菓甜品 (Closed)

同友人在尖沙咀食飽晚飯，又想搵個地方食甜品傾下計，原來尖沙咀都幾難搵到甜品舖，竟然行過寶勒巷，比我地發現到新野！舖頭睇落唔大，但幾精緻，而且好新淨簡潔。咁就吸引左我地入去食啦。裝飾好清新簡約，每張枱都有一瓶乾花。呢日雖然唔係週末又唔係假期，但都差唔多坐滿。睇睇menu, 見到芝士粟一燒好得意，但可惜已經sold out, 建議如果想試就要早少少，我晚上8點幾去到已經賣哂了甜品都有好多選擇，價錢都大概係$50-80。 仲有窩夫同花茶，都幾多元化。法式焦糖燉蛋解果pancake $64好特別既組合，焦糖燉蛋整得好滑好有蛋味，焦糖既份量都適中，唔會過份甜，加埋個pancake 一齊食，又幾得意。黑松露咖啡奶凍$54一向我都係黑松露愛好者，緊係要試下黑松露啦！非常有黑松露味，咖啡味都好重，不過兩者既結合岩唔岩口味，就真係見仁見智啦絲絲入心$64心太軟竟然超流心，熱辣辣一切開，朱古力醬就流入下層既雪糕上，呢個真係超讚桂花白酒燉雪梨$56呢個甜唔係我第一次食，估唔到係咁清新，唔會覺得溜，雪梨仲有少少爽口，用桂花整成既啫喱條好好味，滑嘟嘟呢間甜品夠精緻，價錢又合理，正呀！