tako124's Profile

今次嚟到銅鑼灣ROYAL INN，餐廳主打創新法國菜同埋西餐。餐廳裝潢以歐陸宮廷風格為主，精緻仿巴黎凱旋門嘅浮雕圓拱門，門口設置一座法式許願池比人打卡，另外仲有古典水晶吊燈、花卉佈置、天花鏡面、法式藤椅、黑白格仔地板等，好優雅。餐廳內設有落地玻璃，有日光照射，景觀開揚，舒適闊落。餐廳內更投影播放永恆女神柯德莉夏萍嘅電影，好經典。今次點咗ROYAL TEA SET，可以一邊享受Afternoon Tea，一邊望住維多利亞公園，感受法式休閒同埋氛圍。🫖ROYAL TEA SET MENU☕️ 甜點 Exquisite Sweet開心果焦糖燉蛋迷你鮮果撻柑橘瑪德蓮貝殼蛋糕七彩馬卡龍開心果焦糖燉蛋，口感細膩順滑，開心果味濃郁；迷你鮮果撻有酸甜清新嘅士多啤梨同埋藍莓，撻底口感酥脆；瑪德蓮貝殼蛋糕，蛋糕以貝殼形嘅外表，蛋糕香氣四溢，入口蓬鬆，帶有濃郁嘅奶油味道；七彩馬卡龍，外酥內軟，夾有香甜果醬，口感層次豐富。鹹點 Savoury Canapés巴馬火腿蜜瓜蕃茄肉丸英式小鬆餅鴨肝幕斯配無花果巴馬火腿蜜瓜，鹹香十足嘅Parma Ham，配上香甜爽脆嘅蜜瓜，帶出平衡口感；蕃茄肉丸英式小鬆餅，肉丸口感軟嫩，與蕃茄醬嘅酸甜融合，搭配口感鬆軟嘅小鬆餅，口感層次豐富；鴨肝慕絲配無花果，鴨肝味道鹹香，慕絲柔軟細膩，無花果味道酸甜，好開胃。海鮮小點心 Seafood canapés龍蝦牛油麵包煎蝦蛋沙律多士北海道刺身帶子薄片龍蝦牛油麵包，龍蝦肉口感鮮嫩，配上口感酥脆嘅牛油麵包，好滿足；煎蝦蛋沙律多士，香煎蝦仁口感彈牙，加上蛋沙律好醒胃，多士口感酥脆；北海道刺身帶子薄片，帶子刺身嫩滑鮮甜，配上味道鹹鮮嘅三文魚籽，口感豐富。MightyLeaf TeaTea選擇咗White Orchard 白桃果園，白桃口味清新，入口滑順，帶有白桃甘甜同埋茶嘅香醇嘅味道。…Read More

今次嚟到位於觀塘亞太中心嘅牛站麻辣火鍋放題 ，環境舒適闊落，最近牛站推出咗3號餐，提供牛肉同埋海鮮放題，無限任飲任食，性價比高，絕對係肉食者嘅天堂。QR code落單火鍋湯底用QR code落單，揀咗鴛鴦鍋，其中龍蝦頭鍋湯底有成隻龍蝦頭好足料，龍蝦香氣撲鼻，充滿鮮甜味；海膽海鮮鍋湯底味道鮮香四溢。火鍋肉類方面，有牛、豬、羊肉選擇，包括澳洲M5和牛、SRF美國極黑和牛片、美國安格斯牛板腱、特上牛小排、美國牛肩胛片、封門柳等，其中澳洲M5和牛油花均勻，牛肉味濃郁；安格斯牛板腱肉質軟嫩，口感滑順。另外仲有新鮮海鮮提供，包括有蟶子皇、鮑魚、牡蠣、海蝦、沙白、海螺片等，全部都好新鮮，蟶子皇口感爽彈，味道鮮甜。熟食方面有燒乳鴿王，外皮炸至金黃，口感外脆內嫩有肉汁；芝麻雞翼，外皮炸至金黃香脆 ，好惹味。自助熟食區熟食區有麻辣小龍蝦、韓式炸雞腿、BBQ豬仔骨、荔枝蝦球、炸午餐肉、小酥肉、油炸鬼、炸魚皮、炸芋頭、響鈴等，另外仲有多款涼拌小食。自助火鍋配料區有新鮮蔬菜、珍寶蟹棒、脆鯇魚片、丸類、手包蝦肉雲吞、台北鴨血、豬紅、即食麵、烏冬等，款式豐富。飲品區飲品種類繁多，除咗有一般汽水、果汁、茶嘅飲品之外，仲有自家製冷泡茶、珍珠奶茶等，另外設有清酒及梅酒區。雪糕區自助區嘅雪糕種類繁多，除咗有雀巢雪糕、韓國樂天Tico朱古力雪糕之外，仲有Häagen-Dazs曲奇雪糕任食。…Read More

今次嚟到位於中環創意fusion餐廳daap，餐廳以綠白為主調，座位以吧枱為主。高質中西fusion菜色大受食客歡迎，長期都係中環人氣餐廳之一，中午時間更加係座無虛席。餐廳由主廚一人主理，主廚Luke曾經喺多間米芝蓮餐廳工作，糅合咗多國風味菜式同埋使用中西食材，餐廳採用開放式廚房，可以睇住主廚嘅烹飪藝術，每款嘅fusion菜式都非常創新。頭盤烤栗子湯配香煎羊肚菌入口順滑，烤栗子嘅甘甜味道同香煎羊肚菌嘅香氣完美結合，味道非常濃郁，湯底更帶有奶香，加上橄欖油，提升咗湯底嘅香氣同埋層次感，令人回味無窮。主菜澳洲穀飼和牛板腱扒配豆豉牛油汁主廚主理嘅牛板腱火喉控制啱啱好，外層煎至焦香，仲帶有香脆口感，內裹非常嫩滑，中間肉質粉紅色好Juicy，口感帶有少少嚼勁，而牛板腱扒用上澳洲穀飼和牛，牛味好濃郁，配上豆豉牛油汁，味道鹹香，味道好特別，有解膩嘅作用。甜品自家製酸種菠蘿包 配奶茶雪糕最後嚟一道非常港式嘅甜品，酸種菠蘿包外脆內嫩，溫度微暖，配上冰凍嘅奶茶味雪糕，有冷熱交融嘅口感，雪糕嘅奶茶味好濃郁。Iced lemon tea其他客人點嘅菜式，幾精緻。…Read More

今次嚟到位於啟德The Twins雙子匯泰國菜餐廳-新泰東南亞餐廳，餐廳主打泰國、越南、星馬菜式，廚師同埋侍應都係由泰國人主理，非常地道。裝潢充滿濃厚嘅東南亞風情，好有度假嘅感覺，而且環境舒適闊落，有落地玻，採光十足，此外設有戶外座位，可以飽覽到啟德景色，非常悠閒寫意。泰式海南雞飯海南雞飯以便當盒呈上，雞肉嫩滑可口，皮爽肉嫩，而且係無骨，食落好方便，配上酸辣醬同埋薑蓉，更添風味。雞油飯油香四溢，飯粒分明，配上嫩滑嘅海南雞肉，係完美嘅配搭。焗奶油大蝦伊麵即點即焗同埋製作需時，表面奶油焗至焦脆，溶化嘅奶油同埋芝士包住大蝦同伊麵，充滿奶油香氣，大蝦肉質爽彈，伊麵香糯可口。醃無骨鳳爪沙律無骨鳳鳴味道酸辣開胃，口感爽脆，帶有酸辣鹹唔同嘅風味，再配上酸辣嘅洋蔥同埋蕃茄沙律，非常爽口。芒果糯米飯芒果香甜多汁，配上口感軟糯嘅糯米飯，糯米飯加上椰奶充滿濃郁椰子香氣，加上糯米飯中微微嘅鹹味，口感同味道都非常豐富。龍眼冰龍眼冰味道清甜香醇，口感清爽，仲可以食到新鮮龍眼果肉，味道濃郁天然。綠豆沙冰綠豆沙綠豆香濃郁，口感細膩綿密，混合冰沙，冰涼又解渴，非常消暑。…Read More

今次去咗位於中環大館嘅Café Claudel，餐廳提供室內外座位位置，室外法式木藤椅、室內裝潢古典，加上木地板、木風扇，好有氛圍，完美復刻咗法國巴黎法式咖啡館嘅悠閑神韻，室外座位仲可以欣賞大館呢個百年歷史古蹟建築，週末喺度享受一個Weekend Brunch，感受法式慵懶嘅浪漫情調。Black Angus Flat Steak點咗Medium嘅Black Angus Flat Steak火侯啱啱好，肉質呈粉嫩，口感軟腍，好有肉汁，牛肉味濃郁；配上香脆惹味嘅french fries同埋新鮮翠綠嘅沙律菜，好豐富。Full English Breakfast 經典英式全日早餐材料豐富，有煎蛋、金黃香脆嘅薯餅、煎得焦脆嘅煙肉、外皮香脆，內裹肉汁豐富嘅豬肉腸、味道酸甜嘅茄汁焗豆、鮮蘑菇同埋好fresh嘅蕃茄。Blueberry Smoothie藍莓沙冰用上藍莓、牛奶同埋乳酪打製而成，藍莓味濃郁，味道酸酸甜甜，清新解渴。Morning Boost用上胡蘿蔔、生薑、薑黃為基調，再加上蘋果、蘆薈打製而成。用上生薑好有味蕾衝擊，係醒神嘅好幫手，生薑味濃但唔會有辛辣嘅感覺，好有新意，係一杯醒神嘅Morning Boost。…Read More

今次嚟到位於K11 art mall嘅湊湊火鍋‧茶憩，主打台式火鍋，環境古典優雅。今次推出咗下午茶$128限時暢吃任選餐，有多達10款經典台灣經典美食同埋夜市小食，包括台式紅燒牛肉麵、招牌洪湖大閘蟹粉麵同埋台南鹽酥雞等，仲有多達10款台式珍珠奶茶，手搖茶等，仲有日本三得利生啤都係任飲，性價比高。台灣牛肉麵牛肉麵好足料，牛腱口感有層次，加上紅燒湯底濃郁，味道濃，充滿鹹甜交織嘅香氣。招牌洪湖大閘蟹粉麵蟹粉濃郁醇厚，蟹肉嘅鮮美加上蟹油嘅香，令每一條粉麵都充滿蟹肉鮮香味道，麵條口感Q彈，層次感豐富。鹵肉飯自助區提供咗台式滷肉飯，將滷肉放喺粒粒飽飽滿嘅米飯上，鹵汁味道濃郁，經過攪拌均勻，每一粒米飯都充滿肉香同埋油潤嘅口感。台式夜市小食任食台式夜市小食嘅款式種類繁多，有台南鹽酥雞、台灣香腸、黑虎蝦蝦卷、野生比目魚柳、炸魚皮、四川小酥肉同埋紅糖糍粑等。冰桔香冬瓜茶桔子味道酸甜，加上冬瓜嘅清甜解渴，兩者結合清爽，好適合夏天飲。日本三德利啤酒都係無限暢飲…Read More

今次嚟到銅鑼灣登龍街永光中心嘅囍筷大排檔，源自於坪洲呢個小島上，店舖延續坪洲主店主打新鮮海鮮，店主每日從坪洲攞新鮮活海鮮，保證顧客可以食到坪洲原味道，餐廳保留咗坪洲鄰舍氛圍嘅熱鬧感同埋人情味，同客人打成一片，亦為客人慶生搞氣氛。餐廳裝潢以懷舊港式大排檔氛圍為主，係一個好地道嘅體驗。脆皮芝麻雞囍筷大排檔嘅招牌座之一，雞肉外皮炸至香脆，雞肉鋪滿芝麻，外層滿口芝麻香，香氣四溢，內裏保持鮮嫩多汁。口水花甲王每日坪洲新鮮花甲，花甲肉質肥美，加上餐廳嘅秘製麻辣汁，麻中帶鮮，開胃過癮，麻辣加鮮甜充滿豐富味覺體驗。乾迫粉絲蝦煲 粉絲用砂煲鍋迫至乾身，砂煲鍋保持熱力同埋溫度，粉絲爽彈入味，粉絲吸收咗海蝦嘅鮮味，再搭上芫荽，非常惹味。懷舊炸大腸炸大腸炸至外酥內軟，油脂香氣濃郁，係好懷舊嘅香港街頭小食之一。鍋塔蝦籽豆腐蝦籽豆腐炸至金黃色，再加上醬汁喺鍋度燜煮至入味，口感外脆內嫩，蝦籽濃郁嘅鮮味同豆腐豆香結合，好鮮美。琥珀糖合桃琥珀糖合桃外層香甜酥脆，內層爽脆，帶有核桃香同埋焦糖味道。…Read More

今次嚟到位於沙田新城市廣場人氣爆燈嘅肉肉大米，主打和牛漢堡排，餐廳採用開放式廚房，新鮮現絞同現烤，由門口位置可以觀賞到切肉手製肉餅過程，而吧台座位可以近距離觀賞廚師們烤製漢堡排嘅過程，食材新鮮。白飯嚴選日本虹煌米，米飯粒粒分明，口感煙韌。餐廳有8種醬汁同埋調味料可以自由搭配，包括燒肉醬、洋蔥醬、奧羅拉醬、蒜香辣椒醬、日式芥末鹽麴、沙茶醬、黃芥末醬同埋胡椒鹽。除咗主打嘅漢堡排，餐廳提供咗多項免費追加嘅食品，包括米飯、西蘭花同埋蜆肉湯，性價比高。3件漢堡排套餐和牛漢堡排選用九州黑毛和牛同埋美國牛肉混合製成，口感非常細膩，肉質鮮嫩多汁，表面煎至焦香，如果想再熟啲可以自己喺鐵板上再煎一煎。套餐附送日本生食用鮮醬油雞蛋，可以製作成美味嘅生蛋拌飯，蛋汁肉汁滲透每一粒米飯，好美味。和牛芝士漢堡排店員將和牛漢堡排烤好之後放上一片車打芝士，焗至半溶，然後店員再即時刨出芝士絲，達至雙重芝士衝擊，好有視覺效果，和牛漢堡帶有濃郁芝士鹹香同埋奶香。牛油果他他漢堡排最近餐廳嘅期間限定，牛油果他他漢堡排，牛油果口感幼滑，加上他他醬同埋特調照燒汁，非常惹味。…Read More

今次嚟到位於圓方嘅新加坡過江龍餐廳天天海南雞飯，係新加坡米芝蓮推介嘅美食之一，更被新加坡旅遊局評選為3大雞飯之一，餐廳除咗有海南雞之外，仲雲集咗人氣新加坡品牌「老街坊」、「超好面」同埋「五十年代」，主打地道又正宗嘅新加坡菜。值得一讚餐廳裝潢舒適優雅，環境寬敞整潔，店員服務態度殷勤。天天海南雞（中份）招牌海南雞保留咗新加坡本店傳統製法，選用咗海南文昌鎮正宗文昌雞同埋白羽雞，雞肉嫩滑可口，雞皮薄爽滑，皮下有層啫喱，口感細膩，入口即溶，雞肉肥瘦均勻，肉味濃郁，而且係無骨，食落好方便，配上三種醬汁，味道多種層次，包括有香醇可口嘅黑豉油、香氣十足嘅蒜蓉醬同埋味道酸辣嘅辣椒醬，將雞肉沾醬嚟食更加開胃惹味。雞油飯雞油飯呈淺黃色，油香四溢，飯粒分明，香味濃郁又煙韌，令人回味無窮，配上嫩滑嘅海南雞肉，係完美嘅搭配。新加坡檸檬鳳爪上枱時仙氣滿滿，檸檬鳳爪充滿咗東南亞特色，口感彈牙爽口，加咗檸檬汁同埋辣汁結合咗酸甜辣嘅味道，口感層次豐富，係一道好開胃嘅小食。黃金雞脆骨雞脆骨呈金黃，鹹蛋黃味道非常濃郁，外層口感酥脆，內裏多汁，加上脆骨帶有嚼感，口感層次豐富。酥炸椒鹽板豆腐板豆腐炸至金黃酥脆，口感外脆內嫩，外層帶有椒鹽嘅鹹香，內裹係豆腐滑溜細膩口感，再點上醬汁黎食，好惹味。參巴辣椒炒通菜翠綠嘅通菜用上惹味濃郁嘅森巴辣椒醬去炒，味道帶微辣惹味，口感爽脆，惹味得嚟仲好夠鑊氣，再加上蝦米去炒好香。…Read More

今次嚟到位於東涌諾富特東薈城酒店嘅Essence，最近喺2025年10月1日-2025年11月30日供應「滋味秋宴」晚市自助餐，而週末同埋公眾假期會表演即劏黃鰭吞拿魚，好精彩。「滋味秋宴」晚市自助餐即劏黃鰭吞拿魚非常新鮮，足足有40公斤，吞拿魚嘅口感甘香滑順；另外每人免費獲贈時令大閘蟹一隻，大閘蟹蟹膏豐盈；花雕醉蝦酒香醇厚，蝦肉彈牙；仲有蛇羹味道鮮甜，加上薑後帶有辛香味道，另外有即蒸新鮮生蠔、溫補氣血嘅當歸燉羊肉、蒜蓉粉絲蒸扇貝、烤鰻魚等，性價比高。自助壽司及刺身刺身有三魚魚、牡丹蝦、紅蠟魚、希靈魚、八爪魚，全部都好新鮮，尤其牡丹蝦，味道鮮甜、口感軟糯，此外仲有各種壽司。自助熟食熟食種類繁多，海鮮方面有原條蒸魚、豉椒蟶子、小龍蝦、油鹽水蜆、四川酸菜魚、焗青口，另外有蛋白蝦籽炒飯、藥膳牛尾、泰式魚餅等。自助沙律有新鮮嘅凱撒沙律、煙三文魚、火腿、麵包粒同埋巴馬臣芝士。飲品飲品種類繁多，有韓國樂天汽水、道地綠茶、巨峰提子果汁自助果汁、啤酒。雪糕有Häagen-Dazs呍呢嗱、曲奇呍呢嗱、比利時朱古力、士多啤梨、芒果雪糕任食。甜品餐廳甜品最近以抹茶為主題，推出抹茶朱古力噴泉、抹茶芝士蛋糕、抹茶撻等，非常適合抹茶控。…Read More

今個weekend去咗位於荃灣楊屋道Plaza 88商場嘅多國菜餐廳La Mensa Grill & Bar，裝潢以意大利地中海休閒氛圍為主，環境舒適寬敞，燈光柔和浪漫，擺設高雅。餐廳提供意大利菜、墨西哥菜同埋多國菜等，餐廳由外國廚師同埋侍應主理，服務態度殷勤，環境同埋食物令人好似置身外國一樣。Lamb Rack新西蘭羊架配烤薯仔及烤蔬菜，擺盆精緻，碟上有一朵蕃茄皮捲成玫瑰花蠟燭，浪漫儀式感滿分。新西蘭羊架生熟程度Medium well，外層焦香，切開後見到肉質粉嫩色澤，口感鮮嫩Juicy，帶有濃郁煙燻同埋脂肪香氣，搭配醬汁、芥末醬同埋鹽更加惹味。Mexican Quesadillas 墨西哥芝士餡餅墨西哥餡餅外皮焦脆，中間包住微辣嫩滑嘅雞肉、惹味嘅香料，同埋濃郁嘅芝士，搭配牛油果醬，莎莎醬同埋酸忌廉醬，增加風味層次。Thai Salad 泰式沙律泰式沙律色彩繽紛，份量十足，新鮮蔬菜同埋蕃茄仔口感爽脆，充滿清新感，加上蟹肉，口感鮮甜，搭配醋汁，味道酸酸甜甜，非常開胃。New York Cheese Cake甜品紐約芝士蛋糕為今次用餐劃上甜美句號，芝士蛋糕口感綿密，入口即化，芝士味道香醇濃郁，底部嘅酥脆餅乾底增加咗口感層次，搭配朱古力雪糕，好完美。Mango Mikeshake芒果奶昔，味道香甜濃郁，帶有芒果芳香，口感滑順，加上牛奶同埋沙冰，帶有清涼口感。 Butterfly Pea Soda蝶豆花梳打，梳打藍色漸變顏色好夢幻，味道微甜，口感清爽。…Read More

今次嚟到位於中環威靈頓街嘅蓮香樓，係香港唯一逾百年歷史嘅老茶樓，裝潢保留傳統中國風，牆上掛上古文詩句、山水字畫，大堂福祿壽擺設、天花雀籠等，更保留傳統手推點心車同埋茶盅奉茶，傳承香港百年飲茶文化，此外蓮香樓以傳統手工點心聞名，點心即叫即蒸，難怪每日吸引唔少本地食客同埋外國遊客青睞。太極鴛鴦炒飯鴛鴦炒飯搭配紅汁同埋白汁，紅汁係茄汁，味道酸甜適中，搭配嫩滑雞柳；白汁帶有濃郁忌廉香味，仲可以造出拉絲效果，搭配爽彈鮮蝦，底部炒飯粒粒分明的，帶有濃郁蛋香味。椰皇燕窩燉鮮奶燕窩燉鮮奶口感香滑，味道清甜，帶有濃郁椰香，配搭滋潤養顏嘅燕窩，口感順滑細膩，最後可以刮出椰皇入面嘅椰肉嚟食，清甜中帶有淡淡椰奶香。點心蟹籽燒賣皇飲茶必點嘅燒賣，豬肉同埋鮮蝦混搭，鮮嫩飽滿，口感紮實爽彈，加上蟹籽點綴，食落鮮香多汁。流沙奶黃包奶黃包外皮鬆軟蓬鬆，內裏充滿香濃奶黃餡，輕輕一咬，流沙奶黃湧出，奶黃味道香濃順滑，甜中帶鹹。豉汁蒸鳳爪豉汁蒸鳳爪蒸得軟腍，質嫩爽口，入口即化，醃得入味，帶有濃郁豉汁同埋紅椒香。蝦餃外皮晶瑩剔透，口感彈牙；內餡嘅蝦肉鮮嫩爽脆，鮮甜可口。牛肉球牛肉球，口感爽味滑溜，牛肉鮮嫩，咬落去有粒粒馬蹄，口感帶有層次。懷舊糯米雞糯米雞味道傳統，用料紮實，材料豐富，有雞翼、瑤柱、火腿、冬菇同埋鹹蛋黃，糯米飯口感軟糯，帶有荷葉香味，好滿足。富貴金錢肚金錢肚口感鮮嫩，爽脆軟韌，富有層次感，金錢肚吸收咗沙嗲濃郁鹹香味道。…Read More

最近角落小夥伴同富山麵家有聯乘限定新搞作！餐廳每個角落都有可愛嘅角落小夥伴，包括枱面、牆壁、紙杯、筷子套、碗碟等，全部都印上角落小夥伴嘅圖案，餐廳裝潢以粉色為主，色調充滿溫馨嘅感覺，而今次聯乘勁受家長同小朋友嘅歡迎。今次除咗角落小夥伴主題美食外，粉絲仲可以入手角落小夥伴精品拉麵碗同埋環保袋，好可愛。另外買任何產品即送鎖匙扣一個，或店內點取SG特製拉麵，Follow，Like & Share 官方社交平台，即可免費獲得A4 Folder一個。🍜特製牛奶拉麵特製牛奶拉麵係富山招牌拉麵之一，拉麵夠哂足料，魚片印上可愛嘅角落小夥伴，口感彈牙，魚味十足；有軟腍入味嘅日式叉燒，帶有油脂香；豬軟骨口感軟腍入味；日式蟹柳，口感細膩，味道鮮甜；拉麵麵質彈牙，相當掛湯，湯底用上北海道牛乳，充滿濃郁嘅牛奶香氣，另外配有溏心蛋、粟米同埋紫菜等作為配料，非常豐富。🍜特製冷麵可以自選胡麻或冷麵汁，個人鐘意冷麵汁，冷麵汁加上涼快嘅冷麵，味道酸酸甜甜，非常開胃，配上蝦、魚片、雞絲、蟹柳、玉子、蕃茄同埋青瓜，口感清爽，好清新。特製芭菲芭菲雪糕插上角落小夥伴，好可愛，雪糕口感順滑，底層仲有士多啤梨布甸，口感絲滑，味道香甜可口，配上年輪蛋糕，好豐富，另外仲有新鮮藍莓同埋士多啤梨，味道酸甜。 荔枝椰果梳打上面有角落小夥伴造型嘅棉花糖，好可愛，梳打荔枝味重，口感清爽，底層仲有粒粒椰果粒，口感豐富，梳打上面鋪滿奶油，加上彩色脆脆，色彩繽紛。特製白桃烏龍奶茶上面同樣有角落小夥伴造型造型嘅棉花糖，好可愛，奶味香滑順口，帶有清香嘅白桃味，好特別。…Read More

今次嚟到開業13年位於灣仔嘅家賀屋，主打時令海鮮、佐酒、燒物同埋揚物等，最近喺threads爆紅，皆因有慶生甜品免費畫碟服務，畫碟師將唔同嘅卡通畫得精緻可愛，無論係Chiikawa或Labubu都可以完美復刻，深受食客歡迎，大家記得提前預約畫碟服務。市場刺身丼 定食材料新鮮豐富，包括有三文魚刺身、本鮪赤身刺身、帆立貝刺身、赤海老刺身同埋三文魚籽 。其中本鮪赤身鮮甜清爽，帶有微微嘅酸味；赤海老味道鮮甜，口感彈牙帶點軟糯；醋飯酸甜平衡，同海鮮嘅鮮美完美融合，此外定食配有海帶味噌湯、胡蔴田園沙律、日式燉蛋等，非常豐富。角切海鮮丼將各種新鮮嘅海鮮切成小塊，有三文魚、三文魚籽同埋各種刺身，角切嘅魚生好有厚度，份量十足，刺身鋪喺醋飯上，醋飯嚴選新潟縣上等越息吹米，米粒富有咀嚼感。定食同樣配有海帶味噌湯、胡蔴田園沙律、日式燉蛋，好豐富。時令日本真蠔岩手縣米崎真蠔，喺日本眾多生蠔裏面備受好評，最近做緊期間限定50%OFF，性價比高。蠔肉海水味道濃郁，肉質肥厚，回甘細膩，口感爽脆，加上檸檬汁同埋配搭雞尾酒醬更提鮮。北海道千層雲呢拿蛋糕班戟外層甘香，每層包住北海道牛乳幼滑忌廉，口感層次豐富，加上精緻嘅畫碟服務，適合親朋好友生日或慶祝紀念。巨峰乳酸巨峰提子味道濃郁，乳酸清爽酸甜。巨峰乳酸梳打淡淡嘅巨峰提子味道，加上梳打味道清新，解膩一流。麒麟一番榨生啤適逢家賀屋15周年慶典，由晚六點開始，啤酒做緊半價優惠，過嚟happy hour 飲番杯都唔錯。…Read More

今次嚟到位於西九文化區M+博物館嘅高級中菜廳-璞AGATE，餐廳環境高級優雅，擁有落地玻璃可以飽覽維多利亞港嘅美景，景色開揚，喺度欣賞風景，一邊品嘗精緻粵菜，係唔錯嘅選擇。餐廳提供精緻點心、明爐燒味同埋數十款珍品佳餚，同時亦係聚餐同埋宴會嘅好地方。蜜餞西班牙黑豚肉叉燒叉燒用烤爐端上，叉燒用上西班牙黑豚肉，蜜餞汁微甜，外層焦香軟嫩，色澤鮮明，juicy有肉汁，配上紫蘇葉，口感清新，減少膩感。椰皇螺頭燉花膠螺頭花膠湯加上椰皇去燉，味道滋潤香甜，湯底帶有濃郁椰香，花膠爽而滑溜，充滿膠質。鮑魚福建炒飯濕炒飯嘅醬汁濃稠鮮香，鮑魚同海鮮切粒，口感彈牙，炒飯粒粒分明。魚子醬燒賣魚子醬燒賣皮薄柔軟，鋪上魚子醬，充滿鹹香鮮味，魚子醬嘅鹹鮮與燒賣豬肉嘅鮮美融合增添味道層次。奶黃刺蝟包刺蝟造型可愛，內餡係濃郁嘅奶黃，口感綿密細滑，香甜可口。川味雞柳腸粉腸粉口感滑嫩，川味雞柳麻辣鮮香。…Read More