炳記茶檔

Open Now

Now Closed

其實依間炳記經常食係因為男朋友住銅鑼灣，但成日係銅鑼灣食到悶（太多選擇都係問題🤣🤦🏻‍♂️）所以佢就成日同我黎大坑依邊食野，一係順興一係炳記。依度既豬扒係出色既，唔係就咁煎乾爭爭乜味都無。雞翼既「老」水亦都唔會過咸仲甜甜地。最中意佢地會有好多生菜比你，岩晒我地平時少食菜既人。另外佢地既多士亦都ok架。奶茶係必叫既、茶香係可以令你唔使加糖都覺得好飲。依d地方實在係買少見少，難得係大坑依度靜靜地坐係依d茶檔度食野係幾咁難得。