SwallowHongKong's Profile

🍢灘五郷 🔍灣仔船街18號地下4號舖-----呢間日式居酒屋係灣仔區紅咗一排，最近終於抽到時間黎試下。餐廳有室外同內，星期日12點黎仲有得walk in，大概一點幾就好full，唔想撲空建議提早預約。坐咗係Bar檯位置可以睇到師傅係面前燒烤，睇到人差d流口水。餐廳氣氛熱鬧，但又因為係半開放式，所以唔會太嘈雜，幾適合同朋友聚會。 Weekend brunch set（$588 二人份）前菜方面，鰻魚玉子甜度同鹹香平衡得好，蛋卷軟滑；煙燻豬肝入口帶粉綿口感，肝味濃郁不苦澀；螢光魷魚漬帶少少黏口，鮮味突出，幾清爽一款；辣炒鱈魚腸調味類似泡菜，口感脆脆的。沙律係自家製煙燻豚肉薯仔沙律，薯仔綿密，煙燻豚肉切得細碎，味道滲入薯仔入面，食落唔會太膩，帶少少鹹香。串燒款式都幾多，三心兩意下，揀咗比較多人揀嘅免治雞肉棒，同埋雞中翼。雞肉棒調味淡雅，蛋黃加上去之後滑溜滑溜的，亦提升咗濃郁感；雞中翼燒到外皮微脆，肉質保持嫩滑，鹽燒嘅香氣令人欲罷不能。 天婦羅質素有被驚艷到，整體用料上乘，沙𩺬魚炸得外脆內軟，肉質細嫩；蝦天婦羅好彈牙，而且炸漿薄，唔會搶晒蝦味；南瓜帶自然甜味，炸完都仲保持到粉糯感。 炸物揀選咗吉列豬扒同廣島蠔。豬扒外層金黃酥脆，肉質厚實而唔乾，咬落有肉汁；廣島蠔吉列咬開後有濃郁鮮味，炸漿薄身，入口先脆後爆汁，好鮮。重點之一嘅爐端燒亦無失望。鮮魚一夜干帶微微鹹香，魚皮燒得焦香，魚肉油脂感豐富；魷魚一夜干煙韌有嚼勁，燒香味重，但都食到鮮甜味，搭配清酒🍶好夾。 主食方面，茶漬飯湯底清淡，帶少少昆布香，加入少許飯素提味，食到尾用嚟清味覺幾舒服；烏冬則麵條煙韌，湯底同樣比較清爽，適合用黎收尾。PS佢地有Free flow飲野Plan～清酒很不錯🥤Plan A +$88-Japanese Apple Juice / Soft Drink🥂Plan B +$228-Asahi / Sake / Highball / Red / White / Sparkling Wine單比大家參考：…Read More

❣️高知駅 🔍中環蘇豪嘉咸街46號地舖-----店鋪位於嘉咸街嘅斜路上，小小的一間，卻是日味濃郁，木製枱凳、暗黃燈光、加上牆上和風裝飾，幾有feel。週末限定二人餐：🥜 前菜：糖漬合桃＋魚仔合桃香甜帶微脆，糖漬唔會太膩，魚仔則鹹甜中帶點鮮。🐟 鰹魚半敲燒套餐以外嘅食物，見到網上話係佢招牌，所以叫黎試下。半燒過嘅鰹魚肉中間仍然呈嫩的顏色，而邊緣微微燒過帶焦香，味道有層次感。同時帶有柚子香氣加上煙熏香氣，幾特別。🥗 高知沙律沙律菜爽脆清新，帶麻油香氣，配搭生魚片點綴，貌相誘人。刺身油脂與蔬菜清爽互補，不錯。🐠 刺身盛合三文魚腩厚切，油脂豐富滑；飛魚籽脆脆的彈口；油甘魚魚脂豐腴，整體質素很不錯。🍤 揚物拼盤炸魚仔外脆內嫩，魚香味明顯，炸唔炸應該都不錯；炸雞塊皮脆肉嫩，咬落去汁水保留得幾好，調味唔重，反而突出雞味。🍢 串燒拼盤令我印象最深係燒牛舌同雞軟骨。牛舌帶嚼勁，牛味濃郁火候控制得好，邊邊微微焦香但唔硬；雞軟骨則係脆中帶肉的感覺，好有咬口。🍖 本日一品料理：牛肉漢堡丸外表金黃，咬落酥脆，內裏牛肉餡仍肉味濃郁，用料幾有誠意。🍜 和牛湯烏冬烏冬麵條軟硬適中，湯頭清醇，和牛大大塊。🍵 甜品：抹茶蕨餅收尾剛好，不過甜也不過淡。抹茶味道淡淡的苦甜，蕨餅口感 Q 彈。單據for 大家參考…Read More

Chur咗甘多日，週末當然要好好慰勞自己。家姐大推我黎試下安平燒肉嘅120分鐘日本A4和牛放題，話佢哋upgrade咗 Menu，佢上次食完覺得好驚艷~講返環境先，旺角店雖然都開咗有幾年，但餐廳裝修保養得依然幾好，乾淨企理，木色枱櫈加上柔和燈光，感覺溫暖舒服。而且抽風做得幾好，燒咗成晚出到去都唔覺得有成身油煙味，好加分。另外一坐低就送上熱辣辣雞湯呢件事都幾sweet.重頭戲當然係和牛啦。油花靚得嚟分布平均，唔會太油膩，而且牛味好濃郁，厚度啱啱好，所以口感亦佳。推介大家叫一個壽喜燒，會另外比多個鍋仔，咁就可以一邊燒一邊洽，節省唔少時間可以食多幾塊😎。仲有牛舌都好唔錯，係佢哋嘅招牌菜式，仲會連埋刀叉同埋沙漏一齊上，好有儀式感。燒完帶少少焦香，咬落爽口彈牙，配埋檸檬汁一齊食，酸酸清新，正好中和咗油膩感，推介必食。.除咗牛，放題仲有豬肉同雞肉可以揀。豬腩片肥瘦比例啱啱好，燒到邊位帶脆，包生菜加泡菜一齊食好爽口。雞肉就算燒耐咗都仲保持嫩滑，配上佢哋嘅招牌黃金醬一齊食幾惹味。仲有必叫嘅老虎雞翼（食咗幾round）黑椒味濃濃辣辣，好爽好惹味，我本身唔係黑椒fans，但係呢個真係好上癮.另外海鮮嘅質素都真心唔係好輸佢嘅肉，例如鮑魚、生蠔、赤魚一夜乾、帆立貝、霸王蝦同埋白鱔，全部都高質。赤魚結實魚味濃，鮑魚彈牙，生蠔飽滿，霸王蝦新鮮大隻，仲有獨特嘅黑蒜橄欖油調味，白鱔就非常厚肉，肉質細膩彈牙，又係多輪encore之選。蔬菜方面，款款都唔錯，但係最驚喜最驚喜就係佢嘅燒粟米！（我哋食到好後先發現有蔬菜area，真心有種相逢恨晚嘅感覺）佢哋嘅粟米同平時嘅粟米有啲唔同，顏色較淺色，切到細細舊好容易燒，咬落香甜多汁，完全唔需要額外調味。最後記得食埋佢哋個招牌花生紅豆芋圓燒仙草先好走啊～單據比大家參考：…Read More

見到OP做優惠，過黎試下佢地新Menu。環境舒適，窗外望到維園一帶開揚夜景；店內音樂輕輕地播，聲量剛剛好，傾計唔需要提高聲線。服務節奏掌握得幾好，整體用餐環境愜意。- Welcome Drink｜House Makgeolli 自家釀米酒口感輕盈，米香中帶點乳酸味，唔甜膩，幾開胃。Seafood Crispy｜海鮮脆餅 咬落脆得「卡嚓」有聲，油脂感控制得好，帶少少紫蘇油香。- Small Bite Mandu｜小口釜山鮑魚湯餃子 一啖size的湯餃好討好，皮帶彈性，咬開湧出湯汁。- Squid mix Myeon｜烏賊伴麵墨魚爽彈微辣，拌麵質感彈牙，調味走清新路線。- Deul Kkae - Juk｜傳統韓式粥 米粒綿滑得黎仍有米香。加入韓牛、蜆肉同蔬菜，層次豐富，細細一碗感覺是精華所在，旁邊還有脆米餅搭配。Slow Cook Jeju Pork Belly ｜ 30+小時慢煮濟州黑毛豬五花 豬五花肥瘦分明，入口有油脂香氣但不油滯。加自家燒烤醬，鹹甜中帶點煙燻香。- Ginseng chicken Tteok galbi ｜蔘雞手打免治肉漢堡卷 口感細緻黏合度高，醬香比想像中克制，顯得肉味更濃。-Busan Own Farm Rice with Codfish Roe & Special Banchen & Soup｜釜山自家農田珍珠米飯配鵪鶉蛋 珍珠米飯香非常突出，質感軟糯。本身搭配嘅鱈魚籽無貨，換上煎鵪鶉蛋。旁邊幾款釜山特色伴菜都不錯，很下飯。隨上嘅韓式湯品清清甜甜，飲完有回甘。- Homemade Chestnut cream with Sticky Rice Waffle｜栗子奶油配糯米年糕窩夫栗子忌廉香滑帶堅果幽香，糯米窩夫外層微脆內裡黏糯，不錯。單據比大家參考…Read More

🐂Feather & Bone 🔍西環西營盤德輔道西321號瑧璈地下1號舖-----店面3成係零售、7成係餐廳，門口附近就見到雪櫃同熟成櫃，牛扒排到好齊，望落好吸引。燈光溫暖，裝修雅緻。仲有落地大玻璃窗可以睇街景，空間感十足。同埋中意佢大部分牛同食材都係澳洲嚟。雖然紅咗好多年，但係仍然成日爆滿，唔想等位最好預約定。.呢度食牛除咗可以喺餐牌叫，亦可以自己去 counter揀，再揀配菜同醬汁，今次我哋就揀咗 Grass Fed Ribeye，醬汁要咗 Onion Gravy。牛扒3成熟火候剛剛好，邊位有香脆焦化，中心係溫熱，色澤粉紅；草飼出黎嘅牛，肉質會比較瘦，健康D但肉脂味會比較淡雅，但牛味濃郁，很不錯。Onion Gravy 帶甜香同少少焦糖味，鹹甜剛好，襯到牛味更立體但唔會搶戲。另外佢地逢星期二有 T-Bone 半價，下次決定bookmark 星期二去。除咗牛，我哋仲叫咗幾樣嘢：- BBQ Pork Ribs：表面有黏黏甜酸 glaze，煙燻味到位，輕力一切就離骨，肉質濕潤，好大份好美式風格，適合多人Share。加上自家製mustaed更富層次- Gambas：鐵鑊上枱熱辣辣，蒜香重、有少少辣度，蝦身爽彈；記得用麵包抹走鑊底蒜油，雖然肥但真心好香。- Chicken Burger：雞扒厚切多汁，用雞胸部位，但仍然Juicy，醬汁帶酸香，整體好食得黎感覺幾健康。- 薯條升級做 Mushroom Fries：外層脆卜卜，內層好多菇汁，坊間好少見，幾有新意。- Potato au Gratin：滿佈芝士嘅面層好誘人，奶香重但唔膩，配牛扒就好。。飲品推介試下Three Oaks Cider：蘋果香氣濃郁，清爽解膩，配牛扒同豬肋骨都好夾。單據比大家參考…Read More

最近終於去咗呢一間bookmark咗好耐好耐想食嘅餐廳。入到門口第一個反應就係，環境真係同我想像中一樣咁靚。設計上用咗光影同鏡面，望落好有格調，坐喺落地窗前仲可以直視維港夜景。成個氛圍高級得嚟又好Chill，好啱慶祝。今次嘅Menu比大家參考下～前菜有好幾款，特別中意Burrata同蟹肉沙律配魚子醬配青瓜及青蘋果精華。前者淨係Burrata用料靚就已經贏咗，入口好奶滑。而後者就入口鮮味好突出，而且好juicy。辣葱吞拿魚腩牛油果卷都唔錯，魚腩油脂豐富，同牛油果嘅creamy口感夾埋好順，輕微辣味加添少許個性，高質。慢煮豬肉配日本茄子味噌湯聽落好似普通，但係都幾用心，味噌湯底帶少少微甜，茄子吸飽晒湯汁，口感軟綿好舒服，食落暖笠笠。龍蝦意大利麵煮得有咬口，龍蝦肉新鮮彈牙，番茄醬汁入面加咗檸檬同香草，濃郁得嚟又唔會好厚重。日本押麥配明太子荳乳湯配海膽及魷魚就好鮮甜，海膽質素好好。石燒和牛可以自己燒，幾好玩！油脂分佈好均勻，入口真係有即化嘅感覺，配搭嘅炸蒜片香濃脆口，整體幾有驚喜。另一道主菜點咗糖醋茄子、油封番茄、開心果醬烤藍鰭鮪魚片，質素都係好好，藍鰭鮪魚嘅魚味好濃郁，切得好厚但又不失柔嫩口感。甜品係流心Tiramisu，一撕開外面嘅膠膜，咖啡奶油就會慢慢流出嚟，視覺效果拉滿，打卡一流。食落去香味好濃，奶油又夠軟滑，上面嘅朱古力珍珠帶少少脆感，成件甜品甜度控制得啱啱好～單據比大家參考：…Read More

❣️Mano (銅鑼灣)🔍銅鑼灣駱克道459-461號The L. Square 5樓-----收工約咗家姐去銅鑼灣逛街，之後黎呢間餐廳食Dinner。餐廳位置幾方便，地鐵站過黎5分鐘左右。七點幾嚟到已經有唔少人，好彩有提早訂位。落單叫咗Burrata Salad、Eggplant Millefoglie、Broccolini同Seared Scallop Tagliatelle，兩個人share，份量啱啱好。單據比大家參考下：🧀Burrata Salad沙律用咗burrata cheese、車厘茄同筍，配埋火箭菜。芝士夠新鮮，味道濃郁，配埋車厘茄酸酸甜甜，幾開胃。🍆Eggplant Millefoglie千層茄子配上芝士同番茄醬，熱辣辣上枱。茄子夠軟熟，食落好Juicy。芝士增加口感，但味唔會太重太飽膩，不錯。🥦Broccolini西蘭花苗用咗牛油同蒜炒，好爽口，且蒜香味突出。清新簡單，做配菜幾好。🍝Seared Scallop Tagliatelle主菜係帶子意粉，帶子煎得恰到好處，唔會過熟。意粉頗有咬口，食得出手工感，以三文魚籽龍蝦汁提鮮一下，非常不錯…Read More

❣️花丸軒 🔍中環荷李活道39-43號地舖-----N年前喺大阪排隊食過，印象好深刻，一直對佢哋嘅超巨型豬軟骨念念不忘，估唔到而家唔使飛大阪都食到。啱啱開嗰陣，要排隊排超耐，開咗大半年多啲，過咗第一浸嘅新鮮感熱潮，終於唔使排得咁誇張，但係依然長期滿座，星期日6:00到，都已經滿咗九成座位，唔想排隊可以早少少過嚟。裝修成個feel同大阪差唔多，說不上華麗，但卻有滿滿的日味，幾有親切感。.招牌原條慢煮豬軟骨拉麵配溏心蛋$148湯底香濃，拉麵爽滑，溏心蛋香香甜甜，色澤橙黃橙黃的，而最重點嘅豬軟骨，依然係原店嘅水準，肉質軟爛入味中不乏彈性，軟骨部份幾乎入口即溶。鰻魚野菜天婦羅蕎麥麵$118鰻魚肥厚骨細，炸到紙薄香脆，加上南瓜、洋蔥同粟米天婦羅等，整個配搭好豐富，蕎麥麵凍冰冰浸泡喺洋蔥醬油湯裏面，好開胃，幾啱夏天食。花丸軒秘製餃子5隻（$45）望落去好似同平時日式餃子差唔多，點知食落去好有驚喜，邊緣非常之脆，中間嘅肉餡亦飽滿多汁，好高質，同日本食嘅基本上係一樣。.單據比大家參考…Read More

見到OpenRice做7折優惠，所以weekend就嚟咗呢一間想試好耐嘅餐廳度食個lunch ，環境雅致舒適，地點亦都係鬧中取靜。每一個lunch set包咗前菜pasta同埋main course ，包兩杯飲品，仲可以額外加錢叫甜品。Salmon Crudo, Cucumber, SesameCitrus Dressing 三文魚非常肥厚，魚脂豐腴，加上清爽嘅紅蘿蔔絲同青瓜絲，同酸酸甜甜嘅醬汁，幾開胃Carnaroli Risotto, Zampone, Asparagus呢款意式燉飯幾有驚喜，蘆筍切得細嫩，米芯微硬，帶有淡淡米香，仲有Zampone（意大利傳統嘅豬蹄腸，內餡通常用豬肉、香料同豬皮製成）提味，幾香。Fish of the day魚皮煎得紙薄般，咬落去好香脆，魚肉厚嫩扎實，材料上乘，加上牛油忌廉汁輕輕提味，已是非常不錯。Dessert of the day (Tiramisu)六月底先去完意大利食咗好多Tiramisu，但不得不說呢一個Tiramisu比我喺意大利食嘅幾乎全部都更加好食。造型不規則富藝術感，入口軟滑濕潤，咖啡味同埋奶味各都無搶去對方的風頭，平衡得恰到好處。單據參考：…Read More

❣️The Optimist 🔍灣仔軒尼詩道239號地舖至2樓——一向都係Pirata Group fans，最近就黎咗佢旗下嘅呢間西班牙餐廳試咗佢哋嘅Appetiser Buffet，$138就可以任食前菜，好抵玩。呢個價錢包咗自助區嘅所有前菜，當中個人特別中意嘅有凍蕃茄湯、芝士、西班牙蕃茄包、薯仔沙律、醃三文魚等等，雖然人多，但補食物速度食物都算快。如果食完前菜仲想食主菜，可以另外加錢點，主菜有三個價錢選擇，分別係$178、$208同$238。我地就揀咗$238系列嘅Grilled Sea Bass同埋Chargrilled Beef Striploin 200g（牛扒係額外加$18）。牛扒好大件，帶淡淡炭香，肉質嫩滑無筋，配埋黑椒汁同chimichurri，層次豐富，調味平衡得幾好。海鱸魚新鮮，外皮微脆，魚肉滑溜，底下仲有鷹嘴豆蓉同烤蔬菜等作配搭。甜品方面揀咗Basque Style Cheesecake，Cheesecake質感扎實，配埋野莓醬，酸酸甜甜，幾清新。仲試咗Crema Catalana，有表面有燒焦糖皮，底下則似液態版少少嘅布丁，幾特別。單據給大家參考…Read More

🇪🇸Quiero Más 🔍中環威靈頓街2-8號威靈頓廣場M88 20樓-----餐廳環境好開揚，成個 vibe 好 chill，有現場拉風琴表演，好適合打卡同傾計。Weekend brunch $298起，可以額外追加，不過其實唔追加都好夠飽。Tapas一共6款，款款都唔細份，唔係嗰啲得個樣嘅細 size。-Plate of Spanish Ham火腿唔會太鹹，食落有少少油香，份量比得好足-Crystal Tomato Bread番茄包咬落去外脆內軟，包上嘅茄茸清新開胃，酸甜酸甜的，正好搭配火腿。-Scallop Ceviche, Avocado Mousse, Lemongrass-Vinaigrette帶子新鮮，柔嫩且juicy，牛油果 mousse滑溜非常，配埋酸酸甜甜嘅香茅汁，好refresh。-Gambas, Garlic-Chilli Prawns蝦好大隻，啖啖肉又彈牙。蒜香加埋微微辣，食完之後想再order多round。-Broken Eggs with Chorizo溫泉蛋、辣肉腸加炸薯條，一睇個配搭就知冇得輸，辣肉腸啲油香滲晒入薯條度，明知邪惡，但食到停唔到口。-Truffle & Cheese Bikini勁香松露味，芝士頗流心，加上香脆嘅表面，挑剔唔到。（如果中意松露味，仲可以試下佢地杯cocktail Truffle G&T，好清爽同重松露香氣，幾特別）- （追加）oyster 生蠔好新鮮，帶啖啖海水味，質感偏向爽口，同Moet champagne好夾。- （追加）Foie gras 鵝肝煎到外脆內軟，牛油 brioche 配埋無花果醬，鹹鹹甜甜，一啖入口，係幸福滿滿的感覺。主菜有幾個選擇，今次試咗魚同牛扒，另加咗半隻波士頓龍蝦。- Fish Robespiere魚肉煎得啱啱好，外皮薄脆，肉質嫩滑。底下有白酒牛油汁、上面有蕃茄粒同醃椒仔，成個味道好有 layers。- Dry-Aged Wagyu Bavette牛扒有牛味又無筋，圖中係medium嘅狀態，色澤粉嫩，配埋濃滑薯蓉同菠菜，再加多半隻肉厚彈牙嘅龍蝦，豐富到好似過緊節。甜品：-Basque Burnt Cheesecake with Raspberry Coulis芝士味好濃郁，口感幾實淨，外層有少少燒焦香。配埋酸酸地嘅紅莓醬，balance得幾好。-Crema Catalana類似西班牙版燉蛋布甸，質感滑嘟嘟，甜度啱啱好，加埋入口即化嘅忌廉，邪惡但我中意。單據給大家參考：…Read More

❣️Cafe Zense 🔍銅鑼灣謝斐道460-462號楊耀熾商業大廈4樓-----隱藏係商業大廈嘅呢間樓上cafe，有室內和室外露台座位，店內裝潢簡約，配上大玻璃窗，空間感十足，餐牌主打西餐，餐牌選擇都唔少。鹽燒厚切牛脷 ($88)：牛脷好厚實，外層帶點微焦香氣，內裡軟嫩，帶有淡淡的油脂香，鹽味調得剛好，整體不錯。香煎加拿大豬鞍扒 ($268)：豬鞍扒煎得外皮微脆，內裡juicy，肉質幾嫩滑，顏色也是粉嫩嫩的，加上阿根廷青醬，調味幾清新。配菜有意大利青瓜、燒薯角等等。青瓜爽脆清新，薯角綿綿密密，貌相擺盤也是精緻精緻的。蟹膏蟹肉雜菌扁麵 ($158)：扁麵煮得彈牙，蟹膏令醬汁帶濃郁嘅海鮮鮮味，醬汁creamy但不膩，而且啖啖都有食到菇菌，口感不錯。德式鐵鍋班戟 ($108)：班戟質地鬆軟中帶點煙韌感，蛋香幾出，配上冧酒脆糖香蕉同朱古力碎碎，甜而不膩，份量幾乎足夠三個人share。沙冰做緊買一送一，叫咗芒果乳酪沙冰同芝麻豆腐沙冰，前者帶有天然果香，後者帶豆腐清香，鍾意甜嘅話建議前者，因為後者加入咗豆腐，所以甜度會低啲。單據給大家參考：…Read More

朋友之前食過三希樓，話啲中菜水準很不錯，剛好媽咪打牌，而且最近好耐都冇帶爹哋出街食飯，就揀咗呢間黎請佢食餐好嘅。平時都好少一齊出街食中菜，想畀佢開心下，順便做吓孝順女。餐廳裝修幾有格調，係簡約中式，帶點書卷氣息。最鍾意係有一面超大落地玻璃窗，坐喺窗邊可以望住街景食飯，環境開揚，坐得幾舒服。第一碟上嘅係蒜泥白肉，切得夠薄，豬腩位脂肪唔會太膩，蒜香濃郁但唔嗆喉，而且蒜泥好綿滑，整體幾醒胃。青椒清香魚一上枱就令人好有食慾，魚量好足，新鮮且質感好滑溜。青椒係微辛得黎帶少許清香，辣味唔會太勁，唔會蓋過條魚嘅鮮味，加埋稻庭烏冬，飽肚高質，爹哋大讚。瓦罉焗胡椒海蝦上枱嗰陣仲有少許卜卜聲，蝦隻隻都好夠大，爽口彈牙，胡椒味香但唔會過辣，食落去好暖身且惹味。吊燒雞就叫咗半隻，雞皮燒得紙薄香脆，雞肉味亦濃，水準到位，雖然半隻都大隻，但係我地都食得曬。菜就揀咗啫啫唐生菜煲，鑊氣夠，味道香濃，生菜炒得啱啱好，唔會過焾。本身已經食到好飽，但最後由於見到檯檯都幾乎有叫即撞豆腐花，所以都忍唔住叫咗個。豆味香濃，口感滑唔會水汪汪，糖水甜度係自己加，有桂花蜜同黃糖，一桶大概可以裝到6碗，$88黎講其實抵食，冇令人失望。單據給大家參考…Read More

📍 泰仔 Thai Cuisine 🔎 尖沙咀亞士厘道21號地下2號舖-----有一排無去泰國，好在係香港都可以搵到正宗泰菜味道。週末嚟咗尖沙咀呢間小店，環境走懷舊泰式style，牆上啲七彩繽紛嘅布置幾吸睛，6點半黎到，直到食完離開約7點幾，場內一直都係Full的。🐮泰式船麵和牛金邊粉牛肉片軟腍有牛香，金邊粉富彈性且夠滑，掛湯力唔錯。湯底飲落味道鮮甜濃郁，唔會太重內臟味，亦無太油膩，食到尾都唔覺膩。🐥泰式乾炒雞河粉炒河粉煙韌有彈性，加上煎蛋、香蔥、生菜同雞肉等等，整體食落有d似台式蚵仔煎嘅感覺，好特別。🥗泰式飛天炒通菜通菜炒得翠綠，保持爽脆，唔會太油。蒜頭味突出，辣度頗高，唔食得辣的話下單前記得同店員講聲。🍲泰式冬蔭功肉碎湯金邊粉冬蔭湯底酸辣度啱啱好，回甘帶微微嘅甜，香料味突出但唔會過濃，金邊粉吸曬湯汁。肉碎份量亦夠，每啖都食到肉碎。🥥椰子雪糕吐司吐司烤得脆卜卜，椰子雪糕好香滑。兩種醬都幾出色，泰奶味好濃郁，班蘭有青草清香，兩樣混埋一齊又好夾，必食。單據給大家參考…Read More

喺海港城行街留意過呢間餐廳好幾次，琴晚終於入去試一試。餐廳裏面比想像中大好多，有好多卡位位置，古色古香嘅裝修，打卡一流。🫕 砂鍋餛飩雞湯頭色澤奶白，有去咗大部分雞油，所以無油膩感，飲落清香中帶點鮮甜。雞件有另外取出分拆上檯，幾方便食；餛飩皮薄餡多。份量夠兩個人share，整體很不錯。🥟 鮮肉鍋貼（三件）底煎得脆，無燶，唔會太油。入面係豬肉餡，咬落富肉汁。🥢 鐵板小籠包（五件）擺上鐵板可以保持溫度。包底煎過，咬落少少焦香，但唔會乾。肉餡熱辣辣，入面湯汁十足，要小心一咬就爆汁。🍜 個園蔥油鮑片拌麵麵質有啲似上海粗麵，口感厚實。醬油香得嚟唔會死鹹，食完唔會成口油，食落蔥香馥郁，好香口，令人食唔停口，鮑片反成配角。單據比大家參考：…Read More