1
每人$200 樓下，食足2個半鐘！抵呀！
2
今次總共4個人一齊拾下拾下。全部食物就係哂一張紙上面，簡單又易睇。連花膠都有，咁抵食！一定要試下個花膠啦！
飲品都係自己到雪櫃拎，都有好多選擇，綠茶、烏龍茶、可樂、檸檬茶、竹蔗馬蹄汁。任君選擇。雪櫃都好夠凍，打邊爐再加凍冰冰飲品先至夠正！
自助醬料區，有鼓油，辣椒粒，蔥粒，生蒜蓉同炸蒜蓉，自己選擇自己選份量。DIY 醬油實岩自己口味啦。
有冇留意到張點餐紙冇蔬菜呢？打邊爐冇菜食？！原來蔬菜擺左係雪櫃，自己出去拎架！
有清楚標示菜名，想食品手菜就拎咩菜，西洋菜，生菜，油麥菜，白菜仔，好多選擇。而且都新鮮嫩口，唔會老。
平日晚上8點幾，都人山人海，坐無虛席，座位都好闊，坐得舒服既。
個人推介特選黑豚腩片，花膠，同埋西洋菜！花膠每一份份量都唔少，而且補充骨膠原，正
湯底選擇左栗米豬骨湯，個豬骨原來係燒豬骨，所以湯底好濃味
食飽飽仲可以去食埋個雪糕甜品，自助雪糕機，想食咩口味，添加咩配料都係自己選。
每人都係$200 樓下，食到攬住個肚，正！
