不是葡撻 (Closed)

位置較偏僻,有啲難搵,由於係想買呢款撻當手信,所以門市有嘅味道就每樣都買左1個,翻焗過就分唔出軟式同硬式有咩分別,但如果計葡式個款,中間嘅餡係冇網上講嘅咁甜,其實係食唔出係咩味,嚴格黎講芝士撻仲好食啲,唔可以同普通葡撻比較。

澳門嘅食物真係多不勝數，而且經常都有新血。今次呢間不是葡撻都係第一次試，舗頭喺大馬路附近嘅清平街，好易揾。舖頭門面同內部都好細，係外賣手信及小食店嘅經營模式。我哋試咗硬皮芝士撻同軟皮年輪葡撻。店員細心地提醒我哋食硬皮芝士撻時要托住個底，因為好易甩出嚟。芝士撻食落去基本上就同流心芝士撻一樣味。一樣係有芝士流出，一樣係曲奇皮，唯一唔同嘅係個曲奇皮硬少少，硬嘅外皮加上軟心芝士，兩重口感對比強烈。另外一隻係軟皮年輪葡撻，外皮係年輪蛋糕，入面係葡撻蛋漿。淡淡嘅葡撻味，甜甜地，但就將酥皮換成年輪蛋糕。個人覺得始終係葡撻蛋味濃d，而且一般葡撻上嘅焦糖味提升咗整體嘅香氣同味道。下次再有機會，會試下硬皮葡撻。

上次朋友特登推介我黎呢度試吓另一款嘅葡撻！每日新鮮製造仲有分左好多口味㗎！我就試咗比較傳統嘅兩款曲奇葡撻-內裏嘅蛋醬同普通嘅葡撻差唔多，都係好香滑同小小甜味，特別在出邊似係曲奇，咬口好香脆，係另外一種食法招牌年輪葡撻-呢一款葡撻外邊就比較鬆軟，有蛋糕嘅口感！都係一種比較特別既葡撻款！總括嚟講，推介比經常黎澳門遊玩嘅人，食開平時既葡撻可能食到厭，可以黎試一試呢款啊

其實好耐之前朋友介紹過尼間係澳門既“不是葡撻”，佢地既出品其實係年輪蛋糕代替酥皮再係上面加入葡撻既蛋漿一齊焗，今次過到黎澳門就去食下。分返開年輪蛋糕同葡撻兩樣我都好鐘意食，好期待兩個加埋會刷出咩火花。佢地分左4款撻，分別係年輪葡撻軟/硬同芝士年輪葡撻軟/硬，先買一個年輪葡撻硬試下先，外貌其實好吸引，但當店員一拿比我既時候發現個撻原來係凍既，問店員佢話正常尼款捧係常溫食，個一刻其實有d失望，因為佢都係葡撻類既食品，所以一定係熱食最好食，既然都買左都要試下，一食之下發現其實好普通，焗硬左既年輪蛋糕其實同曲奇皮既蛋撻無咩分別，仲要係凍既，蛋味一般般啦，所以食完第一個之後都無再買第二個試，食一次就夠。不是葡撻真係同佢個名一樣根本不是葡撻，如果係以食葡撻既心去食，一定會失望。

之前女排大獎賽，我們一行8人由香港到澳門覓食。網上看到不是葡撻的報導，難得係澳門一定要試吃一下，朋友都係外賣到手的，所以我只看到包裝精美的撻、撻、撻和撻🤣🤣我朋友話分左三個口味並有軟硬之分，口味有分別既，但軟硬就真係要比啲心機去感受一下。我個人認為硬係帶小小脆口的，層次感會多啲，因為本身中間既蛋已經係軟軟的，所以比較好味👍🏼而蛋同年輪既焙焗時間掌握得好，唔會太乾身。不過如果蛋味再重一點就好了😋

隊友是澳門人，當然要享受一下她強大的原生地GPS定位系統，無障礙、點對點、自由行！不是葡撻的「葡撻」注入了傳統的奶黃，翻出新意，也完全沒有違和感！非常美味！若不是太飽真想試光四種味道🙈

當然不是葡撻啦😂😂根據介紹：店中嘅年輪蛋糕配方、材料均由日本引入，設計符合本地人口味嘅蛋糕。年輪蛋糕主要分硬身和軟身，前者是12層的皮，而後者則有20層，店員介紹硬身年輪脆如餅乾，軟身則如蛋糕。為了融入澳門的美食元素，特意製作「 葡式年輪蛋糕 」，在硬身年輪蛋糕 中注入濃郁葡撻味餡料，可見其皮邊燒至脆口，如真的葡撻，口感十足。除了葡撻味之外，更有大熱的芝士撻口味，仲加入咗淡淡檸檬清香的芝士餡料。除了撻之外，當然仲有年輪蛋糕 。軟身年輪蛋糕 有多種口味，當中有原味和朱古力味！睇見年輪蛋糕一層疊一層，每層厚度均勻，真係好想1件又1件咁食哂佢…而我自己就揀咗硬身芝士嗰款，覺得店面好靚，都可以1試...

由於見到有唔少澳門朋友嘅ig都有提及呢間「不是葡撻」，所以今次都記低左要試埋。不是葡撻，顧明思義唔係葡撻，係澳門第一間年輪蛋糕專門店。基本上只有個樣可以同葡撻拉上絲微關係，售價比葡撻貴，接近芝士撻嘅價位。店內亦有日式年輪蛋糕出售，包裝幾靚，可以當手信。芝士年輪蛋糕、葡式年輪蛋糕，各自可選軟/硬去到嘅時候並唔需要排隊，可能已經出爐一段時間，所以拎上手已經係唔熱，反正唔係新鮮熱辣，我亦都冇即時食，或許同人地即食會有差異。芝士年輪蛋糕 $22/軟 由於硬嘅已經售罄，我只能試到軟嘅呢款~法國芝士餡，芝士味唔太突出，加上淡淡檸檬香味，食落唔膩，幾清新。至於年輪蛋糕，個人認為普通，印象模糊，成舊野就好似食左件芝士味唔太濃嘅芝士撻 。葡式年輪蛋糕 $18/硬有別芝士餡，呢款用嘅係葡撻嘅手法製作。蛋糕經多層烤焗，餅皮較厚身，但可能我唔呢件唔係剛出爐即食，居然比上面軟芝士更食到軟蛋糕嘅口感。蛋香唔重，但偏甜。仲要俾個爛鬼紙袋仔痴甩撻皮…可能我期望有少少高左，唔係唔好食，但冇乜特別。始終我唔係熱辣辣食，估計點都有多少影響。俾我就寧願食番芝士撻、傳統葡撻澳門特色加上日本風味，夾唔夾見仁見智。

大少不停帶我周圍行，佢話想搵樣嘢食，問佢係咩，佢就死都唔肯講，遊走咗成個鐘，終於俾佢搵到店名好得意，叫不是葡撻，重要係用日文寫ぷーたじゃない，而且門口一啲都唔突出，好易行過咗都唔知店入面有好多年輪蛋糕賣，但係我同大少3月就會去北海道，所以……唔會喺澳門買年輪蛋糕咁豬……點解佢會叫ぷーたじゃない不是葡撻呢﹖原因就係……佢雖然中間係葡撻蛋漿，但係佢唔係用葡撻皮放蛋漿，而係用年輪蛋糕，你咪好特別呢，其實我都唔知大少去邊度搵到呢間嘢出嚟~Hard Cheese - 大少食硬身，呢個食落口比較似曲奇皮，中間蛋漿唔係太重芝士味，不過因為我唔係好食芝士，所以我覺得呢個麻麻Soft Pouta - 我呢個係軟身年輪蛋糕，呢個比較似蛋糕，但係都有脆脆嘅感覺，中間啲蛋漿味道唔會太甜，絕對好食過葡撻

妹妹說這是一間最近的熱店，於是我們吃完午餐也走來試一試。剛好有人在排隊，即是有葡撻出爐了。店面很少，而且有些客人在裡面站著在吃，比較擠逼。我們一行數人，只派二人去排隊，都排了好一陣子。MOP22一個的葡撻，有硬皮及軟皮兩款，我們都買了來試。可是芝士味的只有硬皮，軟皮的都賣光了...硬皮的葡撻外層很香脆，跟傳統的撻皮的確很不同，挺特別～芝士味的葡撻很香濃，不太甜，我覺得很好吃。只是應該出爐一陣子，不夠熱...原味的葡撻味道較淡，亦不太甜。軟皮的葡撻個人認為沒硬皮的好，有點像蛋糕，不是脆的，質感還是不錯。總括來說，芝士味硬皮味道較香濃，可以一試。

最近《不是葡撻》勁興，身爲潮人既我地，當然會跑在潮流既尖端啦！黎到澳門，梗係要尼試下啦！佢得意在用年輪蛋糕去取代撻皮整撻！所以吸引到我地去一探究竟，睇下究竟是好是壞啦！一黎到⋯就一條人龍啦！始終新野多人試麻！店舖裝修幾橘只，open kitchen + 透明撻箱好吸人眼球！而且店員都好細心介紹！唔錯我地今次試左2款：硬皮既年輪蛋糕芝士流心撻 （4.5星）- 硬既年輪蛋糕做撻皮好脆！真係食緊一層脆既硬牛油曲奇咁，睇到佢一圈圈嫁！不過，就只得靠中間果一層先有蛋糕既質感啦！配流心芝士食呢個組合，玩味濃得黎都好食個蛋糕都甜甜地架！- 流心芝士！熱辣辣入面勁流心嫁！用既係Cream cheese，略甜但仍有芝士味！最貼心係中間加左檸檬，帶點酸！中和左個甜味同油膩感，令芝士味更出，整體味道更有層次！抵讚軟既年輪蛋糕葡撻 （3.5星）- 軟既年糕蛋糕皮最外層都脆既，但冇硬果隻咁脆啦！會多番年糕蛋糕一層層既質感！如果要揀，我地會揀硬果隻！因為我地覺得更脆更勝一籌！- 葡撻 ： 冇乜蛋味同蛋香，比甜味遮蓋晒，太甜啦整體黎講：呢間野好食既係硬既年輪蛋糕芝士撻！！葡撻試過就算啦⋯⋯除非你超好甜野啦 同埋建議