Video
6-min walk from Exit P2, Tsim Sha Tsui / East Tsim Sha Tsui MTR Station
continue reading
Telephone
21518133
84893133 (WhatsApp)
Introduction
The restaurant covers an area of 5,000 square feet and has three VIP rooms, which can accommodate 5-12 people. In addition to having fish tanks for seafood cultivation, there is also a large projected wishing wall, allowing guests to write instant blessings to surprise those around them!
The counter seating design is divided into two major themes, focusing on Japanese Teppanyaki and Omakase. The Chef combines traditional techniques with modern approaches to unlock new flavors and textures, providing guests with a top-notch experience for both taste and visual delight.
continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Public Holiday
12:00 - 15:00
18:00 - 23:00
Public Holiday Eve
12:00 - 15:00
18:00 - 23:00
*Lunch Last order: 13:30 Dinner Last order: 21:30
Above information is for reference only. Please check details with the restaurant.
About
About Reward Scheme
Offers
生日月朋友特登揀咗食鐵板燒同我慶祝，最特別係可以喺iPad寫上祝福字句，投映天燈許願，好適合慶祝特別日子，另外喺訂座嘅時候註明慶祝生日，仲會有蛋糕送。今次揀左商務精選午餐（$540/位）同埋商務特選午餐（$640/位），《螢火清酒祭多重優惠》午市惠顧任何鐵板燒/Omakase套餐，附送一款Sake任飲90分鐘，仲可以優惠價$80換購日本海膽杯乙個。入面有鐵板燒房可以book，私隱度極高。沙律沙律蔬菜新鮮，口感脆嫩，搭配麻醬。拖羅刺身野生拖羅刺身炙燒過後油脂豐富，入口即化，口感鮮美。澳洲龍蝦用左龍蝦膏製作濃郁嘅醬汁，令龍蝦既鮮甜味道更加突出，煎過既龍蝦肉爽口鮮甜。南非鮑魚南非鮑魚肉質鮮美有嚼勁，搭配微鹹既海苔汁，可以點少少香氣濃郁既黑松露醬，上面加左三文魚籽，口感層次豐富。帆立貝煎香嘅帆立貝味道鮮甜，上面加咗魚子醬，增添奢華感。鵝肝多士鵝肝醇厚細膩，配合烘過既多士，上面加左柚子啫喱，柚子啫喱清新酸甜，解膩之餘提升了整道菜的層次感。清酒煮蜆蜆肉鮮甜，湯汁鮮美，帶有淡淡既酒香，每一口蜆肉都充滿住清新味道。美國牛肉薄燒/厚燒一次過試晒美國牛肉有薄燒同埋厚燒2種，搭配芥末醬和蒜片一齊食。牛肉肉質鮮嫩，薄燒口感細膩，厚燒咬感十足，微辣既芥未醬和香脆既蒜片為牛肉增色不少。櫻花蝦炒飯米飯粒粒分明，每一口都係櫻花蝦鮮香，炒飯火候恰到好處。吸物用澳洲龍蝦頭熬製，湯頭濃郁，充滿龍蝦既鮮美，每一口湯都能感受到龍蝦的精華，非常暖胃。甜品開心果雪糕香氣濃郁，仲有粒粒開心果，甜而不膩。生日甜品訂座嘅時候備注慶祝生日，是日生日甜品係伯爵茶蛋糕，口感綿密，茶香濃郁。
continue reading
生日慶祝活動停不了。鐵板燒teppanyaki 午市套餐（月）$380/位衝住清酒任飲而嚟，餐廳做緊全日指定清酒免費任飲 （午餐90分鐘，晚餐120分鐘）！呢個鐵板燒套餐價錢仲包清酒任飲，真係冇得彈！午餐我哋好早就嚟咗，所以餐廳未有好多人。職員俾咗一個手寫板我可以喺天燈牆度寫祝福字句，好得意好好玩👏🏻👏🏻👏🏻。🌟前菜新鮮沙律，估唔到冰菜都可以沙律凍食，原來都唔錯。🌟廣島蠔廣島蠔煎到香脆，用炒香的櫻花蝦同埋蔥煎炒作為調味，真係又香又脆！外脆內軟！🌟汁煮白鱈魚即炒洋蔥加上高湯煮汁，配上香煎白鱈魚，煎香的魚皮脆到好似食薯片咁，魚肉夾埋洋蔥食，特別香甜，好味道到一滴湯都要飲埋。🌟鵝肝多士廚師用咗少少焦糖香煎匈牙利鵝肝，減少油膩感，食落外脆內軟嘅對比非常之大，甜甜香香，回味無窮。配上柚子啫喱，可以解膩。🌟美國牛肉薄燒或厚燒 或 日本黑豚肉揀咗薄燒牛肉，可以包住香蔥同洋蔥粒，食落特別香。香炒羽衣甘藍作為伴碟，發現原來炒羽衣甘藍都好食！🌟漬物🌟吸物🌟櫻花蝦炒飯櫻花蝦炒到好香，揀咗煎荷包蛋，蛋黃汁撈埋炒飯食好滋味。🌟甜品或咖啡我揀咗咖啡，香味濃厚，完美作結。職員話每月都會有不同推廣活動，食鐵板燒晚餐，每人即送日本海膽杯1個。（每日限量供應，送完即止）。午市套餐可以優惠價$80換購日本海膽杯1個。餐廳有幾間獨立房，大嘅鐵板燒房都有天燈許願，可以book。呢間餐廳真係好適合朋友聚會、慶祝生日、紀念日。
continue reading
【油尖旺區】【螢火】為慶祝 1amfoodie 成立四週年，去咗公司附近嘅呢間「鐵板燒+omakase」餐廳食晚飯。佢哋有個天燈許願設備，可以自己寫或者畫天燈內容，然後再播放動畫，我都有玩，非常有趣。佢哋仲做緊「螢火清酒祭多重優惠」，叫唔同嘅套餐就有唔同嘅優惠。我就試 $1380 嘅「晚市廚師發辦十六品」，優惠係「全日指定清酒免費任飲（午餐 90 分鐘，晚餐 120 分鐘）」，好抵呀，我都飲咗好多。講開優惠，呢個晚餐佢哋仲做埋「二人同行，一人免費」添，我同朋友兩個人去，都只係需要畀一個人價錢，平好多。先試「前菜」嘅螢光魷魚配柚子麵豉醬，好開胃好正。之後「刺身五品」有日本白象拔蚌、北海道海膽、銀鱈魚BB、深海池魚同埋肥拖羅，好新鮮，各有特色。然後到「煮物」，係煮鮑魚，肉厚得嚟唔靱，正。份「燒物」係黃金醬燒廣島蠔，食落勁邪惡。跟住係「壽司五品」，有北海道帶子壽司，灑咗柚子皮喺面更加出味。新鮮赤貝壽司加少少檸檬汁就新鮮咗咁，之後嘅金目鯛好鮮好軟熟。左口魚配左口魚邊就玩多重口感，燒肥拖羅就都係咁肥美咁強油脂感。沿途食啲伴碟嘅鹹菜、飲啖茶，油膩感盡消。呢個時候師傅畀埋「手卷」，係拖羅海膽魚子手卷，味道同口感層次豐盈，好享受。到「吸物」就係個魚湯烏冬，魚湯好濃香，有驚喜。最後嘅「甜品」係開心果雪糕，好重開心果味好正，埋單加一先 $1518，下次可以試吓 book 鐵板燒房，我見幾好氣氛。。。（地址：尖沙咀加連威老道96號希爾頓大廈LG樓1號舖）@hotaru_teppanyaki_omakase#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #紅磡 #1am紅館 #螢火 #hotaru_teppanyaki_omakase #hotaru #teppanyaki #omakase #鐵板燒 #晚市廚師發辦十六品 #廚師發辦 #螢光魷魚 #刺身 #日本白象拔蚌 #北海道海膽 #銀鱈魚BB #深海池魚 #肥拖羅 #煮物 #煮鮑魚 #燒物 #黃金醬蠔 #壽司五品 #北海道帶子 #新鮮赤貝 #金目鯛 #左口魚配左口魚邊 #燒肥拖羅 #手卷 #拖羅海膽魚子手卷 #吸物 #魚湯烏冬 #甜品 #開心果雪糕 #1am1394 #1ambackup
continue reading
暫走前又無時間飛轉日本，唯有喺香港食盡佢先！🥰上網搵到尖東呢間都幾出名嘅高級日本料理，見佢鐵板燒同廚師發辦嘅價格唔算太貴，晚餐千幾蚊位，仲做緊午餐90分鐘同晚餐120分鐘全日指定清酒免費任飲🥃，就去咗試試！一入到去環境比想像中大好多，環境好闊落，鐵板燒區有兩邊bar枱，每組客都有專門師傅主理，而且仲有3間獨立鐵板燒房，私人聚餐都好合適。❤️雖然同時有幾位師傅燒緊嘢食，但完全無油煙！🍲邊食邊睇住師傅煮，好似表演咁，👨🍳而且師傅都好talk得，同我分享咗好多旅遊同飲食嘅趣聞，真正感受到咩叫service！Bar枱旁邊仲有幅好似teamlab嗰啲互動投射嘅許願牆🏮，可以喺iPad寫祝福語喺天燈，之後放上許願牆🎈，如果係生日或者紀念日慶祝，應該好有驚喜呢！🎉今次揀咗$1190/位嘅龍蝦鐵板燒，有澳洲龍蝦、日本A5和牛薄燒、黑魚籽鵝肝蒸蛋等，用料都好高級，而且樣樣嘅調味同熟度都啱啱好，而家仲送日本海膽杯，值回票價！去到先知，原來母親節做緊鮑魚鐵板燒套餐優惠，只係$540/位，一樣有清酒免費任飲，差唔多半價咁制，超抵食！🍳黑魚籽鵝肝蒸蛋細細杯好精緻，上面放咗食用花擺得好靚靚，仲有充滿鹹香嘅黑魚籽，食落卜卜聲，配埋幼滑嘅蒸蛋同甘香嘅鵝肝粒，味道細膩有層次！🦞澳洲龍蝦澳洲龍蝦絕對係今餐嘅主角，睇住師傅燒龍蝦、拆肉，再將龍蝦肉撈埋蝦頭入面嘅蝦膏，真係愈炒愈香，粒粒炒到黃金，上碟嘅時候擺盤放埋龍蝦尾同海藻，睇到都流口水！龍蝦肉鹹香又彈牙，仲好鮮味，超正！之後仲將龍蝦頭煮麵豉湯，鹹中帶鮮甜，回味無窮！🦪清酒煮蜆煮蜆有淡淡嘅酒香，蜆肉粒粒都好大粒，飽滿有口感，湯底清甜中帶少少辣，非常開胃！🐟汁煮鱈魚鱈魚先煎過鎖住肉汁，之後放入由洋蔥煮成嘅湯，魚肉嫩滑，同清甜嘅洋蔥湯超夾，而魚皮師傅會分開煎，煎得好香脆，沾洋蔥湯食好香口！🐮日本A5和牛薄燒和牛揀咗5成熟，師傅控制火喉啱啱好，蔥花同蒜頭粒吸收晒和牛嘅油脂，配埋炸蒜片一齊食，啖啖都好滿足！旁邊仲有菇、青椒同豆腐，豆腐兩邊都煎得香脆，超好食！🦐櫻花蝦炒飯其實已經食到好飽，但呢個櫻花蝦炒飯炒得好香，加上上面嘅蘭王太陽蛋，點都要食多啖！炒飯炒得乾身，撈埋蛋汁一齊食，好惹味！🥗沙律、漬物、吸物除咗主食，一開始會先上沙律開開胃，中間都會有少少漬物同吸物，都係一啲爽口嘅小食，令人增加食慾，唔覺唔覺就食到好多嘢呢！🍨紅豆雪糕雪糕幾濃紅豆味，軟滑微甜，令呢餐好完滿！
continue reading
呢間係🚇尖沙咀東嘅螢火有鐵板燒又有 omakase 供應，入面地方好大又有🔥鐵板燒房可以 book，仲有電子🙏許願天燈🏮，真係別俱特色！佢哋做緊螢火🍶清酒祭多重優惠，係度食午餐或者晚餐都有指定🤩清酒任飲 （午餐90分鐘，晚餐120分鐘），我今次揀咗💰$540/位嘅商務精選午餐，仲可以用優惠價$80加購日本🇯🇵海膽杯（晚餐仲免費加送添），性價比十足。一開始有新鮮嘅日式冰菜沙律🥗，同埋超級肥美厚切嘅拖羅🐟刺身打開序幕。然後師傅喺鐵板燒枱上加入清酒🔥去煮蜆，蜆肉都幾飽滿，重點係湯頭好濃🍶清酒香味極之鮮甜！大大隻嘅🇿🇦南非活鮑魚煎焗得啱啱好，入口極之腍滑😍，配上特製嘅海苔汁同埋滿滿嘅三文魚子🔴，入口超鮮味，亦都可以點少少🍄黑松露醬食，更加另有一番滋味。厚切大大件嘅🇭🇺匈牙利鵝肝煎到外脆內軟，配上香脆嘅🍞多士同埋意式焦糖醬，入口滿滿鹹甜滋味😋，十分甘香有層次，食完鵝肝多士之後咬一口焦糖青檸🍋🟩，油膩感覺全消，係好好👍嘅配搭！🧄蒜香羽衣甘藍翠綠香口🌿，好味得來仲十分之有👏營養。肉類我揀咗🇺🇸美國牛肉薄燒，🔥火喉十足牛肉肥美蒜香🧄味濃，十分之啱我口味🤤！櫻花蝦🦐炒飯配上煎到燶邊嘅太陽蛋🍳，將蛋黃撈埋落飯度一齊食超級甘香🍚，而且入面又唔少櫻花蝦🦐所以十分之鮮味！之後再飲返個🥣麵豉湯同食少少漬物☺️，十分之暖身舒服。最後甜品係開心果雪糕🍨，都幾有驚喜，開心果味好香濃😍，而且入面仲有粒粒開心果碎👍，十分之香滑好味！
continue reading