Video
Read full review
2017-05-09
1052 views
今天同成班FD一齊黎食，梗係叫多幾樣野啦。由上到下分別係：芝士炸雞，鰻魚拌飯，炸蝦餅及墨魚餅，部隊鍋，生菜包，辣醬炸雞，辣炒年糕。提起韓國食物，炸雞相信係近年最多人趨之若鶩既食品之一。我地點左兩款味道，先講雞。雞件既肉非常滑，無雪藏味。而炸皮十分脆，而且唔似得某知名炸雞快餐店咁，一搣就成塊甩出黎。辣醬雞惹味，正常韓色辣醬味道；而芝士雞則有驚喜，芝士有拉絲效果，食起上黎亦唔會掩蓋左主角＞雞既味道。不過友人略嫌芝士不足，呢一點就睇大家口味而定，哈哈。鰻魚拌飯：鰻魚肉尚算肥美多汁，其餘部分正正常常，無咩好講。炸蝦餅及墨魚餅：呢一道菜我最喜歡，先講炸皮，薄得黎係完全cover到?蝦滑／墨魚滑，而即使係即叫即炸，亦唔會出現勁多油既情況，非常抵讚。此外，份量亦都十分巨大。坊間通常係薄薄一塊，細細舊咁，而呢度係成個拳頭咁大，可想而知蝦滑／墨魚滑係幾咁充實。蝦滑十分鮮味，夠彈牙；而墨魚滑更係出乎我意料之外，果種新鮮既程度真係令我猶如置身於海洋中。墨魚滑係我必定encore既菜式之一。部隊鍋：湯底味道十分濃郁，由於入面有蝦滑，對蝦敏感既朋友就要注意了。呢個鍋最正既地方係面頭既一層芝士，只要你將筷子插到底
由上到下分別係：芝士炸雞，鰻魚拌飯，炸蝦餅及墨魚餅，部隊鍋，生菜包，辣醬炸雞，辣炒年糕。
提起韓國食物，炸雞相信係近年最多人趨之若鶩既食品之一。我地點左兩款味道，先講雞。雞件既肉非常滑，無雪藏味。而炸皮十分脆，而且唔似得某知名炸雞快餐店咁，一搣就成塊甩出黎。辣醬雞惹味，正常韓色辣醬味道；而芝士雞則有驚喜，芝士有拉絲效果，食起上黎亦唔會掩蓋左主角＞雞既味道。不過友人略嫌芝士不足，呢一點就睇大家口味而定，哈哈。
鰻魚拌飯：鰻魚肉尚算肥美多汁，其餘部分正正常常，無咩好講。
炸蝦餅及墨魚餅：呢一道菜我最喜歡，先講炸皮，薄得黎係完全cover到?蝦滑／墨魚滑，而即使係即叫即炸，亦唔會出現勁多油既情況，非常抵讚。此外，份量亦都十分巨大。坊間通常係薄薄一塊，細細舊咁，而呢度係成個拳頭咁大，可想而知蝦滑／墨魚滑係幾咁充實。
蝦滑十分鮮味，夠彈牙；而墨魚滑更係出乎我意料之外，果種新鮮既程度真係令我猶如置身於海洋中。墨魚滑係我必定encore既菜式之一。
部隊鍋：湯底味道十分濃郁，由於入面有蝦滑，對蝦敏感既朋友就要注意了。呢個鍋最正既地方係面頭既一層芝士，只要你將筷子插到底，將最下面既麵夾上黎，令?麵掛上芝士，你就等於食到呢個鍋最正既部分。
生菜包：呢一個好難評，佢係好好食，辣得黎令你仍然食到香料既味道。肉碎仍有保留肉汁，唔會乾潧潧食擦膠碎咁。
辣炒年糕：呢一道菜某程度上係同辣醬炸雞同出一轍，味道近似，值得一提既係年糕夠煙韌。
Post
