rachel0524's Profile

仲要等多幾個月先可以飛泰國，耐不耐就好掛住泰國啲美食😌啱啱去完旅行返黎懶得煮飯，趁住今日放假就去旺角食我成日都去食嘅泰菜「青花」😉餐廳環境就好似置身於forest入面，仲有多款特色嘅餸菜例如用蝶豆花炒飯係出面比較少見架👍🏻建議大家黎食記得要預早book位，因為成日都爆場架👍🏻雞皮卷呢款係我每次必點嘅小食，炸到脆卜卜又薄身嘅雞皮入面包住雞肉，咬落去嘅時候會一啖爆汁好juicy😋雞肉鮮嫩多汁配上泰式辣醬酸酸辣辣，勁惹味又香口，絕對令你食唔停口炭燒豬肉串燒沙嗲一碟分量有6串，平均只係12蚊串幾抵食👍🏻入口有陣陣嘅炭燒香氣，豬肉肉質軟腍，外面焦香內裡多汁，加上香味濃郁嘅沙嗲醬簡直係絕配😋馬莎文香料牛肉咖喱份量驚人😆係一大碗嘅咖喱，足足可以四至五人分享👍🏻牛肉用上肥牛片，肉質較為軟腍，加入大量蔬菜：蓮藕、茄子、秋葵、腰果、薯仔令咖喱帶有蔬菜嘅清甜味，咖喱香而不辣，所以一定要嗌蒜蓉包去點咖喱汁，一滴都唔好浪費😆蒜蓉包香脆鬆軟，上面搽滿香味濃郁嘅蒜蓉醬，配上咖喱汁真係Perfect👍🏻藍蝶花蟹肉菠蘿炒飯菠蘿炒飯就食得多😆用藍蝶花去浸泡米飯，令米飯變成紫藍色，再鋪上大量蟹肉、提子乾、雞蛋同菠蘿粒，可以自行再加入肉鬆同腰果令口感更加豐富👍🏻蟹肉嘅鮮味、加上提子乾嘅微甜啱啱好中和返菠蘿嘅酸味、肉鬆鹹鮮嘅味道配搭埋腰果香脆嘅口感，味道層次更加提升😋📍青花 (旺角)旺角奶路臣街17號THE FOREST 1樓107-108號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

放工又比人捉咗去夾公仔，指定要去荃新天地嗰間，商場地下有多間食肆，見到有間新開嘅日式料理「山海經小酒館」，裝飾充滿日本居酒屋風格，以木架區身成卡座，牆上仲貼滿日本poster同布藝，今晚一於食呢間啦✌🏻晚市有十款定食套餐，套餐包括前菜、麵豉湯、主食同米飯，百幾蚊一個set非常抵食👍🏻雜錦刺身定食赤蝦｜帶子｜三文魚｜鰹魚｜八爪魚刺身方面非常新鮮，赤蝦勁大隻，肉質爽口又鮮甜，次次我都會啜埋蝦頭入面嘅蝦膏😆濃郁又鮮味，帶子厚肉肥美，上面加上三文魚籽喺口入面卜卜爆開，提鮮又令口感味道層次更加提升，三文魚油脂豐富，肥美嫩滑，鰹魚口感軟滑鮮甜，八爪魚Q彈有嚼勁，一啖刺身一啖日本米，真係想再encore😆美國照燒肉眼定食勁大份堆到成座山咁高，上枱時淋上黑椒汁，鐵板嘅熱力「渣渣聲」令香味更加散發出黎，肉眼扒帶少許脂肪，令肉質更加軟腍，牛味濃郁，底下嘅洋蔥先係精粹，洋蔥清甜腍身，拌米飯食一流👍🏻 📍山海經小酒館 (荃灣)荃灣楊屋道18號荃新天地2地下一門町市場內J39-40號舖人均消費：$200食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

想食懷舊點心？第一時間就諗到喺中環過百年歷史嘅「蓮香樓」，現時酒樓仍然保留推車仔賣點心嘅方式，加上懷舊傳統嘅裝飾，恍如置身七八十年代嘅感覺，酒樓夜晚除咗提供點心外，仲有燒味、小菜同炒粉麵飯，每次放工想食點心嘅時候必定會去👍🏻更成為遊客體驗香港地道美食打卡嘅熱點📸蓮香蝦餃王脹卜卜嘅蝦餃外皮晶瑩剔透，裏面全部都係滿滿嘅蝦肉，蝦肉爽口鮮味，一啖一粒勁滿足四寶滑雞札雞扎嘅食材有滑雞件、魚肚、火腿、淮山、腐竹，雞件嫩滑，魚肚吸滿湯汁勁鮮味，淮山粉粉嘅口感食落特別清甜，大大件勁足料雞絲滑粉卷滑捋捋嘅粉皮包住雞肉，裏面加入西芹、木耳、蘿蔔嫩口感更加豐富，呢款懷舊嘅點心喺出邊真係好少有蟹籽燒賣皇我每次必點嘅燒賣👍🏻豬肉混入蝦仁粒，鮮嫩美味，口感層次分明，絕對係手工點心嘅與別不同之處豉汁蒸排骨排骨肥瘦適中，軟腍入味，底下嘅芋頭最好食，粉糯腍身，吸滿湯汁嘅鮮味豉汁蒸鳳爪一碟有成五六隻鳳爪，每隻都勁厚肉又大隻，豉汁嘅鹹香加上鳳爪嘅膠質，一啜就脫骨，一籠真係唔夠喉😆糯米雞大大隻足料糯米雞裏面有雞翼、豬肉、叉燒、冬菇、鹹蛋黃，糯米充分滲透荷葉嘅香氣，再加上各種不同食材，味道層次豐富韭菜豬紅車仔檔仲有各種唔同嘅小食，除咗韭菜豬紅仲有鹹菜胡椒豬肚、碗仔翅等，豬紅加上辣椒油簡直係絕配，韭菜碧綠爽脆，送酒一流乾炒牛河即叫即炒夠晒鑊氣，牛肉片嘅份量亦唔少，滑身煙靭嘅河粉加入生抽老抽同芽菜、韭黃、香蔥去爆炒，醬汁調味鹹淡啱啱好，唔怪得知係店家嘅招牌菜啦👍🏻📍蓮香樓 (中環)中環威靈頓街160-164號地舖人均消費：$300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

我一向就最鍾意周圍搵好野食，近期喺社交平台見到一間好有格調嘅西餐廳「Bistro Bon Bon」，深深比佢地嘅牛肉同三黃雞吸引咗🤩今晚即刻去試下✌🏻餐廳位於佐敦，舖面雖然不大，但裝修極具風格，牆上掛滿充滿藝術氣息嘅裝飾同畫像，約埋三五知己嘆返餐最好不過🥳餐廳提供$378四道菜晚餐，套餐包括頭盤、餐湯、主菜、甜品同餐飲，有部份需要額外加錢，食過之後覺得絕對值得👍🏻4 Courses DinnerStarter日本甘海老薄片將蝦肉壓成薄片，口感軟綿細滑，再加上鮮味濃郁嘅蝦油同紅酒漬蕎頭，酸酸甜甜嘅味道更加能突顯蝦嘅鮮味，蝦油嘅香氣充斥口腔，確實令人回味慢煮雞胸沙律配牛油果醬用慢煮方式嘅雞胸肉入口特別嫩滑，雞肉生熟程度剛剛好，配搭軟滑細綿嘅牛油果醬同新鮮嘅沙律菜，口感層次豐富，清新又健康嘅salad🥗Mid意式雜菜湯以多款蔬菜蕃茄烹調而成，味道濃郁但不油膩，維持酸甜平衡嘅味道，湯底加入香草提味提香，上面加上會溶化嘅芝士令味道層次感提升MainSapporo啤酒三黃雞即叫即煮嘅三黃雞用上啤酒汁去烹調，酒精於烹調過程中揮發，只有非常淡淡嘅酒味👍🏻金黃亮澤嘅三黃雞先將外皮煎香，鎖住雞肉嘅肉汁，油脂感豐富，連雞胸部份都十分嫩滑，點上濃稠creamy嘅啤酒汁，鮮美至極澳洲草飼油M4牛側腹肉必食👍🏻👍🏻👍🏻牛側腹肉雖然冇得揀生熟程度，目測大概五成熟，外面煎到微微焦香，中間嘅肉質仍然保持粉嫩嘅顏色，充滿肉汁，最特別係配搭沙嗲醬汁，花生味道特別香濃，但又唔會蓋過牛味👍🏻一碟有十多片牛肉，份量足又美味😋Sweet芝士蛋糕推介👍🏻👍🏻👍🏻我最愛嘅cheese cake，口感濕潤幼滑又creamy ，入口即化，芝士味勁濃仲帶有奶香，甜度亦都啱啱好，可以配搭酸酸甜甜嘅肉桂焦糖蘋果，食多件都唔會覺得膩伯爵茶朱古力風味紅茶食飽飲返杯伯爵茶refresh 一下😌朱古力紅茶飲落去有一陣朱古力嘅香味加上茶底嘅甘香，啱晒鍾意飲朱古力嘅我😆📍Bistro Bon Bon (佐敦)佐敦庇利金街53號地舖人均消費：$400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

又係好夜先收工嘅一晚，放工嗰陣時已經超級肚餓，「見見面」就喺我公司附近，即刻入去開餐先😆店家以木系嘅餐枱、金色嘅牆紙同枱布再加上紅色嘅吊燈，滿滿嘅中國風，食物方面主打川菜、雞煲、烤魚，鍾意食辣野嘅千祈唔好錯過😆唔食辣嘅都冇問題，因為全部菜式都可以揀唔辣，迎合不同口味嘅人士👍🏻毛血旺每次食川菜必點嘅毛血旺😋食材十分豐富，有鴨血、牛柏葉、木耳、黃喉、大腸、午餐肉、芽菜、海帶同粉條，揀咗中辣味道啱啱好，又香又麻又辣，嫩滑嘅鴨血加上爽脆嘅牛柏葉同黃喉，仲有又肥又腍嘅大腸全部都係我嘅至愛👍🏻底下嘅粉條又滑又軟糯，加上各式各樣嘅蔬菜配上水煮湯，辣得黎又停唔到口😆蔥爆牛肉牛肉嘅份量十足，每片都大大片又厚身，醃製過嘅牛肉口感軟腍，加上大量京蔥去爆炒夠晒鑊氣，京蔥越嚼越清甜加上鮮嫩嘅牛肉，今餐又要食多碗飯😆四川回鍋肉推介👍🏻五花腩煎得夠乾身，香脆嘅口感食落去一點都唔會覺得膩，脆骨嘅部份更加增添口感，再加上青椒紅椒蔥段去爆炒，惹味又下飯嘅菜式糖醋里脊豬肉以粉漿包裹再落鑊炸，外面酥脆裏面啖啖肉，加上酸酸甜甜嘅醬汁，一啖一條食起上黎更方便，越食越開胃😋孜然魷魚鬚 強烈推介必點嘅魷魚鬚👍🏻大大碟份量好多，魷魚鬚鮮味爽口Q彈，炸粉夠薄，再加上大量洋蔥、芫荽、炸蒜去翻炒，香口又惹味凍檸茶（特大杯）凍華田（特大杯）每次食辣野都要嗌最少兩杯野飲，呢度有特大杯嘅飲品就唔怕啦，大啤酒杯嘅size，包你一定夠飲👍🏻📍見見面 (九龍城)九龍城打鼓嶺道80-82號地舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

近排日日OT🥹所以放工要食好野令自己開心啲😛今晚Bu帶咗我去上環「延燒肉」，餐廳位於九如坊，日系簡約風嘅裝修，當然係食日式燒肉啦🥳呢度嘅燒肉套餐非常抵食，午市$158，晚市都只係$238，包含自選combo兩款肉類、前菜、湯品、蔬菜拼盤同甜品，喺中上環用呢個價錢食到咁高質嘅日式燒肉喺邊度搵？👍🏻我地揀咗雞拼豚肉+牛肉拼牛舌，咁就可以一次過試晒四款唔同口味😋前菜泡菜｜海帶呢兩款前菜都啱晒我嘅口味，泡菜酸甜口味，配搭燒肉解膩又開胃，海帶爽脆口感豐富，真係想再encore多碟😆石狩西京魚湯魚湯內加入洋蔥，除咗飲到魚嘅鮮味仲帶有洋蔥嘅清甜味，一碗熱騰騰嘅湯飲落去特別舒服季節時蔬拼盤黃椒｜翠玉瓜｜雞髀菇三款蔬菜燒過之後味道特別清甜，加上少少鹽，更加能突顯蔬菜嘅甜味，翠玉瓜同雞髀菇咬落去好多汁，黃椒燒到微微燶軟腍腍就最好食日本華味鳥｜日本宮崎豚肉所有燒肉店員都會即叫即切，確保肉質嘅最佳狀態👍🏻華味鳥肉質嫩滑，雞味濃郁，宮崎豚肉肥瘦相間，燒嘅時候將油份逼出，口感鬆軟充滿油香，再加上少少青檸汁味道特別清爽薄切鹽燒牛舌｜美國黑安格斯牛肉牛舌爽口而有彈性，越嚼牛味越濃郁，黑安格斯牛肉只需要兩邊輕輕燒一燒五成熟口感最佳，軟腍而juicy，食到我地lam lam脷豆腐雪糕食完咁多燒肉，最後食返個豆腐雪糕就超滿足，豆腐味夠濃又夠滑yummy😋📍延燒肉 (上環)上環九如坊6-10號林氏大廈地下B號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

而家搬咗出黎住就冇得成日都飲媽咪煲嘅湯，日日出街食飯真係唔多健康，所以今日放假就去咗屋企附近買蒸飯同燉湯做晚餐☺️「燉湯奶奶」有多款蒸飯同足料燉湯，主打一個無添加、無味精健康食物，套餐包一個飯加燉湯只需$65起，而每一款燉湯都會用錫紙封好，咁就唔使擔心會倒瀉，非常貼心，攞到返屋企都仲係熱辣辣😉土魷蒸肉餅飯肉餅裏面加入咗土魷粒提鮮，口感豐富紮實，肉餅充滿汁水，咸香鮮嫩，絕對係下飯神器豉椒排骨飯大推豉汁排骨飯👍🏻將豆豉剁碎，每一粒排骨上面都裹滿豆豉，醃得夠晒入味，排骨肉質鬆軟，並帶有脆骨增添口感，份量足有成十幾件排骨，將豉汁排骨拌入米飯，鹹鮮嘅味道真係令我忍唔住食多咗飯蟲草花紅棗蒸雞飯啖啖肉嘅雞件加入滋補又養生嘅蟲草花同紅棗，除咗食到雞嘅鮮味仲食到紅棗甜甜地嘅味道，令雞肉更加鮮美滋補黃酒雞飯黃酒雞飯最啱女生食👍🏻可以軀寒補血又暖身，用糯米酒製成食落有淡淡嘅酒香，但酒味又不會好濃，裏面仲加入咗冬菇提升鮮味海底椰蟲草花雪梨燉排骨湯呢款湯水有助潤肺止咳滋陰潤燥，間唔中有兩聲咳嘅人最啱飲，海底椰加埋雪梨令湯底更加清甜，肉嘅鮮味更為突出，多款食材經常時間燉制已經不需要再加任何調味已經非常之濃味三椰燉竹絲雞湯用海底椰去燉竹絲雞可以達到補血滋潤嘅功效，秋天飲最適合不過，呢款湯水比較清淡，椰子肉嘅清甜加上竹絲雞嘅鮮味絕對係最佳配搭羊肚菌響螺燉竹絲雞湯呢款湯水嘅功效可以健脾益胃，增強抵抗力，啱晒成日捱夜嘅人飲用，菇菌類清爽嘅味道配上響螺吅竹絲雞嘅鮮甜味，飲落去順喉舒服，達致強身健體嘅功效日月魚合掌瓜螺片燉竹絲雞湯推介👍🏻個人最喜歡嘅湯水，裏面加入瑤柱同陳皮，入口鮮甜帶微甘，味道會較為濃郁，補肝而明目，最適合一家大細飲📍燉湯奶奶 (鰂魚涌)鰂魚涌英皇道1065號東達中心5樓503D室人均消費：$65-100食物：⭐️⭐️⭐️⭐️⭐️環境：N/A （外賣）服務：⭐️⭐️⭐️⭐️回頭率：⭐️⭐️⭐️⭐️⭐️…Read More

又比我發現一個食泰菜嘅好地方「泰Cool」，喺淘大商場旁邊位置，外面有個outdoor area擺放咗一隻好大嘅幪面超人figure，餐廳地方好寬敞，除咗有得食泰菜之外仲有麻雀耍樂，佢地嘅食物大大碟之餘仲好抵食添👍🏻香葉爆炒肉碎伴生菜包豬肉碎加入香葉同洋蔥，辣辣地包住爽脆嘅生菜食落特別開胃，肉碎嘅份量夠多，可以包到八、九塊生菜，清爽又好味嘅前菜👍🏻泰式豬手一整嘅泰式豬手，上枱時已經去骨食起上黎更方便，香甜濃稠的醬汁味道非常濃郁，豬皮Duang Duang充滿骨膠原，連埋瘦肉同酸辣汁一齊食剛好中和膩感，「泰」正宗風味～咖喱牛腩釀巨型麵包必食推介👍🏻一大個嘅農夫包外脆內軟，中間挖空裝住咖喱牛腩薯仔，先將麵包切開再點上咖喱汁超正😋牛腩軟腍加上綿密嘅薯仔同麵包簡直係絕配，麵包腦袋嘅我食晒成個包😂冬蔭鮮蝦炒飯冬陰功炒飯味道酸酸辣辣，加入大大隻嘅蝦仁、本菇同雞蛋，鑊氣十足👍🏻炒飯夠乾身米飯粒粒分明，冬陰功嘅酸辣味亦調配得啱啱好亦唔會蓋過其他食材嘅味道😋芒果沙冰食泰國野必點嘅芒果沙冰，堆到成座山咁高😆入口幼滑冰涼，夏天飲返杯芒果沙冰真係透心涼，爽YY😌斑斕椰子奶斑斕嘅清香加上椰奶香飲落去特別順喉，甜度啱啱好，搞到我又想去泰國啦😆📍泰Cool (九龍灣)九龍灣牛頭角道77號淘大商場4期地下F229-240號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

Foodie朋友仔話我次次約佢食lunch都係食Burger，所以介紹咗間新開嘅漢堡包店「MR Burger」叫我去試下😆小店嘅所有漢堡同小食都係即叫即製，除咗一般漢堡包，呢度仲有竹炭漢堡系列，可以加$20轉為套餐包括飲品同薯條，亦可以以優惠價加配不同嘅小食😋至尊雙層牛肉漢堡加煎蛋鬆軟嘅漢堡包夾住兩塊超厚身嘅免治牛肉，咬落去充滿肉汁，外面微微焦香裡面勁juicy，再加上溶化嘅芝士好邪惡呀🤤配搭埋新鮮爽脆嘅生菜同蕃茄，營養夠晒均衡，每一口啖啖肉滋味享受😋跟餐嘅粗薯條脆卜卜加埋辣粉好惹味👍🏻自選竹炭漢堡鮮蝦堡｜豚肉堡｜大啡菇｜煎蛋仲可以自選口味，咁就可以揀晒自己鍾意食嘅材料製成漢堡👍🏻呢個漢堡包勁多料，真係要分開兩層先食到😆蝦堡外脆裏面仲有粒粒嘅蝦肉，豚肉堡外面酥脆裏面肉質鬆軟，大啡菇一啖咬落去爆晒汁，煎蛋微微燶邊夠晒香口，每一啖都超級滿足🤤唐揚雞塊跟餐可以加$15要一個小食，我地兩個都揀咗炸雞，啱啱炸起嘅雞塊係最好食架，外脆內嫩裏面仲充滿汁水，食多幾件都唔會膩😋唐揚魷魚鬚另外再加咗份魷魚鬚，一碟嘅份量亦唔少，薄薄嘅炸粉裹滿鮮味彈牙嘅魷魚鬚，香脆可口，配搭千島醬真係prefect match，酸酸地食到停唔到口冬瓜龍眼茶百香果茶小店仲有不同嘅果茶特飲，冬瓜茶清爽又解渴，百香果酸酸甜甜好清新，夏日消暑嘅飲品📍MR Burger (尖沙咀)我尖沙咀漆咸道南81號南海大廈地下J號舖人均消費：$100-200食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

今日出去尖沙咀做野，去買完下午茶後經過見到有間新開嘅手搖飲品店「龜記茗茶」，咁就順手買返幾杯返去孝敬下啲同事仔啦😆呢度有不同種類嘅飲品，有醇茶底、鮮菓茶、鮮蜂蜜、古早味、醇奶茶、鮮奶茶同豆漿，可以自由選擇甜度同冰量😋甘蔗檸檬四季春飲落去有淡淡嘅甘蔗清甜味配搭檸檬嘅微酸同回甘嘅四季春茶底，勁fresh又解湯金桔翡翠金桔味好重，酸酸甜甜咁特開醒神開胃，啱晒夏天飲蜂蜜三韻珍珠奶茶呢杯嘅甜度固定，可以選擇冰量，加咗蜂蜜嘅奶茶飲落去特別清甜滋潤，細粒嘅珍珠咬落去煙煙韌韌十分Q彈，係我嘅至愛楊桃檸檬果味濃郁，楊桃嘅清新配上檸檬嘅酸味，兩者勁夾，用不同嘅水果去配搭果然係有驚喜蜜桃烏龍裏面有粒粒嘅蜜桃肉加上烏龍茶底，茶底嘅味道亦不會蓋過水果嘅香甜，味道調配得啱啱好📍龜記茗茶 (尖沙咀)尖沙咀加拿芬道49號地舖人均消費：$30-40食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

我一直心心念念喺日本食過嘅和牛漢堡扒，估唔到喺香港都比我揀到間性價比高嘅和牛漢堡扒專門店「一輪」，佢地係香港首間手打和牛漢堡扒專門店，以自家農場養殖十勝產和牛使用，提供多款口味嘅和牛漢堡扒套餐同小食，套餐包括泡菜、麵豉湯、日本蛋同無限追加嘅珍珠米🍚每次食親漢堡扒我都要追加米飯😆套餐C黑松露忌廉汁｜甜洋蔥燒汁｜追加原味呢個套餐包括兩款口味嘅和牛漢堡扒，大食嘅我再追加多一件原味😋食客圍住圓型餐枱可以見到店員即燒漢堡扒，確保每一件上碟時都係熱氣騰騰，之後就會淋上不同口味嘅醬汁，先食咗原味先再點上蛋汁，蛋汁令和牛更加軟滑，原汁原味👍🏻松露忌廉汁香味濃郁，但又不會搶過牛味，鍾意食黑松露嘅必點，洋蔥燒汁係咸甜嘅口味，洋蔥嘅清新，令肉嘅鮮味更加突出，兩款醬汁拌飯一流套餐D原味｜三重芝士｜微辛蕃茄汁芝士迷推介👍🏻店員將溶化嘅芝士淋上漢堡扒，之後再刨上芝士碎，creamy幼滑嘅芝士包裹住每一啖和牛，芝士同牛肉真係絕配😋蕃茄汁味道酸酸辣辣，配上和牛可以解膩仲更加開胃，原味仲可以自行配搭燒汁、黃芥末、日本辣椒油，每一啖都試到不同嘅口味薯仔沙律我最愛嘅日式沙律😆粒粒嘅薯仔加上雞蛋、青瓜、紅蘿蔔、蟹籽，口感綿密軟腍，多種爽脆嘅食材令口感非常豐富黑松露汁焗芝士雞肉大啡菇必食👍🏻👍🏻👍🏻大啡菇上加上雞肉同芝士，芝士表面燒到焦香脆口，咬落去勁juicy爆晒汁😋溶化嘅芝士混合雞肉，多重口感滋味享受📍一輪 (荃灣)荃灣楊屋道18號荃新天地2地下一門町市場J36-38號舖人均消費：$200食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

北角人應該都非常熟悉呢間川菜館「好運大排檔」，店家係25年嘅老店，主打抵食夾大件嘅鑊氣小炒、水煮系列、酸菜魚、雞煲、火鍋、川式涼菜等，鍾意食辣野嘅我經常都會同屋企人去食，而且店家仲開到凌晨時間，啱晒宵夜再啤一啤🍺藤椒酸菜魚招牌酸菜魚👍🏻我揀咗鱸魚轉番薯粉底，一大碗嘅份量足夠三四人分享，湯底每日以新鮮魚骨湯熬製，絕無味精就算飲埋啲湯都唔會覺得口渴，鱸魚肉質非常嫩滑鮮味，並且唔會有細骨，最適合用作酸菜魚，湯底加入大量酸菜、木耳、萵筍同番薯粉，「鮮、香、酸、麻」味道層次非常豐富，酸酸辣辣十分開胃回鍋肉呢度小炒嘅份量比起坊間多一倍，滿滿一大碟，回鍋肉脂肪比例均勻，外皮嘅部份食落去QQ彈彈，而且一啲都唔會覺得油膩，越嚼越香，再加入椰菜、豆腐乾、京蔥等，配以香甜濃郁嘅醬汁，真係會令你忍唔住食多碗飯魚香肉絲一樣係非常下飯嘅菜式😋肉絲、木耳絲、筍絲、香蔥同辣椒去翻炒，夠晒鑊氣，上枱時香氣撲鼻又熱辣辣，店家每一道菜都係即叫即炒，炒完即刻送上，確保客人可以食到最有鑊氣嘅小炒👍🏻魚香肉絲味道酸酸辣辣，一啖接一啖食唔停口鮮肉鍋貼鍋貼粒粒都好飽滿脹卜卜，用咗韭菜豬肉餡，皮夠薄又軟熟，底部煎到脆身，咬落去時仲充滿肉汁，韭菜獨特嘅香氣加上肉嘅鮮味，香口之餘實在令人無法抗拒😋📍好運大牌檔 (北角)北角北角道33號和富豪庭地下B2號舖人均消費：$200食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

差唔多要打風啦，所以今晚唔煮飯出街食先😆我同Bu諗諗下不如去打返個邊爐咯，其實係我自己想去打邊爐先啱🤭近近地揀咗銅鑼灣嘅「十下火鍋」，之前已經同朋友仔食過火鍋套餐，人均只係$300零蚊，最重要係食物高質，除此之外，店舖內會不停播放住8、90年代嘅歌曲，裝修方面充滿懷舊風格，仲擺放咗一啲舊式電器，氣氛超正👍🏻店員仲會推出一架獅頭餐車，介紹返當日時令海鮮，夠晒gimmick😆二人套餐$328/位胡椒豬肚湯拼酸菜辣肉鍋湯底方面有6款，可以選擇鴛鴦鍋亦都唔使加錢，打邊爐前先飲返碗胡椒豬肚湯，十分足料，有大量嘅豬肚、酸菜、黑椒粒，入口微微辣，十分鮮味😋酸菜辣肉鍋以半肥瘦嘅豬腩薄片同酸菜製成，豬腩片令湯底增添一份肉嘅鮮味，酸菜嘅酸味令人更加開胃，豬腩片仲可以配搭辣椒豉油食，又係另一種好正嘅新食法😆大刀手切本地牛頸脊手切牛頸脊份量亦不少，大大片色澤鮮明，口感緊致有彈性，牛味亦非常濃郁，淥幾秒一轉色就食得，靚牛果然係唔同啲👍🏻花雕醉雞推介👍🏻十下嘅醉雞醃得非常入味，就算放入湯底煮熟後，食落依然有一陣淡淡嘅酒香味，雞肉嫩滑鮮香，實在令人回味無窮麻辣鴨血鴨血係可以即食，入口滑捋捋，又香又麻又辣，刺激味蕾🔥三星蔥醬爆貢丸｜懷舊果皮魚蛋呢款醬爆貢丸亦係必食推介😋食嘅時候要小心一啖咬落去會爆汁，入邊嘅蔥薑蓉同貢丸嘅味道好match，果皮魚蛋食落有一陣陳皮香，QQ彈彈煙煙韌韌鳳城水餃水餃皮薄又滑，裏面滿滿鮮蝦仁同木耳等嘅餡料，雙重口感滋味脆炸響鈴響鈴酥脆香口，放入湯底3秒既食得，吸收晒湯底嘅鮮味但又依然保持住脆脆地嘅口感十下三寶滑鹹蛋黃墨魚滑｜蝦籽蝦乾鮮蝦滑｜髮菜蠔豉牛筋滑必食👍🏻三寶滑每一粒仲大過粒乒乓波，超巨型🤩手打鮮製口感與味道確實不同😋墨魚滑食得出墨魚粒粒嘅顆粒感加入鹹蛋黃增添鮮香味，蝦滑以鮮蝦肉切粒製成，入口爽口又彈牙，再加入蝦籽同蝦乾令鹹鮮味更加突出，口感份外豐富，牛筋滑就最特別，出面食唔到架🤭將髮菜蠔豉混入免治牛肉肉，口感結實並帶有海味嘅鮮味，三款我都勁鍾意食蔬菜拼盤娃娃菜｜生菜｜冬菇｜蘿蔔｜粟米一盤有齊晒各種蔬菜，粟米特別甜，蘿蔔煲到淋身好入味，又甜又多汁竹蔗茅根套餐加$15可以轉為一壺竹蔗茅根，兩人share啱啱好，打邊爐梗係要飲番杯下火嘅飲品啦😆📍十下火鍋 (銅鑼灣)銅鑼灣登龍街28號永光中心2樓人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

為咗慶祝升職加人工，所以今晚要食餐好嘅✌🏻朋友仔發板揀咗我地都好鍾意食嘅泰國野「泰斗」，餐廳分室內同室外半露天位置，坐外面望下街景再飲返杯幾chill🍹新派火焰老虎蝦招牌特色菜👍🏻完全係打卡able📷4大隻嘅虎蝦擺盤精美，店員上枱時會再點火woo正～虎蝦先炸過後再淋上咖喱汁，蝦肉爽口又鮮甜，隻隻蝦頭入面都有濃郁嘅蝦膏，配上椰汁咖喱無得頂👍🏻泰式燒豬頸肉豬頸肉外面燒至微微焦香，中間肉質依然保持爽彈嘅口感，配上泰式酸辣醬更加惹味又香口鹽燒牛舌芯食泰國菜必定要嗌串燒😋牛舌芯爽脆彈牙有嚼勁，越嚼牛味越特出泰式香燒雞招牌香燒雞係即叫即燒，大概需要等20分鐘，冇問題啦✌🏻雞皮香脆雞肉嫩滑又夠晒入味，我地嗌咗半隻已經分量十足，每一啖都係啖啖肉，咬落去啲雞肉爆晒汁好鬼正👍🏻招牌冬蔭功海鮮炒飯必食推介👍🏻呢個海鮮炒飯絕不簡單，上面鋪咗一隻大大隻嘅虎蝦，炒飯入邊加入青口、魷魚等海鮮、本菇同雞蛋，食材豐富，米飯炒得乾身粒粒分明，味道酸酸地辣辣地特別開胃，記得加埋火焰虎蝦嘅咖喱汁，撈埋炒飯一齊食更加錦上添花芒果沙冰椰汁沙冰夏日炎炎梗係要嗌返杯沙冰飲啦😛沙冰口感好綿密，超大杯，芒果酸酸甜甜好清爽，椰汁味就會比較香濃，兩款都係my favourite😋📍泰斗 (尖沙咀)尖沙咀海防道38-40號中達大廈4樓人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

「Odyssée」位於ICC Sky Dining 101層，坐擁維港180度夜景，全落地玻璃窗可以一邊欣賞靚景，一邊享受精緻嘅Fine Dining🥂有幸被安排坐到窗邊位置，店員引領入座後會仔細介紹今晚不同嘅menu，我地揀咗6 courses嘅Amuse Bouche，6道菜$980，服務、環境、食物—絕對物超所值🩵BreadHome-made Cheese Ball｜全麥包｜黑麥包配上原味牛油同chilli butter芝士球酥脆香口，芝士味道非常濃郁黑白麥包外脆內軟，入口有嚼勁並帶有顆粒感令口感更加豐富，兩種牛油各有特色，牛油溶化喺麵包表面，個人更喜愛辣味，辣辣地刺激味蕾三文魚他他｜芝士天婦羅｜雞肝mousse三文魚他他配上酸酸甜甜嘅青蘋果醬，肥美嘅油脂配搭清爽嘅果醬，prefect match用紫菜包住芝士製成天婦羅，芝士加熱後呈半溶嘅狀態，酥脆可口雞肝mousse撻口感絲滑而細膩，味道濃郁令人回味Japanese Tomatoes日本蕃茄味道特別清甜，底下嘅水牛芝士奶香味濃，加上白醋同羅勒葉令味道層次更加豐富Wild Mushroom Velouté侍應會先加熱蘑菇湯，粒粒嘅蘑菇湯配上白松露油同黑松露片令整個口腔充斥松露嘅香氣Brittany Blue Lobster矜貴而高質嘅法國南龍蝦以慢煮方式，令肉質更加爽口彈牙，泡沫龍蝦湯加入香橙肉令湯底味道更加鮮味濃郁，再一啖食埋龍蝦小雲吞真係超級滿足😋Star Snapper日本鯛魚亦用上slow cook方式烹調，令魚肉更加嫩滑鮮甜，配上脹卜卜又肥美嘅澳洲青口鮮味十足，海鮮嘅鮮味實在令人無法抗拒Noir De Bigorre Pork Belly 主菜方面有兩款選擇-豬腩肉以慢煮炭燒嘅方式去烹調，外皮焦香，肥瘦相間嘅肉質令口感更加鬆軟底下嘅Itanlian pasta粒粒飽滿有咬口，以南瓜同Parmesan cheese製成嘅醬汁入口creamy香濃，奶香味十足Miyazaki A4 Sirloin A4日本西冷和牛入口即化，可以清楚見到脂肪雪花嘅紋路充滿油香，外面煎得焦香充分鎖住肉汁，以牛肉燒汁作調味更能突顯肉嘅鮮味，旁邊伴有炸牛尾肉，一絲絲嘅牛肉配上蘿蔔仔，味道甜甜酸酸，多重口感滋味👍🏻Choux 乳酪泡乎充滿空氣感，用白酒做成啫喱粒帶有淡淡嘅酒香，中間加入士多啤梨sorbet同忌廉，頂層加上芒果、紅桑子同士多啤梨，新鮮嘅水果配搭紅桑子醬，酸酸甜甜又冰涼，為完美嘅晚餐作總結🩵紫薯馬卡龍｜杏仁蛋糕｜朱古力三式甜點一樣非常出色，Macaron味道不會過甜，一口杏仁蛋糕仔鬆軟，dark chocolate 微微苦，入口絲滑，超滿足💜📍Odyssée (尖沙咀)尖沙咀柯士甸道西1號環球貿易廣場(ICC)101樓A號舖人均消費：$1000-1500食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More