森美餐廳

Open Now

Now Closed

幫襯呢間其實都有十次以上, 但感覺係一次比一次差, 最後呢次足令我以後唔會再幫襯. 首先檯布非常污糟(見圖, 黑色一撻撻), 幫手落order 既侍應(帶眼鏡, 著侍應衫女人)黑面, 唔講清楚有咩西湯選擇, 一口就話兩個羅宋湯(到見到隔離檯先知當日有白湯提供)同埋落order 已講明轉蒜蓉汁, 但來到照係黑椒汁. 食物方面, 羅宋湯淡而無味, T 骨牛扒order 五成變十成, 提供切牛扒既刀鈍到切手指都唔會損. 本人及友人於做冬前一日去幫襯, 被安排坐咗好逼位置, 我哋明白多人所以無介意, 但侍應每次行過都不小心踢到我張凳, 非常騷擾. 希望各位打算去呢間餐聽食野既朋友慎重考慮!!!