Mskathy's Profile

近排愛上食壽喜燒，經朋友介紹話呢間餐廳有水準，於是就即刻 book 位嚟食。呢度果然有驚喜！餐廳雖然比較細，座位有啲迫，職員安排我哋坐吧枱，吧枱係一人一鍋的。餐廳有限時只得70分鐘，但都夠時間食嘅。套餐有幾款選擇，我哋揀咗日本黑毛和牛牛板腱壽喜燒套餐 $218 仲要唔使加一，真係性價比高。而呢度係用QR code 落單，座位上亦有圖示教導點樣烹調，簡單易明。前菜有青瓜同蜆肉，食落好開胃。日本黑毛和牛牛板腱油花分布均勻，肉味濃郁，口應該感則偏結實帶有嚼勁，中間有一條透明嘅嫩筋，經烹調後變得嫩滑，非常好食。壽喜燒汁同昆布汁都係餐廳自家製。壽喜燒汁：香甜濃郁昆布汁：鮮味，甘甜食之前先用牛脂來開鍋再倒入壽喜燒汁，然後放片牛肉落去烹調幾秒後就食得，之後再放入已攪勻嘅蘭王蛋，牛肉吸晒蛋汁，十分香濃惹味，簡直係完美嘅配搭。野菜盛合非常新鮮，有娃娃菜，火箭菜，豆腐、菇類，腐皮同芋絲，配合埋昆布汁或者壽喜燒汁烹調，極度滋味。套餐仲可以選擇日本米飯或讚岐烏冬，我哋揀咗烏冬夠晒彈牙，連埋昆布湯一齊烹調，非常入味好食。甜品：蕨餅煙韌彈牙，甜而不膩。…Read More

今日去左Mikiki行街街，行過見到呢間餐廳嘅食物幾吸引，於是就決定响呢度食午餐。呢度係用QR code 落單，好方便。是日午餐：餐湯：蕃茄湯味道濃郁而且酸酸哋，好開胃。L10 澳洲肉眼扒（ 5成熟 ）配薯條 $148肉眼扒：肉味濃郁，油花分布均勻，口感軟嫩多汁且有嚼勁。炸薯條：炸到金黃色，外酥內軟，鹹香可口及帶有馬鈴薯嘅清甜味。抹茶鮮奶 $50 一上枱就好吸睛，上面有層軟滑奶香嘅忌廉，而抹茶嘅香氣帶有淡淡嘅海苔味，抹茶同香滑嘅鮮奶混合，就呈現咗醇厚同回甘味嘅口感，而且甜度適中，係好飲嘅。整體：環境優雅舒適，座位寬敞，店員服務態度好好，食物質素都算唔錯，下次再嚟會食埋甜品。…Read More

又到週末搵好嘢食嘅時候喇，適逢今日又黃色暴雨警告，但都冇影響到我搵好嘢食嘅心情。行到銅鑼灣廣場二期，見到呢間有半自助午餐好吸引又抵食，於是我哋就揀咗呢間餐廳食午餐。價錢：選擇半自助餐底價$98，再加選擇嘅主菜價錢。（詳看餐牌）餐湯: (南瓜湯) 帶有南瓜嘅甜味，口感滑順濃稠。主菜：1）脆皮豬腩拌珍珠麵配日式洋蔥汁 $88豬腩肉皮脆肉嫩，最得意嘅係珍珠麵，上枱唔係一條條嘅麵而係一粒粒，食落好似拉麵嘅質感，幾特別。2）是日精選炭燒牛肉 $198炭燒牛肉嘅味道，有炭火嘅煙燻味及獨特嘅焦味。而肉質就焦香內嫩，有嚼勁，肉汁豐富，帶有明顯嘅牛肉香味。炸薯條香脆內軟，帶有馬鈴薯嘅香氣和淡淡嘅鹹味。 自助吧枱食物：無限任食～有沙律菜，水果、藍莓芝士蛋糕、薯條，麥樂雞等等.. 沙律菜同水果非常新鮮及清甜。薯條，麥樂雞，炸到金黃香脆。藍莓芝士蛋糕：淡淡藍莓加美濃軟身芝士，好味道。升級咖啡或優質茶 +$18咖啡：Flat White 咖啡味突出，口感絲滑。整體： 燈光柔和，座位寬敞舒適，服務態度良好，食物質素很好，值得推介！…Read More

睇飲食節目介紹呢度好似佢個名咁「有鑊氣」，睇到好吸引好想食，於是我就約埋三五知己嚟食。呢度果然有驚喜，我哋叫嗰幾樣餸菜都好有鑊氣，都幾好食。黑鑽脆豆腐（$88）：外皮炸到脆卜卜，內裡白滑綿密，具有獨特嘅口感。冰震咕嚕肉（$188）：外脆內嫩、外冷內熱、酸甜酥脆、肉汁豐溢，帶來豐富嘅口感層次。椒鹽鮮魷（$102）：外酥內嫩，鮮甜美味，爽口，彈牙，加上椒鹽，非常惹味。小炒皇（$118）：主要食材有韭菜花：清脆鮮嫩。腰果：香脆可口。紅椒：清甜爽脆乾魷魚、銀魚仔、蝦乾：有海鮮嘅鮮美。菜脯粒同XO醬，進一步提升醬香味和鹹鮮味。 
呢個菜式有多重口感，而且非常豐富，惹味香口。酸菜魚 - 大（$328）：有桂花魚同鱸魚選擇，我哋選擇食鱸魚，肉質爽脆、鮮甜、嫩滑，酸辣湯底夠正宗，麻辣味較重，啱晒我口味。✨整體：地方比較細，座位比較迫，唔適合一大班人嚟食。呢度真係好有鑊氣，價錢又合適，值得嚟食。
…Read More

今日同朋友去咗新蒲崗搵好嘢食，我突然間好想食酸菜魚，行過見到呢度有得食，於是我哋就入咗嚟食。入面地方尚算大，座位都幾舒適，呢度係用QR code 落單，簡單快捷。我叫咗個招牌酸菜魚米線（小辣） $65朋友叫咗酸辣豬頸肉米線（中辣） $50兩碗個湯底都好濃郁，酸辣度視乎揀咩難度，我同朋友都覺得啱口味，配料十分豐富，魚片肉質爽滑，豬頸肉口感鮮嫩且帶有嚼勁同埋肥而不膩，米線軟硬度適中。一口湯，一口魚片或米線，食落非常滿足。整體嚟講都幾好食，價錢又合適，下次都會再嚟食。…Read More

今日放工去咗尖沙咀攞嘢，行過見到一蘭，心諗好耐都冇食過，於是我就入咗去食。今日好彩唔駛等位就可以直接入去食，入到去見到大多數都係遊客，依家呢到係用QR code 落單及落完單後即刻付款，方便快捷！仲有個自助斟水區自行斟水飲。我叫咗個豚骨湯拉麵$98湯底濃郁，加埋一蘭秘制辣醬汁，辣得嚟同個湯底好夾，而個拉麵質地就有啲腍，薄身嘅叉燒肥瘦適中，份量方面其實都係偏細碗，但對於我嚟講就啱啱好。另外我仲加左一隻半熟鹽味蛋$18，都幾好食。整體：地方環境寬敞，但座位有啲迫，我覺得有少少貴，真心有啲唔抵食。…Read More

今日係我哋嘅結婚周年，想搵一間有特色嘅餐廳食飯，經朋友介紹，我哋就嚟咗呢度慶祝食飯。入面環境唔算大，坐位尚算舒適，呢度係用QR code落單，方便快捷。我哋點咗以下食物：-🔸海膽·濃蝦湯 $88味道濃郁，入口幼滑，龍蝦肉鮮甜，估唔到咁樣食海膽會更加突顯到海膽嘅鮮甜味，呢個湯非常好飲。🔸鵝肝·和牛封門柳·日式煲仔飯 $268鵝肝：鮮甜，口感棉密細緻。和牛封門柳：肉味濃郁，油脂分布均勻，肉質鮮嫩多肉汁，仲一啲都唔韌。米飯：粒粒分明，食物嘅油分滲入米飯之中，並加以甜豉油，所以食嘅時候唔覺鹹同埋唔覺膩，再以蛋黃撈飯，非常滋味，食到最底仲會有美味嘅飯焦，口感酥脆，略帶焦香味。🔸燒法式羊架配白松露薯角 $218羊架：肉質嫩滑，有少少羊膻味，肉汁緊緊鎖住，細緻遍布嘅油花燒熟後散發出牛油般嘅香氣，外皮微焦香脆。白松露薯角：薯角：炸到酥脆金黃，口感棉密，配上白松露濃郁嘅香味，更是美味嘅享受。燒粟米：帶有一點嘅焦香味，一啲都唔乾仲好清甜。🔸夏威夷果仁巴斯克軟心芝士蛋糕及開心果雪糕 $58夏威夷果仁巴克斯軟心芝士蛋糕：表層呈微焦狀態，但中心仍然保持軟心質地，入口即溶，芝士味濃郁，配上鹹香甘甜嘅夏威夷果仁味道，味道更有層次分明。開心果雪糕 ：濃濃嘅開心果味道混合幼滑嘅雪糕，當食一口時，香味於口中慢慢散發，非常好食。…Read More

今日放假出去搵好嘢食，行過見到呢間拉麵店門面好吸引，於是就入咗去食，入面裝修有日本懷舊風（昭和、平成時代）嘅感覺。知道呢間拉麵店係石亭同沃川兩間尖沙咀居酒屋嘅新分店（歷史分別26年同23年，仲係同一個老闆）。呢度係以清湯路線為主 , 香港市面上無咩人會做，想「簡單直接」唔想玩花臣，沃川同石亭個風格都係一樣。而個湯底師父每日係用火腿，豬骨，沙蟲乾熬製而成，所以非常鮮味。午市套餐+$38 跟小食同飲品今日我哋叫咗以下套餐：-1）濃湯海老拉麵 $128蝦味湯底鮮甜濃郁，海老肉爽甜有蝦味，唔同出面嗰啲雪藏蝦，薄身嘅叉燒，肥瘦適中，流心溫泉蛋做得有水準。2）巨龍～特盛慢煮叉燒濃清湯拉麵 $108鹽味湯底清澈不油膩，薄身嘅叉燒，肥瘦適中。最讚係個拉麵質地，夠厚實，有（硬、普通、軟）選擇，我哋點咗普通硬度，麵到枱時當然相機食先，玩了差不多十分鐘，拉麵冇變得淋和發漲，就算食到最後一口，麵身都保持到挺身。小食：1）名古屋雞翼炸到外脆內嫩，好滋味。2）明太子芝士焗薯角 薯角外皮炸到金黃酥脆，配上明太子嘅鹹香好夾，好美味。飲品：日本Tomomasu SodaUCC咖啡整體：水準一流，地方舒適，店員服務態度親切有禮，我哋覺得好滿意。…Read More

朋友介紹呢間居酒屋，果然有驚喜！食物質素相當好，朋友冇介紹錯。刺身拼盤：（非常新鮮）1）《蜜柑鯛魚》～肉質鮮甜而且散發出淡淡嘅蜜柑香味加埋師傅自家製嘅蜜柑汁，味道更升華。2）《甲烏賊》～味道鮮甜，口感Q陣有嚼勁。3）《鯛魚白子》～口感棉滑細膩，一食難忘。4）《鮟鱇魚肝》～鹹香味濃郁，口感滑溜。5）《蠔》～脹卜卜嘅生蠔肥美鮮甜。6）《鮮螢光魷魚》～口感帶爽脆，味道鮮甜帶有鹹香味。蟹子沙律：蟹籽口感清脆，配合埋清甜嘅青瓜絲，鮮甜嘅蟹柳絲再加上沙律醬，口感清爽美味。（係我必食嘅前菜沙律）爆炒雞橫隔膜：肉質Q彈有嚼勁配合埋鐵板燒汁爆炒，好夠鑊氣之餘仲好惹味。濃湯蝦烏冬：湯底鮮味十足。蝦身紮實飽滿有彈性，蝦味濃郁。烏冬煙靭彈牙而且仲好掛湯，食落非常滋味。串燒：師父將串燒燒到焦香脆口1）蕃茄豚肉卷串：鮮嫩嘅豚肉裏面包住蕃茄一口咬落去非常Juicy，酸中帶鹹，食落好開胃。2）荔枝豚肉卷串：鮮嫩嘅豚肉裏面包住甘甜嘅荔枝一口咬落去亦非常Juicy，甜中帶鹹，層次分明，口感豐富。3）豬腩肉串：肥瘦適中，油香味十足。4）雞皮串：燒到香脆嘅雞皮，十分惹味。5）牛舌串：鮮嫩，爽口，牛味濃。6）秋葵串：黏黏滑滑嘅秋葵，清爽脆嫩。…Read More

朋友知道我好鍾意露營，特別介紹咗呢間餐廳比我，呢度佈置得好有露營風格，每一張枱都擺放咗露營餐具，提供比客人用，所以一嚟到坐低，真係覺得好似去咗露營。呢度係用QR code 落單，我哋叫咗以下食物：-🥢全牛特選拼盤-特選牛肉盛：▪️牛肋肉：油花豐富，有啲筋，嚼勁十足而且多肉汁。▪️牛里脊肉：油花少，肉質結實有彈性，肉味比較濃。▪️香蔥蒜末牛舌：油脂比較肥，口感軟腍。▪️牛胸腹：油花分布均勻，口感滑順，牛味香濃。▪️雪花牛小排：肉質鮮嫩，油花分布均勻，口感滑順，味道香濃，我最鍾意食。🥢花切長牛舌：長而厚嘅牛舌，口感彈牙，肉味香濃，呢個真係好好食，我哋encore咗一次嚟食。🥢海鮮拼盤：虎蝦/扇貝/廣島蠔/鮑魚四款海鮮都好新鮮，我哋燒得剛好，唔會好乾，所以食到海鮮嘅鮮味。🥢玉子海苔飯：蛋香配搭海苔嘅鹹香鮮味再加上軟糯嘅白飯，撈勻嚟食，非常好食。整體：環境寬敞舒適，食物質素相當好，下次會再嚟食。…Read More

今日收工同同事經過，見到好多人排隊，我哋諗一定唔差啦！於是我哋又排埋一份，呢度主打係招牌花膠雞湯米線，果然有驚喜。椰子雞米線 $60湯底：椰子味香濃，仲好Creamy，平時出街食湯粉麵，我係唔會飲啲湯，但呢度個湯我幾乎全部飲晒，呢個湯底加埋嫩滑嘅雞肉同埋爽口軟滑嘅米線一齊食，真係好食到不得了。姬松茸竹笙花膠雞米線 $78湯底：菇味重同埋雞湯都好濃郁，花膠香軟滑溜，雞肉嫩滑，雖然有啲雞胸肉，但一啲都唔柴，湯底都照樣飲晒，好味道。蜜糖雞翼 $42大大隻嘅雞翼，外脆內嫩，非常香口。整體：湯料份量十足，而且完全冇味精，價錢唔算貴，真係性價比高，值得推介！…Read More

朋友從外國返嚟渡假，我哋就約咗出嚟食飯聚吓見吓面，佢話好耐都冇去過居酒屋食飯，佢就响網上搵到呢間居酒屋，見到啲食物都唔錯，仲有佢最想食嘅味噌甲羅燒呢度都有得食，於是佢就二話不說就打電話去訂位。嚟到見到餐牌樣樣都好想食，我哋都揀咗好耐，最終揀咗以下食物。東灜五點盛 $368有蝦、帶子、三文魚、吞拿魚、油甘魚蝦：味道鮮甜，並有粘粘嘅口感。帶子：味道鮮甜，爽口。三文魚、吞拿魚、油金魚，油脂豐富仲好鮮甜。蟹味噌甲羅燒 $78有蟹肉、蟹膏、蟹籽、鵪鶉蛋同埋蔥碎。侍應會在我哋面前幫忙燒熟，把所有材料混合攪拌，燒熟之後聞到好香嘅蟹膏味，食落仲好有鹹香味，質感好綿滑，一匙羹蟹膏混埋蟹籽一齊食，口感更豐富，成個口腔都充滿蟹膏味道。活貝盛盒 $428有蠔、蜆、活鮑魚同帆立貝。侍應都會幫忙燒熟，佢哋用咗清酒、鹽、七味粉同埋佢哋自制嘅湯嚟調味，呢四款海鮮佢哋都掌握到燒熟嘅時間，令到啲海鮮唔會燒到好乾身而且仲保持到海鮮嘅鮮味。蠔：肥美、爽口。蜆：粒粒飽滿，鮮甜。鮑魚：肉質爽口彈牙，加上七味粉，口感更香口惹味。帆立貝：待應好細心幫我哋整成一粒粒方便進食，待應仲叫我哋飲埋殼內嘅水，真係非常清甜，然後一口一細粒帆立貝，味道鮮甜仲好彈牙。雲丹蟹肉卷 $228黑松露味道濃郁，大大舊嘅海膽，帶有啖啖嘅海水鮮味而且仲唔腥，加埋飯裡面嘅鮮甜蟹肉同鮮嫩水菜，食落口感更豐富。…Read More

朋友介紹嚟呢間餐廳食午市鐵板燒，佢話呢度簡直平靚正！果然有驚喜！我哋叫咗兩個灜之越一人前套餐$298需要加一服務費。特色沙律：蔬菜新鮮配埋醋汁，酸酸地好開胃。大海虎蝦：肉質鮮嫩，爽口彈牙。日本廣島蠔：肥美，鮮甜。活鮑魚：肉質鮮甜，口感煙靭，師傅加咗少少黑松露，食落更惹味。法國鵝肝：口感紮實錦密，入口即溶，咀嚼後口腔仍然保留住鵝油香濃味道。安格斯牛柳：肉味香濃，有嚼勁。炒野菜：鮮嫩爽口。味噌湯：清淡，完全冇味精。炒飯：炒到粒粒分明，加入配料，特別係櫻花蝦，咀嚼時特別惹味。牛奶麻糬：濃濃嘅牛奶香味，麻糬口感煙靭加上阿華田粉，口感更豐富。整體：環境寬敞，坐位舒適，服務態度好，師傅燒出嚟嘅食物一啲都唔乾，而且仲有肉汁，好好食！…Read More

今日放咗工約咗同事行街，行街前同事話肚餓，於是我哋就周圍搵嘢食，行過見到呢間餐廳係食台灣料理，見到佢哋門口嘅餐牌嘢食好吸引，於是我哋就入咗嚟食。餐廳地方唔算大，但座位好舒適，店員服務殷勤，有禮貌，我哋叫店員落單，叫咗以下食物。1）肉燥飯～$28: 一上台就已經聞到好香嘅肉燥味，豬肉肥瘦適中，肉燥汁夠香濃，肉燥配埋白飯一齊食，簡直完美配搭。2）台式炒米粉～$68: 配料十分豐富，裡面有埋肉燥，食落非常惹味，同埋佢哋炒出嚟嘅米粉唔油膩。3）手工雞肉玉米水餃～$56:脹卜卜嘅水餃，皮薄餡多，粟米香甜，雞肉嫩滑，一口一啖非常滿足。4）凍珍珠奶茶～$20:一粒粒圓滑嘅珍珠，口感Q彈有嚼勁，加埋茶味香濃嘅絲滑奶茶，令人一口接著一口飲不停。5）凍冬瓜茶檸檬～$20:甜甜酸酸好清爽。…Read More

朋友响附近返工，佢話呢度啲嘢食好食，所以佢話經常都同同事嚟呢度食嘢，今日有幸佢帶咗我嚟呢度食嘢，我哋點咗三款食物。頭盤：▪️慢煮半生M6和牛西冷配黑醋，蜜糖芥茉醬肉質嫩滑，脂肪分佈均勻，口感豐富，配埋黑醋同蜜糖芥茉醬更好食。 主菜1 :）▪️香草燒紐西蘭羊架伴薄荷蕃茄汁：肉質柔軟，羊羶味唔重，啱晒我口味！最有驚喜係佢嘅醬汁，味道有少少薄荷及帶有甜甜酸酸嘅蕃茄醬蓉，比起平時淨係配薄荷醬冇咁單一，非常好食。炸薯條：香脆金黃，好有濃郁嘅薯仔味道。主菜2：）▪️海膽香煎帶子海鮮汁意大利粉伴香蔥蛋醬：海膽係用乾貨海膽，煎香左好有鹹香味，帶子煎到半生熟，表面香脆內裏鮮甜嫩滑。意粉掛滿濃濃嘅海鮮汁，鮮味濃郁，好好食。整體：環境寬敞，座位舒適，店員殷勤，值得推介！…Read More