heather_zero的個人專頁

無去日本旅行之後好耐都冇食過日式鐵板燒，今次有朋友邀請試吓呢一間位於尖沙咀嘅鐵板燒，懷緬一下。今次揀咗$800嘅set，睇落好似好多嘢食，唔知食唔食得晒。前菜有三款小食，第一款係芝麻豆腐，不是用黃豆整嘅豆腐，食落去個質感較硬身，而且又好濃郁嘅芝麻味道，有啲似食緊芝麻豆腐雪糕，但係有硬身啫喱嘅質感，好特別好清新。第二款係煮茄子，用咗日式醬汁去煮，茄子煮到好林好入味，再加上上面嘅木魚絲，成個菜式好日式嘅開胃。第三款特別啲，係煙燻雞肉刺身，我從來都冇食過雞肉刺身，更枉論喺香港食，原來食落去無論質感定係味道都好似煙三文魚，個質感較彈牙較硬少少，比煙三文魚少咗個油份。宮城県生蠔食生蠔通常點都會見到d黑黑地既裙邊，好難好乾淨，但係呢一隻生蠔真係用雪白黎形容，仲好大隻，食落唔似法國蠔愛爾蘭蠔咁有鐵銹味，但係佢既甜味好高，好清甜爽脆。海葡萄沙律海葡萄粒粒卜卜脆，真係好耐無食過。赤蝦吞拿魚油甘魚日本野點少得刺身，赤蝦甜到好似甜蝦咁，不過口感彈牙d。吞拿魚超厚切，好有口感，入口甘香。油甘魚我幾時都留最後食，因為係我最鍾意既刺身之一，個油香比起拖羅多份輕盈感。帶子鐵板燒帶子用左牛油燒到火候啱啱好，最鍾意佢用菜去墊底，平時多數用返個帶子殻令d油浸住個帶子，遲左食有一面會浸淋左，用菜墊底帶子既鮮味流晒落去，又保持到帶子既質感。帝皇虎蝦同白鱈魚我揀左鱈魚，要整得好食啱啱好難度高過蝦，呢個鱈魚表面煎得好香脆，油香味滲出黎，魚肉滑溜，最畫龍點睛係用左白蜆汁係底，更加帶出個海鮮味，白蜆汁唔算濃稠，似蜆湯，唔會撞左鱈魚既焦點。茶碗蒸 用上木耳，魚子，同黑松露油，有淡淡但又明顯既黑松露味，但見唔到一點黑松露，好有趣，玉子好順滑入口即溶。野菜有南瓜，露筍，蓮藕，冬菇，蓮藕比較少係鐵板燒食到，幾有趣。主食我揀左和牛封門柳，鐵板燒果然係要揀和牛，封門柳肥瘦平衡對我啱啱好，有濃郁既牛香，又唔會有肥膏入口既感覺，五成仲有小小血滲出黎，食落夠晒juicy。最後有櫻花蝦炒飯同miso，炒飯加左櫻花蝦仲帶點點梅酸味，食左一半可以加鯛魚湯做漬飯，帶走肥膩感。食埋最後既紅豆雪糕做甜品，開心滿足既一晚。…查看更多

香茜陳皮鴨髀燉湯$68好足料，一桶相你就有濃濃嘅芫荽陳皮味道，裏面隻鴨髀仲勁大隻，以為燉完湯之後隻鴨髀會完全冇味啦，唔係喎啲肉鹹香鹹香咁，細食d啲絕對可以當一個午餐。館長肌肉炸雞髀配台式糖心蛋陽春面$72炸雞髀同埋陽春面分開上，陽春面嘅湯底好特別，唔係普通嘅，而係有濃烈嘅藥膳味道，好有嗰種甘甘甜甜，好似人蔘雞咁嘅味道，炸雞髀有滲出陣陣嘅清新香味，侍應話係用咗好多唔同嘅水果醃咗好耐，除咗有果酸令到啲肉質變得嫩滑之外，仲可以中和到原本好油膩嘅炸雞髀，炸雞髀超級大隻，大過我塊面。日本滑蛋滷肉鵝肝飯$118特別在於滑蛋飯似係日式，但係滷肉飯就一定係台式，兩者嘅配搭其實都幾夾，比起日本食到嘅滑蛋飯通常裏面都係蕃茄飯甜甜地，滷肉飯就帶返啲鹹味比較適合香港人嘅口味，我剛炸到非常香脆，裏面仲保持到肉汁，食落無筋，非常嫩滑。…查看更多

一直都知道尖沙咀有間幸福鳥，主打日式串燒，但一直都未有機會去試，知道太古城岩岩開咗新分店，即刻趁有時間約埋朋友去食。餐廳入面無論係餐桌嘅顏色同物料都比人一種好似去咗京都一樣嘅感覺，問返店員先知道餐廳嘅設計靈感取自由明治時代開始的日本文化重鎮京都深度構想，不論線條、形狀同觸感都同京都接軌，為客人營造出猶如頓時置身於京都一般的舒懷之感。餐廳經理Francis好熱情咁招待我哋，好快就安排咗我哋入座，留意到佢好重視每位客人，每一台客人佢都有去接觸，會主動介紹菜品，詢問大家嘅用餐體驗，令我留下深刻嘅印象。而其他員工都一樣，好留意客人嘅情況，頻密咁加添茶水同更換乾淨嘅碟，有時仲會同你講吓笑。餐廳個酒牌仲申請緊，見到Menu上面都有好多款式，希望快啲批嚟啦，呢度嘅氣氛真係好適合同朋友或者同事放工後輕鬆吓。白桃果汁既然冇酒就飲下果汁先啦，同一般嘅糖水果汁唔同，飲落真係有清甜嘅桃味。開胃前菜刺身拼盤一共五款刺身三文魚油甘魚吞拿魚帆立貝赤蝦，每件都好新鮮好厚切，帆立貝都好厚肉，五款入面最鍾意油甘魚，味道淡但肉質好厚實。燒雞泡魚乾喺其他居酒屋都食過雞泡魚乾，但之前食嘅都係燒到好乾身好硬，反而依度嘅雞泡魚乾食落有種煙韌嘅口感，鹹鹹地加埋蛋黃醬真係好適合配酒。牛舌串係用牛舌芯呢個位置，所以肉質特別爽口彈牙，又夠厚身，所以口感比一般食過嘅牛舌串都要好，燒到啱啱好帶有少少粉紅色，咬落肉汁流晒出嚟。汁燒九洲槍魷魚望吓隔離對筷子就知條魷魚幾大條，燒得好入味，口感煙韌。免治雞肉棒 試咗鹽燒同汁燒，雞肉棒有混入雞軟骨，所以咬落口感極佳，汁燒要配生雞蛋嘅蛋汁，唔係一般雞蛋，係要用認證過嘅生雞蛋先得，專係用嚟生食，蛋黃嘅味道真係比其他嘅雞蛋要重好多，以蛋液亦都更加有粘性，可以更好咁掛係雞肉棒上面。幸福燒雞雖然係半隻雞，但係好大隻，平時我係唔會食雞皮，但係呢隻燒雞嘅雞皮好薄，而且仲好脆，而雞肉真係好滑好嫩，好似BB嘅肌膚咁，連雞胸肉都特別滑，食到呢一刻已經有啲擔心自己會食唔晒。燒豆腐啱啱燒好就拎過嚟，豆腐上面嘅木魚都仲郁緊，豆腐都好滑，如果多少少汁會更加好。？蒜香粟米諗住佢最多送能夠順利，冇諗過竟然係成條，蒜味唔重，粟米本身夠甜。燒沖繩菠蘿又甜又多汁。牛肉壽喜燒店員特登俾我哋影咗張相之後先倒湯，壽喜燒個湯底真係好正，牛肉好大塊件數亦都好多，本身倒左粒蛋落去，然後醒起食免治雞肉棒嘅時候我已經好欣賞佢個生雞蛋，即刻撈返出嚟，果然牛肉加蛋汁一流。無論係刺身、燒肉定係燒海鮮都做得好好，食物嘅質素同埋員工嘅服務態度，都令我有好好嘅體驗。…查看更多

扎肉沙律賣相好靚, 好似而家好hit既戚風蛋糕圍到一個花圈咁, 火箭菜作為主要既沙律菜, 再加上少少蕃茄莎莎, 再舖上扎肉, 最後加左D金箔係面, 成個賣相好高貴, fusion泰國菜有fine dine既氣氛。柚子蝦沙律材料睇到都係一般常見既柚子大蝦沙律, 唔同既係放左幾朵食用花, 賣相靚左好多, 帶黎淡淡既清新感覺, 大蝦新鮮彈牙, 柚子酸甜多汁, 加小小oliver oil, dressing都唔需要, 食出食材既原始味道。素印尼辣味疆黃湯賣相好似咖哩, 令我對於就咁樣放入口有D卻步, 疆黃味道好重, 入口真係好似咖哩既質感, 入面加左車厘茄同乾豆腐, 非常有飽肚感。馬拉蕉葉焗魚蓉賣相非常有趣, 有D似用蕉葉包住條烏魚子, 上面仲要真係有D魚子, 質感係魚蓉做個外皮煎脆, 裡面包住魚肉, 味道都幾辣, 仲有D蕉葉既草青味加埋馬拉香料既味道, 好濃烈同埋入晒去魚肉度, 魚肉十分嫩滑。仁當香料腹協肉牛排牛扒要求左五成熟，上碟嘅時候發現稍為熟咗少少，但係味道一樣咁香濃，而且肉質非常之嫩滑，應該係揀選左腹協肉嘅關係，配埋獨有嘅醬汁，完全食過返尋味，分量再大啲更加好。芒果糯米飯拿破崙絕對係今晚既signature必叫之選, 最出色沒有之一, 用左腐皮去代替拿破崙既酥皮, 係好突破既嘗試, 怕味道唔夾所以加左小小糖係面先去焗, 味道配搭清新好多, 腐皮焗完好脆好似薯片咁, 中間係泰式椰芒雪糕加左糯米, 冰凍得黎又好煙銀好有趣。芒果芝士蛋糕唔太甜, 味道清新, 而且係我鍾意既厚硬質感。Wood’s your nameWhisky based既cocktail再用蘋果木去做個煙燻處理, 本身whisky都已經係一種講求煙燻泥煤味道既烈酒, 再加左蘋果木煙燻, 打開個蓋湧出一陣蘋果木香之後淡淡透出whisky原本既煙燻味, 追求嗅覺既層次感。Summer Madness呢款係一款Mocktail, 冇酒精成份，但係飲落非常之清新，我嘅感覺係有少少菠蘿加椰子再加梳打水嘅感覺，非常之開胃。…查看更多

台灣麻辣牛肉拌麵牛肉嘅質地似係牛腩，食材用得高價，而且煮得非常入味，牛肉好淋，有一絲絲嘅質感，拌麵都非常入味，而且口感好彈牙，味道好濃。烤豬肉腸千頁豆腐拌麵豬肉腸比起平時喺台灣見到嘅冇咁肥，感覺上健康啲，加上我自己本身都唔鍾意食肥膩嘅質感，呢一個非常之適合我，另外加咗千頁豆腐，個質感好似魚蛋，冇諗過咁彈牙，加上滷水汁同樣非常入味，份量亦都好多。蚵仔花枝丸麵線除咗柯仔之外仲有好多其他配菜，蒜蓉同埋芫荽都好足了，味道好濃好似真係喺台灣食到嘅咁，另外加咗花枝丸比起一般嘅爽口。生煎包同平時食到嘅生煎包唔同，呢個係一口嘅size，細細粒的的式式好有趣，包皮好薄，裏面包住啱啱好嘅肉餡，香濃多汁。流心蛋流心蛋嘅蛋白同普通係街買到嘅雞蛋唔同，唔知係因為用過滷水汁嘅關係定點，覺得個蛋白比平常食到嘅更加滑溜。…查看更多

早幾年食過一鍋堂, 今日再黎食, 發現多左好多食物同飲品種類, 地方又大坐得好舒服, 又多左自肋部分唔洗下下等侍應, 侍應又可以專心上菜速度快左, 成件事進步左好多好值得返啅。湯底揀左一鍋潮汕湯, 顏色好似豬骨湯但係其實用左大地魚湯, 好足料所以煲到奶白色。點完單首先行出去睇下有d咩可以即刻拎返去食, 沙律吧連秋葵叱4類型比較貴既食材都有, 仲有雞腳, 麻辣豬耳雞腎呢d比較少食到既, 重要有蝦, 比較上係落重本等大家唔洗下下等打邊爐D野食滚起先有得食。牛腩蘿白都有得食。另外蔬菜都有好多款揀, 比較貴既羽衣甘藍都有。除左D大路野飲之外, 仲有自家製既飲品好似洛神花茶,蝶豆花茶都有, 蝶豆花茶拎黎玩下加D酸變色都已經夠小朋友玩半日。拎埋醬料點左既野食都黎得7788, 牛肉方面我比較喜歡瘦既牛腱肉, 唔肥得黎好有牛味, 另外牛小排都係一個唔錯既選擇。鯪魚滑加左陳皮好香, 份量又岩唔會太多, 仲有D鮮製手打墨魚丸豬肉丸同麻辣雞肉丸, 麻辣雞肉丸裡面仲有D雞軟骨, 好有口感, 辣辣地好惹味。丸都布好多種, 芝心系列尤其出色, D芝士好多好滿. 仲拉到絲。特長蟹柳夠晒好睇, 但太耐會散, 軟得滯影響口感。雲吞水餃類都好多款, 雞肉好嫩點烚都唔會鞋, 驚喜係竟然有得叫田雞, 呢個真係好少見, 仲清得好乾淨, 我本身唔食但同行友人好興奮咁自己一個食晒成隻。…查看更多

又去wingman食雞翼, 可以坐定定食又多款式wingman係首選, 本身因為個朋友話佢地個burger好好食, 特登黎諗住叫, 點知今日無喎, 搞到有DD失望, 好彩都食到一個好好食既Wrap。Ranch田園風味係乾身既雞翼, 個雞翼皮好薄, 小小油份麵炸晒出黎, 薄到得返1mm, 但係一D都無影響到雞翼既肉質, 直頭係岩岩係皮下面既肉都好有肉汁好滑嫩, 而且好入味, 完全無果隻雪藏雞翼既雪味, 味道方面係小小咸帶D甜, 上面加左D蔥更加清新夠田園。Honey Wasabi日本蜂蜜芥辣揀左一款乾身既雞翼, 另一款就選擇帶汁既雞翼, 本身以為係普通既蜜糖芥辣, 原來係蜜糖雞翼再加青芥辣, 同乾身既雞翼一樣, 個雞翼皮好薄, 雖然係帶汁但唔係因為咁個雞翼皮就淋左, 一樣係炸左先掛汁, 所以都係脆卜卜, 加左wasabi更加帶出同蜂蜜甜味既對比。Chipotle Avo Wrap墨西哥辣椒牛油果卷本身以為墨西哥辣椒一定好辣, 原來唔係, 小小辣得黎皇點係佢帶出黎既刺激感, 同埋果一個小小既甜味, 再加埋牛油果中和左個辣度, 夾左D燒雞肉更加惹味, 好有口感, 而且份量好夠, 唔係得塊Wrap皮, 多得黎D汁係有質量唔會漏晒出黎食到好狼狽咁, 味道分布係仕個wrap由頭到尾都有, 係burger以外值得期待既菜色。…查看更多

好耐都無食過放題, 今次一次過食晒放題加打邊爐加燒肉任食, 一早book左呢一間, 仲要食5點場諗住少D人, 點知多人到差D lobby都企唔到, 大家都係book左, 睇黎呢度真係好搶手。呢度採取全自助模式, 櫃檯比左張刺身貼紙我地, 一送左我地埋位侍應就主力收碟, 令到我地張台幾時都有位放野食, 呢個真係任食最重要, 仲要全場咁多人佢地都可以好快睇到邊度要收拾, 服務做得好到位。一開始刺身好多人, 我地主力去拎左燒肉同小食先, 燒肉材料係走廊位, 略嫌迫左小小唔太方便, 但係選擇好多, 淨係肉都有十幾二十種, 同埋食落去食得出無用好多梳打粉去拿鬆d肉, 同埋睇顏色唔係果d雪左千年既貨, 呢一part 都幾滿意。另外蔬菜方便都好多選擇, 可以燒同打邊爐都得。另外燒肉盤用左牛油紙放底, 少D油煙之餘換紙又簡單過換盤, 所以燒肉都幾方便。小食方面又有沙律吧, 又有熟食區中式區, 又有炸物區, 最驚喜既有灌湯餃同日式福袋, 呢D款式一個一杯, 好嘥位, 自助餐既item係放題出現, 係凍左小小, 熱辣辣更好食。食食下去拎野飲, 好多款, 另外仲要有個花茶位, 介紹有咩功效可以點配搭, 好新奇有趣。打邊爐係細鍋慳D位, 都有D湯底揀。甜品都有2個大櫃咁多既款式揀。…查看更多

蟹肉三文魚沙律賣相非常有趣, 好似果D星球蛋糕咁, 用煙三交魚包住D蟹肉包成一個波, 外面有酸酸甜甜既沙律醬同沙律菜, 切開煙三文魚先會見到滿滿既蟹肉, 蟹肉鮮甜同煙三文魚既魚油味好匹配, 而且份量充足, 每一啖都食到絲絲分明既蟹肉。黑松露蘑菇湯我都分唔清到底係黑松露既香味定菌類既香味出D, 好似入左個雜菌場咁每一啖都有好濃烈既味道充斥住鼻腔同口腔, 顏色方面比一般既蘑菇湯深色好多, 應該係用左唔少既黑松露再加上其他種類既雜菌先有呢個效果。蘆筍蟹肉忌廉湯同想像中好濃烈海鮮味唔同, 蘆筍帶出好清新既感覺, 而蟹肉無鮮蝦咁咸反而同蘆筍更夾, 蘆筍湯同蘿蔔湯既質感好似, 都係有小小口感一粒粒咁, 好清新得黎又覺得幾飽。冬陰功年糕非常新鮮, 睇個顏色無諗過係冬陰功, 以為係咖哩或者喇沙, 但係一放入口, 係冬陰功既酸甜味, 又唔辣, 好有驚喜, 味道好濃烈同埋個質地好厚, 好配合年糕, 令到D湯汁好容易掛到上去, 上面又加左一絲絲既蟹肉, 成個鮮味出晒黎, 年糕又夠彈牙, 成件事非常夾, 食完覺得唔夠喉, 可以加多D份量做main course。明爐海龍王好豐富既海鮮餐, 一上菜就見到大大粒帶子同埋鮑魚, 帶子唔只大粒, 仲有鮮味, 唔係雪死左既雪藏貨, 咬落去絲絲分明好有口感, 而鮑魚好彈牙好有咬口, 味道又夠濃甜甜地, 又有好多配菜同埋個蕃茄湯汁夠晒濃味同埋好容易掛汁, 魚肉好滑嫩, 煮到岩岩好。精選雜扒雜扒份量大到可以2個人食, 有好大塊牛好大塊豬好大塊雞, 仲要再加一隻好大既蝦, 牛扒揀左5成熟, 岩岩好無血, 雖然同單點一塊牛扒比薄好多, 仁牛肉味道都好夠,顏色分布同一般牛扒無分別, 豬扒都好有油香味, 又夠鬆軟, 蝦就好彈牙同埋好有蝦膏香味, 反而個雞夠滑但味道相對淡D, 下次應該食左雞先。再加個我最鍾意夠creamy阿厚實既blueberry cheesecake作結。…查看更多

迷你火炙左口魚邊丼$78呢一個迷你檔都真係幾迷你下，上面大概有$4左口魚，燒到啲油香別晒出嚟滲落去個飯度，加上啲飯唔多，食落去唔會好滯，出嚟食火炙最驚就係啲魚燒唔到甘香，好似兩頭唔到岸咁，呢一個就冇呢一個問題啦。脆炸軟殼蟹飯卷$88明顯睇到軟殼蟹嘅蟹腳，呢個份量都相當之多，上面嘅蟹子落得一啲都唔吝嗇，當然沙律醬都係，軟殼蟹揸得好酥脆，比飯包住都唔覺得佢變諗，而且味道好夠，再加埋沙律醬，豉油都唔使舔。牛肉壽喜燒$108呢一個係今晚最抵食嘅，份量好大，一夾起就見到有好多牛肉，而且下面有個爐慶住，幾時都保持住熱辣辣嘅感覺，牛肉加上蛋黃食落非常滑，當然亦都有功於佢係放生牛肉而唔係煮熟咗嘅牛肉咁樣上，普通嘅蔬菜豆腐不在話下，令我最驚喜嘅係裏面有粉絲，仲要係比較近似韓國嗰種粗少少，煙煙銀銀嘅粉絲。流心芝士魚餅$48係一個睇上嚟好似年糕嘅魚餅，但係咬落去又真係魚蛋嘅質地，中間夾住左芝士層，唔算係拉斯嘅芝士但係有好濃郁嘅芝士味，有啲似水牛芝士嘅質地，魚餅燒到表皮有少少脆，樣子好吸引，而且味道都好鮮甜，有別於一般嘅魚蛋。香炸日本池魚仔$58呢一個份量幾多，炸得好酥脆，池魚頭部少少甘脆，而魚身就好滑好似食緊九肚魚咁，而且個炸漿好薄，食落一啲都唔油膩。火炙北海道帆立貝蟹膏卷$88對比起咁多味菜，呢個相對失色嘅，蟹膏好濃味，但係質地比較水，口感唔係咁好，有啲似未攪溶嘅醬咁，對比起上嚟帆立貝變得冇乜味道，中間嘅餸係青瓜同蟹柳，更加清淡，令到成件事比上面個質感又唔係好好嘅蟹膏搶晒。…查看更多

Dahi Golgappe $68一種係印度好有特色嘅小食，香脆嘅外皮裏面包住左鷹嘴豆泥加埋其他嘅配料，再配上獨特嘅醬汁，竟然係粉紅色嘅，味道係酸酸甜甜，好開胃，外皮係薯仔，炸得非常香脆，咬開好似一個波咁，裏面收埋咗啲鷹嘴豆泥，好似嗰啲要用個錘仔扑爆嘅蛋糕咁，外觀一流，口感十足。Tandoori Kukkad $138用咗獨特嘅醬汁去醃，再用燒烤嘅方式煮熟嘅燒春雞，味道非常濃烈，而且去到雞肉嘅最深處都好夠味，醃料用得祝之餘仲要花好多時間去醃先至有呢一個效果，雞肉非常之嫩滑，裏面有晒肉汁，同啲醃料都撈埋味道真係一流，而且份量好多，有四大件，仲要全部都係雞肶肉。Goan Fish Curry $138揀咗魚咖喱，魚肉似係斑片，質感比較實淨，唔容易說，煮咖喱就啱晒，咬落去仲食到一絲絲嘅魚肉，比起傳統嘅印度咖喱呢個多咗一啲椰汁嘅味道，令到成個感覺冇咁辣，識落甜甜地好易餸。Palak paneer $98另外仲叫咗呢一個蔬菜咖喱，望落去好似打用咗嘅菠菜醬汁咁，味道都比起一般食到嘅咖喱較為淡味，反而菠菜嘅味道就好突出，而且裏面仲加咗芝士，係傳統印度常見嘅芝士，同平時食到嘅西式芝士有啲唔同，質地比較鞋身，味道有啲似水牛芝士，唔濃烈但係有淡淡的芝士酥味。Tandoori Roti $28比較常見嘅一種印度薄餅，係擺喺爐邊烤烤到好乾脆嘅嗰一種，感覺上健康啲因為用少啲油，吹卜卜好似食緊薯片咁樣。Onion Kulcha $38呢個係經理嘅推介，同一般嘅油酥餅唔同，佢係一種傳統加咗洋蔥，同埋薯仔嘅一種烤餅，唔使送咖喱就咁食都已經好夠味，而且個質感係我最鍾意食嘅油酥餅質感，煙煙銀銀有好多層，就咁拎黎已經可以做一個餸。Kesar Kulfi $48最後試食一下印度嘅甜品，呢一個雪糕，味道質感似雪芭多啲，非常之甜好有印度嘅特色，此食緊說到結左冰嘅煉奶咁樣，仲帶有少少椰子香味。…查看更多

有正既食材既任食火鍋真係要搵，呢度咁既價錢底下係我食過最靚既牛，真係物超所值。一坐底好貼心咁上左d小食，有炸燒賣同魚蛋，同樣都係任食既menu上面可以再點。湯底揀咗特選濃厚花膠雞湯鍋，全奶白色白到睇唔到裡面有咩料，非常濃烈既雞湯味，裡面既雞好似點煮都唔會老咁，好嫩滑。我地叫左最貴$279既套餐，有齊三款牛揀，分別係牛板腱，牛頸脊同埋牛小排，全部睇落都好紅無雪死到，牛小排相對肥d，牛味最濃，我自己最鍾意牛頸脊，肥瘦分佈均勻d，唔會感覺肥膩同時又夠軟滑，另外牛板腱都唔錯，雖然少d肥，但牛味一樣濃，仲有一份彈牙爽脆既感覺。紫菜響鈴係估唔到係任食度有，多左紫菜既味道好似少左響鈴既油炸味。水餃同雲吞都有試到，兩隻個皮都好薄，雲吞個皮有更飄逸既感覺，同埋個粒蝦好大粒，好彈牙，而水餃就有埋木耳，口感豐富d。牛丸好彈牙，裡面有肉汁，好香濃既牛味。芝心丸裡面好似有湯汁咁，似溶左既芝士咁。埋單都係三百零蚊一個人，有咁多嘢食2個人自己買返屋企食都差唔多啦。…查看更多

喺朋友屋企附近揀咗間餐廳食，喺香港仔原來咁容易搵到咁大間食好嘅餐廳，仲要中午一路都開，香港仔真係容易搵嘢食。今次我哋食咗呢度最優惠嘅生蠔dorriel，只係$10 1隻，我哋叫咗一打，估唔到呢一隻生蠔嘅size都好大隻，肉質肥美，上枱嘅時候已經見到佢脹卜卜，味道偏清新，並唔係帶有好重海水味或者鐵銹味，而且質感比較彈牙爽脆，識落好友清新嘅感覺，膽中間但係有少少甜味。另外仲叫咗兩個lunch set，香煎三文魚半檸檬忌廉汁，三文魚扒都好大件，燒到啱啱好，唔會話好老，最鍾意佢配菜夠多，底下嘅薯蓉好好食，牛油味十足，其次係啲配菜都好清新，配有少少沙律減低肥膩感，另外啲車厘茄係有輕燒過，唔係就咁一粒洗一洗就放上嚟，我自己鍾意食燒過嘅車厘茄多啲，因為個味道更加突出，濃郁啲。另外在嗌咗石燒美國牛肩肉眼扒，拎上嚟嘅時候出晒煙，睇落非常之有趣，視覺一流，塊石燒版非常之熱，我哋要將啲配菜攝落去牛扒下面先令到塊牛扒冇咁快熟，如果唔買食唔切就變咗老柴啦，而家咁樣就啱啱好，可以自己控制住個熟到，塊牛扒好大塊，而且非常厚生，呢個價錢真係冇得頂。另外值得一提嘅喺呢度有一個自助餐湯沙律吧，有需要係可以任食嘅，我見佢啲沙律同埋餐湯都refill得好快，呢度食一個lunch set一定夠飽。…查看更多

今次食咗更唔係好貴但係個感覺超高級嘅意大利餐廳，絕對值得介紹一下，成間餐廳用啲好暗好柔和嘅燈光營造一種好浪漫嘅fine dine氣氛，而且啲嘢食仲要好好食。Cold cuts and cheese board $215 食歐洲餐廳啲食嘅，可以試晒唔同嘅嘅凍肉類同埋芝士，肉類方面有常見嘅沙樂美腸，火腿，同埋我自己個人覺得比較多肥膏嘅ham，作為前菜試晒咁多種味，加埋一開始有個welcoming wine，非常之配合，芝士方面都有齊三種硬芝士，半硬芝士同埋藍芝士，我自己個人食得比較重口味，覺得個藍芝士係最好食嘅，查埋落去個包上面餸真係一流。Culatello di zibello $285見到呢一個係全場最貴嘅嗰一種前菜，忍唔住叫咗試吓，餐廳號稱佢係the king of Italian pork，真係冇講錯，同頭先食到嘅凍肉send俾呢個真係高咗五個層次，非常之薄切但係都已經滲出濃烈嘅香味，入口有即溶嘅感覺，嗰啲油分充斥着成個口腔，中大有啲堅果嘅味道。呢個真係必試，而且份量都好多，多啲人一齊你share嘅話等大家都是到咁好食嘅ham。Mushroom and Tuscany black truffle $285用返傳統意大利真係簿底嘅Pizza，感覺絕對唔係好似食開嗰啲大連鎖嘅麵包咁樣，咁先至係真正意大利Pizza，同樣都係用咗番茄醬做底，蕃茄醬唔太甜，酸酸美味好開胃，上面再加咗芝士，蘑菇同埋黑松露，重點黑松露唔係用普通黑松露醬就算，而係真係一片片嘅黑松露切落去，成件事高級好多，都真係食到黑松露嘅味道而唔係罐頭式嘅黑松露醬，而且份量好大，侍應非常貼心，一見到我哋好似食唔完，就主動提議幫我哋打包。Tenderloin 350g $460意大利餐廳都有石燒上嘅牛扒，而且是影都講到明係主導一成，然之後上枱先慢慢由我哋去決定幾熟佢食，上到枱見到啲血水中標緊出嚟，非常新鮮，而且食幾多切幾多攞嚟再燒一燒，令到個表面更加趣，而裏面亦都啱啱好，唔會話因為食得慢而導致啲肉質熟晒唔好食，而且份量非常之多絕對夠幾個人分，餐廳仲配左三隻醬料，但係我覺得肉質好夠牛味，唔用醬都已經好好食。另外叫咗一個水牛芝士沙律同埋烤雜菜做side，非常之新鮮開胃。Strawberry cheesecake $105Whiskey Cream tiramisu $105食意大利餐廳最後當然係要叫甜品啦，叫咗一個比較美式嘅士多啤梨芝士蛋糕，芝士蛋糕非常之滑樓，甜度適中，而且質感非常之結實，係我鍾意食嘅硬芝士蛋糕。另外就係食意大利餐一定要食嘅Tiramisu，因為我唔太鍾意咖啡嘅味道，呢度有好多隻其他嘅味道代替咗咖啡，我覺得非常之貼心，最特別嘅係佢有威士忌味，唔係周圍食到，所以今次就叫咗，出奇地威士忌同埋Tiramisu非常之配合，威士忌帶少少苦嘅味道啱啱代替左咖啡，絕對值得一試。…查看更多

食浜燒當然要叫清酒啦，侍應一開始就拎咗一堆杯俾我哋揀自己鍾意嘅。螢光魷魚$68份量都算好多，係鹽漬，有豐富嘅鹹鮮味道，螢光魷魚仲算係水尾，食到有少少嘅膏，特別鮮甜，仲非常肥美，送酒一流。唐揚一口芝士$68一客有六件，一個開裏面熱騰騰嘅芝士就溶出嚟，芝士唔算好有拉斯效果，但係就用上咗非常濃味嘅芝士，漿住喺口裏面滿滿嘅牛奶味，外面嘅皮咋得非常香脆乾身，而且夠薄，放一陣間都唔會淋。特製黑松露炙燒平目魚邊沙律$138平目魚邊係成條魚最多油香嘅地方，燒過之後更加能將嗰個油香帶出嚟，加埋沙律中和返嗰個油膩感，再用魚油嘅香味作為沙律嘅dressing，配搭好好，再加埋少少黑松露令到個香味嘅層次更豐富。金目鯛活貝浜燒拼盤$1188金目鯛屬而家時令嘅魚，今次就直接食原條金目鯛刺身，乜嘢其他嘅刺身都唔食了。師傅將魚皮炙燒左，令到個魚皮收縮咗少少，更加脆身，令平時唔食魚皮嘅我都可以食得津津有味，金目鯛係少數又有豐富嘅魚味，同事個質感又做到白身魚咁彈牙嘅魚，味道同口感並重，配上酸汁比配豉油更加好食，而且成條魚好大條，份量好多，兩個人食10分奢華。帆立貝一隻用咗清酒去燒，味道比較清香，更加食得出貝類嘅甜味，侍應火候教得啱啱好，熟得來仲食到帆立貝creamy口感，而令一隻就用咗我最愛嘅牛油去燒，濃濃嘅牛油香味少少其他醬汁都唔使用，同清甜嘅帆立貝相輔相成。文蛤一人一隻，都係用咗清酒去煮，味道清甜，口感彈牙。平時成日都食到熟嘅北寄貝壽司，比較少食到用浜燒方法嘅北寄貝，燒完之後比想像中細隻，非常之彈牙，質感有啲似象拔蚌。另外加咗$28去用剩低嘅金目鯛魚骨淆咗個湯，味道非常濃烈，個人認為可以將呢個湯分多兩碗，因為用料非常足夠，加多少少水反而可以更加品嚐到魚湯嘅鮮味。和牛石鍋飯$248原來唔係一片片薄到透光嘅和牛而係真係切到一條條嘅和牛，和牛喺石鍋入面上到枱先真係開始加熱，令到所有嘅牛味都可以用入去啲飯到，一啲都唔晒。食埋兩個甜品作結，今次揀咗上次我都好鍾意食嘅番薯雪糕同埋一個新嘅朱古力窩夫，朱古力窩夫嘅朱古力味好濃，唔係加糖嘅嗰一隻，如果出面有得買我都想買啲返屋企食。…查看更多