講起適合約會慶生周年慶的餐廳，好快諗起位於瘋堂附近「瘋堂新派料理」，餐廳有情調幾浪漫，門口位有個靚花花牆🌸🌸比大家打卡，另外睇到佢地會定期更新主菜，令到每次去都有驚喜，記得慶祝活動要提早預約。 . 是日餐點； 法國吉拉多生蠔 安格斯牛柳配黑松露醬 ($98) 黃金松葉蟹膏燉飯配軟殼蟹 ($152) 話梅蜂蜜手工啤 ($60) 心太軟配雪糕 . 生蠔🦪食起身係新鮮，個人喜好落檸檬汁，完全唔會腥，當日海水味較濃，但唔算鮮甜。牛肉肉質嫩，唔會油膩，配醬食略為重味，因為淨食已經夠味，個人喜歡配少少鹽粒。而燉飯作為主食，份量夠一個人，味道剛好，中規中矩啦。 . 甜品心太軟中心朱古力唔係咁流心，不過味道唔錯既。反而成晚最驚喜就係呢枝手工啤酒，真心推薦，本來仲擔心伏😆，點知一試愛上，蜂蜜同話梅組合，飲起身順口，酸酸甜甜又好似有啲鹹味咁！ . 整體來講幾有feel，推薦慶祝等活動，或者簡簡單單拍下拖食個晚飯亦適合，性價比不錯。 _ ⭐️ 有部分餐式需要提前預訂

最近好紅，網上唔難睇到大家打卡身影，每日經過大排長龍，一到食飯時間門口差不多有十多人等位，而且係持續有人流，認真想試朋友仔可以避開高峰時段！同埋要有心理準備中午枱同枱會貼，坐到會逼少少。 . 鋪頭位於黑沙環區，位置非常顯眼，超大橫額下鋪面睇落大間，透光感幾好，裝修簡約有文青feel。收銀旁有個自助斟水區，當日水中加入青檸、青瓜、薄荷葉同橙，睇落好夏天啊。 . 餐點主要分泰麵同泰飯套餐兩大類，套餐會跟一杯指定飲品，其餘有供應幾款小食同甜品。當中目測船麵較熱門，可以自由組合，要選擇湯底(清湯或濃湯)，麵型有三款(粿條、泰式米粉或紅薯粉)。另外發現有三款自家製涼茶提供，聽落幾健康。 . 是日餐點： 鹽燒安格斯牛肉船麵套餐［清湯 紅薯粉］($68) 跟凍泰式奶茶 (凍飲+$3) 燒豬頸肉飯套餐 ($78) 跟自家製龍眼冰 芒果糯米飯配泰式奶茶雪糕 ($48) . 安格斯牛肉船麵選擇清湯，麵型方面雖然薯粉唔「泰」，但任性依然要紅薯粉底。剛上時牛肉仲係粉紅半熟狀，配料有兩塊牛肉兩粒牛丸一棵炸金針菇。本來見得兩塊牛有點小失落😅，同朋友一人一塊唔夠過癮，因為真係幾正，有入口有牛油融化味道。炸金針菇其實我算係第一次試，意外又好味，索到湯汁又有菇咬口😂。至於燒豬頸肉飯印象平平，肉質過老。 . 飲品方面泰式奶茶加碎仙草，多左野咬下，重點甜度應該有調整適合本地人口味，唔會過甜👍。其次睇介紹龍眼冰係自家製，加入左班蘭葉奇亞籽，飲落清新消暑，完全唔係出面即沖個啲味。 . 重點是甜品芒果糯米飯，份量唔算多唔算少，作為飯後甜品來講大細剛剛好。糯米飯軟硬適中，淋上椰漿配埋芒果，有種想飛泰國衝動！特別之處有跟多一球泰式奶茶雪糕，雪糕質地偏綿綿冰，有奶茶味，唔會過甜，自己覺得呢款有驚喜到😋，如果大份啲就好。 . 個人小建議，論飽肚中午選擇飯類，大食的我食麵好快餓😂，論美味要試船麵，精緻程度十足，價錢屬於中上，性價比都可以，總體我覺得值得一試，前提唔洗排咁耐隊😅。

「New Coffee」有三間店，今次分享佢地位於海上居的分店，主打咖啡、麵包、全日早餐同主菜，基本朝早到夜晚都食到全日早餐，裝修不錯，店員亦相當有禮貌，有時自己一個嘆下午茶或者同朋友聚聚會都合適。 . English ($88) Norwegian ($98) Ice Matcha Latte ($50) Ice Latte (單品豆$50） . 挪威早餐有bagel夾住水波蛋、菠菜、煙三文魚同魚籽等，旁邊配沙律菜。一界開蛋，蛋黃汁瘋狂流出黎😍😍，整體來講幾正，係我個人覺得魚籽有少少腥😅。份量不算大，適合比較細食朋友仔選擇。 . 而英式早餐方面有吐司、炒蛋、香腸、培根、蕃茄豆、菇、蕃菇同薯仔，搭配十分豐富，麵包鬆軟好味。呢款澱粉質較高，所以飽肚感十足😆。 . 兩杯飲品不錯，特別想講值得試下單品豆，感覺會較香濃。整體來講除左價錢少貴，其他都很好，環境的確舒服好坐，食物質素亦高。 . ⭐️ 堂食用餐揀好餐點，先櫃枱點餐比錢既形式

服務方面，侍應似乎只識英文，可能做商務客多。 Welcome小食有芝士泡芙，油份重，所以幾香口。 點咗set lunch，前菜係鵝肝，好彩有類似酸甜梅醬同多士，如果唔係就太膩。 主菜點咗煎爐魚，好好食！魚皮煎到脆脆的，魚夠肥美。另外要讚嘅係配菜都好好味，椰菜甜、青口鮮，就連蘑菇都有雕花。 額外點埋法式月餅試吓，入面係雪葩，外皮係杏仁粉皮，其實性價比唔高，試完就算。

難得放假當然想嘆個靚靚下午茶，美獅美高梅推出左個下午茶甜品放題，逢週末下午3點到6點任食約20多款甜品，跟一杯咖啡或熱茶。剛好遇上飛天海豚🐬半空表演，現場小朋友亦睇到好興奮，跟住海豚跑來跑去！ . 法式甜品「夏」午茶 ($238/位) 虎紋黑糖珍珠鮮奶 ($38) . 由於擔心Full Booking，想提早訂位，可惜被告知無得預約，所以想試朋友記得要早少少去。當日兩點多左右可以提早入座，先點附送飲品，等到三點正再出去揀甜品。 . 放題甜品車放係入門口旁邊，甜品有蛋糕、馬卡龍、拿破崙、瑪德蓮、芝士蛋糕、泡芙、撻類、可麗露等，顏色色彩繽紛，未食睇見都心花怒放😍。雖然睇落多款，但其實兩邊一樣樣，諗好要邊款要幾件，有服務員幫你落單，之後等專人送過來就得，第一輪會詢問需唔需要放甜品3層架，想打卡影下相記得要啦😏！ . 基本上每款都試過，有點少失望是整體甜品一般，屬於正常食到不過不失的水準，部分的特別甜，而當中都有好評甜品，好似芒果同草莓蛋糕，印象度最高同回頭率最多實係「可麗露」「檸檬撻」兩款，可麗露外脆又香，大約食左十幾粒😆。計回本的話，一人食到十幾到二十件左右，飽到晚飯差啲食唔落，上個月有Mpay 75折優惠加持下相當抵食。宜家無優惠下，以平時酒店蛋糕計，呢個價錢算合理，是因環境非常高質。最後提番杯珍珠鮮奶值得叫來試，個人覺得比部分街外好飲。 _ ⭐️ 只限每週末下午3點至6點 ⭐️ 飛天海豚表演分別有下午1點、3點、5點和7點 ⭐️ 需加一服務費

之前見好多人分享呢間位於摩珀斯三樓「風雅廚」，主打做法國經典菜，本來想一試最有名威靈頓牛扒，可惜當日無曬，而另一款較出名海鮮拼盤亦僅剩一份，有興趣試既下次真係要提早預約定。剛落座未點餐，調酒師已經推住推車為客人調酒，介紹今期來自日本酒，會詢問想要果香味定香料味重啲，我揀左一款比較輕鬆少少既酒，唔會太烈，要左重果香味，所以特別多水果加落去。 . 是日餐點： 酥皮鴨肝肉批 ($178) 巴黎式牛肉他他 ($208) 特色海鮮拼盤 ($988) 巴黎澳門 ($98) 法式千層酥 ($88) 餐車調酒 ($78/杯) . 前菜牛肉他他，用生和牛肉搭配脆麵包，個人推薦呢道，牛肉唔會有腥味，比預期中味道更有驚喜。 . 第二道前菜係服務員特別推薦，聲稱澳門無咩邊間法菜有「酥皮鴨肝肉批」，話非常值得一試。聽完介紹幻想同現實差好遠，圖中好似記憶麵包既就係佢真身，酥皮香牛油味但偏乾，鴨肝肉札實，中間有部分位似骨膠原啫喱口感，唔可以講唔好食，但確實不是我杯茶😅。 . 最期待一定係海鮮拼盤，有生蠔、青口、鮑魚、龍蝦、蝦、北極貝等分開上下兩層擺盤，搭配左檸檬、醋汁、沙拉醬等幾款醬汁，另外有一碟元貝同細麵包。非常值得讚揚龍蝦同蝦已經剝好殼，唔洗搞到咁狠狽。海鮮方面，生蠔🦪對我來講腥左少少，青口蝦鮑魚貝類正正常常，龍蝦意外地特別有彈性鮮甜，整盤未到傳聞中驚艷，至少未到失望。 . 甜品千層酥內餡係雲呢拿味cream，唔會過甜，整體食後唔會太膩，適合唔喜歡死甜既人。另一款巴黎澳門，類似泡芙甜品，對我個人來說超級甜，亦難搵其他詞語形容😂 . 食物方面今次有點小失望，唔會話特別驚喜，如果慶祝活動可以考慮選擇呢間，服務好，環境又靚，調酒做得唔錯，最後仲有執朱古力做ending。 _ ⭐️ 需加一服務費

平時經過都唔發現有間餐廳，仲以為係博物館或者政府部門，全靠朋友推薦先食到好嘢。 一入到去充滿外國情懷，人客唔多，環境安靜，基本上都可以2個侍應服務1張枱，點咗3樣嘢都只係三百幾蚊落樓，抵！ 炸馬介休球：必點！即叫即炸，馬介休好多但唔鹹，香草調味啱啱好，最緊要係唔似出面扼遊客咁炸薯蓉。 鴨飯：另一個傳統菜，鴨肉絲好多，唔會騷。唔好睇好似好平好少，佢係舖到好實，所以基本上3個人先食得晒。 炒雜菜：食飯點都要有條菜，佢落蒜蓉炒，所以好香，清碟冇難道。

聽說這間特色露營⛺️cafe將要在今年12月31日結業了，尚未潮聖的餓鳥當然要來看看！ - 餓鳥覺得環境真的挺適合和朋友聊聊天裝裝B📸但食物質量方面可以更好，首先是朋友超期待的《花生醬牛肉堡》($68)外貌大為失望，原本期待條條有理的花生醬卻變成一撻的醜態，花生味亦不夠濃厚😞而《3點Some漢堡》($68)外貌嬌小可愛，分別會配上🥜醬、肉醬、🥑醬，但可惜那天沒有餓鳥愛的牛油果醬😔《朱古力味西多》($48)就普普通通，只是西多方塊加上朱古力醬、朱古力粉、M&M朱古力而且😳 - 飲品方面，熱薑樂就經常喝，沒想到《冷薑啡》（$37）還挺好喝挺配的，一絲絲嫩嫩的薑絲加上冷凍的咖啡，簡直是苦辣交融😋

最近聽說這間少時就經常去吃的素食餐廳將要”結業”了，所以決定和家人去吃一回去懷緬一下🥰這次點了一個《原生態野菌🍄套餐》($238)，令餓鳥念念不忘的「野菌焗禾蟲」還保留了以前的味道，把上層的素火腿肉和冬菇焗至脆身，再加上下層滑滑的蛋一起吃果然回味😋而「牛肝菌香芋煲」加入大量的菇菌類令香芋更滲入菌的香味，吃起來更野味😆不得不讚這個「露筍炒蟹柳」把菇菌、素肉、百合配搭西芹炒起來竟然把西芹的怪味道都消除了，再搭上脆脆的腰果更增添口感😚最後，「濕炒羅漢齋面」($33)就稍微失色了一點，面弄得不夠乾和脆，配料可以再豐富一點就好了😌

雖然係遊客必食推介，但因為疫情，都係本地人嚟食嘅多。 厚蛋治，蛋厚唔駛講，中間心半熟狀態，所以好滑，再加厚多士，女士食肯定夠飽。 粒粒花生多，好多人話好食，但除咗個面有威代餅碎之外，其實冇乜驚喜，只係將個花生醬厚多士碎上，所以試過就算。 咖啡，普通茶記咖啡，中規中矩。

去咗佢地搞嘅Traffic lights party，佢地嘅休班經理飲到醉晒突然開支香檳對住我地噴，成身濕晒，同佢理論點知佢郁手打人，之後亦唔肯道歉
佢俾員工㩒住，過左十分鐘之後佢仲想繼續打，不停大叫
經理都打人，個DJ仲話叫我地唔好追究，因為個經理識好多人，識黑社會喎
真係世界級
圖係我俾佢打到紅晒

餓鳥今年在國慶中秋雙節日子決定帶家人來這裡看着美景🏞飲茶，這裡的點心果然有驚喜，看到那麼特別的《流沙球》($38)當然要一試究竟，果然一咬下去，裡面的奶黃已經急不及待地流出來了，再加上脆口的煎堆外層簡直是另一種風味🤤而《榴蓮酥》($42)的酥皮軟脆和榴蓮餡亦很香滑，但如果減少左右的酥皮裝飾會更令酥皮和榴蓮餡平衡🤓餓鳥除了超愛吃流沙包和榴蓮酥，也很愛吃《叉燒包》($38)，這次試了酥皮式的，香酥的表皮加上肥瘦均勻的叉燒餡，吃起來非常滋味😋《潮州粉果》($33)亦皮餡適中😆 - 粥粉麵方面也很出色，普普通通的《肉丸粥》($52)和《肉絲麵》($128*0.8-Macau ID=102.4)亦不可看小啊！鹹鹹地而彈牙的肉丸配上清淡的粟米粥，像增加了調味一樣吃起來不會覺得淡而無味😏而肉絲麵的麵質不會過乾過濕，再配上辣味鮮味十足的《蘿蔔糕》($40)，味道變得更加香口啊！😚

這間日式拉麵🍜和大多數拉麵店一樣可以任你選擇自己喜歡的麵款、豚肉部位、湯底濃度、麵軟硬度、配菜等等，所以餓鳥就喜歡口感硬硬的拉麵和較沒有罪惡感的肩肉，當然，吃拉麵必加的流心溫泉蛋 ($12) 也是必須的啦😆這次就試了每天只供應30碗的《海老軒-大海風蝦湯豚骨拉麵》（$85），這款加入了蝦頭熬成的濃郁湯底再加上蟹黃醬球令到每吃一口拉麵🍜都吃到碎碎的蟹黃和蝦湯，簡直是蝦🦐和蟹🦀風味的對決🤣朋友就試了較刺激的《赤軒-辣味豚骨》($62) ，這款辣味醬球加入湯底裡真的辣到一個點，吃到人都熱臉都紅起來了🔥

路過發現做緊優惠，見幾岩數於是決左晚餐係佢啦，不到300蚊有一個晚市限定套餐，有原條池魚刺身同壽喜燒，唔夠飽既跟多個沙律同壽司夠豐富。 . 是日餐點 晚市限定套餐($299) 盛手握壽司 ($188) 芒果蟹子沙律 . 晚市套餐299有封面池魚刺身，加圖二壽喜燒，先講講池魚刺身，原條上有薄切厚切提供，比較適合配酸酸地個個汁，試過醬油或淨食個人會覺有少少腥味。而壽喜燒會跟多一個白飯同一隻蛋，店員先熱爐，將牛肉煮熟上碟，再倒入壽喜燒汁煮蔬菜，負責等食就好😆。牛肉方面覺得一般般，肉質比較鞋，其他蔬菜類還好。對於兩個人來講食完套餐未見飽，必須加點多份壽司同沙律，最鐘意呢到沙律夠大份，不過青瓜絲偏粗唔夠入味。

首先要改善嘅係訂坐服務，線上預約只可以預約3天內，微信群只能預約1星期之後....咁4-7天嘅只能walk-in？更何況3天內能預約嘅位少之有少，係想營造晚飯時間爆晒嘅景像？⋯⋯ 算，星期六walk-in 排咗45分鐘就有位，聽聞好好食，所以嚟試吓。 酸菜魚，第一口真係香，但之後就放慢，因為味精太多，一碗白飯再加凍飲先食得晒。 另外，雞亦都聽聞好出名，但食完就知CP值低，如果想試，喊個口號免費就算，神秘菜簡直是不值一提。 唯一讚嘅係白飯有米香，但呢度唔係免費。