韓一窩 (Moved) New Location

幾次經過都食唔到，因為時間唔啱，今日老公就提議去呢一度食午餐。店內一啲韓國的味道都冇，但係餐牌就有好多韓式的食物，最特別係夜晚有一個私房菜的餐牌。餐牌好舊，款式一般多，點咗泡菜海鮮拉麵。個拉麵煮得唔夠爽身，好似煮得有啲過咗火，麵又唔夠散，個湯底唔辣，海鮮就有少量的金菇、蜆和蝦，蜆和蝦的味道都不過不失啦! 不過我覺得個湯底唔辣的原因係因為加咗蕃茄，就咁樣中和咗佢辣味。另外杯檸茶都有驚喜，冇加糖都唔會苦。本以為食呢一個之後都會好口渴，但係奇怪的竟然冇喎!

西灣河韓國餐廳唔多, 呢間韓一窩位於小街, 店很少, 得幾張枱, 之前幾次經過都見有人等位所以食唔到😅今次碰啱Lunch經過唔見有人等位, 所以可以入去一試😋店員睇黎似係一家人同埋係韓國人, Lunch Set價錢唔貴, 味道都好好, 下次一定會再黎👍湯好足料芝士味濃, 一點都唔膩海鮮飯好味

朋友中意食韓國野，搵左間近大家既小店食。呢間餐廳好細，得2行位，去到要等15分鐘先有位，但店員招呼得十分周到😍😳⭕️豚肉辣炒年糕唔會好辣，豚肉少許肥份量足，年糕十分煙un👏🏻👏🏻 ⭕️海鮮窩連飯海鮮料好足，有蝦花甲蜆等等，湯十分清甜！豆腐亦有好多件，吸哂湯汁，撈飯一流！ ⭕️芝士炸雞半份將海量芝士醬淋係炸雞上，十分有誠意！亦係即叫即整，夠哂熱辣辣！

發現咗呢間餐廳一段時間，終於同朋友去試一試，見其他食評都講餐廳唔大同埋都要等位，所以嗰日都成8點先去到，見坐咗兩三枱客人，入面大約得20個位餐牌好簡單，入面所講嘅拉麵其實係辛辣麵，好彩有問下人之後我叫咗一個海鮮泡菜飯，好足料同埋豚肉拌飯，唔夠熱同油咗啲，但好多料，抵食呢個芝士炸雞不得了，好好好多芝士，但就要等耐啲啲飯食哂先到，好夠熱，可惜啲係得雞翼同雞槌，如果係雞胸嘅話我諗會仲正呢間嘢整體嚟講係經濟抵食，但選擇唔多。

今天同成班FD一齊黎食，梗係叫多幾樣野啦。由上到下分別係：芝士炸雞，鰻魚拌飯，炸蝦餅及墨魚餅，部隊鍋，生菜包，辣醬炸雞，辣炒年糕。提起韓國食物，炸雞相信係近年最多人趨之若鶩既食品之一。我地點左兩款味道，先講雞。雞件既肉非常滑，無雪藏味。而炸皮十分脆，而且唔似得某知名炸雞快餐店咁，一搣就成塊甩出黎。辣醬雞惹味，正常韓色辣醬味道；而芝士雞則有驚喜，芝士有拉絲效果，食起上黎亦唔會掩蓋左主角＞雞既味道。不過友人略嫌芝士不足，呢一點就睇大家口味而定，哈哈。鰻魚拌飯：鰻魚肉尚算肥美多汁，其餘部分正正常常，無咩好講。炸蝦餅及墨魚餅：呢一道菜我最喜歡，先講炸皮，薄得黎係完全cover到?蝦滑／墨魚滑，而即使係即叫即炸，亦唔會出現勁多油既情況，非常抵讚。此外，份量亦都十分巨大。坊間通常係薄薄一塊，細細舊咁，而呢度係成個拳頭咁大，可想而知蝦滑／墨魚滑係幾咁充實。蝦滑十分鮮味，夠彈牙；而墨魚滑更係出乎我意料之外，果種新鮮既程度真係令我猶如置身於海洋中。墨魚滑係我必定encore既菜式之一。部隊鍋：湯底味道十分濃郁，由於入面有蝦滑，對蝦敏感既朋友就要注意了。呢個鍋最正既地方係面頭既一層芝士，只要你將筷子插到底

2老終於去試食這間韓式小店，坐位只有十多個，迫迫的要小心坐下，否則就會撞到隔離枱人客，我們叫了半份原味炸雞(原來不是雞件，而是雞槌和中翼)，本人覺得雞件會好d，因為熱辣辣食雞件會方便很多！另外叫了牛肉伴飯(唔夠熱和味道淡淡的)，紫菜包飯(第一次食用午餐肉面餡料的紫菜包飯。

在筲箕灣街一角， 有一間小舖， 一到7點就出現一堆人站在門口等位， 究竟食咩咁多人排🤔為了探查佢是否咁值得排隊， 我同朋友6點鐘就去食😏一入門口， 就知到鋪面有幾細， 只放得5至6張枱， 坐不下30人， 所以真的一位難求， 我地咁早去， 都只剩兩張枱， 大部份枱都坐滿人， 最後我地被安排坐在近牆出餸的位置位置很細， 連我身形纖瘦的朋友都難以轉身， 梗何況我尼個車呔人呢！😆張枱的大小是一張學生枱大些， 我地都唔咁一次叫哂d食野， 驚無位放😅我地最後叫左木瓜絲沙律、 芝士雞中翼同泡菜海鮮鍋連飯木瓜絲沙律： 木瓜絲切得粗幼適中， 醃得爽口， 第一、二口酸辣適中， 不過越近碟有汁的沙律就越酸辣， 幸好除了木瓜絲還有蕃茄可以解辣， 食完真的開胃了😆芝士雞中翼: 超正， 雞中翼被厚厚的芝士重重包圍， 雖然我不是芝士控， 我都拉芝士拉到手軟😁咁都未算正， 好戲還在後頭， 一口咬落雞翼， （小心燙傷嘴呀！😏）， 真的真的皮脆肉嫰， 咬開皮後， 一陣陣熱氣升上來， 皮與肉中間還有肉汁流出， 好食呀！😋😋泡菜海鮮鍋加飯:開頭以為會好辣， 不過有泡菜味但唔辣， 湯還很鮮甜， 海鮮種類都有多種:蝦、蛤、魚丸

今日，我呢個住喺新界北區嘅小吃貨要遠赴西灣河參觀香港電影資料館，難得出省而且為左要慰勞一下自己呢次嘅遠征，當然要食番啲好西啦，哇咔咔 (* ¯ ︶ ¯ *) 經過我嘅一輪資料收集後，發現呢間「韓一窩」標榜所煮嘅料理都係唔會落味精嘅，令一向麻麻地鍾意韓式料理嘅我都心思思想試吓，唔知味道會係點嘅呢～出左地鐵站後，我就向住「韓一窩」出發喇！雖然小店嘅位置有啲唔顯眼，我都行過左龍少少，不過其實離地鐵站好近，好快就會行到。本來諗住時間先係十二點幾，而且今日係星期六，香港人應該冇咁早食午餐嘅，所以小店裏應該唔會有太多人用餐。點知原來我係錯哂架，嗚嗚！到達小店時，一眼望去，估唔到幾乎係滿座啊，而且座位其實係好逼的，好好彩仲有一張小枱仔剩，我當然即刻九秒九入去坐低啦！小店嘅料理選擇雖然係唔多，不過價錢幾平民，所以睇餐牌時我有好多款都想試啊～ 最後，我揀左泡菜海鮮湯飯同埋炸蝦餅黎試試。泡菜海鮮湯飯 ( $55 )首先上枱嘅係泡菜海鮮湯飯。小店嘅細心真係值得欣賞，海鮮湯同飯係分開上架，所以唔會令到啲飯喺食客進食時長時間吸收海鮮湯而影響口感。白飯上鋪滿了紫菜，感覺好好，我應該唔需要餸都可以清左呢碗白飯呢，哈

之前係某飲食雜誌見到，西灣河開左開小店，標榜係少味精既家常韓國料理，一直都想試下，上次同細佬黎，原來星期四唔開，今次一於同姐妹慶祝Happy Friday~～他開小店都幾隱世，有少少難搵，去到見到個好得意既招牌，似係小朋友寫既字，店舖裝修都幾溫馨～坐低望一望Menu，食物種類雖然唔算多，但價格都幾平民化，我地三個order左一碟紫菜包飯，一碗牛肉拌飯同一份芝士炸雞紫菜包飯入面有午餐肉同芝士，兩種味道好夾，芝士好香，午餐肉入口即溶，我地話快食哂成碟牛肉拌飯既賣相同出面賣既無乜分別，但無咁濃味，反而一種清新的感覺，有家的味道芝士炸雞一份有6件，3件雞除3件雞翼，同好多芝士!!!每拎起一件雞都有拉芝的視覺效果，好正，d雞亦炸得相當唔錯，內軟外脆，仲好juicy添唔知係咪食得太多芝士，我地三碟竟然夠哂數，每人埋單都係70蚊左右，真係大件夾抵食，唔怪之得我地8點幾走果時，店外仲排哂長龍啦～～

聖誕同朋友出街Hea 食，又唔想同人迫，於是決定試下呢間小店本來以為係韓國人主理，但坐低後發現好像不是，冇所謂啦，大家指在hea食，順便撐下小店。餐牌上冇乜菜類，只有青木瓜沙律同生菜包，所以我地揀左個泰式生菜包，味道不錯，價錢合理拌飯冇熱窩上，辣醬亦不辣，但收得你幾十蚊，俾足料你算係咁芝士炸雞不會太漏，可惜不是全雞斬件，只是雞全翼2隻斬開變四件，然而幾十蚊四件過下口引也不錯支持小店，有空會再幫襯

Been here a few times already, their Kimchi & Seafood rice in soup always calls me back. The seafood they use is so fresh and tasty, yet for such a low cost! Also love the whole crew working here, they are always very inviting and polite! Totally recommend this place!

常有人龍，店內只有8張小小2人檯，星期六7點，只剩2張吉檯，我與朋友坐下不消幾分鐘就滿座了。我點了鰻魚窩飯。原來鰻魚只有小小四五塊，有點不似預期，東菇片出奇好味，有預先調味，豆芽丶青瓜絲丶胡蘿蔔絲好新鮮，水份夠，所以與韓式辣辣醬混和後，彼此平衡，辛辣之餘，多了一份清新健康感，加上煎旦一隻，滿是韓式家庭菜式feel.朋友叫了海鮮湯飯，我忍吾住搶食。足料，花甲厚肉丶大隻丶鮮甜，蝦也算大，肉質彈牙爽口，湯底微辣暖身吾嗆喉，白飯另上，好滿意。仲叫了半份芝士炸雞，有2隻雞全亦，軟開做4件。雞件好大隻，鹽酥雞味，外表脆皮林了，所以感覺油膩，雞肉本身都juicy嫩滑，上面芝士很多鋪滿雞件，可惜芝士自己凝固，沒有痴上雞身，可能雞皮大多油不上芝士，芝士本身有拉芝效果，卻沒有芝士味。若雞件可以炸得乾透D，會減油膩感，芝士若能混上cheddar cheese 便有拉芝效果之餘，仲有芝士味，又或在上面灑芝士粉才上碟也可。街方小店誠意搭夠。

成為左我既飯堂 價錢合理又好味 平日晚上仲唔洗等位添因為我同我朋友相對大食 叫左一個泡菜海鮮湯飯 一個牛肉拌飯 一個小食拼盤。蝦餅同墨魚餅真心超贊 超熱又脆又彈牙 上次食左芝士炸雞 今次食到辣醬炸雞 都一樣咁好味 希望呢間小店會不斷進步啦😬😬😬

常常經過這間餐廳見有人等位的，我們都不會排隊，今天可能時間尚早，看見沒有人排隊因入內吃午餐，進店發現原來鋪頭是很細的。我們叫了一個是牛肉拌飯，另一個是豬肉拌飯。兩個飯都是很多配菜及飯，但肉類偏少，以$39價錢在區內來說不便宜，因飲品另外要加＄8，個人認為可以多些肉而價錢高一點，感覺會滿足些。或可給客人加錢多一配料。但服務算不錯，因同行小朋友吃飯吃得很慢，他們都沒有趕我們，反而是我們趕時間要走的。因此，我們下次會再試試其他食物的。

今日打電話去問佢今日開唔開門因為上次去左冇開門一間小小既店唔係大但好多人等入去其實都只係6點當然最重要都係野食我今大個人真係唔知什麼叫部隊拉麵叫下先原來係好多午餐肉腸仔芝士tomato 好正好家庭feel 個tomato湯好正牛肉飯就普通但可接受年糕好似食緊腸粉咁都唔錯炸雞就最好食好食過KFC一定