180
0
4
| Restaurant: | Hana Raku (1 Peking Road) |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
2-min walk from Exit L5, Tsim Sha Tsui / East Tsim Sha Tsui MTR Station
continue reading
Telephone
26222386
26222813
65754525 (WhatsApp)
Opening Hours
Today
11:30 - 23:00
Mon - Sun
11:30 - 23:00
*Last Order: 22:30
Above information is for reference only. Please check details with the restaurant.
About Reward Scheme
Offers
| Restaurant: | Hana Raku (1 Peking Road) |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
花樂燒賣甲羅燒($218)，擺盤好靚，甲羅燒有將蟹肉、蟹膏、海膽、蛋黃、三文魚籽mix埋一齊，然後放上法包黎食，香味濃郁，燒賣既綠色皮係用左食用皮製成的，口感帶少許煙韌，包住蟹肉絲，成件放入口好滿足，海葡萄爽口味淡，可以將醋汁攪拌來食。花樂六味真蠔($268)，層遞式擺設盡顯食材高級，柚子伴日本蠔、三杯酢啫喱蠔、芝士焗蠔、蒜蓉焗蠔、天婦羅蠔、岩鹽蠔，兩款蠔係刺身食法，口感creamy幼滑飽滿，其他煮熟既蠔size會縮左，但用左不同配料煮法，味道各有所長，蒜蓉味最突出。吞拿魚壽司盛合($208)，一次過有齊大拖羅、中拖羅、赤身，吞拿魚控既我睇見已流口水，油脂最高必然係大拖羅，入口即溶，但會有較多筋，赤身油脂唔高，而且吞拿魚既鮮味最出。雲丹仲買人魚生卷($198)，價錢較貴，但餡料用左幾款不同即刺身魚，加上頂層爆滿既海膽，和用混布包住飯卷，這樣既配搭價錢貴一d都係應該的。免治雞肉軟骨棒($58)，軟骨棒因為經燒過煮熟，肉汁或多或少流失少少，附有月見汁，可令雞肉棒juice，而且軟骨釀入雞肉棒中每一啖都咬到粒粒口感。厚切牛舌($58)，用左牛舌芯，肉質會嫩滑一d，而且咀嚼時會感覺到更加彈牙有口感。
continue reading
地點非常方便就係位於尖沙咀北京道1號，踏入餐廳就見到無敵大海景，夜景真係眼前一亮，同朋友邊食飯邊傾偈，真係非常舒服，仲要係睇到維港嘅景色，餐廳非常有情調，用好多花花嘅佈置來裝飾吞拿魚壽司盛盒$208大拖羅，中拖羅同埋赤身，最肥美當然係大拖羅脂肪分布好像雪花一樣，顏色較為偏白，有入口即溶嘅感覺，赤身係吞拿魚嘅背部位置，所以脂肪含量都唔多，肉質較為結實有咬口 ，兩款我都非常喜歡松葉蟹肉海膽甲羅燒石鍋飯$238石鍋飯帶有飯焦嘅焦香，又夠香脆，又有口感，非常多嘅松葉蟹肉同埋海膽，每一啖都非常豐富，攪拌後一齊食味道仲好鮮甜，夠晒味道，非常滿意羊架兩件$136羊架份量相當多，入口唔會太油膩，肉質鮮嫩，厚度適中又夠多汁肉味濃郁，唔會有so 味，燒到剛剛好，令人食慾大增中華風燒賣壽司四件$118賣相非常似燒賣，用咗蒸籠來上枱，上面放有一些蟹子，然後用紙包住，而入面係吞拿魚蓉嘅壽司，味道鮮甜，入口即溶嘅魚蓉，夠晒特別，係吞拿魚嘅fusion 菜，好似係食緊非常大件嘅吞拿魚軍艦，啱晒打卡嘅朋友
continue reading
寶貝生日出佐去尖沙咀北京道high tea,以花花燈飾設計嘅日本居酒居,景觀開揚,可以望住文化中心天星碼頭海景😍🏵️花樂熱氣球~天空之森(二人下午茶套餐)飲品我哋揀咗杏仁焦糖薰紅茶,套茶具好elegant,飲落去個味幾香,奉上蜜糖,方便喜愛甜可加入茶中🫖🍄餐前先來三款咸點小食燒鱈魚乾香口配上日式沙律醬,更滋味,炸蟹鉗金黃香脆,三文魚刺身厚切,油脂分佈平均😘🌹主角熱氣球時令海膽,,色澤金黃,濃郁鮮甜,嫩滑細緻😋拖羅,油甘魚,入口油脂豐富,好鮮味！甜蝦鮮甜彈牙又爽口😋 巴馬火腿芝士卷,火炙粟米沙律甜而清新！吞拿魚蓉配上小撻仔,味道好夾。雜錦魚生卷有2款魚生卷,都好特別！🌸甜品放入好似玻璃首飾櫃入面好靚,一層層好吸引,有櫻花水信玄餅、日本和菓子(整得好 精緻,味道唔會太甜,軟軟的好好味)日本蛋捲,芝士蛋糕,蛋捲都好鬆軟,芝士餅香滑濃郁,生果有新鮮香甜哈密瓜,士 多啤梨同香印提子。熱氣球籠及玻璃櫃全部以花花蝴蝶裝飾,,食物精緻好靚又好味,打卡一流📸係度high Tea真係好好relax！
continue reading
愛美是人的天性，有人追求樣貌美，衣著美，而我覺得心情靚最重要。今日去食下午茶，太開心❤了，真係享受左一個靚爆鏡嘅下晝。北京道1號有好多食肆， 大門口裝修非常省鏡，雖然已經過左春節好耐，但係喜慶嘅裝修依然未拆，大紅福字同燈籠將整個環境裝點得喜氣洋洋，令人心情開朗。🥳🥳 一條好長好高嘅扶手電梯帶你去到輝煌大堂，🎢只見大堂樓底超高 ，裝飾新穎，簡單得來又不失氣派，高貴而且帶有青春的活力。搭電梯上到8樓，一個花花世界展現眼前，【花樂】就是我們今日下午茶的餐廳 ，餐廳非常光猛闊落，大片玻璃窗對正文化中心，前面就係1881商場，隔離係YMCA，右邊係天星碼頭，👀望哂整個維多利亞海港🏞，這裡真是最好的打卡點。餐廳名叫【花樂】，LOGO就係有一朵花，🌸門口的裝飾別具日本特色，粉紅色的字樣帶出溫暖的感覺，天花和墻身都是花葉裝飾，圓柱形的大酒埕給人豐足富裕的踏實感，一排蘆葦桿分隔了門口和餐廳的區域，又多了一種環保原始的自然美。🪺🍀🍁今日的下午茶非常豐富，淨係睇餐牌就已經可以開心半日，內容豐富度超出我的想像力。第一個呈上是生鮮食物熱氣球，分開幾層放食物，裝飾用了不同的鮮花為食物扮靚，第二個是各式甜品水果的晶瑩通透玻璃櫃，第三個是鹹點盆。一個美食與鮮花融合的下午茶正式開始。🥁🥁前奏曲🎼🎵🎶🎹藍莓果粒茶在漂亮的瓷具中發出誘人氣味，紫藍色的茶在潔白的茶杯裡呈現高貴的美感。主題（一）鮮生組合先清後濃，先鹹後甜是飲食的規律，我們從沙律開始：微微炙焦的粟米，清香多汁，香醋沙律開啟了期待的味蕾。時令海膽，拖羅，油甘魚🐠，甜蝦，盈油光亮，鮮甜可口，配一朵黃菊花，吸睛之作。👀🌼巴馬🐴火腿芝士卷，豐年的巴馬火腿，卷起濃香軟糯的芝士，吃在嘴👄裡，香味久久不散。磯之雪雜錦魚🐠生卷，用海苔卷著魚生片，與壽司🍣飯共融出和諧的美味。主題（二）鹹點組合厚切三文魚🐠，紅白相間的三文魚片，點上芥末醬油，就得到滿足幸福的感覺。日式炸蟹鉗，和港式炸蟹鉗不同，金黃的外表，雪白的蟹肉，外脆內嫩，蟹香揚溢，點些醬汁更是錦上添花。鱈魚🐠干，淺褐色的鱈魚干貌不驚人，味道卻是出奇的鮮香，從第一片吃到最後一片沒有停頓。😂🫣主題（三）甜品水果櫻花水信玄餅最漂亮，一朵粉紅色的璀璨櫻花🌸，綻放在水晶體的糕餅中，令人愛不惜手，不想破壞了美麗的容貌。🌸🌸🌸🌸🌸芝士蛋糕🎂和芝士蛋卷，一朵鮮紅的玫瑰🌹，放在雪白的芝士蛋糕旁，紅白互相輝映 ，簡直是一幅最美的圖畫。鮮紅草莓🍓，甜到漏的哈蜜瓜🍈，晶瑩剔透的波波提子🫒🫒，碟豆花，月季🌹花，菊花等再組成另一幅圖畫，令靚到爆表的下午茶更加完美。有點遺憾的是，不能把全部靚相上載 ，美麗的畫面自能自己欣賞。😂😂
continue reading
「北京道1號」嘅餐廳個賣點就喺有個維港景，今晚嚟到8樓嘅「花楽」，就喺老友負責嘅航天項目順利完滿結束，所以，一於食番一餐好嘅當喺賀賀佢又好，壯吓聲威又好，總之，趁啲藉口聚一聚！踏入餐廳，環境幾大，樓底比較高，所以，空間感十足；而裝修有別一般居酒屋般和風風格，相反，比較摩登時尚，尤其啲天花燈同乾花裝飾，都睇得出花咗唔少心思。配以柔和嘅燈效，整體感覺幾有氣氛。我哋被安排坐晌靠窗嘅大梳化卡位，既闊落舒服，又有個維港景，睇到1881（舊水警總部）、文化中心，景觀開揚，個人覺得喺最佳位置。此外，原來呢度有現場音樂伴唱，更可以點歌，逢星期三、五、六，撞啱今晚就喺，聽住音樂食吓嘢，都幾好架。餐廳採用二維碼落單，介面易用，分類跟番餐牌一樣。既然定位為居酒屋，食物嘅選擇就自不然多，翻開一版又一版，有沙律、先付、刺身、壽司、卷物、天婦羅、揚物、一品料理、燒物、串燒、鍋物、石鍋飯、飯麵、茶漬飯、湯品、甘味……等等一應俱全。食日本嘢，除欣賞食物之外，啲餐具都比較靚，值得多欣賞一下。講咗咁多，依家就去片，睇吓今晚我哋食咗乜！厚切宮崎煙肉黑糖醬燒 $98第一道菜無晌先付度揀，反而睇啱晌燒物中嘅厚切宮崎煙肉，賣相有啲似港式叉燒，但味道跟口感都好唔同，啲宮崎煙肉咬落肉質喺煙韌好多，但又有啲彈牙感，味道方面有濃濃嘅煙燻香味，就好似平常食煙肉咁，雖然喺厚切，但唔會好鹹，因為加咗黑糖醬去燒，剛好有平衡之效。吉列炸蠔配黑松露醬 $98仲喺前菜階段，再嚟喺一客吉列炸蠔，啲蠔就無標明嚟自邊度，不過，蠔鮮味十足，又炸得外層十分香脆而唔喺好油膩，沾上少少黑松露醬，陣陣黑松露嘅香氣，令炸蠔有種錦上添花嘅昇華感，清酒煮蜆 $138食咗兩道前菜，再落嚟喺兩道海鮮菜式，先分享清酒煮蜆，啲蜆非常大隻，唔喺啲蜆仔，所以，睇落啲蜆肉厚身飽滿，入口味道鮮甜，質感柔韌，食得出喺新鮮靚貨，又完全無沙，而且，慢慢滲出淡雅嘅清酒香，好食。再試多口清酒湯，酒香撲鼻，但入口卻唔會太嗆喉，反而，有種清爽感。花樂燒賣甲羅燒 $218老友未食過甲羅燒，所以，呢道菜佢就要試試喇。日本菜向來都好注重賣相，呢一道甲羅燒就正正體現出呢一點，除咗有甲羅燒，仲伴有一籠自家創作嘅中華風燒買壽司及野菜沙律，再加埋堂前幫你燒埋，呢個又喺加分位。店員好醒目，知道我哋鍾意影食物相，俾我哋影完先幫我哋拌勻蟹殼內嘅材料再燒香。蟹殼裏面有鮮拆蟹肉、蟹膏、海膽、生蛋黃、三文魚籽，睇見呢個組合都流口水啦，一路燒一路拌勻之後，搽上法包度食，味道甘腴，又帶點點鹹鮮，口感豐富，猶如食法式鵝肝多士咁，唯一挑剔位喺多兩件法包就更好啦。中華風燒賣壽司非常搞鬼，造型似足燒賣，仲要搵個蒸籠嚟裝住，咪以為綠色嘅外皮喺紙，其實可以放入口，面頭放有好多蟹肉同蟹籽，所以，入口好鮮味，而下面嘅壽司飯軟糯好食。野菜沙律亦都有亮點，就喺沙律菜之外再加幾串海葡萄，海葡萄純粹外形關係，跟提子完全喺兩樣嘢，其實喺啲海澡類植物，味道鹹鹹哋，再自行淋上柚子醋，令到個沙律有清清味蕾之效。茗荷黑松露吞拿魚腩芝士卷 $148「茗荷」喺乜？睇番餐牌嘅英文名，就知喺日本薑，「茗荷」有譯作日本生薑，呢一款壽司反卷就喺以日本米捲住忌廉芝士同火箭菜，再鋪上大量吞拿魚腩蓉，加點黑松露醬同幾絲生薑絲而成。單喺賣相都幾亮麗精緻，入口味道富層次，咬落去有唔同嘅口感，喺用心製作嘅出品。日本燒牛肉石鍋飯 $148最後，就以石鍋飯嚟墊墊肚，石鍋飯上枱都感受到嗰種熱氣騰騰，牛肉份量都有幾多吓，夾雜唔少洋蔥，散發出少少香氣。牛肉味濃又鮮嫩，而飯粒好軟熟，底下仲有少少飯焦，雖然唔多，但脆卜卜過吓口癮都夠啦。一次過試到多款唔同嘅菜式，各有賣點，最緊要都喺用料靚，出品有質素，老友當然最欣賞個甲羅燒，因為對佢嚟講好有新鮮感，小弟就幾鍾意個壽司卷，因為味道紛陳。呢度環境就好正架啦，開揚有啲海景，而招呼亦都好好，侍應服務勤快有禮，不時為我哋加添熱茶、收拾枱面，喺一次幾好嘅體驗。
continue reading