Read full review
2016-07-08
2820 views
已經唔喺第一次去尼間食，因為佢喺屋企附近，喺我嘅午餐晚餐好去處，所已經喺常客之一，但因種種事情到宜家先寫尼篇食評。所以，利益申報下先，以下食評會略為偏向間餐廳，如果覺得太偏頗我都冇辦法，你去試下就個架啦。果日喺同屋企人一齊食，臨近三點去，算喺下午茶但星期日及假期佢地喺冇架(好似喺)，如果平日下午茶時段經過不妨入去試試，一定會體會到咩叫物超所值。入到鋪頭，燈光喺編暗，鋪頭唔大，但據聞老細打算喺灣仔開多間，時間就唔清楚，灣仔嘅朋友就尼有口福啦。每張鋪都有一塊抬布，仲已經細心地鋪左枱紙，以前喺黑白嘅，宜家喺彩色枱紙，唔知靚左幾多萬倍。枱紙仲印埋menu上去，尼個idea我幾like。果日總共叫左生牛河午餐set，春卷，扎肉河同埋兩個椰青兩杯嘢飲，唔洗十分鐘，啲嘢已經上齊曬。佢地每一碗河粉都會有一細碟嘅芽菜，辣椒粒同埋一細舊青檸(應該喺一開八)，非常窩心嘅服務，以防有啲人唔食得芽菜但落左，我就冇尼啲問題，全部落曬嘅，芽菜同辣椒粒全落，青檸就榨曬啲汁落去碗湯度。湯底十分清，鮮甜，但略為偏淡，個人唔喺好鍾意食太濃嘅嘢，所以尼碗湯啱啱好，我每次都食度一乾二淨，啲湯一滴不留。(温馨提示:如果有落辣椒粒
果日喺同屋企人一齊食，臨近三點去，算喺下午茶但星期日及假期佢地喺冇架(好似喺)，如果平日下午茶時段經過不妨入去試試，一定會體會到咩叫物超所值。入到鋪頭，燈光喺編暗，鋪頭唔大，但據聞老細打算喺灣仔開多間，時間就唔清楚，灣仔嘅朋友就尼有口福啦。每張鋪都有一塊抬布，仲已經細心地鋪左枱紙，以前喺黑白嘅，宜家喺彩色枱紙，唔知靚左幾多萬倍。枱紙仲印埋menu上去，尼個idea我幾like。果日總共叫左生牛河午餐set，春卷，扎肉河同埋兩個椰青兩杯嘢飲，唔洗十分鐘，啲嘢已經上齊曬。佢地每一碗河粉都會有一細碟嘅芽菜，辣椒粒同埋一細舊青檸(應該喺一開八)，非常窩心嘅服務，以防有啲人唔食得芽菜但落左，我就冇尼啲問題，全部落曬嘅，芽菜同辣椒粒全落，青檸就榨曬啲汁落去碗湯度。
湯底十分清，鮮甜，但略為偏淡，個人唔喺好鍾意食太濃嘅嘢，所以尼碗湯啱啱好，我每次都食度一乾二淨，啲湯一滴不留。
(温馨提示:如果有落辣椒粒，強烈建議飲湯之前將辣椒粒夾出尼，如果唔喺嘅話，(>﹏<))牛肉一啲都唔老，嫩滑，一咬即斷。
扎肉，彈牙，爽口，一個字，正。
每碗河粉仲有少量洋蔥，同埋香料，我對香料香草冇咩研究，我估應該喺九層塔掛，如有認錯，歡迎糾正。鍾意食牛肉嘅朋友絕對唔錯過佢地嘅牛肉飯。飯量適中，牛肉應該喺炒嘅，同埋啲洋蔥、辣椒一齊炒，仲有啲佢地自製嘅牛肉汁落埋一齊炒。又香又正，撈飯首選，佢地仲驚我地唔夠牛肉汁，仲有一細碗嘅牛肉汁比埋我地，撈埋一齊食，絕配。春卷即叫即做，熱辣辣，當然提供埋生菜比我地包啦，仲有啲類似九層塔物體比我地一齊包住尼食，仲有一個細碟仔比我地倒汁，服務認真體貼。春卷據聞仲要喺自己包嘅添，外脆內軟，餡料十分豐富，詳細有啲咩已經唔喺好記得，總之喺有紅蘿蔔絲仲有一埋蔬菜絲同肉餡,堅喺皮薄餡靚。淨叫一份春卷要43,抵食。
約嫌貴可以等六點後，有晚餐set，價錢會貴啲，40幾到50幾60，附送春卷或木瓜沙律，作為一個唔食木瓜但食得落佢地啲木瓜沙律就知道有幾正啦，仲要一啲都唔細份，第一次叫嘅人，相信十個有九個會比佢地嘅份量嚇親。個人對椰青麻麻，但佢地啲椰青一隻手都揸唔曬，入面啲椰汁超滿，飲完汁就緊喺食椰肉架啦，我就負責整比屋企人食嘅啫，睇住佢地食到一啲都冇留低，我嘅辛苦冇白廢嘅。如果佢地可以幫手整埋啲椰肉嘅話，咁服務即刻爆曬分，我會比六粒星。
凍飲要加5蚊先有一杯，凍奶茶同凍檸茶就不過不失啦。仲有青檸梳打同埋越南嘅滴滴咖啡飲添，雖然好似要加唔肯定8蚊定10蚊，宜家好似仲有埋啤酒飲。
仲有佢地喺自助餐枱，即喺每張枱有個櫃桶裝住曬啲筷子，匙羹，叉，紙巾同埋牙籤。喺鋪頭叫外賣，等外賣果陣佢地仲會比杯茶或水比我地飲，服務真喺好到世界級，隨左間鋪細左啲之外都唔知有咩好挑剔啦。
總括而言，西營盤超抵食越南餐廳，經過不妨一試，大眾化嘅價錢，飛去越南嘅味覺體驗。
Soo Viet 牛肉飯
$48
66 views
0 likes
0 comments
Soo Viet 春卷
$43
91 views
0 likes
0 comments
椰青
$32
57 views
0 likes
0 comments
扎肉河
$38
77 views
0 likes
0 comments
Post
