Read full review
2018-02-23
5741 views
八幡屋涮涮鍋主角係打邊爐,淨係湯底嘅選擇就已經有8種,有辣有唔辣,所有人都啱食。🎊小妹自己就揀咗升級海鮮蒸氣鍋,有海鮮湯底, 味道甜中帶鮮, 蒸氣鍋有兩層,有蜆肉扇貝生蠔,配上冬瓜作親,鮮甜得嚟有咬口;海鮮肉質肥美,蒸氣火鍋原隻生蒸,保存番海鮮本身嘅原汁原味,再點上自己調配嘅醬料,味道滿分,小妹就鍾意蒜味同辣椒,加落海鮮度惹味得黎又提升到海鮮嘅鮮味。👍🏻淨係唔同類別嘅點餐紙都已經有十幾張,另外我仲升級咗牛肉, 一般普通唔加錢嘅雪花肥牛質素都可以,但升級咗嘅牛肉肉質更靚,入口完全唔肥膩,好重牛味。👍🏻👍🏻自助區域嘅配菜簡直係琳瑯滿目,淨係丸類都已經有十幾種,綠色蔬菜都有五六種,金菇,冬菇,腐竹,山根就基本嘢,有心思嘅係醬料區,芫茜,蒜蓉,辣椒,辣油樣樣有。 唯一美中不足嘅係,指天椒辣度略嫌不足,其他都唔錯。🙌🏻除咗打邊爐配料之外,仲有刺身,壽司,串燒,一次滿足曬所有嘅願望。🤤一家人去食如果有人怕熱氣,甚至可以選擇咖哩飯,咖哩味道唔太辣,椰汁味重甜品方面就有四種雪糕可以揀,驚喜嘅係竟然有童年回憶嘅朱古力雪條,另外就係我覺得其他放題唔多會有嘅就係沙冰,果香味好清新,一路打邊爐一路食沙冰除咗視
小妹自己就揀咗升級海鮮蒸氣鍋,有海鮮湯底, 味道甜中帶鮮, 蒸氣鍋有兩層,有蜆肉扇貝生蠔,配上冬瓜作親,鮮甜得嚟有咬口;海鮮肉質肥美,蒸氣火鍋原隻生蒸,保存番海鮮本身嘅原汁原味,再點上自己調配嘅醬料,味道滿分,小妹就鍾意蒜味同辣椒,加落海鮮度惹味得黎又提升到海鮮嘅鮮味。👍🏻
淨係唔同類別嘅點餐紙都已經有十幾張,另外我仲升級咗牛肉, 一般普通唔加錢嘅雪花肥牛質素都可以,但升級咗嘅牛肉肉質更靚,入口完全唔肥膩,好重牛味。👍🏻👍🏻
自助區域嘅配菜簡直係琳瑯滿目,淨係丸類都已經有十幾種,綠色蔬菜都有五六種,金菇,冬菇,腐竹,山根就基本嘢,有心思嘅係醬料區,芫茜,蒜蓉,辣椒,辣油樣樣有。 唯一美中不足嘅係,指天椒辣度略嫌不足,其他都唔錯。🙌🏻
除咗打邊爐配料之外,仲有刺身,壽司,串燒,一次滿足曬所有嘅願望。🤤
一家人去食如果有人怕熱氣,甚至可以選擇咖哩飯,咖哩味道唔太辣,椰汁味重甜品方面就有四種雪糕可以揀,驚喜嘅係竟然有童年回憶嘅朱古力雪條,另外就係我覺得其他放題唔多會有嘅就係沙冰,果香味好清新,一路打邊爐一路食沙冰除咗視覺效果一流,打卡滿分之外,仲有嗰種冰火兩重天嘅清爽感覺。沙冰唔岩,仲有甘蔗汁!真係熱氣拜拜😆😆😆😆
值得一提嘅係環境上面都幾有格調,頗有日式文化風情,係呢種環境下面最埋一齊食蒸氣海鮮,都係一個幾美好嘅回憶。❤️
Post