食物質素都唔錯，價錢亦唔貴，而食物到達的速度都好快。四人行晚餐每人$80…Read More

十號颶風山竹過後，街市d菜貴到不得了，咁就不如出去搵食啦。元朗搵食應該唔難既，西鐵站行10幾分鐘，行到見條街都好多野食。就揀左間食意粉既試下啦。可能打完風，仲未太多人出街，餐廳冇咩人，但坐位同裝修都幾靚幾乾淨。睇睇餐牌，有扒、pizza ，burger 同意粉等等。。因為時間都唔早，唔想食太飽，最後同友人每人點了一個餐再點左一個小食。先有餐湯同蒜蓉多士，多士好味，唔會烘得燶，蒜蓉牛油味好香。餐湯分別有南瓜忌廉湯同磨菇湯，南瓜湯好甜，食到南瓜蓉，磨菇湯好重磨菇味，入口會食都粒粒好細既碎磨菇。兩種湯味道都好，唔會係罐頭湯。小食：串燒水牛城雞翼$48共有3串（6件）。雞翼係辣辣地既，拎到過黎時仲熱辣辣出哂煙，下面有沙律菜墊住，覺得辣辣地食返塊生菜又可以舒緩下辣味。唔錯唔錯忌廉汁磨菇煙三文魚意粉$98忌廉汁再加上少少芝士，成個汁好香但又唔會好溜，意粉既軟硬度亦都適中，唔會太軟又唔會太硬。煙三文魚都有兩大片，都唔算少，意粉份量就好多，好大碟。另一個意粉是：焗芝士肉醬雞扒意粉$98可能係即叫即焗，所以焗既食物都等得耐左少少，所以大家如果點焗既食物要有心理準備等耐少少。熱辣辣既芝士加肉醬，好香。意粉同樣軟硬度適中，雞扒都幾大塊，帶有香草味而且好滑好juice。成日食焗左既扒都會覺等焗到乾哂，冇哂肉汁，呢個雞扒就冇呢個問題最後餐飲兩杯，左邊是紅棗冰紅茶，右邊是檸檬柚子茶。兩杯飲品都甜度岩岩好，最值得讚既係冰唔多！兩日共食左約$250。 可以再encore !…Read More

唔多熟識港島區既我，當然要由朋友帶路去搵食啦，呢日其實約左食晚飯，但由於其中一位友人要遲少少先到，咁我就同另一個友人係西營盤遊下圈先，原來正街果邊，即近街市果度有好多野食架喎！其實等多個幾鐘左右就齊人食晚飯，但同友人又有少少肚餓，又唔敢食多，因為仲要留肚食晚飯，友人就突然建議去飲碗糖水，正呀！又可以頂頂肚，又唔怕飽左食唔到晚飯。中式糖水都買少見少，特別要好食既真係唔多，友人今次介紹呢間，又幾正喎。裝修都好簡陋，都幾懷舊，但地方好整潔，呢日大概6點左右，冇咩人，都幾冷清。睇睇餐牌，嘩，港島區果然較高消費，成$40碗糖水，成日諗，糖水真係好好賺，水黎za Ma!友人話佢個桑寄生蛋茶好出色！咁我第一次試，就試下呢個啦！桑寄生雞蛋茶$34。 其實好細碗，但第一啖入口好香，其實我一直唔知到底桑寄生茶係用咩材料煲，但就都好鍾意佢既味，甜度都算識中。重點係隻雞蛋真係好好食！連蛋黃都入味到變左啡色，好似茶葉蛋，但有茶味，但又冇咸味。好得意！平時飲桑寄生蛋茶果隻雞蛋都只係一隻白色雞蛋，冇茶味。但呢隻真係好出色！蓮子雞蛋芝麻糊$38友人點左呢款，原因係同時滿足佢三個願望，蓮子、雞蛋、芝麻糊，不過隻雞蛋唔係茶色蛋，係普通一隻熟蛋，令友人失望。不過芝麻糊就都好幼滑好香。三人埋單共$108。其實真係幾貴，但桑寄生雞蛋茶真係值得一試既！…Read More

又要係尖沙咀搵食，午飯時間真係搵食艱難，行去亞士厘道睇下有咩食，見好耐冇食越南野，就試下啦，要搭𨋢上2樓，一上到去就見到餐廳門外好多人排隊，探頭入去餐廳睇睇，地方好大亦都好多張枱，但真係全場爆滿，咁睇黎應該質素有d 保證仲有時間，就拎飛等下啦，2人坐應該好快既，等左5分鐘左右就有位。即刻睇睇有咩食，都係越南特式撈檬粉，湯粉，飯咁。套餐大概$50-60連飲品，午飯來說中位價錢。今次就選左炭燒豬扒湯檬粉試試啦！豬扒同檬粉係分碟上既，豬扒已經切開左，唔會成大塊咁要自己切，面頭仲有好多蔥同炸蒜，超香口，仲要炭燒味好香，已經覺得好吸引。豬扒入口肉質好好，半肥瘦，而且冇乜骨，最岩唔鐘意食骨既人，而且燒汁醬都好味，味道都適中，唔會太咸。檬粉湯底就正常，可以自己添加小小辣椒醋增加味道，但我覺得唔加就咁清湯都好味，檬粉都好大碗，同價錢相乎啦！結算人均消費$65。可以接受…Read More

熱潮到底過左未呢？黑糖珍珠同黑糖珍珠，間間都話黑糖珍珠又台灣超人氣過江龍咁，其實杯杯都成$30-40，真係飲完唔洗食飯咩，仲貴過一餐飯。呢日路經銅鑼灣，醒起有兩間新野試喎。原來仲要開埋一齊！真係明係搶生意喎唔好以為排緊成人用品，亦都唔係迫緊去行花市，其實係排緊買野飲，兩間開埋一齊，成條行人路比兩條人龍霸哂，好誇張。兩間都未試過，就揀人路短d 既老虎堂啦，人龍短又唔代表唔好飲既，可能因為隔離幸福堂新開，先多人爭住去潮聖呢！大概排左15分鐘就去到落order counter 啦，比想像中算快，見朋友試過等左1-2個鐘。餐牌就主打黑糖珍珠鮮奶，價錢就$30，原來已經係最貴一杯，咁樣睇價錢都算係可接受喎！最後買左招牌虎虎生風厚鮮奶。$35。點餐到拎到野飲上手等左10分鐘左右。即前前後後30分鐘就成功買到一拎上手，底部黑糖仲係熱辣辣架，杯既size $30黎講都算適中，唔算細杯，入口好重奶味丶好滑，珍珠就有大有細，細細粒好似西米就易入口又唔會好甜，大粒就好有咬感較重黑糖味。正！會再買黎飲！…Read More

阿元來了聞名已久，一直都好想食，但一間係港島，一間係九龍，對於遠在新界既我非常遙遠，所以一直都未有機會試下佢既勵害。呢日閒日約左友人去港島，我早到左好多，又有d肚餓，不如去食少少野，邊食邊等啦，靈機一觸比我諗到阿元來了。大概5點多差唔多6點，原來間舖好細間，應該得20個座位左右。又咁岩唔洗排隊等位，到我食完時店外已有一條小人龍。不過成間餐廳都裝修得好懷舊，有好多台灣懷舊既廣告貼係牆，都幾得意。細細間，好似d只有外賣既舖頭咁。店員會比張紙你自己用筆填點餐，店員都係講普通話既，真係好似去左台灣咁。睇睇點餐紙，款式種類唔多，價錢都幾貴。最後都係點左碗台南擔仔粿條，頂住肚先，因為一陣仲要同朋友食飯原來$35都只係細細碗，真係幾貴，但一聞就聞到好香滷肉味，原來有貢丸，半隻滷蛋，有幾粒蝦仔，仲有滷肉，粿條就有d似河粉，但就薄d同埋滑d。湯底都好好飲，有肉味同蒜香味。係香港確係難食到咁有台灣味道既野，雖然貴，但我諗間中想起台灣食品，都會想黎食！…Read More